علميني ي دنياي وش ذنبي

Part 37

( تعالوا انستا تعرفون كل شي عن الروايه هناك 2qi_i1 )
...

طلعت من غرفتها وقبل تتوجه للمجلس وقفها صوت لينا الي قالت : فيه حريم بهاه ترا
ميلاف : يوه منو؟
لينا : حريم خوالي وبناتهم وجارتنا الي قدام البيت والي يمينها بس
ميلاف : الله يصبرن بس الحين كل يوم بيكون بوه ناس عند سُلاف ؟
لينا : اي البسي واكشخي وتعالي ساعديني انا وهيام قاعدين نشتغل بس
ميلاف : ريم وين للحين نايمه؟
لينا : لا اخذت جوجو ومطلق اثنينهم يبتسون عندنا قبل شوي . دخلت لينا للحريم وميلاف رجعت غرفتها وهي تهوجس بمليون شي وشي فيه مليون سؤال ببالها ماله جواب! تفكر هل ممكن هي ضلمة سند! هو معاملته معها حلوه بالحيل مايرد لها طلب ويداري خاطرها ومن تزوجته لهم اكثر من 6 شهور تقريبًا مارد لها اي طلب حتى سهم لما اشتاقت له جابه لها! لكن لما تتذكر كلام خوله ان سند يبغى ينتقم بأنه يعلقها به ويخليها تحبه وبعدين يطلقها ويكون قريب من العايله ذي اكثر ويقدر ينتقم من ابو فارس ويجننه اكثر واكثر.. نزلت دموعها بحزن ليه ليه لما حبت حنيته عليها وبدت تتعلق به اكتشفت انه غدرها!!!
وكا العاده اذا تضايقت تدخل تتروش .. طلعت ولبست بنطال اسود وتوب بالون الابيض نشفت شعرها عن المويا وحطت ايلاينر وبلشر وروج ومسكرا وتعطرت ونزلت لهم وهي تقهوي وتوزع حلى وتسولف مع الكل عشان تنسى موضوع سند شوي
،
انا عند ريم بعد مانام مطلق نزلته بسريره وهي تنادي : جوجو تعالي لاتطلعين
ماردت الجوهره وهي تطلع ولحقتها ريم وهي تمسكها وتتكلم معها وكأنها راح تفهم عليها : ياعوبا انا وش قلت لكِ؟ يلا تعالي معايا عشان ماما ماتزعل منكِ
التفتت ريم على صوت لينا : ريم تعالي ياحيي اقعدي داخل تعبناك معهم
ريم ببتسامه : لا ياعيني انا مبسوطه معهم بس بنتك عوبا شويه
لينا ضحكت : عوبا بالحيل مو شوي خليها عندك اوديها لأبوها هي ومطلق لأبوه بعد
ريم : لا مطلق نام يجنن ولد اخوي من دخلته للغرفه وعطيته لهايه نام
لينا : مو كانه من اليوم يبتسي عندهم هههه
ضحكت ريم وهي تدخل تاخذ مطلق وتدخل به للحريم ولينا نادت العامله توصل جوجو لـ ابوها
بذا الوقت كان عساف موجود وهو من شاف ريم وعرف انها مانتبهت له ابتعد وضل يراقب من بعيد ويسمع كلامه ومن راحت رجع بطريقه للديوانيه وهو ويفكر حس انها دلوعه من طريقة كلامها ومن شكلها وذي اول مره يسمعها تتكلم كذا وهم حتى بالملكه هي منحرجه وساكته ماردت عليه ب اي كلمه تنهد وهو يقول : يالله يارب ماتكون دلوعه بالحيل
عساف من تزوج كادي وهو يكره الدلع ولا يحب البنت تتدلع ببساطه لانها كرهته به وهي الي كانت كلما تشوفه تتدلع بطريقه مستفزه بشكل فضيع وكلامها تمطه بالحيل
،
عند سند بعد ماطلع من الدوام دخل بيته وهو يشوف امه قاعده تشوف الاخبار واول ماشافات سند بدت تهلي به كا عادتها اذا طلع ورجع : هلا هلا بوليدي ونظر عيني
ابتسم بوسع ثغره من ترحيبها واقبل لها وهو يبوس راسها : ياهلاا بـ ام سند والله
جلس جنبها وهو يصب له من القهوه
ام سند وهي تناضره بحنيه : عسى ما تعبت من الشغل؟
سند ببتسامه : لا ابد سهالات مافيه شغل واجد اليوم
ام سند: الحمدلله
سند : وين تبين تطلعين تتمشين؟
ام سند : ماني طالعه مكان
سند : الا والله تطلعين اختاري بس وين
ام سند : ياولدي ليه تحلف ؟ ماني طالعه بقعد بالبيت انت اطلع وغير جو كأني انا طالعه
سند : حلفت وخلصت وش لك بقعدة البيت وحتى خوات سعد ماهن هنا تقولين يونسنك خلينا نطلع انا وانتِ يلا!
جت بتقوم ووقفها سند : انا اجيب اغراضك . دخل وهو يجيب عباتها ونقابها وجزمتها "يكرم القارئ" عطاها العبايه وجلس عند رجلينها يلبسها الجزمه
ويساعدها بالوقوف
بالسياره.
سند : ها وين تبين نروح؟
ام سند : وين ماتبي انت
سند بتفكير : وش رايك للمول ومنها تشترين لك اي شي ناقصك؟
ام سند : على ماتبي
وصلوا المول ونزلوا وبدوا يدخلون من محل للثاني يشترون لـ ام سند الي ناقصها ومن خلصوا طلعوا وجلسوا بكوفي يسولفون ويضحكون مع بعض
،
المغرب كان عند سند رجال كالعاده يتجمعون عنده بعد المغرب
احد الرجال : الا ي سند وين ابو مطلق وابو الجوهره ماهم موجودين اليوم؟
سند التفت على الرجال : واللع بحايل للحين
الرجال : سرقت حايل عيالنا ماش لهم فتره كل كم يوم هناك
سند : الشمال كلها ترد الروح والله وبذات اجواء الشتاء الحين ماينلامون
الرجال : صدقت صدقت يبي لنا زياره هناك لنا يوم بس الوجهه ماهي حايل نبي الثلوج
سند : تبوك وحدود الشمال هم اهل الثلوج بس تبوك اكثر ماشاءالله كل سنه
رجال ثاني : هالله هالله تبوك ثلوجها بجبل الوز ماشاءالله
وكملوا سوالفهم عن مدن السعوديه وعن افضل الاماكن بالشتاء وافضل الاماكن بالصيف ومن هالكلام
انسدح سند بعد ماراحوا الرجال بتعب ودخل العامل يرتب المكان وسند بحالة هواجيس ماوقفت ابتدت من ابو فارس وكلامه كلما يشوف سند وسند فعلاً متحلف به لكن راده عنه فارس اخوه وخويه ووقفت هواجيس سند عند ميلاف وهو مصدوم فعلاً كانت اخر فتره وش زينها وش غيرها وقلب حالها كذا ليه وش صار وش فيها هو مضطر انه يروح لها ويتكلم معها ويفهم منها وش فيها بس شلون؟ وهو عارف ان امه تعبت من الخط مستحيل يقدر يتعبها اكثر وياخذها معه ومستحيل يتركها لحالها احتار فكره يمين وشمال وش يسوي وشلون يفهم منها وهي العنيده الي مستحيل تتكلم بشيء
قرر وأخيرًا يتصل عليها ان كانها معنده ماتتكلم ينتضر لين يجي سعد ويقدر وقتها يروح حايل ويكون مطمن ان امه ماهي لحالها وماراح تمل
اما اذا قدر يتفاهم معها بالجوال يتفاهمون بالجوال وخلاص
طلع جواله واتصل عليها وهو ينتضرها ترد بترقب
دخلت غرفتها بسرعه وجلست ثواني تتنفس بتوتر وردت بدون تتكلم
سند : السلام
ميلاف بدون نفس : وعليكم السلام
سند : اتصلت ابي نتفاهم واعرف سبب كلامك امس!
ميلاف بعصبيه : مافيه شي نتفاهم عليه! انا قلت لك مابي شي غير انك تطلقن!
سند بحده : ميلاف!
سكتت من حدة صوته
سند : اتصلت نتفاهم انا ماني بايعك! ولانتي رخيصه عندي عشان من تقولين نتطلق نتطلق وكان شي ماصار وانتِ عارفه وشهو انتِ عندي!! فهميني على الاقل وشهو السبب ليه قررتي هالقرار!
ميلاف وهي ماتبي تقول له السبب ويحسب انه فاز عليها تبي هي الي تبيعه قبل يبيعها تبي تتطلق قبل يجيب وحده على راسها : لاني مابييكك مابييكك سند انا اصلاً وافقت عليك عشان افتك من طارق! والحين انا مابيكم بحياتي ابد اطلععع منهااا وريحنننييي خلاااص
سند : اهاا قولي كذا من البدايه! طلع ذا التخطيط ليه ماقلتي مم البدااايه ليه!!
ميلاف : صار الي صار والمهم انك تفكنيي منك
ضحك بسخريه : صار الي صار . تكلم بحده . اجل اسمعي زين
" لا صار قلبك ماقدر يحتويني
  حرام احبك واتبعك واتمناك " سمعتيها زين؟ لاعاد احبك ولاعاد اتبعك ولا اتمناك  وورقتك توصلك بعد عرس عساف ونياف ماني مخرب على خواتي "ريم ، هيام " فرحتها عشانك . قفل الخط بوجهها وقط الجوال بغضب كبييير هي ببساطه قالت له وافقت عليك عشان افتك من طارق
بدون اي مجهود او تفكير بمشاعره والقهر الي تجمع بسند وهو لو اي احد يلمسه لمسه بس راح ينفجر
،
ثاني يوم رجعوا سعد وفارس
بعد صلاة العشاء تجمعوا بالبر يغيرون جو
سند كان يشب النار وفارس ينزل عدة الشاهي وبعدها تجمعوا حول النار
فارس : سند وش نوحك ياخوي؟
سند بهدوء : مافيه شي ليه؟
فارس : تكذب على غيري اعرفك وش بك!
سند بهدوء : بعد زواج عساف ونياف بطلق اختهم
سعد وفارس: وشهوو!!!
سند مارد
سعد : لييه؟؟
سند على نفس هدوءه وشاد على قبضة يده :
" انا جبت له قلبي وهو جاب لي سكين
   احسبه يمازحني واثاريه من جده!
   انا لو اعرفه زين ماكنت احبه زين
   لكن قلبي الطيب ليا حب مارده.."
سكتوا بصدمه وفهموا من القصيده ان ميلاف عايفه من دون سبب
سعد طبطب على كتفه : معوض خير
فارس : والله اني منحرج ماتوقعتها من بنت عمي!
سند : وش له تنحرج زواج قسمه ونصيب ودام ذا الوضع دخلت بالمعروف اطلع بالمعروف والله يوفقها
سكتوا بهدوء وهم عارفين ان سند يكذب على نفسه سند حبها بالحيل وهو الي وفي مع الرديين شلون مايوفي بالحُب
،
طلعت سُلاف الاربعين
وجاء يوم زواج عـسـّاف & ريــم ، نـيـّاف & هـيـام
الدنيا قايمه قاعده وبيت ابو عساف مزين بالنشرة "المبات الي تعلق بالبيت وقت المناسبات" والرجال بالحلاق والبنات بالمشغل والحريم الكبار بقاعة الحريم يشرفون عليها والشيبان بقاعة الرجال يشرفون عليها كذالك
،
عند الرجال
سند خلص حلاقه : انا بروح للقاعه اساعد الشيبان لين تجون
فارس : الحريم يبون من يجيهم من يروح؟
توجهت نضرات سند للكل كان كلهم قاعدين على كرسي يحلقون ومافيه غيره : انا اروح
طلع وهو ماوده يقابلها ابد لكنه مجبور
وصل وهو مايدري شلون يقول لهن يطلعن ومايبي يتصل على ميلاف ارسل على فارس يقول لـ مرته
وبالفعل طلعوا وانصدمت ميلاف انه هو
اتجهت للخلف : زحوا "ابعدوا"
لينا : مافيه مكان! اجلسي قدام عند رجالك؟
سكرت الباب وهي تتجه لجنب سند وللحين ساكته
سند وجه كلامه لـ هيام وريم : يمكن ماراح اقدر ابارك لكن وقت الزفه فا مبروك وانا اخوكن والله يوفقكم بحياتكم
ريم وهيام بخجل : الله يبارك فيك
خوله بخبث : عقبالك سند
التفتوا البنات جيمع عليها بصدمه الا ميلاف حست بنار تحرق قلبها ومع الاسف بالوقت ذا مستحيل ترد على خوله او تنكر ان سند بيضل معلق بطيوفها بعد قصيدته وبعد الصور الي شافتهم من خوله هي متأكده انه من يطلقها بيتزوج للأسف
خوله : معليشش ميلاف نسيت انه رجالك هههه
سند سمع كلامها ويسمع تهامس البنات ولكنه يمثل انه مايسمع مايبي يجوح ميلاف حتى لو هي جرحته ولا يبي ينكر وتحسبه للحين ميت عليها حتى لو هاذا صدق
نزلهم بالقاعه والتقت على وصول العيال وبدا يطوط لهم وهو يضحك
عساف ونياف نزلوا ببشوتهم
نياف : على رااسيي يالنسيب
سند ضحك : واخيراً نياف يدخل القفص الذهبي ويفكناا
نياف بضحك : نااشب لكمم ناشب لكم ماعليك
فارس : مامن مفكه من ذا الخبل
نياف : تراني عريس احترمني وجع
سعد ضحك وهو يربت على كتف عساف : تعلم الثقل من اخوك
نياف بعباطه : اليوم اقعد مع اختك هههه!
سعد نزل عقاله وبحده : اعقببببب لااا اقطع العقال على ضهرك
ضحكوا العيال ومن ضمنهم نياف الي ضحكته فضيحهه
عساف : لاحول ولاقوة الا بالله ذا ليه يضحك!!
فارس : حمار يناهق وقسم بالله
سعد بذوبان من تذكر هيام ورسمتها له : اههخ انا راضي تقولون عني حمار
ضحكوا بأسى على حاله ىدخلوا وخلوه وركض وراهم
كان التصوير بالبدايه عساف وريم ومن خلصوا بدوا نياف وهيام الي تصويرهم عباره عن هبال
جو المعازيم وبدا العرس على اصوله والجميع مبسوط بـ عساف وريم ونياف وهيام
،
بعد يومين سافروا العرسان وكان عساف وريم رايحين تركيا وعساف معامل ريم بحنيه تامه حتى لو هو مايحمل لها مشاعر كان حنون ومايرفض لها طلب وريم اكتشفت ان عساف غيور جداً
اما نياف وهيام راحوا ماليزيا وسفرتهم كان اول يومين هيام منحرجه وبعدين طاحت جميع الاحراجات وبدا هبالهم ومزحهم ولعبهم وفعلاً عاشوا شهر العسل بكل حذافيره مافوتوا يوم واحد بدون فعاليه جديده
،
عدا شهرين من الاحداث هاذي مرور هادىء وابطالنا على وضعهم ماتغير اي شي غير ان سند طلق ميلاف بعد شهر ونص وبالبدايه غضبوا نياف وعساف وابو عساف عشان ميلاف لكن بعدها رضوا بالواثع وعرفوا ان كل شي قسمه ونصيب وان بنتهم هي الي عافته مو هو
،
الرياض
بيت ابو فارس
طارق كان ولايزال بدوامه تفكير وضيق وخجل من حاله للحين تأنيب الضمير ماخف عنه يحس انه مخنوق من البيت حاس ان فيه شي اليوم مضايقه مايدري وشو نزل من غرفته وواجه ابوه عند الباب
ابو فارس : ارجع غرفتك مافيه طلعه
طارق : يبه الله يخليك ابعد عني بطلع
ابو فارس : تبي تطلع وترجع بلاويك ها؟ ماني مخليك تطلع
طارق : يبه ماني راجع لها بطلع مخنوق من البيت
ابو فارس : ترااا انا تعبت منكم كل واحد مصيبه اكبر من الثانيه لين متى ي طارق ! قلنا تاب بتروح الحين وتقابل واحد من عيال الحرام وترجع لبلاويك؟؟؟
طارق باس راس ابوه : ماني راجع لها والله بس اني مخنوق بطلع بشم هوا وارجع شوي
طلع طارق وكلام ابوه زاد تأنيب ضميره
بعد ١٠ دقايق طلع ابو فارس وهو يرسل لـ فارس انه جايه لبيته وارسل لـ طارق انه يجي بيت اخوه وكذالك ارسل لـ خوله الي مع خوياتها كا العاده
،
لينا كانت تنوم جوجو وسمعت طق الباب وطلعت وفكته بستغراب من سمعت صوت عمها
سلمت عليه : ياهلا والله نورتنا ياعمي
ابو فارس : هلابتس وين فارس؟
لينا : طلع من زمان . حياك حياك
دخل وجلس بالحوش : انا انتضره هنا بس وانا عمك زهبي القهوه
دخلت تسوي القهوه بستغراب من جيت عمها الغريبه
اما ابو فارس كان حاس ان اليوم فيه شي غريب مايدري ليه وده يعتذر من فارس ومن لينا اذا قد ضايقهم بشي يبي يعاتب طارق وخوله ويحثهم يكونون ناس كويسه والاهم والاساس يبي سند يسامحه على كل شي
بعد نصف ساعه دخل فارس البيت وبعد ماسلم على ابوه قال ابو فارس: اتصل على سند وسعد قلهم يجون ابي اقول لكم شي
اتصل عليهم بستغراب ووقف : خلني استقبلهم برا واقلطهم
هز راسه بهدوء وطلع فارس وشاف سند وسعد عند توهم بيطقون الباب وكان بيتهم قريب منه بنفس الحاره
فارس : ابوي يبيكم ويبي يجمعنا كلنا مدري وش السالفه!
سند : انا ماني داخل اعذرني ياخوك
فارس مسك كف سند : سند ان كان لي معزه عندك ادخل اسمعه! اول مره اشوف ابوي كذا تكفى!
دخلوا ووقفوا مكانهم بصدمه وهم يشوفون ابو فارس طايح على الارض دون حركه ركض له فارس بصدمه وهو يدعي الي بباله غلط قاس نبضه وطاحت يد فارس وصارت ترجف اول ماشاف ان ابوه مات مافيه نبض!! نزلت دموعه بصدمه توه يسولف معه مابه شي!! : مستحيل يبه لا يبه لااا
كمل ببكي ورجفه : لاااا تكفىىى يبه لاااتكسررر ضهري فيكك يبهه ييبههه . نزل راسه على صدر ابوه وهو يبكي . تكفى يبه ارجع لاتكسر ضهريي تكفى يبه انا اسف على كل مره زعلتك بها ادري انك منت راضي اطلع بالبيت ذااا يبببه ارجعع والله اني لارجع لبيتك واقعد به عمرييي كله يببه لااتكسررر ضهرييي بكك يببهه
كان مشهد يبكي الحجر من قوة شعوره
سند صد والدموع تمردت عليه صح انه مايحب ابو فارس ومانسى كل شي صار لـ سند كان سبب هو به لكن الموقف ذا بكى سند ليهه! وزود على ذا دموع فارس كسرت ضهره كيف لا وهو يشوف انهيار اخوه كذا؟؟
سعد تلثم وهو يتوجه لـ فارس ويسحبه ويحضنه بقوه وشهقات فارس بدت تزيد اكثر واكثر
التفت سند وهو يشوف طارق واقف عند الباب ويناضر بـ ابوه بصدمه والدموع تجمعت بعيونه : ء ء ابوي!
ركض لـ عند ابوه وهو يمسك وجهه بيدينه : يبه! يبه ! تكفى لااااا تكفى ! يبه انا تبتت يبه والله تبت ماعاد بضيق خلقك يبه تركت طيشي بس انت لاترووووحح يبه لااااتروححح يبببببببههههههههه يبههه تكفىىىى يبههه لاااا لااا يبه لاتتركنا بالشكل ذااا تكفى يبه تكفىى قمم يبه لاتروح ومنت راضي عنيي طالبك ييبه
لف فارس على اخوه وهو يحضنه ويبكون سوا من يواسي الثاني؟ من يهدي الثاني؟ كلهم مسكورين وكل واحد كسره اكبر من الثاني
لين وقف دموعهم صوت وكأن الصوت ذا يقول لهم الامر واقع مامنه مهرب
صوت سيارة الاسعاف نزلوا الممرضين وهم ياخذون ابو فارس ويغطون وجهه بالشرشف الابيض وقال واحد فيهم : الباقي بعمركم!
كسر مليون شعور بقلوبهم بلكلمه ذي هد حيلهم وكسر ضهرهم فز فارس وهو يركب سيارة الاسعاف ولحقه طارق مايبون يفارقون ابوهم لو هي اخر دقايق يشوفونه فيها وسعد وسند لحقوهم بالسياره
،
اما لينا بالأعلى تشوف المنضر وهي منهاره وتبكي ماتدرين ايش صار عمها حي او ميت! لاكن الواضح من الانهيار انه مات! اتصلت على عساف وصوتها يرجف مليون رجفه : عساااف
عساف فز : ليناا؟ وش فيتس؟؟
لينا ببكي : عمي عمييي عسافف عمييي راححح عساف تكفى
عساف بخوف : لينا ياخوك اهدي شوي واشرحي لي!
لينا بخوف : ء مدري مدرييي طاح عمي تحت فجأه ووفارس وطارق وسند وسعد تحت الكل يبتسي عساف خايفهه خايفهه
عساف دب الخوف قلبه : جاايين يمكم الحين
طلع ركض وهو يتوجه بمكتب نياف فتح الباب بقوه وكان نياف معه احد المحققين يتكلمون عن موضوع مهم!
نياف فز من تعابير وجه عساف : عساف؟ وش نوحك!!
عساف : امش بسرعهه بنروح للرياض!
نياف التفت على المحقق : رح للضابط لافي كمل معه!
طلع نياف مسرع خلف عساف وهو مو عارف وش السالفه توجهوا للبيت وسرعة عساف كبييررره ونياف ملتزم الصما مو عارف شي!
وصل عساف اتصال من لينا اول ماوصلوا البيت
لينا ببكي : عمي مات!
عساف : وشوو؟؟
لينا : عميي مات ي عساف مات مات . وبكت.
عساف : لينا اهدي شوي ونجي!
دخل البيت مسرع ونياف ايقن ان مصيبه حلت عليهم
دخل وهو يتلفت يدور ابوه
ميلاف طلعت : ابوي مو بالبيت؟
عساف : وينهو؟؟
ميلاف : ديوانية الحاره؟
دخل عساف غرفته وهو مايدري شلون يقول لـ ابوه!
نياف دخل خلفه :عساااففف تكلمممم وش صااايررر!!
عساف رفع عينه لـ نياف والصدمه كبيره عليه : عمي مات!
نياف طارت عيونه بصدمه واحمرة : ايش؟
عساف بغصه : شلون اعزي ابوي بعمي ي نياف!
قرروا يروحون لـ ابوهم ولاكن يلبسون ثيابهم ويتلثمون لايبان ضعفهم وبكيهم قدام الناس!
طلعوا وقبل يطلعون من البيت فتح الباب ابوهم واستغرب اشكالهم متلثمين وعيونهم مليانه دموع لكنها مانزلت!!
ابو عساف بخوف : وش فيه!
عساف صد وجهه بحزن: الباقي بعمرك . مات عمي!!
نياف بخوف اول ماطاح ابوه : يبهه!!!!
-