علميني ي دنياي وش ذنبي

Part 6

ثاني يوم الظهر الرياض العاصمه
في المستشفى
فارس قدم اجازه وقبل يطلع راح مكتب سند مالقاه وسأل قالو عنده عمليه توجه لمكتب سعد بس قالو له عنده مريض جلس ينتضر المريض يخلص عشان يشوف سعد ويودعه وبعدها يودع سند
وصله اتصال وابتسم من شاف الاسم "ولد العم " ورد
عساف : السلامم
فارس : وعليكم السلام يهيلا اخبارك
عساف : بخير انت شوقعك "وش اخبارك"
فارس : الحمدلله
عساف : ها متى تجي
فارس : والله تو خلص دوامي بسلم على اخوياي وسيده يمكم
عساف : يلا لاتطول ولاتمشي باليل ولاتسرع اعرفك مرجوج
فارس ضحك : مقبوله يولد عمي معليه ابشر
نياف سحب الجوال من عساف وقال : فروس تعال وفكنا من وجه اخوك الغثيث
فارس ضحك : للحينه ترا اخوي ها؟
نياف : المشكله انك تضحك معليه يلا امش بسرعه الشوق قتال
فارس : يلا اجل مع السلامه
قفل فارس على طلوع المريض ودخل لـ سعد : سّعود
سعد : لاتقول ماشي
فارس : اي ماشي جاي اسلم عليك
سعد قام وهو يسلم عليه : مامدانا نشبع منك يصرفونك مرا ثانيه
فارس ضحك وقال بمزح : ماتوقعت اني غالي
سعد بمزح : لا منت غالي بس المجامله حلوه
فارس : هييييين
لفو على صوت سند : اشوا لحقت قلت اكيد مشيت وانا ماشفتك
فارس : افا اقدر اروح بدون ماسلم عليك
سلمو وبدو توصيات لفارس لانه طاير " يسرع وماينتبه للطريق "
بعدها مشى فارس متجه للشمال وكان فعلاً مسرع
اما سند وسعد فكان دوامهم لـ العصر فذا اليوم والعصر توجهو للبيت وكل 5 دقايق يتصلون يتطمنون على فارس ويهاوشنه اذا حسو انه مسرع
،
بالشمال فكان الوضع هادي نوعاً ما غير ان ميلاف وسُلاف كانو يخططون لمصيبه والمرا ذي بمساعدة نياف الي متحمس اكثر منهم عشان يبرد حرته بـ طارق وظلو ينتضرون فارس يجي عشان يسوون مصيبتهم
ووصل فارس خلال ثلاث ساعات ونص والمسافه بين الرياض وحايل ماتقارب ست ساعات لاكن مع سرعته وصل بمده اقل وعلى صلاة المغرب وصل بيت عمه صفط سيارته الا على طلوع الرجال من البيت سلمو على السريع عشان الصلاه وتوجهو للمسجد جميع
بعد ماطلعو من الصلاه تعدو الشياب ومعهم طارق بعد ماخز فارس وعيال عمه
نياف وهو يحضن فارس همس : تحرا "انتضر" مصيبه بسويها بعد شوي
فارس : اوه ممدا مصايب
نياف : طبعاً لازم مصيبه
عساف سلم على فارس بحراره وقال فارس : اخوك شلون صار ضابط صارحني؟
عساف بمزح : بالسحر ولا ذا مو خشة "وجه" ضابط ابد
نياف : اوريكم عاد بعد شوي لاسويت المصيبه الي يضحك دقيت خشموه بها القاع اي صح انكسو "ارجعو" مع الباب الي ورا وادخلو بساع على الديوانيه واذا تأخرتو راح نص عمركم
مشى وخلاهم وقال بصوت عالي عشان طارق يسمعه : طارررققق
طارق لف عليه بدون نفس : خير
نياف : انتضر خواتي بالحوش بقولهم يدخلون
وقف طارق ودخل نياف وشاف ابوه وعمه بالديوانيه وخواته ينتضرن الاشاره من عطاهم الاشاره اخذو الزيت وكبو شوي منه قدام الباب وشوي يمينه عشان لما يطيح يطيح بالجهه الثانيه ويمدي يمسح نياف الزيت لفن ودخلن عند لفة الحوش الخلفي بعد مادخل فارس وعساف
نياف : ادخل
دخل طارق وهو مو منتبه للزيت وزحلق من الباب لين الجدار وصقع راسه به ولما رجع يوقف بالم طاح مرا ثانيه والمرا ذي صفق بالباب حق الديوانيه وفزو كلهم
ابو عساف : علاامك انت
ابو فارس خاف ان طارق جاي سكران : اجلس يبو عساف فارس شف اخوك " وغمز لفارس "
فارس قام لاكن تذكر كلام نياف عن المقلب وفهم الوضع وتكدر شوي علشان اخوه صار ضحكه بس يدري ومتأكد ان طارق يستاهل لان لو الوضع بيد طارق سوا النون وما يعلمون
ابو عساف مارد على اخوه وقامو يشوفون طارق
اما نياف فا قام يمسح الزيت بسرعه وهو يضحك وضحكته فضيحههه وعلى قولة امه " حمارن يناهق " بعد مامسح الزيت راح لهم وشافهم متجمعين عنده وهو مو قادر يسكت وضحكه كلما له يعلى اكثر
ابو عساف بحده : علامك وشهو الي يضحك وولد عمك مققوعن راسه
نياف وهو مو قادر يسكت : ء هههههه ي هههههه
ابو فارس : وشهو الي يضحك انت وبعدين وش هالضحك ارفع علومك
نياف خزه وهو يضحك وقال بعد ماكتم ضحكته : شفته لما طاح يبه وطيحته تضحك ، ورجع يضحك لما تذكر تدربيات "ماعرف اشرح معناها ابحثو عنه " طارق قبل شوي
ابو عساف عطاه نضره خلته ياقف مستقيم ولفو لطارق الي ماسك راسه وهو اساساً قافله معه : مقصوده ذي والله مقصوده "كمل وهو يقصد نياف" وان طلع احد متعمده لايلوم الا حاله
عساف بحده الجمت طارق : احترم حالك وان كانك منرج اليوم مابوه خلاف يبعد تسبدي نعقلك ونخليك تمشي زين مثل خلق الله لابارك الله بالخكاريه
طارق ناضر بـ عساف : والله ماهي بعيده انت الي حاط لي شي ازحلق منه
عساف وهو يقلده : ازحلق منوه اقول ارفع علومك وش نبي بك . لف على عمه وابوه وقال . اجلسو يرجال مامن شي
طلع هو ونياف
عند ميلاف وسُلاف فا هنا الفضيحه بكبرها سُلاف ميته ضحك وميلاف تضحك بقوه وضحكتها لحالها حاله خاصه على قولة امها ضحكة "رقاصه"
لينا طلعت على الصوت وضحكت من ضحك ميلاف الي يضحك : وش نوحتس انتي وياها
سُلاف بين ضحكها : ء ههههههه ء هههه " وقالت السالفه وهنا ماتت ضحك ميلاف وحرفياً من ضحكها بدت تشهق بقوه كنها سكرات الموت
لينا وهي تضحك : وجع ميلاف اضحكي زين كنتس رقاصه عيب استحي فضحتينا
ميلاف ماردت
لينا : ميلاااف ابوي الحين يجي يهاوشتس
برضو ماردت
هنا فقدت الامل لينا وراحت تركتهم وبعد مده هدو من الضحك وعلى ماوقفو ودخلت سًلاف ناضرت ميلاف مكان طيحة طارق ورجعت تضحك اكثر وجلست على الارض ماسكه بطنها من الضحك وهي اساساً فصلت مانامت زين والكمين ذا خلاها تفصل ضحك لين جت امها وسحبتها ودخلتها غرفتها وقفلت الباب عشان تنام غصب وبعد مده ماتقارب خمس دقايق الى عشر دقايق نامت ميلاف وهي تضحك
اما عند عساف ونياف
عساف بحده : انت الي مسويا!؟
نياف ببراءه : انا؟
عساف : جدي الي بقبروه اي انت
نياف لما شاف عساف حاد بكلامه وصارم ترك المزح وسولف عدل : اي انا
عساف : ليه؟؟؟؟؟
نياف : رفع ضغطي بعد كلاموه امس
عساف : يعني عجبك يومنوه يعلي صوتوه على ابوي؟؟؟ والله ينياف لو ماتعدل وتترك الخبال مو بحسن لك ارفع علومك شوي لاحتسى "لاتكلم" عليك لاتسكت مير "لاكن" انت تغلط على الرجال ببيتنا ذي لاعاد تصير فاااهم
نياف : خلاص ابشر ابشر
راح عساف وهو صح انه بردة حرته بطارق لاكن مايحب يهين احد ببيتهم الا اذا الشخص ذا بدا هنا يمسح به القاع
دخل وجاء بيقهوي بس وقفه نياف الي اخذ القهوه وقال : اجلس انا اقهوي
بدا نياف يقهوي ولما وصل لـ طارق
طارق رفع نضره لـ نياف خزه ومد فنجاله عشان يصب له وهنا نياف كان وده يكب شوي من القهوه على رجل طارق لاكن تعوذ من الشيطان لما تذكر كلام عساف وشاف عساف يناضره صب له وجلس جنب فارس يسولف معه
قطع كلام المجلس كله صوت جوال فارس
فارس : عن اذنكم شوي
طلع ورد على الاتصال : ارحب
سند : البقى اسفين عالازعاج بس شفت رسالتك انك وصلت وقلت اطمن عليك وبهاوش ثنين في واحد
فارس فهم ليه بيهاوش لاكن سوا حاله غبي : افا ليه بتهاوش وش انا مسوين
سند : ابد ماسويت شي غير ان الانسان الطبيعي يوصل حايل من الرياض خلال ست ساعات انت توصل ب ثلاث ساعات وشلون؟
فارس بعبط : مدري معقوله سرعه يعني؟
سند : ياااارب الهمني الصبر ابد يقلبي بسحر صدقني
فارس لايزال يستعبط : اعوذ بالله لازم ارقي سيارتي ونفسي عندك شيخ قرايتوه حلوه!؟
سند : اي افا عليك فيه والشيخ ذا بيصفقك باقرب شي قدامه
سعد وهو يسمعهم لان سند حاط سبيكر قال : ماعلينا الحمدلله على السلامه ويلا انا بروح اودي اهلي يجيبون اغراض رمضان
سند : يلا فارس حتى انا بقفل بودي امي ولاعاد تعيدها ها
فارس : سم
قفلو وتفرق كل شخص يشوف شغله
عند ام سند وريم وهيام فا كتبو كل الي ناقصهم وطبعاً ام سند كانت تعلم البنات وش يجيبن مثل ماتعودو وطلعن البنات مع اخوهن وام سند مع ولدها وبدت فقرة اغراض رمضان وبعد ماخذوها وخلصو رجعو البيت وكانت نور العامله حقت ريم وهيام تساعدهم وخلصو بسرعه وراحو لـ ام سند الي كانت عاملتها تساعدها وكملو البنات معها وبعدها جلسو والعاملات يضبطن السحور كبسة لحم وكانو عازمين رجال كثارر وديوانية سند مقتضى بالضويف
وبرضو ذا الي صار في الشمال وتحديداً "حايل" كان ابو عساف عازم رجال الحاره ومعارفه وقرايبه
،
صباح ثاني يوم اول ايام رمضان العصر في الشمال
ميلاف : اهه يمهه متت جوووع
ام عساف : شسوي لتس يعني؟
ميلاف : ليه ماقعدتن على السحور
ام عساف : انخبلتي علينا لتس جعير بهالحوش وتبني اقعدتس مابعد انهبلت "جعير بمعنى بكي لاكن ضحك ميلاف اقرب ماله بكي مو ضحك "
ميلاف : خلاص اكرفو لحالكم "وقالت وهي تبي امها تعصب من باب الضحك" انا بنت ابوي ماعرفتس انتي
ام عساف مسكت الملعقه الي كانت تحشي فيها مخباة التاجر وقطتها على ميلاف الي انحاشت وهي تضحك
ام عساف لفت على البنات : وانتم وش جهزتو مابقى شين عن صلاة المغرب
لينا : انا عملت"سويت" شوربه وجلي ثلاث انواع واذان الشايب وسمبوسه
سُلاف : انا عملت فطاير بنواعها وبيتزا نوعين والعصاير
ام سعاف : انا بعد عملت مليحيه صنف رئيسي ومخباة التاجر وكبه وعبكة تمره
سُلاف : ميلاف عملت مكرونه وتوست بالنقانق وحلا صنفين
ام عساف : كم باقي على الصلاه !؟
لينا : ساعه
ام عساف : مايكفي الي سويناه والي جايين كثير وش السوات؟
لينا : من يمه بيجي
ام عساف : خوالتس كلهم رجال وحريم وعيال عم ابوتس وجيراننا ام هذال وام عبدالمجيد وام سامي وام محمد وبناتهم ثلاثه بس
لينا : اف كل ذول على الفطوور!!
ام عساف : اي بس ام محمد قالت يمكن تجي بعد الفطور مو اكيد بعد
سُلاف ؛ يمه المليحيه الي سويتيه كثير والفطاير سويناها بنواعها وكثرنا منها وغير الباقي يعني احس يكفي اذا خالاتي راح يجيبن شي
لينا : وبعدين وينها السحليه ماجت تساعد منجضعه "منسدحه" بالغرفه وحنا نكرف
ام عساف : عيب حنا اهل البيت وهي ضيفتن وبعدين احترميها عشان رجلتس على الاقل ترا حماتتس
لينا : يمه خل تولي شايفتن حالها على وش مدري سبحان الي خلقها الله يغثها غثتني استغفر الله بس مابي اكسب ذنوب من وراها
سُلاف : خلاص انا دخت عجزت اوقف خلونا نشوف خالاتي وبعدين نجلس نقرا قران
ام عساف : يبعد حيي انتي بليا تعبانه اجلسي بس سبحان الله شلون انتي وميلاف كنتو ببطني مع بعض وحده طايره والثانيه عاقله
لينا : لااا الوالده شايله على ميلاف بعد ماجحدتتس
ام عساف : لا بس ذا الصدز
سُلاف : يبعد الدنيا ينبع الحنان
لينا : يمه لايغرتس تراها زي سُلاف بس ذي تتمسكن ووتدلع عندتس وذيك تتدلع وتتمسكن عند ابوي
سُلاف خزتها عشان لاتطلع فضايحها
لينا ضحكت : شنوحتس تقل متسذبن !؟"وش عندك كانك مكذبتني؟"
سُلاف : لا ماكذبتتس بس هاتي جوالتس خن اتصل على خالتي صيته اشوف وش سون هي وبناتها
اتصلت وردت خالتها : هلا هلا بليونه
سُلاف : هلا فيتس يخاله انا سُلاف
صيته : هلا يمه سُلاف اخبارتس يبعدي
سُلاف : بخير انتي اخبارتس
صيته : الحمدلله امري
سُلاف : مايامر عليتس عدو بس بسأتس سويتو شي معكم ولا؟
صيته : اي سحر سوت لقيامات وانا سويت صنف رئيسي جديد
سُلاف : تسلم يدتس يروحي يلا اجل ماطول عليتس بس قلت بسأل عشان الي سويناه اخاف مايكفي
صيته : فيه الخير ان شاءالله وخالتتس مزنه اكيد سوت صنف معها ومرت خالتس جوها الحلويات تلقين سوت
سُلاف : حلو اجل يلا مع السلامه
قفلت سُلاف ولفت على امها : خالتي صيته سوت لقيمات وصنف رئيسي وتقول خالتي مزنه اكيد بعد سوت ومرت خالي بعد اكيد بتسوي حلا وقهوه
ام عساف : اجل يلا
لينا لفت على سيتي وقالت : جهزي السفره وودي كل شي عليها بس العصاير والجلي والشوربه وواذان الشايب والمرقوق ذول قبل الصلاه بخمس دقايق حطيهم ولخلصتي ودي للمجلس الحلا والقهوه وبخري البيت
طلعو ولبسو وخلصو وتجمعو بالمقلط ولقو ميلاف سابقتهم اساساً اخذو القران وبدت اهم فقره وهي يقرون القران ويدعون ويستغفرون
عند الرجال
كان ابو عساف مقعدهم بالخيمه الي بالحوش ومجلسهم جميع وموزع القران عليهم يقرون وذا حالهم من اذن العصر وذي فقره اساسيه برمضان
،
الرياض بيت سند العصر
ام سند : وش سويتن تاخذنه معكن
ريم بدون نفس : انا سويت لقيمات
هيام بهدوء : انا سويت بيتزا
ام سند : زين حلو
ريم : تكفوون مابي اروح اخخ
ام سند : مايصير يبنتي صلة رحم مهما كان
ريم بنفعال ودموعها متجمعه بعيونها لاكن تحاول تخفيها : يخاله من وفاة بابا وهم مانوشفهم الا بعزاء وبعدين كيف بجلس معهم وسولف وكنه ماصار شي وانا اذكر زيين لما رحت لمجلس الرجال يوم وفاة بابا وشفت الي ينقال عنهم عمامي يضحكون ومبسوطين ان ابويي ماااتت كيففف
ام سند بحزن وهي تهدي ريم : خلاص يبنتي اهدي ، لفت بتشوف هيام لاكن لقتها حاطه يدها على وجهها بزاويه وتبكي وكان المفروض باول يوم من رمضان الجميع مبسوط لاكن عيال مطلق كان حزين عليهم سعد الي وافق على عزيمة عمه عشان صلة الرحم لا اكثر لاكن وين وهو يذكر مواقفهم مع ابوه قبل يموت وحقارتهم؟ اما ريم فا كانت تذكر ضحكهم ووناستهم عشان موت ابوها فا كان الموت افضل من روحتها لهم
هيام الي كانت اقرب وحده لـ ابوها ولما طاح عن حيله وهي بعمر الـ 15 سنه تتذكر زين كيف كان يهلوس ب اسمائهم ويطلبهم المساعده وهم ولا همهم
هيام وهي تمسح دموعها : ء ر ريم وين سعد!؟
سعد سمعها : تعالي بغرفتي
راحت هيام وراه لغرفته
سعد سمعها يوم بكت وواضح من نبرتها اساساً حضنها وقال بحنيه : هيام يقلب اخوك انتي وش له الدموع ابوي الله يرحمه واحنا بنروح لهم عشان صلة الرحم لا اكثر واذا ماجاز لك الجو رجعنا
هيام وهي ماتبي تضايقه : طيب نرجع بعد الفطور على طول ؟
سعد : متى مابغيتي الرجعه رجعنا كم هيام عندي !؟
هيام شدة على حضنه وقالت : يروح اختك انت
ريم درعمت عليهم : خييييررر حضن اخوي بدوني
سعد سحبها وحضنها بعد وقال : ليه تركتي خالتي لحالها
ريم : مو لحالها سند كان واقف عند الباب قال بيدخل فا جيتكم عشان يدخل ياخذ خالتي
سعد : طيب ويلا دقايق والقاكم تحت الحين يأذن
نزل سعد والبنات لبسو ولحقوه وتوجهو لبيت اكبر عمامهم نزل سعد للرجال والبنات للحريم
ريم قبل تدخل : يوتر الوضع؟؟؟
هيام : امشي معليه نتحمل شوي
دخلو وتحولت انضار الكل لهم دخلن بكل هيبه عكس التوتر الي داخلهن وبدو يسلمون وعمامهم كانو قبيله من كثرهم ولما جلسن دقايق وهو يأذن وجو مجموعة بنات معهم تمر ويوزعون وبعدها يشربون مويا ويتقهوون لين يخلصون الرجال
اما عند سعد فا دخل للديوانيه بكل هيبه وشموخ وقال بصوت جمهيري : السلام عليكم
رد الكل السلام وقامو يسلمون وقبل بجلس اذن وقال احد عمامه : لا تجلس اذن مشينا نفطر قامو وجلسو اكلو تمر وبعدها قامو للمسجد صلو ورجعو يفطرون
بعد الفطور عند الرجال
احد عمامه : ايي يولد نوره اخبارك
سعد وهو عارف زين انه قال ولد نوره عباله بيهين سعد "زعلانين من ابوه عشان تزوج نوره وهي برا القبيله "
سعد بحده : بخير دامي ولد نوره ومطلق معلي خلاف
ولد عمه : شعندك مشخصنها سألوك
سعد بسخريه : رديت عليهم السؤال ولا!؟
دخل عواد وانصدم من وجود سعد لاكن قال بهدوء : السلام
الكل : وعليكم السلام
ابو هيثم"عم عواد الي سكان معه " : وين كنت عن الفطور اليوم!؟
عواد بعدم مبالاة: نايم قعدت على الصلاه ، لف على سعد الي لف على صوت عواد
سعد بصدمه : عواد؟
عواد : سعد صح!
سعد : اي وش تسوي هنا
عواد : مفروض انا اسأل بس يلا بجاوبك ذول ينقال عنهم اهل مرت عمي ومن كم سنه نفطر عندهم اول يوم الحين انت قل شتسوي هنا
سعد وهو يقلد طريقة كلامه : الي هنا ينقال عنهم عمامي
ابو هيثم : تعرفون بعض!؟
سعد وعواد : اي
عواد وهو يجلس جنب سعد قال : سعد صديق سند صديقي
الكل فهم الا اكبر عمامهم الي قال : كيف يعني وش يصير لك
سعد بهمس : غبائهم متوارث من كبيرهم
عواد سمع كلامه وقعد يضحك
الا يجيهم طفل صغير يركض يقول : تهاوشوووو
الكل عباله هوشة اطفال : منو بعد
الطفل وهو يناضر ابوه : بنت عمتي ام هيثم ووحده ماعرفها يقولون اسمها ريم
سعد فز : الي دخلت معاي؟؟؟؟
الطفل خاف : اي
طلع سعد مسرع ودخل قسم الحريم ولحقوه عمامه ومن ضمنهم ابو هيثم زوج عمته
،
الشمال
بعد الفطور وبعد ماراحو الناس
نياف وهو مستعجل : يبه انا طالع اودي مي للمسجد قبل صلاة التراويح تبي شي
ابو عساف بفخر بتربيته : سلامتك يولدي الله يكتبها بميزان حسناتك ، لف على طارق : طارق وانا عمك نياف يودي مي للمسجد وعساف يوزع للمحتاجين مي واكل وفارس العمال هاذي ايام مباركه مابوه حدً مايدور الاجر قم عاونهم
ابو فارس : وين ذا يعاون احد ذا زين يمشي من البـ••، سكت بسرعه قبل ينطق كلمة بلاوي ويجيب العيد ويفضح ولده
ابو عساف بستغراب : من وش
ابو فارس : ء ء من من الكسل اي من الكسل
عند ميلاف وسُلاف يتسمعن لسوالف الرجال من الطفش
سُلاف : يويليييي يالكذب قال وش من الكسل الا من البلاوي بس سكت قبل يجيب العيد
ميلاف : اي يختتس مهبول عباله كلنا بنصدقه زي ابوي
لينا جتهم : امي تقول تعالن بحرن "شوفين" خوله اقعدن معها
ميلاف وسُلاف بيأس : طيب
قامو وجلسو معهم وكل وحده تحاول تجامل
وكملو يومهم بدون احداث تذكر غير محارش ميلاف وسُلاف المتواصل
،
نرجع بالوقت شوي بعد الفطور قام الكل وجلس يتقهوون وريم وهيام ماختلطو فيهم ابد يسولفن مع بعض
وبعد مرور مايقارب نصف ساعه قالت بنت ام هيثم لمياء : ضيوفنا بهم مرض توحد لاسمح الله ؟
لفو ريم وهيام على كلامها وشافوها تلكمهن
هيام : نعم؟
لمياء: الي سمعتيه ولا طرشه
ريم : فارقي عن وجهي لامسح بوجهك الارض
لمياء : شعندها ولا اكيد عرق امك حن حنا ماعندنا بنات مسترجلات ماخذته من قبيلة امك اكيد
ريم : نعمم نعممم عيديي وش قلتي حبيبتي لاجبتي طاري امي وقبيلتها تحطين يدك على راسك فاهمه!!!!
هيام : وواضح اصلاً من مسترجل اشوف وحده جايه عندنا تدور مشاكل
لمياء بضحكه مستفزه : اي يبنات ال*** والله وطلع لكن صوت
ريم وقفت قدام لمياء الي واقفه قدامهم وقالت بحده وهي تلف يد لمياء ورا ضهرها الي تحركها قدامهم بستهزاء : والله واضح من بنات ال**
جت ام هيثم وهي تبعد ريم عن بنتها : بعدي وكسر تمدين يدك على بنتي وبيننا بعد والله حرام كسبت الاجر حتى فيكم قلنا مساكين نعزمهم نكسب اجر طلعتو سكاكين
هيام : المساكين انتم وترا يوم جيناكم ماجينا الا عشان صلة الرحم ولا انتم حتى جيتكم ذنب على الفاضي
ليماء : ماتربيتم بس وين الي يربيكم وانتم يتامى
ريم انقهرت هنا وضربت لمياء على كتفها بقوه
وبالحضه نفسها لفت لمياء وضربت ريم ريم كف
وهيام دفت لمياء بقوه وحطت اختها وراها تحميها
دخل سعد بعد ماقال بصراخ : يولدددد
دخلو الحريم بسرعه الي يتغطون والي مايتغطن بقو
سعد اول ماشاف ريم ماسكه وجهها مكان الكف وتبكي انقهر وقال : من ضربكك!!!!
ريم ببكي اشرت على لمياء سحبها سعد مع شعرها بقوه وهي تصارخ دفها على ابوها وقال بعصببه : وقسمم بالله والي رفع سبع ونزلها سبع لو اشوف احد منكم مره ولا رجال ماد يده على خواتي ولا مقرب لهم تنكسر ، وبصراخ ، فااااااااهمين
ابو هيثم خاف من عصبية سعد لاكن قال: من انت تمد يدك على بنتي وفوق ذا داخل من غير ماتقول وشايف محارمنا
عواد : ركز ي عمي كل البنات الي يتغطون داخل معدا بناتك لانهم مايعترفن بالنقاب اصلاً
سعد انتبه لوجود عواد وعيال عمامه ولف على خواته لقاهن تغطن من دخلو العيال وانتبهن تغطن بسرعه قال بحده : علمً وصلكم خلوني اشوف احد يقرب منهن والله اوريكم ولد مطلق وش يسوي
مسك يد خواته وطلعو متجهين بيتهم نزلهن على طلوع سند من بيته " اعيد مرا ثانيه بيت سند وسعد قدام بعض"
سند لاحض عصبية سعد وناداه : سعد
سعد اشر لخواته يدخلن ولف على سند بدون كلام سند اخذ سعد وقال وهم بطريق : وش فيك
سعد قال كل شي صار
سند : اح ضربت بنته
سعد : شسوي قهرتني وانت عارف ريم بذات نقطة ضعفي
سند : معليك يرجال واقطعهم خلاص اذا بايام رمضان الجنون مختفيه جنونهم ماختفت
سعد : هم الجنون بحد ذاتها
ضحك سند وقال : بس الصدمه عواد يقرب لهم
سعد : سبحان الله اقول خويك مارتحت له ليش
سند : ذا وهو مسكت عمه عندك
سعد : مو لسواد عيوني عشانه مايداني عمه
سند : معلينا بوديك مكان تفضي خلقك به
اتجه بسيارته لحواري قديممممه جداً جداً وقال : تلثم وانزل
نزلو واخذو بخاخات وقال سند : اكتب يخوي شطر يعير عن وضعك زي ماتعردينا "متعودين يسوون الحركه ذي اذا ضاقو "
سعد بعد تفكير كتب بخط عريض ....
" اقـســى عــداوه بـيـن كـل الـعـداوات لاجـا عـدوك واحـد مـن الاقــارب "
اخذو شوي وركبو السياره وسند ضل مع سعد لين غير موده ورجعو لبيتهم على السحور تسحرو وصلو الفجر ونامو استعداد لدوام بكرا
،،،،،
نوقف هنا ... البارت مرا طويل 3127 كلمه
دعمكم حبايبي يحمسني اكمل💗💗💗