علميني ي دنياي وش ذنبي

Part 20

انتهوا من الغناء والبنات يصفقون لهم
عساف : ماشاءالله سعد بحت صوتوه حلوه
فارس : اغلب طلعاتنا ماتخلى من صوته
سند : واذا ضاقت بنا خليناه يغني شي يوصف الحال
نياف : ماتنلامون لونوه خويي مافكيتوه اربع وعشرين ساعه خليتوه يغني لي
سعد ضحك : احرجتن يرجال
العيال بصوت واحد : اووووه
عساف : مسكت معوه الهجه
سعد : شرايك بس هههه
قعدوا الشياب وجتمعوا بالمزرعه برا حريم ورجال لاكن مسافه بينهم بحيث ياخذون راحتهم
قال ابو فارس لـ فارس : وين طارق ماجا معنا ولا جا للحين
فارس : مدري عنه
ابو فارس : اتصل شفه
فارس فاهم قصد ابوه : مالي دخل به يبه
ابو فارس : اخوكك
فارس غمز لـ ابوه بمعنى خلاص مالي دخل لاتضغط علي لاكن ابوه لاحياة لمن تنادي مافيه فايدهه كمل وهو يقول : اتصل علييه
تنهد فارس وهو مايبي يتصل قرر يتركه وبكيفه خلاص بعد دقايق رد طارق وهو يقول : خيرر
فارس بهمس عشان محد بسمعه : وينك ابوي يبيك!
طارق : ماني جاي
فارس : طقاق لاتجي بس وينك يبي يعرف
طارق : صايع داج ضايع ماحد له دخل بي وين اروح .. وقفل
تنهد فارس وهو يقول لـ ابوه : مع اخوياه ومايبي يجي مشغول
نياف من باب السوالف قال للعيال : كم اعماركم؟
فارس : 27
سعد : انا 28
عساف : 27
سند : ماشاءالله عساف ملامحك حاده مو موضح عمرك 27
عساف ضحك : ليه كم تعطين
سند : يعني 30 كذا هههههه
عساف : وين كبرتن يرجل هههه انت كم
سند : 28
عساف : الصدز شكلك على عمرك كنت ابي اذب بس سحبت بريك هههه
سعد : وانت نياف كم
نياف : 25
عساف بضحك : وغد تووه اخوي ههههه
نياف : عسااافوهه
فارس: وهو صادق والحين الي يبي اي شي يطلب نياف مو اصغر القوم خادمهم؟ هههههه
نياف مسك الكاسه وسوا حاله بيقطها : خلووه ينثبر لاقوم عليه
سعد : اهجدد اقول لاتتهور بها سجن يالضابط
نياف : المشكله اني ضابط باتسر لاذبحتوه بيحتسون الناس نياف ذيح ولد عموه وهو ضابط مايعرف ان بالديره بوه قانون وحتسي يغث
فارس بطقطقه : لاذبحتني بكتب بالوصيه نياف حسين ال* مسؤول عن طارق ال* لين ياخذ الله امانته
عساف سحب الكاسه من اخوه : الحين انت انثبر حنا نتركوه معك دقيقه تقوم القيامه فكن شركم
الكل ضحك
،
عند البنات
ميلاف : بقوم اضبط لكم شاهي حبق وانتن ضبطن القعده نلعب شده
ريم : لا ماحب الشاهي
ميلاف : ماش جوتس خايس اذا الشاهي ماتحبينوه
هيام : سوي ماعليك الي يحب الشاهي يشربه
قامت تسوي الشاهي والبنات يضبطون القعده على الرمل ودقايق الا جت ميلاف وهي تقول : شغلوا خلودي بساااع
ريم : ياطفله مانبييي! حطوا اصولتي
وبعد عناء بين عناد ميلاف واصرار ريم حطوا خالد عبدالرحمن على جيت كادي وخوله الي جلسن معهن بدون مايلعبن يتفرجن لا غير
وبدوا يلعبن البنات وضحكاتهن ماليه المكان
،
نرجع للعيال
سند : قوموا نركب الخيل؟
استاذنوا من الكبار وقاموا وكان سهم واصيل من نصيب
سهم ~ سند
اصيل ~ سعد
نياف : غشش ماخذن انت وهو سهم واصيل وقاطن على ذيلاا
فارس : معوض معوض ههههه
نياف : وعساف وين دوا ذا بعد "وين راح"
عساف جا : ذا انا
نياف : يلا
صفوا بجنب بعضهم وماهي دقايق الا بدا السباق وكان المناسفه مابين عساف وسند اما الباقي فا كانوا ورا
سند ربت على سهم : يلااا
وبدا سهم يسرع لحد ماتعدا عساف واول ماعرف سند انه فايز فايز رفع يدينه وسهم مسرع والهوا يداعب وجهه وسند ضحكته ماليه المكان
وباقي العيال مابنيهم المنافسه
البنات وقفوا لعب على صوت الخيل وتلثمن بالشيله ووقفوا يشوفون وكل وحده عينها على الي لفت انتباها
كادي بغرور : اكيد عسافي بيفوز
ميلاف وهي تتأمل الي راكب سهم وواضح خيال قالت بضحكه : لا الي راكب سهم واثقه من سهم ماراح يخذلوه
كادي عطتها نضره : لاتحلمين واجد
فجأة صرخت ريم وهيام بـ "فااااازز سندد تعداهم"
ميلاف بفرحه انه فاز : تون وش احتسي بوه؟ قلت لكن يفوز مافطنتن لوه يعرف للخيل
هيام : سند كان يشارك مسابقات قبل فا يعرف للخيل مررره
ميلاف : شفتوا خلنكن فطينااات مثلي
كادي همست لـ خوله : فشلللنن عساافووه ذاا انا اوريتس بوه .. جت بتروح للرجال تنادي عساف وقالت لها لينا : لاتروحيين يموه! عساف مايجب نروح لوه واخوياه معوه
كادي من غير لاتناضرها : اعرف زوجي! . ومشت
لينا بصدمه : مالها ثلاث ايام معوه وتقول تعرفوه؟
خوله : تعاني هههه
البنات انصدموا حتى كادي خويتها ماسلمت منها!
ريم بهمس : ميلافوه
ميلاف بمثل الهمس : هاا ريموه
ريم : مع احترامي لاكن بنت عمك تعااااني وجداااً
ميلاف : سبيّه عادي تستاهل السب ابو هالووجه الوغد غثتتتتن احس ودي افرك خشّـته بالقاع يعع
ريم ضحكت : ياخيي بعيد عن كل شي يزيين لهجك
ميلاف ضحكت : خليتين استحي وتضيع علومي ههههه
ضحكت ريم ولفوا يتأملون لعب العيال
اما كادي الي راحت عند الرجال ونادت عساف
عساف اول ماشافها تناديه تنررفز راح يمها وقال : وش نوحتتس جايتن بهاه!
كادي : ليييه خسرت!
عساف بصدمه : بوه شين عقلتس ؟ مناديتن من بين هالرجال قلت عندتس شين اخرتوه تسذا؟
كادي : كنت اباهي بك قدامممهن
عساف تنهد : كاديي! يعني محد قالتس اني ماحب احد يجيني من اهلي قدام اخويايي
كادي بنذاله : لا محدً قال
عساف : طيب ماصار شي روحي الحين
كادي : ليه انت جاذ بزياده؟ يعني انا مرتك للحين ماقلت لي ولا كلمه زينه؟
عساف : يابنت الناس انا وش حتسيت؟ انتي جايتن تبين نتهاوش؟ الرجال ينتضرن ومستعجلل
كادي مثلت الزعل ومشت وعساف يناضرها بصدمه : بسم الله وش انا قايل!
،
بعد صلاة العشاء
ريم وهي ترسل لـ هيام : هيامي
هيام : هلا
ريم : افكر بشي له يومين ببالي
هيام : وايش هالشي؟
ريم : ودي نخطب سُلاف لـ سعد شرايك
هيام : تكفين مثل تفكيري
ريم : شرايك اجل قبل نمشي ونعطيهم وقتهم يفكرون
هيام : لحضه لحضه خلينا نقول لـ سعد وخالتي ونشوف رايهم اول
ريم : برسل لـ سعد يجي ونقول له هو وخالتي
هيام : يلا
وبكذا ارسلت ريم لـ اخوها وهيام لـ ام سند وطلعوا بشويش بدون محد يحس
سعد جاهم : اوه السالفه كايده دام جايبين بدون ماتبون احد يحس
ام سند : تكلموا يبنات وش عندكن جايبينا كذا
هيام : اقترحت ريم اقتراح والصراحه انا اوافقها الراي وياااحضنا اذا صار الي ببالي
سعد : ووش الي ببالكن؟
ريم : شرايكم بـ عايلة حسين!
سعد وام سند : ونعم بهم
هيام : وش رايكم بالي يناسبهم!
سعد بضحكه : تبين نخطب لك واحد من عيالهم ؟
هيام تقلب وجهها الوان وقالت بخجل وصدمه : لاا نبي نخطب بنتهم لك!
سعد انصدم وضل يناضر بهن بصدمه
ريم : شرايكمم والله يحضناا لو كانت سُلاف من نصيبك ي سعد
ام سند : والله والنعم بها ادب واحترام واخلاق وجمال كامله والكامل الله واهلها تعرفهم ي سعد
سعد بهدوء : وش جاب لكن السالفه اساساً وش خلاها تخطر ببالكن
ريم : والله انا من شفتهم اول مرا وودي تصير ن نصيبك هالبنت
سعد عحبته السالفه وهو مقرر يتزوج اصلاً : افكر
ريم : قرر قبل نمشي عشان نخطبها لك
سعد : طيب
وراح ودخلوا البنات وام سند للحريم
،
نترك الشمال ونروح للعاصمه
عند ثنين يخططوون
عايد : ايي طيببب وانا وش اقول اطلب من سند ذا يعطيك خلنا نفلها يخبل
عواد : يااغبييي اذا جا اطلبببه!
عايد : وش الي اذا جا هو متونس ومسافر خلنا نفلها حنا بعد هنت
عواد : اوووه طيبب طيبب بشوف اتصل عليه
اتصل عواد على سند وماهي ثواني الا وصله صوت سند
سند : ياهلا
عواد : هلا فيك اخبارك!
سند : الحمدلله وانت
عواد : بخير والله يسند منحرج مدري وش اقول بس محتاج منك شي
سند وهو فاهم قصده بس سوا حاله مافهم : وش تامر به؟
عواد ابتسم : فلوس
سند الي كان صارف نص راتبه بالسفره ذي والباقي لازم يخليه للاحتياط لابغوا شي وهم بحايل او باقي الشهر بالرياض : والله يعواد انت تامر لاكن مامعي والله غير الي يمشي الحال للراتب
عواد تنرفز : خلاص انا غلطان يومني اتصلت عليك مع السلامه . وقفل ولف على عايد : قلت لك لو انتضرت شف تعذر يقول مامعه
عايد بصدمه : ستاررر دكتورر وفلوس وبيت وخدم وحشم ومامعه لو مية ريال نصاب
عواد : ايي مايبي يعطي
،
عند حنين طلعت للبقاله الي قريب من بيت اخوها وبدت تشتري ولفت بخرعه على الي كان وراها ويقول وكانه يكلم خويه :قمر عيونك تسحر من كبرها الله لايضرك
حنين ابعدت بسرعه وهي تلف مع الجهه الثانيه للرف وكانها ماتشوفهم! وهي بالواقع الخوف ذاابحها
واول ماجوها الشباب من الجهه الثانيه وكانوا بيطلبونها سنابها الا وتحس بشخص يسحبها ويحطها ورا ضهره ويقول بحده للشباب : نعمم!!
واحد منهم ذل : هاه ولا شي كنا نشتري وش تبي انت؟
بلمح البصر مسكه من يده وهو يلويها له : ان جيت يم بنات الناس ورا ثانيه اجنيي علييك تفهمم!
الولد بألمر: اه اوجعتني فك يدي ماني جاي احد مرا ثانيه بطلع من هنا
دفه وقال : انقلع لا ترا اقامتك الي مخليتك تسوي حالك مننا بشكوه مني انهيها لككك
الرجال : لا لا لا خلاص بنطلع
طلعوا ولف على حنين وقال بحنيه : اهدي راحوا
لارد من حنين
كمل كلامه وهو مبعد نضره عنها : ماهم سعوديين هالكلاب وادبتهم لك بس انتبهي تطلعين لحالك مرا ثانيه
حنين بصدمه : لهجتهم سعوديه!
ابتسم من عدم تركيزها بهم : لا كذابين يقلدون بس والحين روحي بيتكم اهلك ينتضرونك
من باب الفضول رفعت نضرها له وشهقت بصدمه انه اديب الي يعرفه اخوها
اديب اول ماشهقت عبالع فيها شي ناضر له بخوف : فييك شي؟
حنين هزت راسها بـ لا
وأديب اول ماشاف عيونها عرف انها نفسها البنت الي كانت مع جارهم القديم وبعد نضره وقال : انتضرك عند الباب لين تشترين وتخلصين عشان لايتكرر الموقف الي مشوين
اخذت حنين بسرعه الاغراض وجت بتحاسب بس سبقها وحاسب بدالها واخذ عنها الاغراض الثقيله ونزلهن عند بيت هيثم ولما دخلت حنين وسكرت الباب مشى
،
سند انصدم : الله يكمله بعقله الي مثل عقل الطفل والله
فارس جا يّمه : وش تسوي وجهك منصدم؟
سند : ولا شي
فارس : اخلص وشهو؟؟
سند عرف ماله فكه من فارس لين يعلمه : عواد تخيل متصل علي يبي فلوس وانا معي حول ال 9 الاف وابيها ضروري وتعذرت منه الا يقول انا الغلطان الي طلبتك واتصلت عليك!
فارس : ياخي الصدق يعني خويك ذا بجييحح وانا من سمعت عنه يوم يتنحتكم اخر مرا وانا غاسل يدي منه ومالوم سعد
سند ضحك : امش امش ماعلينا منه
ورجعوا للعيال وبدوا سوالف وضحك
عند سعد الي كان سرحاان يفكر ووده لو يشوفها قبل مايخطب ويكون عيب لو رفض ويمكن ممنوع عندهم الشوفه الشرعيه.. بس شال الافكار فا هو لازم يخطب اول واذا وافقوا يشوفها شوفه شرعيه لو سمحوا اهلها
عساف : سعد مو يمن هاليوم وش بوه ياخوي بوه شين صاير لك شين؟
سعد انتبه للعيال الي كانوا يتكلمون معه وقال : لا والله بس سرحت شوي
عساف : قم غسل وجهك عشان تصحصح
نياف : بوه حمام"يكرم القارئ " مناتس"مناك" ورا الخيمه اقرب شين بدال البعيده
سعد : اجل بغسل واجيكم .. وقام يغسل منها يبعد الافكار عن باله وخلاص قرر وحسم الموضوع بيخطب ودام البنت اعجبت خواته وام سند فمعناه انها ونعم البنت باخلاقها
دخل الحمام وغسل وجهه وطلع واول ماطلع اصتدم ببنت الي شهقت بـ الم من الطيحة ولما رفعت راسها وشافته غير اخوانها وعرفت انه سعد لانها شافته بالخيل اليوم .. اجتمعت الدموع بعيونها بخوف منه
وسعد ثبت مكانه مصنم يناضر فيها 6 دقايق تقريباً ولما استوعب ومن التوتر دخل الحمام مرا ثانيه وقفل الباب لين تروح ووقفه صوت وحده تقول : سُلاف طولتي
سُلاف توترت وقالت : ء زحفت رجلي مع المي والطين وطحت بهاه
سمع البنت تقول : يوجعتس شين!
سُلاف : لا لا
وبعدها اختفى صوتهن وعرف انهن راحن طلع ولمت استوعب الي صار توه كان يفكر فيها ووده لو يصير انه يشوفها وشافها فعلاً وحس بتأنيب الضمير انه شافها وجاه شعور انه خان ثقة ابو عساف وعياله به لاكن طمن نفسه بـ انه مقرر يتزوجها كذا ولا كذا طلع وصادف العيال طالعين
سعد : وين؟
سند : عساف راح يجيب حطب ونياف يولع النار برا وطلعنا تشوف يبون شي ولا شي
فارس : ليه؟
سعد : تعالوا ابيكم بسالفه
دخلوا وقال سعد بتوتر : فارس لو خطبت من عمك بيوافق !
فارس ابتسم : من ناحية عمي ابصم بالعشر بيوافق بس الراي للبنت
سند توتر لايكون ميلاف مايدري ليه حس بتوتر وخوف انها هي !
سعد : ودي اخطب منه بنته سُلاف اليوم قبل نمشي
فارس : امش اجل نجلس معهم وتقول له
سعد : برسل لـ اختي تقول لخالتي ام سند ويخطبون من الحريم بعد
ارسل لها وطلع بعدها وجلسوا مع الباقي وبعد هدوء مؤقت تنحنح سعد ولف ااكل عليه
سعد : ياعم ابو عساف
ابو عساف : هلا يولدي؟
سعد توتر وماعرف وش يقول لان بطبيعة طبعه يتوتر بالواقف ذي لاكن قال : ياعم انا طالب القرب منكم وودي اناسبكم ووالله ان مالقا مثل نسبكم
الكل انشد للحديث وينتضرون رد ابو عساف
ابو عساف ابتسم وقال : والنعم بك يولدي ولنا الشرف بنسبك مير الراي راي البنت
سعد ارتاح انه مارفض وقال : خذ راحتك ياعم
،
عند الحريم
وبعد سوالف هاديه ومناقر خفيف بين ميلاف وخوله وقط كادي الكلام وسُلاف المتوتره مو الرجال الي شافها
انتبهت ريم ع الرساله الي بقروب عايلتهم وفتحنها هي وهيام وارسلن لـ ام سند تبدا بالكلام وفعلاً تنحنحت ام سند وقالت : ي ام عساف عندي موضوع بقوله لك
ام عساف : وش نوحتس وانا اختتس احتسي الي تبينوه
ام سند : مثل منتي عارفه ان سعد وخواته زي عيالي واغلى بعد وودي بالقرب منكم ونخطب بنتك سُلاف لولدي سعد
عم السكوت وسُلاف انكبت عليها القهوه من التوتر وتركتها بسرعه وطلعت
ام عساف ابتسمت : والله والنعم ي ام سند بس الراي راي البنت وابوها واخوانها مثل ماتدرين
ام سند : ابد خوذو راحتكم
ميلاف لـ ريم : هييه يعني بتاخذون توأميي!
ريم ضحكت : ياليييت ناخذها للرياض وتصير بنت الرياض خلاص
لينا : انا هالحين من الرياض بس مامن غنا عن حايلنا
هيام : اكيد كل شخص على المكان الي عاشه
،
بمكان ثاني من المزرعه كانن ثنتين يسولفن
خوله : يااغبيييه انا وش قلت لك ماقلت لاتهوليين عشان مايشك عساف انك تزوجتيه عشان تفتنين بينهمم
كادي : مدري قلت يعنني مهتمه به وكذا؟
خوله : مالت ياخي ركزييي سوي حالك مسكيننه قدامه ومن وراه لا فهمتيي!
كادي : يعني حربايه من المختصر صح!؟
خوله : عليك نورر اييي
كادي : طيب
،
(خلص اليوم بحلوه وغثاه وراحوا اهل الرياض وارجعوا اهل حايل بيتهم )
،
ثاني يوم المغرب بـ حايل
كانوا مجتمعين على القهوه بالحوش كاعادتهم والسوالف وضحك
نياف : اقولل يملافوهه
ميلاف : هااا نيافوههه
نياف : بسوس معتس تحدي ان فزتي علي لتس مني 100 ريال
ميلاف : ووشهو التحدي
نياف : ان سبقتين من هنا لييين نهاية الحوش ونرجع لتس الي تبينوه
قامت ميلاف وراحت لبداية الحوش وهي تقول : يلااا
ابو عساف سحب نياف وهمس بذنه : ان فزت عليها كسرت راسك تقهم
نياف بصدمه : يبببه لعببه حتى بذي بنتك لازم تفوز به وعطيّه فلوسيي
ابو عساف صقعه بالعصا : اقصر حسك لاكسر العصا على ضهرك صدز
قام نياف وهو يمثل انه عصب وقف بجنب ميلاف واول ماقالوا عساف وسُلاف ثلاثه بدو يتسابقون ونياف سابق ميلاف
ابو عساف : نيييييافففففف
نياف عرف انه يبيه يبطي سرعته وخفف سرعته صدق وتعدته ميلاف وفازت عليه وهنا صارت تلفح لهم بشعرها بضحك واخذت الـ ميه من نياف وهي تجلس جنب ابوها
وبعد دقايق قال ابو عساف : سُلاف يبوي تعالي جنبي
سُلاف توترتت وعرفت انه بيقول لها عن الخطبه قامت وجلست جنب ابوها
رفع تضره لـ ام عساف وهزت راسها بمعنى قل لها
ابو عساف : يبوي انتي تدرين انك كبرتي وصرتي مرتن كبيره ومن سنة الحياه انتس تتزوجين وتكونين عايله صح؟
سُلاف توترت وناضرت لـ ابوها تنتضره يكمل
ابو عساف : خطبك وانا ابوك سعد والراي رايك وانا ابوك
سُلاف ......
.
بناتي اعذروني على التأخير فعلياً الايام ذي تعبانه معليش 🫶🏻
واذا فيه اخطاء اميلائيه بعدل عليها اذا قعدت💗