علميني ي دنياي وش ذنبي

part 2

بيت سعد الي دخل البيت وطلعت بوجهه ريم وهي كالعاده تمزح معه ومعها مسدس مي " لعبه " ورشت عليه بوجهه
اما سعد الي كان قافله معه انه مانام زين ومصدع شوي وكملت معه ريم لما رشة المويا عليه وعصب وقال بشبه صراخ : ريييممممم كممم مرا قلت خلي العب الدفش ذاا ماتفهمينن ليه لااازمم اهاوش يعنييييييي
ريم الي انصدمت من هواشه وهي متعوده اساساً تمزح معه كذا اول مايقعد من النوم ويضحك بالعاده سكتت وماردت عليه وخذت شوي وهي واقفه بصدمه منه : ماقصدت كنت امزح معك معليش ... وراحت لغرفتها
سعد الي قعد يستغفر ويتعوذ من الشيطان وندم على عصبيته بس كان مصدع وكملت معه برش المي الي مايحبه ودايم يضحك عشان ماتزعل بس
هيام جت ويوم شافته منفعل سكتت
سعد : وين خالتي؟
هيام : نايمه
سعد : زين
هيام بهدوء وتردد : وش فيك؟
سعد ببتسامه وهو مايبي يعصب اكثر ع خواته كره نفسه لما صرخ على ريم : سلامتك بس مصدع لو عندك بندول اكسترا يسلااام
هيام : يخسي الصداع يعكر مزاجك ابشرر
جابته له اكلها وشرب مويا وتوجه لغرفة ريم الي لما هاوشها استغربت راحت غرفتها وهي تسب حالها انها مزحت وتتحلطم
سعد طق الباب ودخل : الحلوه زعلانه مني؟
ريم : لا
سعد جلس جنبها : افا وتكذب علي عينك عينك ادري زعلتك وحقك علي كنت مصدع ومعصب شوي ماعاش الي يزعل ريوم وتدرين انتي مو بس اختي انتي بنتي وعيوني وروحي بعد والله ياخوك ماقصدت ماخبرت ريوم تزعل من اخوها؟
ريم ابتسمت وهي ترضى بسرعه اذا احد دلع اسمها رفعت يدها بشبه تهديد : رضيت بس ان زعلتني مره ثانيه مارضى ترا هاذا انا قلت لك
سعد باس راسها : خلاص تم
،
اما عند سند الي بعد ماواسا عواد ووصاه يتحمل عمه راح متوجه للبيت غسل وبدل وراح لسعد وعلى العصر اخذ امه وسعد اخذ خواته وتوجهو للمول
سعد : تبي نتمشى ولا نقعد بالكوفي؟
سند : احس نتقهوى اول وبعدين نتمشى ولا !؟
ريم : لاااا نبيي نتمشى " للتوضيح ريم وهيام بحسبة خوات ل سند وميانه معه بحكم انهم من وهم صغار سوا لاكن اكيد يتغطون عنه وميانه بحدود المنطق"
هيام : ايي
ام سند : انتم اقعدو بالكوفي وانا والبنات بنتمشى ونشوف الاسواق واذا خلصتو تعالو لنا
سند وسعد : طيب
جلسو بالكوفي
سعد : وش فيك احس متضايق
سند : الصدق يعني في شي
سعد : وش
سند : مدري عواد كاسر خاطري من عمه الزفت ذا
سعد : ليه وش جديده؟
سند حكى له الي قاله عواد
سعد : قل انك عطيته فلوس اصدمني تكفى
سند : اي ليه؟
سعد : سند انا كم مرا اقول لك عنه ياخي كملت معه 5 سنوات وانا مو متطمن له وغير شخصيته الهايته ذي
سند : وش سوا بك الرجال عشان كل ذا ماشفت منه شي بالعكس تراه مسكين الحياه ضده
سعد : وينن الحياه ضده فقد اهله هاذا انا مثله فاقدهم من سنين وانت اهلك ماتدري منهم وماوقفنا وقلنا والله حنا الحياه ضدنا؟؟ وان كانها على مشاكله انت مشاكلك اكبر انت تحملت غدر وتحملت خذلان وتحملت اشياء كثير ولله الحمد مكملين صدقني انه هو مو ذاك الزود ولا الي ينشد به الضهر
سند : ي سعد ي سعد هو مو انا ولا انت هو شخص لحال وحنا اشخاص لحال وبعدين ادزي انه مصلحجي شوي  بس ماعلينا انت وش عندك منفس
سعد : كالعاده صدعت وعليت صوتي على ريم وهاوشتها وكتمت "ماخذه بخاطرها" وحاس بالذنب وهي بذات ماحب اهاوشها وهالمرا صارخت بصوت اعلى بعد
سند : يملا الي ماني قايله وش عندك انت كل فتره مهاوش وحده منهم
سعد : شسوي معصب وبدون ماحس ودي اراضيها شرايك وشلون؟
سند : قصدك كلام او هديه
سعد : كلام راضيتها هديه قصدي
سند بتفكير : عطر ؟
سعد ضحك : لا هاوشتني ذك اليوم تقول ذوقي خايس
سند : هههههههههه طيب ساواره ؟
سعد : تم قم ندور
دفعو الحساب وراحو يدورون سواره حلوه وبعد معاناه مع ذوقهم طلعو بسواره وضبطو شكلها
سند وهو يأشر عليهم : هاذي امي وخواتك
سعد حط الهديه ورا ضهره ومشى لعندهم
هيام : زين لقيناكم بدال لندوركم
سعد : وحنا كذالك على ماجينا ندوركم لقيانكم ريم تعالي قدامي
سند بهمس ل هيام الي بعيده عنه : صوريهم لتبكي عليك اذا راحت القطه الحين
هيام وهي ماتدري وش السالفه طلعت جوالها وبدت تصور
ريم الي وقفت قدام سعد : هلا؟
سعد طلع الهديه من ورا ضهره وهو يعطيها : اعتذار ثاني مرا واسف على الي صار اليوم الصباح
ريم ابتسمت وتجمعت الدموع بعيونها وهي تحضنه : مازعلت والله
سعد باس راسها
هيام : اشواااا اني صورتت
ريم ضحكت وهي بتغير الموضوع عشانها تأثرت وتكه وتبكي : بغيت اهاوش
سند وهو يشوف الساعه : ترا مابقى شي على المغرب تبون ناخذ اكل ونرجع لاتنسى فارس اليوم
ام سند : دام صاحبكم بيجي رجعونا البيت عشان يمدي نريح قبل نجهز العشاء
سعد : يلا اجل تبون اكل اكل ولا كرسبي و ذُره وكذا؟
اتفقو على ذُره واخذوها ورجعو سعد لبيته وسند لبيته وبيوتهم جنب بعض تقريباً
،
بيت سند
سند : يمه
ام سند : سم
سند : اسمعي ترا العشاء ماتسوينه طلبت من ** يجيبون لنا ذبيحه مطبوخه وخالصه
ام سند : لييه يمه الله يهداك وش له انا اسويها ماني عاجزه عن طبخها وغير كذا بيجن البنات والعامله حقتهم يساعدوني اذا ماقلت لهم كنسلها
سند : لا ي الغاليه انتي ترتاحين والبنات مو مقصرين لاكن اقعدو اليوم وانبسطو مابتسوون شي وانا طلبتها وخلصت وقلت لهم بعد الصلاه تكون عندي وغير ذا النرا ذي ماعرمت احد ابيها بيننا بس من زمان عن جمعاتنا وكذا
ام سند : الله يهداك بس
سند باس راسها وجاب القهوه تتقهوى وجلس يسولف معها
،
اما سعد دخل بيتهم هو وخواته
ريم رمت نفسها جنب بالصاله : اخخ رجليني توجعنيي
سعد بضحك : عجّزتي ماعليه اثار تقدم العمر
ريم خزته وهي تحرك شعرها بدلع : اه من الغيره بس مقهووووور مني
هيام ضحكت : المرا ذي انا اصف معك اخي العزيز انتي لياقه مافيي ولا مامشينا مره
سعد : شفتي ي ام لسان قايل لك
نور "العامله " الي جت يمهم : هاذا مدام ريم بس تعب تعب هي بس شويه ويصير عجوزا
ريم : ماعلينا الغيره ذباحه حتى نور تغار ماش قاعرتكم انا وانتي تعالي وريني الفيد الي صورتيه
سعد ضحك وهو يدخل غرفته انسدح بفراشه ع اساس يطقطق بجواله ماحس بحاله الا غفى
هيام جت تناديه يقعد معهم شافته نايم غطته وطلعت
ريم : وينه؟
هيام : نايم بخليه يريح شوي ساعه كذا وبعدين اقعده عشان خويهم بيجيهم
ريم : اها اجل تعالي شوفي ذي وش مرسله لي
هيام : وش ؟
ريم ورتها الجوال وهي تضحك مم رسالة وحده من صحباتها الي قالت "يووه اخوك كيووت وعلومه غانمه زوجيني اياه "
هيام ضحكت : قولي مافي نغار على اخونا بعدين يدلع غيرنا
ريم ضحكت وردت على البنت
،
نروح حايل قبل صلاة العشاء بساعه
كان الهدوء مخيم ع الكل
سُلاف تدرس ل اخر اختبار ولينا عليها اختبار تدرس له برضوعساف طالع مع ابوه نياف يتفرج بجواله بالغرفه ام عساف ترتب المطبخ وميلاف الي خلصت مذاكره وقاعده  تسولف ع راس امها
ام عساف نزلت الي بيدها بغضب ولفت على ميلاف : بسس بالعه راديو انتي من اليوم تخثردزين روحي ادرسي سوي اي شي
ميلاف بتمثيل للزعل : هاذا جزاتي يعني اساعدتس واسليتس وبعدين درست وخلصت ومابوه شين اعملوه وش اعمل يعني؟؟؟
ام عساف : ماني قاعده اشوفتس لا تساعدن ولا تسلين مغير تخثردزين ع قلة سنع
ميلاف : طيب سؤال الحوسه ذي كلها وش لوه؟ المطبخ يلق"نضيف" وش ترتبين بالله ولا انتي هاوية شقى " تحب الشغل والشقى"
ام عساف بشبه عصبيه : طسي براا
ميلاف طلعت بسرعه من حست امها عصبت من سوالفها قعدت على جوالها بس ماعجبها الوضع وبيتهم هدوء كذا وبعد دقايق تفكير فزت : انهج احارش نيافوه ابرك . ركضت لغرفة نياف وهي تدرعم عليه
نياف فز : بسم الله هبله انتي احد يدخل كذا
ميلاف بعبط وهي تجلس جنبه وتشوف وش يتابع : انا
نياف : يقال ان بوه مدرسه بكرا تدرين او لا؟
ميلاف بشبه سخريه وهي تسوي حالها تزغرت : صددق من قالل اول مرا ادري ان في مدرسه تصدق
نياف : اذلفي برا
ميلاف بضحك : حبيبي دور الضابط الي يامر ذا بدوامك مو بهاه"هنا"
نياف سحبها مع اذنها بخفه : وش فيتس انتي اليوم تدورين احد تحارشينوه عشان تندقين
ميلاف : اي ي بعد حيي ماعيش بدون ماحارشك اختنق اموت اذا ماندقيت منك الشكوى لله الحب الغبر
نياف بسخريه : ي عيوني والله ابشري بعزتس . مسكها مع يدينها وهو يربطها ويضحك : ها كذا زين
ميلاف : نياافوهه فكن لعلم ابوييي وعساف
نياف : ماسمع ماسمع ؟؟ قومي اذ قدرتي .. بعد 10 دقايق وميلاف تهاوش ونياف يضحك ويصورها وهو ميت ضحك نزلت راسها تبكي ونصدم منها فز بسرعه وهو يفكها : امزح معتس وش فيتس بتسيتي "بكيتي" بعد
ميلاف ماردت قومها نياف وهو يجلسها على سريره وهاذي النقطه الي تبيها من شافته لف اخذت جواله الي ع السرير وهي تنحاش لف نياف بصدمه وهو يركض وراها : ميلااااافففوههه يحيوانه لو ماجاء جوالي كفرت بتسس
ميلاف وهي تضحك وتناقز بكل مكان : ماسمعععع . نقزت من شافت الباب ينفتح وابوها يدخل تخبت خلف ضهره : نخيتك يبوي تفكن منوه
ابو عساف : وش مسوي لتس ؟
ميلاف وهي تمد يدها له وتوريه اثار الربطه الي ربطها به :بحر "شف" يدي منوه
ابوعساف بصدمه وحده : وش عامل"مسوي" بختك انت
نياف : بحر "شف" بيدها جوال مين؟؟
عساف الي توه داخل : لا اله الا الله انتم وبعدين كل يوم ندخل ع حالكم ذا العرب كلها تسمع قررقتكم"سوالفكم"
ميلاف بوجه بريء : امزح معون وربطني وعبالي ذا جوالي وبيضربن الحين
ابو عساف بحده : لاشوفك تجي يم اختك لا اكفر بك تفهم؟؟ ويلا لا انتي ولا هو بسرعه طسو عن وجهي وانت توضى وع المسجد يلا
راحو كلهم وابتسم ابو عساف بحب لعياله حتى لو هاوشهم بس يدري انه مستحيلللل يكمل يومه بدون مزحهم وهواشهم وصوتهم ببيته
عساف دخل ل امه سولف معها شوي وراح ل غرفة لينا
عساف : ها وين وصلتي
لينا : اخر شي
عساف : شدي حيلتس
لينا : لاتوصي حريص
عساف : تبين اجيب لك شي وانا راجع من المسجد؟
لينا : سلامتك يحيي بخلص ذي انا واتعشى وانامم انهد حيلي
عساف : يلا يهون اخر شي ذا
لينا ابتسمت له وطلع وكملت دراسه
بعدها راح ل غرفة سُلاف وميلاف دخل وشافهم منسدحات بنفس السرير ويسولفن ويضحكن والواضح ميلاف تقول لها وش سوت ب نياف
عساف : الله يعين نياف عليكن بالله تو ابوي زارب بك "مهاوشك" وتضحكين
سُلاف بضحك : يالله وربي فاتني اول مصيبه ماكون بها
عساف بضحك : الجايات اكثر اختك مابتتق ربي بهالمساكين
ميلاف : اخخ بسس ذا جزات الي توسع صدوركم وتضحكم
عساف : بدل الهرج قومي ساعدي امي انتي وياها
ميلاف : من اليوم وانا عندها اخر شي طردتني
سُلاف : وانا تو جيت منها كذالك طردتني
عساف : ماتنلام
ميلاف : عساف حبيبي كنك تمسح بنا الارض ؟؟؟
عساف ضحك بدون لا يرد وهو تركهم ويطلع يتوجه للمسجد ومعه نياف وابوه اما البنات راحو ل امهن يساعدنها ولما اذن راحن يصلن ورجعو يحطن العشاء ل ابوهم الي عنده قاعده العشاء يكون خالص بعد الصلاه على طول يتعشى ويشرب شاي وينام
،
بالوقت ذا عند سند رتب الديوانيه حقته هو وسعد وبخرها وعلى مانزل البخور سمع صوت الباب
راح فك الباب وبدا يرحب ب فارس
سند : الله حيه يمرحباا حياك
فارس : الله يحييك ويبقيك
دخلو وسلم فارس على سعد
قام سند بيقهويه وفز قبله فارس
فارس : يرجال اقعد مانبي رسميات زي قعدتنا دايم القهوه بالنص ونتقهوى
سعد ضحك : اي احسن
سند جلس وهو يحط التمر قدامهم والقهوه بينهم زي العاده الي تعودو عليها والي يخلص فنجاله يصب لنفسه
سعد بضحك : ايي يعني الحين انت بتدخل القفص الذهبي؟
فارس : اييي وابشرك بعد حددنا موعد العرس
سند : ماشاءالله متى؟
فارس : اخر يوم العيد وترا ماني عازمكم انتم اهل المعرس اخواني
سند : من دون ماتوصي اول الحاضرين ان شاءالله
سعد : اي من دون ماتقول
فارس : يبعد حيي والله
سند قام ودخل معه صحن العشاء وبدا يوزع العصاير والمويا حول الصحن ومن هالاشياء : يلا سمو بالله
قامو وبدو يتعشون
( تعريف عن فارس واهله فارس يصير ولد عم عساف ونياف
ابو فارس : انسان حاد بطباعه ومتسلط ويبي كلمته تمشي ع الكل من يدخل بيته يعم الهدوء والخوف بقلوب عياله .. ويكون اخو حسين ابو عساف ولاكن فرق الطبع شاسع
فارس : حنون وطيب مايرضى على الي يحبهم والوحيد من عيال ابو فارس الي يرد على ابوه ويناقشه اذا ماقتنع ويعرف بطريقته يقنع ابوه بالي يبيه عمره 27 سنه يشتغل ممرض
طارق : انسان باارد مايحب عيال عمه ولا عمه بالمرا واكثر انسان يتهاوش مع عيال عمه وينتضر اي فرصه يكسر راسهم بها صاحب بلاوي عمره 28 عسكري
اصغرهم خوله : ذي عاد اخذت من شخصية طارق كثيرر تس تس يمشي ع الارض راعية مشاكل وكذابه وياما شهد التاريخ ع حقارتها وكذبها ونفاقها وهوشاتها سمينه وملفبه بـ "تريله" عند بنات عمها عمرها 19 ،،،،، عائلة فارس من اهل حايل لاكن استقرو بـ الرياض وصار لهجتهم مثل لهجة اهل الرياض )
بعد العشاء شال سند العشاء ودخله داخل ونزله بالمطبخ
ام سند : جهزت لكم الشاي
سند باس يدها : تسلم لي هاليد
ام سند ابتسمت بحب لولدها : بدخل اسلم على فارس وابارك له بالملكه
سند : ابشري تعالي
لبست عبايتها وتغطت وراحت مع سند
ام سند : سلام عليكم
فارس وسعد وقفو : وعليكم السلام
ام سند : اخبارك ي فارس
فارس : الحمدلله يخبر وانتي اخبارك
ام سند : الحمدلله . مبروك الملكه يوليدي
فارس : الله يبارك فيك ي خاله عاد العرس لازم تحضرينه انتي بمثابة الوالده رحمة الله عليها
ام سند : الله يرحمها اكيد ان شاءالله اول الحاضرين وارقص بعرسكم كلمكم يارب
الكل : امين
راحت ام سند وفز سعد بينهم : اسمعو شرايكم نطلع ناخذ لنا فرشه ونروح على الخط كذا ونجلس نسولف هناك بعيد عن البيوت
فارس : ي حبيبي تبي نمسك خط الرياض وش كبرها مانرجع البيت الا الساعه عشر الصبح
سند : لا نروح للحديقه ناخذ فرشتنا ونروح هناك احسن
سعد وفارس : طيب
اخذو فرشه صغيره وراحو للحديقه فرشوها وقعدو
فارس : تصدقون يعيال احس ان تو روحي ترجع لي
سند : ليه؟
فارس : ياخي حتى ولو حايل ديرتي ومالي غنى عنها بس الرياض روحي عشت بها الحلوه والمره كبرت بها فا لرحت لـ حايل احسب الايام متى ارحع وبنفس الوقت اذا جيت هنا اشتاق لها وبالاخص لعيال عمي
سعد : اكيد انك ربيت وكبرت بها
فارس : بس مرتااااح كنت ماداوم ومريح اخخ بس
الكل : ههههههههههههههههههههههههه
سند : عاد صادق بذي ياخي ياشين قعدت الدوام ويااااااثقلها
سعد : اشهدددد ي تاررريخ سند يعترف هالاعتراف لااا ماصدق
فارس : من وين طلعت الشمس اليوم ؟؟؟
سند ضحك : اعوذ بالله ي كلمه ارجعي مكانك
فارس وهو يتلفت : فز على حيلك انت وياه بسرررعه
سعد : وش
فارس ضحك : مافي احد المكان فاضي خلونا نلعب شوي قبل لحد يجي
سند : تعقب وش كبرك تلعب لا
فارس وهو يقومه : يرجال خل هالكلام ترا العب مهو بحرام اخلص علي واترك الخبال
سعد وقف وهو يسحب سند كذالك : يلا
سند ضحك : اول واخر مرا
قامو وبدت حاله من الضحك الا نهائي وهبالهم الي مايطلع الا مع بعض
فارس وهو يتزحلق : والله مالوم الوغدان يوم يبون يلعبون هنا
سعد جا بيتزحلق مع ضهره وهو يدفه سند ويطيح
سعد بألم : سنننندددد يحيوانننن ، وقف وهو يركض يلاحق سند الي منحاش عنه
فارس وهو يثبت سند : حيلك به وانا اخوك
سند بتهديد مازح : ترا والله والله لو جاني وانت ماسكني مايصير لك طيب
فارس فلت سند : امزح معك ماني بايع عمري
سعد : اخخخ من غدررر الاصحاب بس
فارس وهو يشوف الساعه : تأخر الوقت انا برجع البيت انهد حيلي اليوم بنام
سند : وانا مثلك
سعد : يلا كلنا مشينا
شالو اغراضهم وحوستهم وكل واحد راح بيته
،
بيت اول مرا نزوره
دخل وكالعاده البيت هاديي مافي اي صوت يدل ع حياه بهاذا البيت ابوه نايم اخته بغرفتها كعادتها واخوه هايت برا
توجه لغرفته وهو يبدل وينسدح بتعب ماحس بحاله الا وهو نايم فز على صوت شي تكسر نزل من غرفته مسرع وزي ماتوقع بالضبط طارق توه راجع من السهره ويمشي بترنح وطاح وطيح فازه على الطاوله
وقف بمكانه يناضره ويفكر لمتى وذي حالت اخوه!؟
راح له وهو يرفعه وبغضب وحده مكبوته : وبعديينننن معكك لمتىى وانت على ذي الحاله لمتىىىىىى ؟؟؟؟
طارق وهو يضحك وبصوت ثقيل : وش بك ننبسط ونفرح ونضحك ونسهر انت نكدي كذا ليه؟
فارس ماحس بحاله الا وهو يطبع كف على وجه طارق ولاكن لايزال يضحك طارق وهو مو بوعيه من ال***
لف على صوت ابوه الغاضب : طاااااااااااااااررررق
طارق فز بخوف وهو يطيح سحبه ابوه بحده وهو يهزه : استح على وجهك يقليل الخاتمه مابوه شي احسن من ما علمانك اياه صرت كمخه كذا ليه؟؟
فارس سحب طارق من ابوه عشان لايذبحه من الضرب لاكن رجع يسحبه ابوه وهو يدفه لغرفته ويقفل عليه الباب وبصراخ : اذا ماصحصحت ووعيت على حالك لسمع لك حس واذا رجع له وعيه وماعلمتوني مايحصل لكم طيب
خوله الي طلعت من غرفتها : شفيه
ابو فارس بحده : ادخليييي غرفتتس ولاسمع لتس حس وانت ان فكيت له الباب ماهو بحسن لك ولله لو اشوف احد جايه او مكلمه حتى لو معطيه مي بس مي شوفو وش يصير له فااااااهمييينننن
خوله وفارس : طيب
راح ابو فارس لغرفته وخوله خزت فارس وهي احس كل شي يصير منه  دخلت غرفتها كذالك اما فارس رجع ينام لاكن الفرق شاااسع لما نام وهو مبسوط ويضحك ولما نام والضيقه مخيمه عليه والتفكير غاثه فرق السماء عن الارض بينهن
.......
خلصنا البارت..
عطوني رايكم فيه ووش رايكم بـ شخصية فارس؟
معليش اذا تأخر البارت المفروض انزله باليل بس انشغلت شويه 💗💗