علميني ي دنياي وش ذنبي

Part 39

خوله وهي تكسر كل شي قدامها بالغرفه وتبكي وتصارخ جلست على الارض بعد ماكسرت كل شي وهي تشاهق بقوه وتصارخ بعلو صوتها : اهخخ الله ياخذكممم الله ياخذكممم ولا ياخذنيييي الله لايوفقكمممم على الييي سويتوووه بييي جعلنييي اشوف فيكممممم يومممم والله ماااااراااح اتزززووووجههه تفهمووونن خلووو ابوكمممم يطللللععععع من قبررره ويزوجني غصببببب والله لاشتكييي عليكممم والله لاندمكممممممم الله لايوفقكمممم الله ياااخذكمممم
كملت دعاوي اشد واشد من كذا كانت تبكي وتنوح وتدعي دعت حتى على ابوها الي قبره ماجف للحين! كانت تكرر ان محد له دخل فيها حتى لو تطلع مع مليون شخص محد له حق يضربها وانا راح تشتكي عليهم

،
اما تحت وصل الشايب وهو معه الشيخ وثنين من عياله
الشيخ للشايب : وقع هنا
وقع الشايب ومن بعده قال الشيخ لـ فارس : وقع هنا
وقع فارس "ولي امرها من بعد موت ابوها"
الشيخ : نحتاج توقيع صاحبة الشان هنا
طارق اخذه من الشيخ وتوجه للاعلى وهو يفتح غرفة خوله شافها جالسه على الارض تبكي اول ماشافته فزت وهي تصارخ : مااارااااححح اوقععع تفهمممم!!
طارق ضربها كف لف وجهها من قوته مسكها مع كتفها وهو يهزها : والله والله والي رفع سبع ان ماوقعتي تطلعيييين من هناااا لقبركك تفهمييين!!! تعرفينييي مجنوننن واسويهااا لااااتحدينييييي على ذبحك
خوله خافت من نضراته وهي تعرف طارق ماهو صاحي راح يذبحها بدم بارد وقعت وهي تقول : الله ياخذكمممم كلكمم جلعكممم تلحقوننن ابوكممم والله ماني مسامحتههه جعلنيي اشوفكم معه بنا..
قطع كلمتها كف اقوى من طارق الي زاد قهره انها تدعي على ابوه الميت وكأنها ماسوت شي ابد سحبها من شعرها ونطق بحده وقهر : تدعينن هاا تدعييين؟؟؟ تدعييين وانتييي وطيتييي روسنااا تدعييين!!! تدعييين وانتييي بعتيييي حالك لناس ماخذتككك تسليييه!!!! مير جهزييي اغراضكك لاقسم بالله اذبحك بيدينييي واطلع القهر الي بداخلييي كله ساعهه وتنقلعيين من البيت هذا ولا عاد نشوف وجهك وانسي ان لك اهل وان شفت وجهككك مايفكك احد منيي فاهمههه
رماها على الارض وهو يتفل بوجهها بقهر : ياااخسار بسس
طلع ورضخ الباب بقوه نزل للشيخ وعطاه
الشيخ ببتسامه : الله يجمع بينكم على الخير والطاعه
بارك الشيخ وطلع ومعه عيال الشايب
الشايب بصوت هزيل : نادوا لي الحرمه بنمشي
راح طارق وهو يدفها قدامه اخذ شناطها الي اجبروها تجهزها
نزلت وهي تشوف رجال كبير بالعمر جداً تحسه اكبر من ابوها!! زادت دموعها وهي تركب السياره وتشوف اخوانها قفلوا الباب من طلعت

دخلوا البيت وطارق قعد على الكنبه وهو يسحب شعرها بشده
اما فارس فا ضرب الجدار برجله بقوه كان قهر الرجال كله متجمع فيهم الشعور الي فيهم يحرقهممم بشده قهر غضب حقد ودهم بس لو يعرفون الاشخاص ذول منهم لكن هيهات! كل صوره تختلف عن الثانيه وكل صوره الوجه مقصوص
فارس جلس على الارض بهدة حيل وهو كان عنده امل كبييير ان خوله تتغير على الرغم من المشاكل الي كانت تسويها كان يحسها طفله للحين عقلها ماكتمل وانه بيجي يوم وتتحسن كان يشوفها بنته مو بس اخته!
اما طارق كان الاكثر حنيه على خوله بالرغم من انه هو وهي كلهم عيوب بذاك الوقت الا انه كان حنون جداً عليها كانوا اغلب الوقت مع بعض شلوون كذاا تكسره !! ماتوقع انها بتوصل للمواصيل ذي كان يعرف بكمية الحقد الي تكنها خوله للجميع لكنه كان ينصحها مايبي اخته تضيع زي ماضاع هو والحين هو تاب واخته لا العكس صحيح كسرته ووطت راسه!!
جلسوا ساعات وكل شخص فيهم ساكت لين تكلم فارس : من اليوم ورايح ماعندنا اخت ي طارق!
طارق هز راسه بصمت
كمل فارس : خوله طلعت من حياتنا وحياة كل من نعرفه وبيت ابوي ماراح نهجره ياخوك! انا برجع لبيتي اخذ مرتي وبنتي ونجي نسكن معك هنا لين تقرر تتزوج ان بغيت بعد الزواج تطلع ببيت انت او تاخذ بيتي كيفك وان بغيت تقعد هنا انت كيفك ذا بيتك بعد مير انا ماني تارك بيت ابوي! ابي ذكراه
طارق : ماني تارك بيت ابوي ابد
هز راسه فارس وهو يطلع وعقله بدوامه شلون الحين يعلم عمه! صعب جداً يتكلم بخته وبنفس الوقت هو فعلاً ضايع مايدري الي سواه صح او غلط
ركب سيارته وتوجه بيته واتصل على عمه ثواني ووصله صوت عمه ابو عساف : هلا بولد الغالي
فارس ببحه : هلابك ياعمي
ابو عساف : وش نوحك يابوك؟ صوتك بوه شين؟
فارس بهدوء : عمي انا زوجت خوله
ابو عساف بصدمه : ايش ايش!؟ شلون تزوجّه وابوك تووه ميت! وليه انا اخر من يعلمم! زوجتّه بدون عرسس!!
لارد
ابو عساف: فارس فهمنيي!!!
فارس بغصه : عمي تكفى الي بي مكفيني مقدر اتكلم ابد الحمل الي صار على كتفي كبير ياعمي والله كبير كسر ضهري!!
ابو عساف بخوف وشك : ياولدي ليكون الموضوع شرف!
فارس سكت ومارد
ابو عساف طارت عيونه وكان بيسب خوله لكنه سكت من حس بولد اخوه مكسور : هونها وانا عمك هونها انت الي سويتوه عين الصواب
فارس : عمي تكفى لحد يدري!!
ابو عساف : استح على وجهك ذي بنت اخوي ماني قايل لحد اكيد حتى عيالي ومرتي! مير وانا ابوك انهج يم حايل تغير جو بعيد عن المشاكل الي صارت لك!
فارس : ان قدرت ان شاء الله
قفل فارس وهو اتفق مع عمه على تقفيل الموضوع ذا نهائيا بنسبه لسالفة خوله محد يعرف بها غير (فارس . طارق . ابو عساف) اما (عساف . نياف . لينا . ميلاف . سُلاف . سعد . سند . ام سند ) قالوا لهم ان ابو فارس زوجها قبل يموت وان زوجها جاء واخذها معه وبس .. تقفل الموضوع من بعد ذي السالفه وطلعت خوله من حياتهم
اخذ فارس لينا وجوجو ورجعوا بيت ابوه واستقروا هناك
،
ثاني يوم بالليل
الرياض وتحديدا بيت سند
منسدح على رجل امه ويسولفون عدل جلسته وقال : يمه
ام سند : عيون امك؟
سند ابتسم : ابي ارجع ميلاف
ام سند : هاذي الساعه المباركه بس وش تغير؟ مو كنت تروح تبي ترجعها وهي رافضة
سند : يوم العزاء طاحت ميلاف مغمي عليها واخذتها للمستشفى وو...
كمل السالفه لـ امه
ام سند : حسبي الله ونعم الوكيل خوله ليه تسوي كل ذا عشان تفرق بينكم!
سند : هاذا الي مجنني ييمه ليه سوت كل ذاا عشان وشو؟؟
ام سند : انت يولدي لاتثقلها على ميلاف وتعاتبها ترا طبع البنات حساسات وهي شافت الرسايل اكيد راح تصدق؟
سند : ابشري يالغاليه
ابتسم وكمل : الحين كل الامهات زيك كذا؟
ام سند ببتسامه : ليه
سند : الحنيه مخلوقه معك وجزء منك يااحظي بـ ام زيك والله
ام سند بضحك : اي اعرف النعمه الي عندك
سند ضحك بصوت عالي : اوه اوه ندوو صارت نرجسييه يحق لك يالغاليه
ام سند بغرور : ولدي شيخ الرجال سند وماصير نرجسيه وشلون؟
سند ضحك وهو يحضن امه : يابعد الدنيا ياميمتي
بعد ثواني دفته ام سند : يلا بعد عني عطيتك وجه خلني اصلي الوتر وانام
سند ضحك بصدمه : توك راضيه علي الي تكرشيني؟؟
ام سند التفتت عليه وضحكت على تعابير وجهه : دوم راضيه عليك لاتكذب
سند غمز لها بضحكه وهو يبوس راسها : تمونين تمونين
ام سند راحت غرفتها
وسند كذالك اتجه غرفته وهو ينسدح على السرير
اخذته الهواجيس وهو يتأمل الغرفه بكل جزء فيها ذكرى لـ ميلاف
توجهت انظاره للخزنه كان يقعد ويشوفها معلقه ثوبه على باب الخزانه ومبخرته التفتت انظاره للتسريحه وهو يشوف بس اغراضه موجوده اغراضها ماهي موجوده ابد وقبل كم شهر كانت التسرحه مليانه اغراضها وكان لما يدخل يقعد يشوفها قاعده تمشط شعرها وتحط من عطرها الي يذوب سند فعلياً
تنهد وهو يفتح جواله على امل انها شالت البلوك وفعلاً شالته يتصل عليها وثواني وترد
سند : السلام
ميلاف وهي منسدحه بسريرها : وعليكم السلام
سند : اخبارك ان شاء الله احسن الحين؟
ميلاف : الحمدلله وانت اخبارك ؟
سند : بخير . جاي بعد بكرا يمكم
ميلاف : حياك الله بس غريبه جاي ليه وش نوحك؟
سند ابتسم وهو اشتااق للكلمه منها "وش نوحك" : ابد ياحيي جاين اخذ مرتي وننهج لبيتنا
ميلاف الابتسامه شاقه وجهها وهي تشوفه يقلد لهجتها والي اسعدها انه جاي يرجعها مع انها هي الغلطانه وماكلفت على نفسها تعتذر على سوء نيتها فيه نطقت بهدوء : بس ماتوقع ابوي يوافق عمي تووه ماجف قبروه؟
سند : ماعليك الموضوع عندي وانا جايكم وماخذك ماخذكلو وش ماصار وهالمره حتى لو انتي عييتي سحبتك غصب عنك
ميلاف ضحكت على صوته وهو يقول سحبتك غصب عنك
سند ببتسامة شوق وهو يسمع ضحكتها : تدرين وش قاعد اتذكر قبل شوي
ميلاف بستغراب : وشو؟
سند : كل شي لما كنتي موجودة بالبيت اشياء بسيطه وكانت مليااانه حنيه بوجودك؟
ميلاف بخجل : سند!
سند ببتسامه : عيونه
ميلاف زاد خجلها : خلاص تصبح على خير
سند : وانتي من اهله
،
صباح ثاني يوم بـ حايل
نياف طق باب غرفة ميلاف : ميلااافوهه قومييي يلاا
لارد من ميلاف الي بنوم عميق
فتح الباب وهو يتجه فوق راس ميلاف يقعدها وميلاف ترفض تقوم
ضحك وهو يتجه للكرسي ويرفعه  فوق راسها : ميلااافوه والله اذا ماقمتي طيحتوه عليتس
ميلاف بغضب وهي تبي تنام : نياااف يابعر انقلع بنااام وبعدين احد يقعد احد بضرب وهواششش!؟
نياف بضحكه : ايي انا الدلع الي تعودتي عليه عند سند تقومين على ورد انسيه يابعد حيي ههههه
ميلاف قامت وهي ترمي عليه المخده وتسحبه برا الغرفه : تقلع يم مرتك وخلن انام ولا والله اعلم ابوي وعساف عليك!
طلع نياف وهو يضحك عليها ومبسوط فعلاً من لما جت ميلاف لبيتهم رجع هباله معها وزاد الهبال وجود هيام والعضو الجديد
تتهد وهو يشوف ابوه وامه قاعدين بالمقلط بهدوء وابوه للحين حزين على عمه
اتجه غرفته وهو يدخل : هيامي
هيام الي قاعده تحط روجها : لبيه
نياف : تعالي بساع قدامي فيه خطه جديده
هيام فزت وهي تجلس قدامه بحماس : وش خططك ياحماري؟
نياف : ياملااا الي ماني بقايل وش حماره خلاص يشيخه انسي الرمسه شوي هههه
هيام بضحك : انت قلت ايام ملكتنا سميني حمار صح او لا
نياف وهو يسحبها جنبه : صح صح
هيام : وش خططك يلا
نياف : شرايتس نسوي مصيبه شي يخوفهم ويضحكهم ودي اطلع ابوي من الحزن الي هو بوه
هيام عدلت جلستها بحماس : ايوووه عنديي
نياف : احتسي يلا
هيام : نجيب هامستر ونرميه عندهم نخوفهم عمتي ماراح تعرف انه هامستر وريم وميلاف يتقززون منه اصلاً فا بتصير حاله من الصراخ وبعدين حاله من الضحك
نياف بضحكة شر : حييي عينتس يبنت مطلقق اييه ذي الافكار السنعه يااازين حظي يوم تزوجتس ياشيخه لقيت من ينصرن ويخطط معي على هبالي
ضحكت هيام وهي تلبس عابيتها ونقابها وطلعت مع نياف
بعد ساعه تقريباً رجعوا معهم هامستر
نياف اخذه : انا اقطه عليهم يلا
دخلوا وابتسم نياف لما شاف مافيه لاقهوه وولا اكل يعني يقط الهامستر الحين اتجه خلف ميلاف وريم ونزل الهامستر عندهم وانحاش بعيد
ميلاف الي استوعبت الي قدامها فزت وهي تصرخ وريم وراها يركضن وام عساف قامت بعيد عنه وهي تهاوش نياف عشان ياخذه وابو عساف مصدوم من الصراخ الي صار
اما كوبل المصايب قاعدين على الارض ميتين ضحك ولكم ان تتخيلون ضحكت نياف (حمار يناهق) الي خلت هيام تضحك زياده على اشكالهم ميلاف تركض على شكل دائري وريم واقفه وهي رافعه طرف عبايتها وتنقز برعب وام عساف تصارخ على نياف وابو عساف عيونه طاريه يحاول يفهم وش يصارخون منه
طلع عساف من غرفته وقال بحده : وش نوحكم وش ذا الصراخ!!
نياف يحاول يتكلم ماقدر من زود ضحكه
ريم انحاش وهي تشوف الهامستر متجه لها تخبت خلف ضهر عساف وهي مرعوبه : بعده تكفى تكفى بعده
عساف شاف الهامستر ونزل نعله وهو يضربه لين مات
التفت عساف عليها وهو يمسك يدها يهديها : خلاص خلاص مات
ريم تنفست براحه
نياف وهو يضحك : هامستر ليه ذبحتوه؟
عساف : انت خبل؟ تخرع امك وخواتك وبعدين ذاا نوع من انواع الفيران ياحمارر "خواته ميلاف وريم"
نياف بضحكه : افا ياعضيدي انا حمار!؟ جرحت مشاعري
عساف يسحب نياف معه وهو يضحك : وثور بعد . يتلفت على هيام . : وانا اخوتس لاتصيرين مثلوه ترا اخوي ماعندوه عقل
هيام : خطته هو مالي دخل به انا
نياف : يالغدررر تعاونو ضديي!
ام عساف: زوجناك تعقل بس ماضنيت بتنخبل زياده
ابو عساف ضحك : امكم اول مره تهاوش نياف ههههه
ميلاف : ولدها الغالي ذا بس الحين انفعلت منوه اصبر شوي يابوي وتلقاها تدلعوه ههههه
عساف جلس نياف على الارض غصب ونياف يحاول يفلت منه وهو عارف خطت اخوه لكنه ماقدر بسبب بنية عساف الجسديه الي كان معضل وفوق ذا نياف ميت ضحك مو قادر يدافع عن حاله
عساف : ميلااف
ميلاف جت وهي تعطيه الشيله "طرحه" : اعرف خطتك امسك
عساف ربط رجلين نياف ويدينه بلطرحه وهو ياخذ العربه ال جابتها ميلاف توها " العرفه الي يحطون فيها طابوق ان شاء الله عرفتوها"
عساف شال نياف وهو يحطه بها وقال بصوته الحاد حتى وهو يسولف طبيعي : يبه يمه تسمحون؟
ابو عساف وام عساف: حيلك بوه
نياف : هييه عيببب تراني كبرت ومتزوج الحينن؟؟
ميلاف بضحكه : قبل يقول تراني ضابط ويدقون لي تحيه رجال بشنابها والحين يقول تراني متزوج
ام عساف: كل يوم له سبب ههههه
عساف ربط ثوبه على خصره وقال : من هنا لين تسامحك ريم مامن مفك مني
ميلاف : هيييه ترا حتى انااا خوفن مو بس مرتك!
عساف : انتي الحين يقول لتس اوديتس للسوق قلتي خلاص فكه اما مرتي لين تبرد حرتها ماراح افكه
ريم : كفوو عـ. جت بتقول عسافي بعدين سكتت اول ماستوعبت ان ام عساف وابو عساف ونياف موجودين
عساف عرف وش بغت تقول وضحك : كفوتس الطيب
هيام دفتها بضحك وهمس : بغيتي تتهورين هههه
وبكذا بدا عساف يدف العربيه بسرعه كبييره ونياف متمسك ويصارخ ويضحك وبعد نص ساعه قالت ريم : خلاص سامحته
عساف وقف : هههه فكتك ولا كنت ناوس اجدول عليك ههههه
وكملوا حكهم وسوالفهم تحت فرحة ريم وهي الي من تزوجت عساف اول مره تشوفه يمزح ويضحك كذا زاد اعجابها بشخصيته اكثر واكثر
،
الرياض
كانوا الرجال مجتمعين ببيت سند والمره ذي معهم طارق الي اقنعه فارس يجي معه بطلعت الروح
سند : انا رايح بكرا لحايل
كلهم بصوت واحد : ليه
سند : برجع مرتي ان شاء الله
سعد : شلون وش تغير ؟
فارس : مو قبل فتره قلت الخاطر عاف؟؟
سند ماله خلق يشرح وبعدين ماهو متكلم عن خوله بالسوء قدام اخوانها "سند ماهو معترف انها اخته ابد" : تفاهمت معها وحلينا الموضوع وانا والله اني ابيها ولو هي جمره تحرق كفوفي
سعد وفارس وطارق : الله يجمع مابينكم
فارس : حتى انا بخاويك عمي قال تعالوا غيروا جو عن الرياض شوي
سند : اي والله ولازم تعدون المرحله ذي انت وطارق
فارس وطارق : ربك كريم
طارق لـ سعد : وانت بعد ي سعد امش معنا لـ حايل غير جو
سعد : والله ماتوقع مايعطوني اجازه
سند : انا ادبر لك الاجازه ماعليك
سعد : اجل تم
،
اليوم الثاني راحوا الجميع لـ حايل ووصلوا قبل صلاة العشاء بشوي
سعد وهو يحضن ريم ويدور فيها وهو يضحك من زود شوقه لها : ياااشين البيت بدونك ياريم
ريم : اشتقت لي صح
سعد : تسألين بعد اشتقت اقعد على صوتك مع صوت اصاله واسمع سوالفك الي ماتخلص
ريم حضنته بقوه : سعّودييي
سعد : يااروحه
هيام وهي متجه لهم : ماودك تسلم علي
سعد : هلا هلا ومرحباا بحبيبت اخوهااا ياهلا والله
هيام حضنته : وحشتنييي ياخويي
سعد : ياقلب اخوك انتي
وبعد السلام والسوالف راح سعد للرجال ورجعن البنات للحريم