علميني ي دنياي وش ذنبي

Part 7

مرت الايام بدون اي حدث يُذكر هاديه وعلى نفس اجواء رمضان الجميله وطلعات السوق عشان اغراض العيد ولينا تشتري جهاز زواجها كذالك وخلصو تجهيز كل شيي تماماً قبل 29 رمضان
،
قبل فجر العيد بيوم بعد مافطرو وهم مودعين رمضان واعُلن ان الفجر فجر العيد صار التنافر ترتيب في كُل من المدينتين حائل والرياض وبعد الترتيب بالشمال ام عساف وابو عساف يشترون حلا العيد " حلاو ابو بقره والحلويات الي مثله ابحثو عنها الي مايعرفها" ويشترون باقي الحلويات الثانيه الكشخه وفي الرياض كذالك ام سند طالعه مع سند تشتري حلاويات العيد عشان الجماعه كلهم والجيران راح يعيدون عندهم
،
عند حايل
ميلاف وهي مشغله السماعه ومعليه الصوت وترقص وهي ترتب الا على دخول ابوها الي انصدم وهو يشوفها متعلقه فوق الدرج وترقص وهي تمسح : سكنهم مساكنهم ابتس انتي وش تسوين
ميلاف انخرشت من دخلول ابوها وبغت تطيح لاكن تمسكت وصارت متعلقه على الدرج الي عالي نوعاً ما وقالت : يبهه بطيححح
راح لها ابوها ونزلها وقال : وش معلقتس فوقوه ها؟
ميلاف وهي تأشر على امها : امي قالت مسحي الدرج من فوق مدري مين بيجي فوق الدرج ذا وش طولوه
ابو عساف : وش عندتس يمره من بيتعلقلتس بوقوه؟ رتبو بس مو كذا
ميلاف مسكت يد ابوها وقعدت ترقصه معها : كفو المحزم شف مرتك معلقتن فوق درج كنن من قرود الطايف
ابو عساف ضربها بخفه غلى رجلها : روحي اشتغلي يلا
طلع ابو عساف يريح والبنات خلو امهم تروح تريح كذالك غصب
نياف وهو يركض : عسااااااااف وين ثوبك وشماغك
عساف : ماجبتوه من الخياط انهج جبوه
نياف : اشتغل عند ابوك انا انهج انت انا بجيب حقي
عساف : لاتصير كمخه عاد انت رايح رايح انا بشوف الذبايح اخلص علي
نياف : اووووه طيب طيبببب وعمك ذا متى يجي؟
عساف : جاي جاي بطريق ساعه وهو هنا
نياف : وطويرق معوه!
عساف : اييي كلهم بس اخلصص انت الحين يجون ماخلصنا شي
راح نياف يجيب الثياب ورجع ومعه عمال يغسلون الحواش ويرتبون الديوانيه
،
الرياض بيت سعد الساعه 11 باليل
سعد : رييييم هييياام وينكن
ريم : بالصاله تعالل
سعد جا لصاله لقاهن يرتبن عطاء ريم ثوبه وغترته : بالله امسكي علقيه بغرفتي
ريم اخذته وراحت تعلقه
هيام : وين بتروح شكلك مستعجل
سعد : رايح اجيب عمال يرتبون بيت سند ويغسلونه وبعدها اجيبهم هنا يغسلون ويرتبون
هيام : وسند وينه؟
سعد : سند راح يشتري ذبايح ويوديهن للقصاب وطبخ
هيام : طيب مانغسل الاحواش العمال صح؟
سعد : اي ويقلبي هيام لخلصتو روحو لبيت ام سند داخت قبل شوي بالسوق يقول سند وهم يشترون حلاويات العيد
هيام : ابشر لاتوصي حريص
ريم جت : اصلاً قلنا لـ نور تروح تساعد عاملة خالتي وباقي خفايف الحين نروح نشوفهم
سعد بستعجال : يلا يلا اجل ، طلع مسرع ودور عمال ولما لقاهم اخذهم يغسلون احواش بيت سند وبعدها بيته " وطبعاً بيت سند اول عشان الفطور الصبح عند سند والعشاء باليل عند سعد "
،
عند ام سند وسند بالسوق بعد ماشترو حلاويات العيد بانواعها وخلصو قبل يركبون السياره داخت ام سند عند باب السياره
ركض سند لـ امه يخوف مسكها قبل تطيح فتح السياره وجلسها وقال : بسم الله عليك بسم الله انتضري انتضري اجيب لك مويا لاتتحركين
توجه بسرعه للبقاله الي قدام السياره اخذ مويا وراح لـ امه يشربها
ام سند : مافيني شي يولدي بس دوخه خفيفه
سند : ماكلتي شي من قعدتي صح؟؟
ام سند بكذب : لا اكلت
سند : يممه لاتكذبين عليي
ام سند : ماكنت مشتهيه
سند عدل جلست امه بالسياره وسكر باب السياره وراح ركب وتوجه لمحل عصائر طبيعيه اخذ لها عصير وطلب اكل لها نزل نضره لجواله شاف اتصال ورد على سعد : هلا
سعد : وينك اخذت الذبايح!؟
سند : لا شوي واروح اخذهم
سعد بعصبيه : يااااالله الهمني الصبر سند راح الوقت ؟؟
سند : يارجال امي داخت شوي واروح
سعد بخوف : يوه ماتشوف شر عسى ماشر
سند : ماشر بس ماكلت شي اخذت لها اكل وذا انا رايح البيت
سعد : يلا اجل مع السلامه واذا هي تعبانه خلك عندها لاتجي انا اسري الباقي
سند : معليك
قفل سند وقال : يمه
ام سند : هلا
سند وهو يمسك يدها ويحبها : تكفين لاتعاندين مابيك تمسكين شي ولا ترتبين خلي الشغاله هي تسوي
ام سند : بس ي يمه مايمديها تخلص لازم اعاونها راح الوقت
سند : خلاص مو مشكله اتصل على شركه يجيبون لك ثلاثه غيرها ينفضون البيت باقل من ساعه
ام سند : لا مو لاز..
قاطعها سند الي قال : اتصلت عليهم خلاص
اتصل واستعجلهم وجابوهم خلال نصف ساعه وبدو يشتغلون مع عاملة ام سند و ريم وهيام وزي ماقال سند نفضو البيت من والى خلال اقل من نصف ساعه
وسند وسعد بدو يخلصون الباقي
،
نرجع لـ ريم وهيام بعد ماخلصو ترتيب الساعه 3 قبل صلاة الفجر بشوي
ريم تمكيجة ومكيجة هيام
ريم : هياااممم اي اكسسوار البس
هيام : الي شريتيه
ريم : شريت ثلاثه
هيام : مدري ي ريم خليني اخلص
ريم تأففت واتصلت على ملاذ
ريم : ملاذييي تكفينن فزعه
ملاذ : ابشري يقلبي
ريم فكت الكميرا على الاكسسوارات : وش البس اي واحد
ملاذ : وريني فستانك اشوف
ورتها ريم واختارت ملاذ لها واحد قفلت وبدت تلبس وتسوي شعرها
اما هيام فا هي كعادتها هاديه خلصت بدون شوشره وبدت تصور ولما خلصت ريم صورو مع بعض وهن مشغلات اغاني ومبسوطات
سعد دخل البيت ع الساعه 4:30 وماشاف خواته بس يسمع الاغاني
نور جت : يجي بابا "بمعنى جيت بابا"
سعد : اي وين البنات؟
نور : هاذا شغل سماعه يرقص يصور زي مجنونهه
سعد ضحك وفهم منها ان البنات قاعدات يصورن ويستهبلن وقال : طيب يجدتنا ولعي بخور وجيبيه لي لغرفتي
نور : تيب "طيب"
دخل سعد غرفته وتروش طلع لبس ثوبه الا دخلت ريم ومعها البخور : افااا سمعت ان اخوي طلب من نور تولع له البخور وخواته ويننن؟؟
سعد وهو يعدل نسفت شماغه : اخوك سمع انكن تصورن قال مايبي يخرب عليك
ريم : يلا معليه بس لاتعودها
سعد : ابشري
بخرته ريم وبعدها نادت هيام : هيااميي تعاليي بسرعهه
سعد بستعجال : وش فيك تأخرت بسرعه؟؟؟
ريم : تكفى سّعوديي لاتعصب وتخرب جونا اليوم بس نصور معك وبعدين شوف الساعه تو دخلت 5 يعني باقي على صلاة العيد
سعد : وانتي حد يقدر على لسالنك بسرعه طيب
ريم : هيااامم يبارده بسرعه
هيام جت ركض : عيب يكلبه اكبر منك تراي
ريم بعدم مبالاة : طيب طيب وقفو كذا ، ثبتت جوالها وحطت توقيت ثلاث ثواني ويلتقط الصوره جلست ريم بالنص بين هيام وسعد وهي مسويه قلب بيدها ولما التقطت الصوره نقزت وهي تشوفها وصرخت : واووو تهبللل
هيام : سعد يقلبي فك نسفت غترتك وسوها مرا ثانيه بصورك وانتي تسويها
سعد بهدوء وهو يحاول ميعصب "طبعه اذا توتر يعصب" : يلا ، واسلتموه تصوير لين صارت الساعه 5:20
سعد بستعجال : تعالن بعايدكن الحين شوي بعد الصلاه بنشغل مع الرجال
عايدهن وعطاهن عياديهن وبعدها لبسن وتوجهو لبيت ام سند اما سعد وسند فا راحو سياره وحده لصلاة العيد
،
نرجع بالقوت الساعه 4 ونص بيت سند
طلع سند من غرفته وتوجه غرفة امه مالقاها راح لصاله وبرضو مالقاها راح بعدها للمطبخ ولقاها تولع بخور
سند : شتسوين ياقلبي؟
ام سند : ابي ابخرك رح انتضر بالصاله
راح سند وماهي ثواني وجت امه ومعها البخور بخرته وهي تحصنه
سند : جعلني مانحرم منك يابعد هالدنيا ي يمه
ام سند : يقلبي يولدي وجلعني ماخلا يارب
سند ناضر لـ امه وهو يصفر : لااااا وش ذا الزييييين وش تركتي للبنات الي اصغر منك بالله عليك؟
ام سند بخجل : لاتمدح واجد ترا امك خجوله
سند ضحك : يعلني فدوه للخجولين ي ناااااسسس
ضحكة امه وهي تنزل المبخره
سند : اخاف التزم برجال من صلاة العيد واجيبهم معاي بعايدك من الحين
توجه لها وسلم عليها وعايدها : من العايدين الفايزين يالغاليه
ام سند : من السالمين الغانمين
، عطاها عيديتها وقبل لاتعترض قال : عيديه مابها اعتراض
سمع صوت الباب وطلع لما عرف انه سعد وتوجهو لصلاة العيد والبنات دخلو عند ام سند
،
نروح حايل الساعه 2
كانو البنات متجمعات بغرفة لينا يتجهزن
ميلاف : خواتي العزيزات ارسم الايلاينر زي الهبه او عادي
لينا : احس عادي الهبه ماتصلح لفستانتس
ميلاف : وانتي توأمي الحبيبه وش تحسين بوه
سُلاف وهي تسوي حالها تفكر : اتفق مع اختنا الكبيره
لينا : شرايتس انتي وهي بدال القرقه "السوالف" تشغلن اغاني
سُلاف : ابشررررييي بعزتسس وش تبين احط لتس
لينا وهي تصفق باصابعها وتلحن الكلمات : حطي عيد وحب هاي اليله الناس معيدين
سُلاف : تمممم ، شغلة الاغنيه وبدو البنات يغنن بصوت عااي لما صول البارت الي يحبنه
"عيد وحُب هاي اليله الناس معيدين
لو انته وياي اليله العيد بعيدين
عيد وحُب هاي اليله الناس معيدين
لو انته وياي اليله العيد بعيدين
مرو عليا وفاتو وحدي بلا خل
اثنين اثنين الحبايب يا غايب طل "
وكملو يغنون ويرقصن ويستهبلن
ميلاف فجأه صرختت بوجع : ايييييييييييييييييي
لفو البنات برعب لها : وشش فيتس؟؟؟
ميلاف بألم : احترقت يدي من الفير
سُلاف فتحت الدرج وطلعت الميبو "مرهم حروق" : تعالي يقلبي احط لتس منوه الحين تخف
ميلاف : اهه يوجععععنن ليناا تكفيننن
لينا : ميلاف لاتصيرين وغد خلاص بيخف
سُلاف نزلت دموعها ولفت وهي تمسح دموعها بشويش علشان الميكب
ميلاف : سوسوو لييه تبكين
سُلاف الي لما شافت توأمها تتألم نزلت دموعها لا شعورياً
ميلاف بكذب : والله امززح معتس مايوجعن اصلاً
لينا : يووووه ام دميعه على طول دموعها تنزل
ميلاف خزت لينا وقالت : محد له شغل بتوامي هش يلا ، وكملت ، سوسو قلبيي وش فيتس امزح
سُلاف وهي تغير الموضوع : خلاص ولا شي يلا تعالي اكمل لتس شعرك
لينا : صارحيني ليه بتسيتي؟؟ "بكيتي؟"
سُلاف : يووووه ي لينا خلاص عاد مابتسيت "مابكيت" بس مابي شين يوجع توأمي
ميلاف حضنت سُلاف وقالت : ييييييييييااااااربييييي لاتحرمنييي ياهاا وهه يبعد حيي
لينا : الظاهر انا اخت الجيران
ميلاف سحبتها وحضنتها كذالك وصار حضن جماعي
نياف دخل : ياااربيييييي ي صبببررر الارض فاقدات حنان انتن ترا مابوه حنان من ابوي وامي ماخذتوه يابنات حنا المساكين ماسوينا زيكم
سُلاف : يوه جا لوه سبب يتحلطم عليّه
نياف : مشكله مشكلللله الظلم عيني عينك انا اتحلطم اعوذ بالله بس
ميلاف قامت وسحبته وطلعته برا وسكرت الباب وشبكة على السماعه مرا ثانيه وعلت الصوت عشان ماتسمع صوت نياف الي يتحلطم برا
لينا : خواتي العزيزات على قولة ميلاف وش احط لون الروج!؟
ميلاف وسُلاف بنفس الوقت : احمر
لينا ضحكت : شلون تعرفون انهن توأم هههههههههه
ضحكو البنات وخلصو كل شي على الساعه 4
طلعن من الغرفه وشافن امهن كاشخه ومعها بخور تبخر عساف ونياف وابو عساف
سُلاف : يه يه يه يه وش ذااا الزييييينن ينبع الحنان وش ذا الكشخه
لينا : لا بالله غطيتي على الكل بزينتس عرفت من طالعات عليّه انا وخواتي
ميلاف : يبه انا متأكده الكل يحسدك على امي بالله شف الزيننن فديتتتس يا ملي
عساف : صدز يالوالده غطيتي على ابوي بالكشخه
نياف : اول مرا اتفق مع المهبل ذيلا واؤمن ان كلامهم صح ميه بالميه
ام عساف خجلت وقالت : يبعدي يعياليي جلعني ماخلا من حتسيكم
ابو عساف تنح نح وقال : حصني نفستس لا يعطونتس عين الحريم
ام عساف احمر وجهها اول ماصفرو العيال وبدو يصفقوون
نياف : تغارر عليّه ي حسين
ابو عساف بحده ومحاولة تغيرر الموضوع : عيب يقلييل الحيا مرتي وام عيالي واغار عليّه
ميلاف : لا يبه كذا انا بغار
سُلاف : انتي جارت امي؟؟
ابو عساف لـ ميلاف : عاد انتي شبيهة امتس طالعه عليه بالزين
عساف ضحك : يه يبه اعترافات صريحه وغزل صريح اكثر لـ امي ههههه
ابو عساف : مشينا يلا لصلاة العيد
"تقديم بالاحداث بعد صلاة العيد "
ابو عساف وعياله دخلو بيتهم ونادا ابو عساف بناته وبدا يسلم عليهن
ميلاف وهي تسلم على ابوها : كل عام وانت بخيرر ياتاج راسي وعزوتي
ابو عساف : وانتِ بخير يشمعة البيت ، وعطاها عيديتها
سُلاف وهي تسلم على ابوها : من العايدين الفايزين يا بعد حيي
ابو عساف : من السالمين الغانمين يسكر البيت ، وعطاها عيديتها
لينا وهي تسلم عليه : كل عام وانت بخير وصحه وسلامه يالغالي
ابو عساف : وانتي بخير ياعيون ابوتس ، وعطاها عيديتها
ميلاف : يبهه عيون ابوها اسمي لاتقوله لهم اغار
ابو عساف ضحك وقال : ابشري خلاص لينا شمعة البيت تذكرت لخبطت بينكن ، لف على العيال وعايدهم وعطاهم عيادي وكانت ذي عاده عند ابو عساف مهما كبرو عياله لازم بعد الصلاه وبعد مايعايدهم يعطيهم عيادي وكلما كبرو تغيرت رقم المبلغ حسب العمر
وبكذا بدو الكل يعايد بعض ويوزعون عيادي
وطلعو عيال ابو عساف لـ ابو طارق وطارق وفارس اما ابو عساف فا نادا خوله يعايدها ويعطيها عيديتها
"بدون اي احداث تُذكر انتهى فجر العيد بغيبوبه جماعيه عند جميع ابطالنا "
الرياض | باليل على العشاء كان عند سعد
بعد الصلاه بما يقارب نصف ساعه قال سعد : حياكم على العشاء
وقامو الكل يتعشون الا سند الي سحب سعد : وش عندك مأتش اليوم
سعد : ماعندي شي بس ماشبعت نوم
سند : انت والنوم ذا مشكله كلما ماشبعت نوم قلبت الوجه وبعدين ابتسم وفك عقدة الحواجب ذي حتى لو بالغصب قدام ضيوفك
سعد : ابشر ابشر
وبعد ماتعشو الرجال رجعو وبدا سعد يصب لهم شاهي وهالمرا ذي حاول يفك عقدة حواجبه الي لا شعورياً تصير اذا صدع او نعس
عند الحريم
فا كانت السوالف هاديه لين مادخلت ملاذ فزت ريم تسلم عليها وتعايدها وبعدها هيام ومن بعدها ام سند ومن بعدها باقي الضيوف
ريم وهي تسحب هيام : ملاذيي يحيوانه ليه ماجيتي الصباح
ملاذ : والله امي غصبتني اروح لعمامي وخوالي وفرت بي العايله كلها لاكن الحلو في الموضوع بنام عندك غيبوبة اليل هههههه
ريم ضحكت وقالت : الناس عندهم الغيبوبه الساعه ثنعش الظهر بس حنا ثنعش الظهر وثنعش باليل هههههههههههههههه
هيام : يحيوانات انتي وهي تعالو هناك مندسات يلا ساعدوني
طلعو البنات وبدو يساعدون هيام ويقهوون الضيوف
ريم ارسلت على سعد : سّعودي ملاذ صحبتي بتنام عندي عادي يعني لو تنام عند سند عشان ناخذ راحتنا مع البنت اكثر؟
سعد يوم شاف الرساله خرب جوه كان ناوي ينام بفراشه لين يشبع لاكن حالياً بينام عند سند ويقعده سند بدري ويخرب نومه لاكن رد : اك
وبعد ماراحو الضيوف ريم وهيام وملاذ شغلو التلفزيون على فلم وحطو بطانياتهم على الكنبه وتسدحو يتابعن وشافو من الفلم بس 20 دقيقه والباقي نامو وسحبو عليه وكان الاكل والعصاير قدامهم وشكلهم يرثى له من التعب
وعند سند وسعد فا نفس الحكايه لاكن بدال الفلم يسولفون
سند : العيد ناقص بدون فارس
سعد : اي والله اتصل عليه
سند وهو يشوف الساعه قال : اخاف نايم
سعد : جرب اذا رد كان بها مارد الشكوى لله
اتصل وقعدو ينتظرون الرد وثواني ووصلهم
فارس : ارحبووو
سند وسعد : البقى
فارس : كل عام وانتم بخير
سند : وانت بخير وصحه وسلامه
سعد : من العايدين الفايزين
فارس : من السالمين الغانمين
سعد : الحين سوال وش تبي ب حايل ؟
فارس : هههه ليه !؟
سعد : العيد ناقص بدونك هنا
فارس : ابي تعرفون قيمتي بس
سند : متى جاي؟
فارس : ههااايي مانتم شايفيني شهر قدام
سند : اييااا الجحووود
فارس وهو يناحي نياف وعساف الي عنده : بعد ثلاث ايام عرسي يبعدي واعيش مع حبيبتي بهناء وسلام
عساف ضربه بالعقال بقوه : ايا الي ماتستحيي قدامي بعد
نياف ضربه على ضهره : احترررم اننا اخوانها وموجودين تغازل عيني عينك
فارس : يووووه الرجل الغيور ذا
سند وسعد ماتو ضحك من صوت فارس الي وضح به الالم
فارس بضحك : اخخ يضحكون على جروحي خوش اخويا
عساف : يضحكون على خبالك يبعدي
فارس : اخخخ بسس اوريككم
نياف سحب الجوال وقال : بدينا سوالف قبل نسلم كل عام وانتم بخير
سند وسعد : وانت بخير وصحه وسلامه
عساف تنحنح : من العايدين الفايزين
سند وسعد : من السالمين الغانمين
عساف : شعلومكم؟
سند : بخير جعلك بخير
سعد : الحمدلله انتم اخباركم
عساف : بخير الحمدلله
نياف : الحمدلله بخير ، لف نياف على عساف الي يأشر له وراحو عشان ياخذون سند وسعد راحتهم بالكلام مع فارس
فارس : سند سعد متى تجون؟
سند : والله ماندري للحين مبتلشين
فارس : ليه مبتلشين؟
سند : امي وخوات سعد معنا مانقدر ناخذهم ولا نقدر نخليهم
فارس : ليه ماتقدرون تجيبنونهم؟
سعد : خالتي ماتتحمل الطريق الطويل
سند : ومقدر اخليها
فارس : سند بلا خبال تعال انت وخالتي بطياره ابي وقفة اخواني من بدري مو تجون زي الضيوف ليلة العرس؟
سند : احتزم يخوي لا تشيل هم ان شاءالله بكرا عندكم
سعد : افا والله اخوانك حنا اكيد بنكون موجودين من قبلها بكم يوم بس قصدنا الوقت
فارس : يبعد حييي انتم
،
نرجع بالوقت شوي قبل يتصلون سند وسعد على فارس
فارس وعساف ونياف كانو متجمعين بالحوش والدله بينهم وسوالف وسعة صدر
نياف : فارس انت دايم تسولف عن سند وسعد شلون تعرفت عليهم
فارس : ههههه وش طرا عليك ؟
نياف : مدري كذا خطرو ببالي
قبل يتكلم اتصلو سند وسعد
فارس : الطيب عند ذكره ... "المكالمه الي قبل شوي "
وبعد ماقفل منهم فارس راح للديوانيه ولقاهم قاعدين يسولفون
فارس : اي وشو كنا نقول
عساف : اي صح ناشبين لك قل لنا اذا ماهو بمضايقك
فارس : شدعوه ما يضايقني ياطويلين العمر تعرفت عليهم وانا مُمرض وقتها وهم توهم متعينين دكاتره ودخلت مع سند عمليه وطلعنا من العمليه وهي ناجحه وقال سند بهالمناسبه ودامها اول يوم وضيفه له ولـ سعد بيسوي عشاء ببيته وعزمني واصر الا اجي وتعرفت عليهم معرفه سطحيه وبعدها بيومين "نزل راسه بحزن وهو يحاول يبعد الغصه الي بصوته " وصلو ابوي وامي للمستشفى مع الاسعاف عشان امي طاحت عليهم وقال واحد من الدكاتره انها توفت وكانت حالتي انا وابوي مايعلم بها الا الله وشافونا سند وسعد وكانو يهدوني ويهدون ابوي ووقفو معنا بالعزا وقفه مانساها طول عمري تذكرونه انتم عاد
عساف وهو يخبط على كتف فارس : الله يرحمها ويغفر لها
فارس ونياف : امين
نياف وهو يبي يغير الموضوع : قومو ننام ورانا كرف بكرا تجهيزات العرس والضيوف الي بيجون
عساف : يلا الله يعينا
وقامو الجميع ينامون للاستعداد للكرف الي بيجيهم بكرا
..
خلص البارت...
رايكم بالبارت يهمني 💗💗💗