علميني ي دنياي وش ذنبي

Part 23

ميلاف بالمزرعه
ميلاف نادت سهم الي كعادته جاها وصوت صهيله بكل المزرعه حضنته
نياف : انتي وش نوحتس معوه كلما جينا للمزرعه حتسيتي انتس مشتاقتن لوه
ميلاف : وش اعمل يعني اشتقت لوه
نياف : اشتاقي لوه على كيفتس بس فكين من شوتس وبساع عشان نمشي قبل تغيب الشمس
ميلاف : تسابقن
نياف بحماس : يلا
وكلعاده ركب الخيل لاكن المرا ذي اخذ اصيل "حق سُلاف" وقال : هالمرا مع خبرتي وحصان متسنع بفوز عليتس
ميلاف بضحكه : اعقب
نياف : اخوو ليّنا وشهو الي اعقب
ميلاف : مو لايق اخو لينا اسم اختي كيوت يصلح اخو حصه اخو صيته اخو نوره اخو مريم لاعاد تتعزوى
نياف : على بعر وامشي قدامي لازم تذب عليّ
بعد السباق الي معروف من فاز اصلاً
ميلاف : تدري وش يضحكن اكثر شين
نياف وهو عارف وش بتقول : مابي ادري
ميلاف مكمله : الي يضحكن انوه كلما جبتن هنا وتسابقن تحتسي انك بتفوز  وافوز عليك فوق ذا
نياف بكذب : انا افوزتس عشانتس اختي ااصغيره بس
ميلاف : ستااااررر ههههه
وبعد ماخلصوا توجهوا لـ بيتهم
،
فارس الي سلم على سند وتوجه لـ حايل وهو مسرع كاعادته الطايشه وسند كل دقيقه يتصل ويقول له لاتسرع
،
بعد مرور اسبوع . ورجعت لينا مع زوجها وهي لاتزال نفاس بس تعردت على بيتها
،
في الامارات . دبي
عند سعد وسُلاف
سُلاف كانوا قاعدين يفطرون
سعد وين تبين نروح اليوم؟
سُلاف بعد تفكير قالت : للبحر
سعد : ابشري بس تبين معنا احد
سُلاف : منو !
سعد : واحد العام جا من السعوديه لهنا واستقر والرجال يعرف ابوي من زمان ووصاني لاجيت اعلمه وله فتره يعطيني الاماكان الي نروح لها واليوم قال اذا ماعندنا مانع بيجي معنا عاد اذا عادي عندك يطلعون معنا ومعه بناته
سُلاف : عادي مابوه مانع بالعكس نتونس معهم
قاموا وبدلوا وطلعوا
قابلوا ابو محمد "اذا تتذكرونه ببارت 15" ومعه بنته مريم الي سلمت على سُلاف وعرفتها على نفسها
سعد : ارحب يعم وش الاخبار
ابو محمد : البقا الحمدلله يولدي وش اخبارك انت وش اخبار سند
سعد : والله الحمدلله بخير
ابو محمد : دوم ان شاءالله امشوا حجزت قارب يعجبكم
ركبوا القارب وكان سعد وابو محمد قدام وسُلاف ومريم ورا
مريم : اخبارك ياعيني
سُلاف : بخير الحمدلله يابعدي انتي وش وقعك
مريم : الحمدلله الا كم لكم هنا
سُلاف : والله لنا تقريباً اسبوعين كذا
وكملوا سوالف
،
الرياض وتحديداً بيت سند
كان سند واقف عند الباب الخارجي ينتضر امه تجيب ملابسه وكان سند يحرص انه مايجي للبيت ابداً عشان ريم وهيام ياخذن راحتهن ومن سافر سعد وسند ينام بالديوانيه وملابسه يقول لـ امه تطلعهن او العامله
ام سند مدت لع اغراضه : هاذي اغراضك ااط تبيها يولدي؟
سند باس راسها : اي يالغاليه يعطيك العافيه
ام سند : الله يعافيك . تودينا بالليل لـ بيت ام ملاذ؟
سند : ابشري
ام سند : تبشر بالخير
اخذ اغراضه وبدل وبعد كذا طلع ببروح للدوام
عواد : السلامم
سند لف عليه : هلا وعليكم السلام
عواد سلم على سند : اخبارك
سند : الحمدلله وانت اخبارك
عواد : بخير
سند : حياك ادخل
عواد : لا ادري ان عندك دوام ومستعجل بس جاي ابي منك سلف
سند : ابشر كم تبي
عواد : 2000
سند : مامعي كاش احول لك المبلغ
عواد : اي عادي عندك حسابي صح!
سند طلع جواله : اي عندي . وحول له
عواد اول ماوصلته الحواله راح . وسند راح دوامه
،
حايل . عند نياف بالدوام
كان فيه حفل ترقيه وكان من ضمن الترقيات اسم نياف الي وقف بهيبه وعلقوا له الرتبه الجديده والي هي "ملازم اول" وبعد مراسم الترقيه الي ماصدق نياف انها تخلص طلع وهو يسرع خطواته واول ماوصل لـ عساف وراه الترقيه
عساف حضنه : مبرووك وانا اخوك مبرووك عقبال الاعلى منها ياربب
نياف : ان شاءالله
عساف : اركض بشر ابوي وامي
طلع نياف وهو يسرع خطواته وتوجه لبيتهم
دخل وهو ينادي : يمممهه يببببهه
ام عساف وميلاف طلعوا بسرعه : وش نوحك تصايح
نياف : وين ابوي
ابو عساف الي توه داخل : هاذا انا وش نوحك
نياف وهو يأشر ع الترقيه : ابشركممم ترقية لرتبة ملازم اول
وصاروا يحضنونه ويباركون له
ابو عساف : بهالمناسبه بسوي لك عشاء كبير بكرا بأذن الله
نياف : لا ييبه تسلم وبعدين مامن فرحه واختي ماهي موجوده
ابو عساف : ادري يبوك الفرحه بتكون ناقصه بس الشكوى لله ان اجلناها بيسألون الناس ليه ماسويتوا عشاء لوه
ميلاف : يمه اتصلي عليّه وشوفي اذا تجي الاسبوع ذا
ام عساف : ابشروا ويلا روحوا سوو القعده وانا ازهب القهوه واكلم اختكم
ابو عساف : من ترد لتس علمين
كلمت ام عساف سُلاف وقالت لهم وتنهدوا بضيق انها مابتكون معهم وبعد كذا عزم ابو عساف جماعتهم وجيرانهم ومعارفهم وسند واخوه ابو فارس وعياله والكل وافق ع العزيمه
،
ثاني يوم في الامارات الساعه 11:50
سُلاف كانت تكلم امها
ام عساف : وش وقعك يبنتي ان شاءالله مرتاحه
سُلاف : الحمدلله يمه بخير انتم وش وقعكم
ام عساف : بخيرر وابشرتس نياف جته ترقيه لرتبة ملازم اول وباتسر "بكرا" ابوتس مسوي لوه عشاء كبير عشان ترقيته والله ان الود ودنا انتس معنا بس الشكوى لله
سُلاف خنقتها العبره وحاولت كثر ماتقدر تمسك حالها ماتبكي وقاات : والله انوه ودي بس ماتوقع سعد يوافق نرجع للسعوديه هالحين بقول لوه واشوف
ام عساف : لا يبنتي وش ترجعين خليتس تونسي ولاحقه علينا
سُلاف : ذابحن الشوق لكم والله ان كل يوم تخنقن العبره من الشوق
ام عساف : وحن اكثر حتى نياف رفض نسوي العشاء باتسر "بكرا" يقول يبيتس معنا بس ابوتس قال ماندري متى رجعتكم وابوتس خايف تزعلين ان مانتضر جيتتس وقال اسألتس عاد
سُلاف : عادي ياحيي والله مايزعلن بالعكس وانا مدري متى نرجع للسعوديه ومايصير تماطلون بهالمناسبه اصلاً
ام عساف : يابعدي يبنتي . يلا انا بقفل احط القهوه لـ ابوتس انتبهي على حالتس
سُلاف : ابشري
قفلت سُلاف وضلت تناضر في فراغ ثواني وفجأة اجهشت بالبكي وبكت بعد فترة كتمان فا كاه صوت شهقاتها عالي
فز سعد بخوف من صوت الشخص الي يبكي ولما شاف سُلاف تبكي وبهالشكل خاف ان احد صار له شي فز بسرعه وقال بصوت شبه عالي : سُلاف! وش صايرر؟؟ احد صاير له شيي
سُلاف مع صوته العالي خافت وزاد بكاها
سعد يحاول يفهم منها : سُلافي وش فيك؟ ليه تبكين علميني
سُلاف : ء اشتقت لهلي
سعد تنهد براحه ان محد به شي وقال : الحين تبكين عشانك مشتاقه لهم بس!
سُلاف ماردت
سعد : جهزي اغراضك ماشين للسعوديه
سُلاف لفت عليه بفرحه : صدز!!
سعد : اي يلا قومي بسرعه
فزت سُلاف وهي تمسح دموعها وتاخذ اغراضهم وسعد حجز وكان بعد ساعتين الاقلاع واتصل على هيام
سعد : هلا والله
هيام : هلا وغلا
سعد : اخبارك ياقلبي؟
هيام : الحمدلله وانت
ريم سحبت الجوال : سّعودي وحشتنييي
سعد : ياروح سعد انتي وش اخبارك
ريم : بخير ياعيوني
سعد : عندي لكن بشاره
ريم وهيام بصوت واحد : بشر
سعد : جايكم اليوم للسعوديه
صرخت ريم بفرحه : صدققق
سعد ضحك وهو يقول : اقصري صوتك لحد يدري لاتعلمن احد
ريم وهيام : ابشرر
ققل وبعد كذا اتصل بقروبهم هو وسند وفارس وقال لهم وكذالك وصاهم مايعلمون احد وكان يبيها مفاجأة لاهل سُلاف
،
عند خوله الي دخلت الكوفي واول ماشافت شخص ابتسمت بخباثه وارسلت لـ حنين تقول لها تعالي للكفي ال... واذا قربتي ارسلي لي اطلب على ماتجين يكون جاهز . وراحت قعدت ع طاوله بعيده عن هالشخص
حنين الي كانت جالسه بالبيت بملل ماعندها احد ام عادل مسيره ع اهلها وهيثم طالع مع خويه وبحكم ان حنين مالها صحبات كثير فا ماعزمت احد او راحت لـ احد ووصلتها رسالة خوله
حنين وهي تسولف ع نفسها : ياربي طفشانه ومابي اطلع مع خوله بس مالي الا اطلع معها من قرادة الحظ . واتصلت على هيثم تستأذن منه تروح ووافق وقالت لـ سواق بيت هيثم يجهز السياره
ولما قربت ارسلت لخوله انها قريب . وصلت ودخلت الكوفي وتوجهت للطاوله الي قالت خوله عنها لاكن في ثواني ثبتت بمكانها بصدمه!
كانت خوله واديب قاعدين مع بعض ! ابعدت بشويش عشان محد يلاحظها لاكن وقفها صوت خوله الضاحك : حنين! تعالي شفيك ؟
حنين لفت عليهم وماقدرت تمنع نضرت الاستحقار ومشت عنهم
اديب لحقها : حنينن لحضه
حنين ماردت وهي تتصل على السواق تقول له يرجع
اديب : حنين اسولف معك
حنين : نعم
اديب : والله العظيم ماعرفها ولا جلست معها ي حنين هي الي جت فجأه وجلست وهي تضحك
"نرجع بالوقت شوي بعد مارسلت حنين لـ خوله"
ابتسمت بخبث خوله وانتظرت دقايق وبعدين قامت وجلست بالكرسي قدام ادبب وهي تضحك بغنج : السلام هاذا انت
اديب انصدم وهو اصلاً ناسيها : نعمم اختي! وش تسوين بطاولتي قومي الله يستر عليك
خوله : هههه ذا انا خوله صاحبة حنين
اديب انصدم اكثر وقال بحده وهو يقصر صوته عشان الفضايح : قوميي مناك يلاا
وفجأة قالت خوله : حنين! تعالي شفيك؟
"نرجع لوقتنا"
حنين : طيب؟ وانا وش دخلني تقول لي اصلاً
اديب بهدوء : حنين بخطبك
حنين سكتت بصدمه وهي ماتوقعت الكلمه ذي ابداً ولفت ع صوت السواق ومشت بسرعه
،
بعد عدة ساعات وصلوا سعد وسُلاف نزلوا سعد وسلاف من الطياره
واستقبلوهم سند وفارس
فارس:تو مانورت الرياض والله
سعد حضنه : بوجودك ي اخوي
سند :حي الله عضيدي ومرته
سعد :الله يحييك يابعدي . هيهه لا تنطق محارمنا
العيال :ههههههههههههههه
فارس : كيفك يبنت العم ان شاءالله ماازعجك سعد
سلاف :بخير الحمدلله لا مازعجني هههه انت وش وقعك؟
هنا غار سعد من قعدت تسولف معه وهو واثق من فارس انه مايشوفها غير اخته وانها بنت عمه ويمونون على بعض لاكنه غار عليها
سعد : يلا صولوني للبيت انهد حيلي من الطياره والاغراض
سند وفارس : تبشرر
حركوا لي البيت ووصلوا
حصل سعد في استقباله هيام وريم مسوين حفله صغيره برجوعه
كانت عباره عن كيكه صغيره مكتوب فيها (حي الله معاريسنا ) وباقه ورد كبيره وهديتين لي سعد وسلاف
ريم حضنته وبكت : اشتقتتتتت
سعد حضنها وهو يضحك : ريوم يابوي ليه الدموع!
ريم ضحكت وهي تمسح دموعها : اول مرا تبعد عننا اسبوعين عشان كذا بكيت
هيام سلمت عليهم : حي الله معاريسنا وحي الله اخوي تو مانورت فيكم الرياض والسعوديه كلها
سعد وسلاف :بنوركم والله
ريم :يلا قصو الكيكة بس اذا اشتغلت الاغنيه وانا بصوركم تمام
سعد :تمام
اشتغلت الاغنيه وبدت ريم تصورهم وقصوها وبعدها صفقو نور "العامل للي نسى منهي" وريم وهيام وباركو لهم
سعد سلاف :يبارك فيكم
قعدوا ياكلون من الكيك وبعدها قالت هيام لهم : روحوا ناموا وارتاحوا توكم جانين وتعبانين
سعد :يلا عاد مييت تعب انا
سلاف : يلا ياحيي اشوفكن بكرا
ريم وهيام : مع السلامه
دخلوا الغرفه
سعد بعد مابدلت سُلاف وجلست : سلاف بقول لك شي وركزي به انا رجل غيور وادري انه مثل اخوك بس عاد انا اغار مابي تاخذين راحتك بالسوالف مع فارس حيل سلمي وسولفي بس مو حيل
سلاف : ابشر
سعد :فديت الي مازعلوا زي دايم هههه
سلاف : هههه
وحضن سعد سلاف ونامو
،
ثاني يوم المغرب وصل الجميع حايل وبعد الترحيب فيهم والي كان اكثر الترحيب بـ سُلاف
وصلوا الضيوف عشان العشاء
ميلاف سحبت سُلاف لغرفتها وجلستها ع السرير وهي تقول : يالتسلبه توامي سحبتي علي من تزوحتي
سُلاف : اخخ خلينيي ساكته تكفيننن
ميلاف : وش نوحكتس! منتي مرتاحه معوه!
سُلاف : لا وين والله انن مرتاحه بالحيل بس اطباعنا صعببه والفتره ذي اول نزا ابعد عنكم فا تشوفين اربع وعشرين ساعه ابتسي "ابكي"
ميلاف بضحكه : عاد اختي واعرفتك حساستن بالحيل بساع تبتسي تلقينتس كسفتي بوه
سُلاف : وتخيلي انوه عصبي بذات اذا صار راسوه يوجعوه وانا حساسه
ميلاف : ههههه اربع وعشرين ساعه هواش
سُلاف : اييه انتم شنوحكم من رحت
ميلاف : على حطت يدك ومن راحت لينا مع زوجه وحنا بهدوء تااام وماغير هواش انا ونياف
سُلاف : عاد اشتقتت لهواشكم
دخلت لينا : بنات ضهري وجعني من صب القهوه قومن ساعدن
ميلاف :يالخبله الحريم مشفح يشوفنتس تشتغلين عبالهن مايوجعتس شين وانتي توتس نفاس وبيعطنتس عين
لينا : قومن ساعدن اجل
ميلاف وسُلاف : يلا يلا
،
خلص الشاء بهدوء والكل تعبان ونام
،
صباح ثاني يوم بالمزرعه
....
حبايبي ادري البارت قصير 2000 كلمه بس والمفروض بكون طويل لاني طولت عليكم لاكن هالفتره تعبانه تحملوني شوي 😭🏃🏻‍♀️
البارت الجاي به حدث بين ابطالنا مهممم جداً ركزوا به🙃
الي عنده تشبيه يجي انستا