علميني ي دنياي وش ذنبي

Part 5

"قبل نبدا البارت نزلته لكم الفجر بس طلع مانزل علشان الشبكه كانت ضغيفه شوي معليش "

سعد : لا ابد بس اليوم بزياده وبعدين انتِ اخر العنقود وسكر معقود ماقد كشرتي يحلوتي
ريم : اههه خلااااصصص بموووتت من الفرحه بعد مدحك لي
سعد دفها بمزح : خليني اركز ع سواقه لاصدم
وصلو للبيت ونزلو وكل شخص دخل ينام ببيتهم وعم المكان الهدوء
،
عند بطلنا بعد ماخذ امه من بيت سعد وصلو بيتهم
ام سند : عندك دوام بكرا يمه؟
سند : اي يالغاليه
ام سند : لا توقت جوالك اجل اعرفك ماتحب صوت المنبه انا اقعدك
سند باس يدها : الله لا يحرمني ي عرب
ام سند : امين يقلب امك
سند : عاد تستقبليني اليوم عندك من زمان مانمت وانتي تمسحين ع شعري
ام سند : افا غالي والطلب رخيص
وصلها لغرفتها وساعدها تنزل العبايه وقال : اتركك شوي بس ببدل ثوبي واجي لاتسحبين علي وتنامين
ام سند : ابشر
راح سند يبدل وجا عند امه وانسدح وهي تمسح على شعره
سند : عاد انا طماع ابي قصصك زي قبل
ام سند بحنيه وهي لاتزال تمسح ع شعره وتمدد يدها بين حواحبه وخشمه " حركه للمساعده على النوم لا يعرفها الكثير " : كان يمكان في قديم الزمان ....... وبدت تقص له وماهي دقايق الا وسند نايم غطته زين ونامت
،
اما عند عواد الساعه 1:40
كان قاعد بصاله ويتابع بجواله حس بشخص واقف قدامه رفع راسه الا ذا عمه
عم عواد : ليه قاعد بصاله؟؟
عواد : وين اقعد اجل!؟
عم عواد : بغرفتك بالملحق انت عارف الوقت ذا وقت نوم ويمكن البنات بينزلن شي وانت هنا مايصير بعد
عواد تعوذ من الشيطان : والله يعمي ماضن بناتك بينزلن لان زي ماقلت وقت نوم وفوق في مطبخ وفي كل شي وغير كذا مايصير بعد انا احكر حالي بالملحق لمتى يعني ؟
عم عواد : افهم من كلامك تلمح اننا معكرين حياتك
عواد وهو عارف عمه بيسوي حياة الفهد " ممثله " وحزن ودواما فا اختصر وقال : حشى ماقلتها وعن اذنك يروح انام
قام توجه لغرفته وقبل يدخل اتصل صديقه يقول له يطلع معهم وطلع معه
عايد : حيك وين القطعه
عواد : ابد موجود انت وين مختفي
عايد : تعرفت لك على واحد ينقال له طارق وصرنا نسهر كل يوم سوا
عواد : تسهرون سهرات هه وهه ولا سهرات محترمه
عايد : خابرني وخابر سهراتي
عواد : يرجال ابعد عن هالبلاوي موراها غير الضياع
عايد : ماعرفتك وانت تنصح
عواد: انا صح لك علي واسوي العن لاكن ماوصلت ذي هاذي لانت مستفيد منها شي مغير ضياع
عايد : معلينا خلك مني انت وش اخبارك وش علومك
عواد : بخير بس ناشبن لي ذا العم الزفت
عايد : اقول لك امش معاي نسهر ونفلها
عواد : اذا زي دايم سهراتك من الحين لا
عايد : زين زين امش
وراحو يسهرون ويتونسون
،
انتهى يوم ابطالنا بهدوء وسلام
،
صباح ثاني يوم
بيت سند
ام سند وهي تصحيه : سند يمه قوم ، سند يلا دوامك لا تتأخر
سند وهو يفرك عيونه : ابشري يقلبي قمت
ام سند : يلا خلص وتعال افطر معاي
قام سند تروش وصلى وطلع لـ امه باس راسها : صبحها بالخير يوجه الخير
ام سند : صباح النور يولدي
سند : اليوم لارجعت من المستشفى بوديك للسوق
ام سند فهمت عليه : لا يولدي ماله داعي
سند : كيف ماله داعي دخلنا الشتاء تشترين ملابس
ام سند : عندي ملابسي العام كثار وجديدات حرام ينكبن
سند : ماهي مشكله نشتري غيرهم
ام سند بكذبه عشان مايشتري لها : ملابسي ذول باليالله يكفن الخزانه اساساً الجديدات وين احطهم
سند : نفصل لك خزانه ثانيه
ام سند : شلون يعني غصب
سند ضحك : تقدرين تقولين طيب غصب بتروحين وتشترين
ام سند : الشكوى لله اجل
ضحك وقام غسل ورجع : تامرين على شي ؟
ام سند : سلامتك وانتبه على الطريق
سند : ابشري
طلع وتوجه للمستشفى
،
عند سعد
ريم كعادتها مشغله اغاني اصاله وتتقهوى وتغني بصوت عالي فجأه وتهجد فجأه
هيام : ياعيني على الروقان الروتيني
ريم ضحكت : الله لايغير علي
هيام : امين
سعد : انا اذا ماصبحت على صوتك انتي واصاله مايبتدي يومي
ريم : عاد من احسن صوتي ولا صوتها؟؟
سعد بضحك : اصاله طبعاً
ريم وهي تشمق بعيونها : ههايي رايك ماحرك بي شعره يقلبو
سعد : يعع لاتسوين بعيونك كذا
ريم عادت الحركه وهي تحرك شعرها بغرور وبعباطه : قصدك كذا ؟
سعد بكذب ضاحك : يععع يععع شينه
ريم : عاد يقال يقال اشبهك مع انو ماتوقع شجاببب القمر لك
هيام : يهوه حبايبي جابت الفطور وجلست ووزعت خبز وانتو تتناحون من الصبح بس دام سعّودي مروق من الصبح وذي معجزه فا خذو راحتكم
سعد : يعلنيييي افدااك
ريم بصوت عالي : نوور ابغا كورن فلكس وصحن بليزز
جات نور وعطتها : انتي موشكل كثيررر بس كولي ذا كل يوم كل يوم انتي كبيرا هاذا مو كويس
ريم : ليه ي جدتنا والله حلو
سيتي كشرت بوجها وهي تخز ريم ومشت وهي تتكلم بنقالي والواضح تتحلطم
ريم ابتسمت بصدمه وهيام وسعد ماتو ضحك
هيام : قوووووييهه يختي النضره قتاااله
سعد : جدتنا مأتشه اليوم وطلعت حرتها بك
ريم ضحكت : تمون تمون ماعليه
وقفت ريم الاغاني وراحت تفطر وبعد الفطور : سعّوديي ترا بتوديني الجامعه اليوم
سعد : ابشري بس بسرعه خلصي نقابك ذا ماحب انتضر
ريم وهي تقط الطرحه على وجهها : اسهل شي معاك
سعد : يلا يفضل بعد ذي اسرع وين اختك الثانيه بعد
هيام جت بعد مالبست وخلصت : ذا انا
ركبو السياره ووصلهم سعد كل وحده جامعتها وبعدها توجه للمستشفى يباشر دوامه
سعد : صبحهم بالخيرر
سند وفارس ومعضم دكاتره وممرضين : صباح النور
بعد ماراحو الموجودين
فارس : وش عندك مروق من الصبح غريبه
سعد : لا اله الا الله الكل يقول كذا شبلاكم والله اني حليل ماعصب
سند بصدمه كذابه : ابد سعد يعصب لاااا حرام حرام وينن ضلم هالكلام
سعد : شفت سنودي شلون الضلم
فارس ضحك : عاش دور المضلوم
سعد وهو يشمق بعيونه : اهه من الضلم بس
ضحكو وقام كل واحد يكمل شغله " للمعلوميه شخصيات الثلاثي المرح ماتطلع الا مع بعض قدام الناس ادب وثقل ورزانه😭"
،
حايل الساعه 12
عند عساف ونياف بدوام
عساف دق جواله : لبيه
ابو عساف: لبيت في منى يولدي متى تجون؟
عساف : انا تو خلصت جاي ونياف بشوفه
ابو عساف : طيب
عساف : ليه يابعدي فيكم شي
ابو عساف : مابوه شين بس سُلاف تعبانه وابي تنهجون با المستشفى لجيتو
عساف : ابشر
قفل وراح مكتب نياف طق الباب
نياف: تفضل
عساف دخل : كم باقي لك وتخلص
نياف : شوي ، وبعباطه : وبعدين ليه مادقيت التحيه ي عسكري
عساف : ي حلولاه من دق خشتك بهالقاع بس بالبيت ابرك
نياف ضحك ؛ ليه تسأل كم باقي لي؟
عساف : سُلاف تعبانه وبروح اوديها للمستشفى
نياف بستغراب: طيب رح !؟
عساف : صدق والله ناسي ي كمخه اننا جايين بسيارتن وحده
نياف : صح طيب اطلع وخلني اخلص بسرعه
بعد دقايق ركبو السياره وحركو للبيت
وصلو البيت ونزلو دخلو وقال ابو عساف : عساف يبه شوف اختك تبتسي داخل
عساف دخل بعد ماعطاهم خبر عشان خوله توجه لـ سُلاف الي دموعها تنزل بهدوء : افا سُلافي وش فيتس
سُلاف :  ودن للمستشفى تعبانه بالحيله
عساف : ابشري يقلبي جيبو عباتها
ميلاف جت بعبايت سُلاف : اروح معك
عساف : لا لا انا اوديا لحالي
ميلاف : طيب
اخذ عساف اخته وراح فيها للمستشفى
"سُلاف حساسه بشكل كبير وتبكي من اتفه سبب وتخاف من اشياء كثيرر وزود عليها مناعتها ضعيفه"
بالمستشفى
الدكتوره وهي تبي تحط الابره بيد سُلاف لاكن سُلاف رافضه ومتمسكه بـ عساف وهي تبكي : مابيي عطين علاج مابي ابره مابي
الدكتوره : مايصير لازم حرارتك مرتفعه
سُلاف وهي تتمسك بـ عساف اكثر : مااابييي
الدكتوره : انتي الحين عمرك 20 وتخافين من ابره زي الاطفال
سُلاف ماردت
عساف : سُلاف يبعدي خلي الخوف وخلين نخلص اسمعي غمضي عيونتس وصدي بوجهتس لاتفكرين بوه وماراح يوجعتس
سُلاف غمضت وصدت وبعد ماخلصت واخذ عساف العلاجات كر عساف مجل عصائر طبيعيه احذ لـ سُلاف واخواته وابوه وعمه وامه ونياف وطارق وخوله عصير... وتوجهو للبيت دقايق ووصلو
ميلاف بضحك : بتسيتي "بكيتي" من الابرره
سُلاف بطرف عين : لا
ميلاف : عينييي بعينتسس من التسذب وانا اختتس عساف بالله مابتست
عساف : لا يملقوفه
ميلاف خزته وضحكت وهي عارفه انهم يكذبون جت بتطلع ووقفها عساف : ويننن ويننن تعالي تعالي
ميلاف : شتبي
عساف : وين موليه "وين رايحه"
ميلاف : للفضاء يعني وين للحوش بصوت ل نياف
عساف صقعها على راسها : احتسي زين وبعدين ناسيه حضرتك ان عندتس ولد عم هناك
ميلاف : مالت عليه بس غثيثث مثل العله الي داخل سبحان الي خلقهم
نياف جا : وش ذا الغش الي يصير تحلطم وحش من غيري
ميلاف : جيت وجابك ربي شرايك يالغالي ننهج يم المزرعه انا وانت؟
نياف : اعقبي
ميلاف : مايعقب الا انت
نياف : اخسسس ترادد بعد هيي اخوتس اكبر منتس قلة ادب
ميلاف سحبته مع ثوبه وهي تهمس باذنه وقالت بعدها : عيد وش قلت
نياف توتر : امشي بسرعه اوديتس
عساف : غسيل مخ سويتي لوه
ميلاف شمقت بعيونها وراحت تلبس بسرعه ورجعت
وراحو للمزرعه
ميلاف بمثل العاده اول ماتوصل المزرعه نادت باعلى صوتها : سهمممممم
ودوى صوت سهم بالمكان كله اسرعت له حضنته وقطت عباتها وركبت بمهاره سريعه وقالت : نياف تعال سابقني
نياف رفع ثوبه وربطه على خصره وركب الفرس وقال : يلا
ميلاف : واحد
نياف : ثنين
كلهم : ثلاثهههه
وبدو يتاسبقون وطبعاً فازت ميلاف لمهارتها ومهارة خيلها
ميلاف وهي تحضن سهم : يابعديييي ي سهممم
نياف بكذب : انا خففت سرعتي عشانتس ولا اقدر افوز
ميلاف : هه صدقت
نياف : وبعدين تعالي ينص نصيص وش عرفتس اني انا الي فاقع كفرات الخبل طويرق
ميلاف : شفتك مع الشباك يخبل
نياف : بالله عاد قولي لي وش ردة فعله يوم قعد وشافها مفقعه
ميلاف : اسكت انجن ويهاوش ويلعلع وقال له ابوي يمكن الوغدان الي بالحاره والواضح انه كان رايح يتسربت
نياف : يالله قهرررر فاتنيي اشوفه وهو منقهر
ميلاف : عندي حل تشوفه منقهر
نياف : وش الحل
ميلاف : اسمع باتسر اكيد بيطس يتسربت زين وهو راجع اكب لك زيت قدام الباب واول مايدخل يتزحلق وطن اقوى طيحه يكتبها التاريخ وبعدها انمسح الزيت بدون محد ينتبه
نياف : لاا حركات ورعان
ميلاف : ماعندي غيرها
نياف بتفكير : تم يلا عليها واي خطه تجيتس عطيني اياها اسويها
ميلاف : واذا انت بعد عندك خطه اسويها بـ خوله تم
نياف ضحك وهو يسبقها : اتحداتس تسبقين
ميلاف وهي تسولف لـ سهم : سهم نقدر عليها ؟
سهم وكانه فهم عليها اسرع بقوه ورا نياف ولما مرو من جنبه ميلاف وهي تسوي له باي : انا الي اتحداك
رجعو للاسطبل وكملو سباق وضحك وهبال وقبل المغرب رجعو للبيت
،
الرياض
عند سند بعد مارجع من السوق راح لـ بيتهم اخذ امه وتوجه للسوق نزلو وبدا يفر معها ويختار لها وتاخذ رايه
سند : شوفي يالغاليه حلو؟
ام سند : وين لا حق بنيات صغار
سند : افا وانتي وش
ام سند : كبرنا على هالبس
سند : وش حلاتك ، طيب شوفي ذا
ام سند : اي ذا وش حلاته كم ؟
سند : مالك شغل بكم الي يعجبك تاخذينه
ام سند : شرايك بذي ؟ احسها حلوه لـ رمضان
سند : ايي تزهاك
ابتسمت ام سند بخجل وطلعو دخلو محل ثاني وقالت ام سند : ذي تصلح للعيد؟
سند وهو لاحظ انها ناضرت للسعر وقالت كذا لانها مو غاليه : لا
وكملو يشترون وبعدها طلع يتمشى مع امه ويسولف لها وام سند تتأمل سوالفه وهي متأكده ان سند عوض من ربي على كل شي صار لها بحياتها قبل .. ولما خلصو على المغرب توجه للبيت نزل وقال للعامله ترتب الاغراض بخزانة امه وطلع يجهز الديوانيه وبعدها بساعه ونص جو الرجال عنده
،
عند ريم الي وصلها سعد لبيت ملاذ : المغرب اجيك
ريم : لا تعالي العشاء تكفى
سعد : ليه ان شاءالله
ريم حست انه مو مروق اليوم ابد : بقعد مع صديقتي لين يروحون الناس
سعد : اشوف بس اذا اتصلت عليك اطلعي لاتغثيني بالتطلب
ريم : ابشر ابشر سيووو
دخلت وتوجهت لغرفة صديقتها : ملاذيي شو تعملي
ملاذ بتوتر : جيتييي وجابك الله احترت البس الفستان ذا ولا ذا وايش يصلح كعب واكسسوارات احتستتت
ريم : مو ضبطنا كل شي امس
ملاذ : الا بس احس يطلع ذا احلا موديل وبنفس الوقت احس ذا لون ذاك احلا
ريم : الي شتريناه امس والكسسوارت الي اتفقنا عليها كذالك الكعب
ملاذ : اكيد
ريم : اكيد ، نزلت عباتها وقالت : تعالي خلينا نصور
اخذو صوره وبعدها ابتدت ريم تحط لها ميكب وتسوي شعرها وبعد ماخلصت قالت : قومي الحين البسي على ماخلص انا ميكب وشعر
بعد ماخلصو قالت ملاذ : هيام تجي هي وخالتي ؟
ريم : لا تقول بتشوف مباراة العيال تبي تشوف الحماس الي الكل يتكلم عنه
ملاذ ضحكت وقالت : تعالي ننزل لـ امي ونشرف على العاملتين ليحوسن الدنيا
نزلو وقالت ام ملاذ : بسم الله عليكم ربي يحفضكم لا اله الا الله وش ذا الجمال
ملاذ : طالعين عليك
ريم : ولا شي عندك يخاله تهبلين ماشاءالله
ملاذ : ماما ماقالو متى يجون
ام ملاذ : لا بس اكيد بعد العصر زي العادات
ريم : يعني باقي ساعه قومي نفلها نرقص ونستهبل ونصور
تم ملاذ ضحكت وقالت : يلا تونسن قبل يجون
ملاذ : ماما اخليك ترقصين معنا مصري بعد هههههه
ام ملاذ : لا يقلبي ابعدو عني انا بجلس هنا لين يجون
ضحكن البنات ورقو فوق لغرفة ملاذ وشغلت ريم السماعه وابتدو يتمايلن ويضحكن ومرات يرقصن على شيلات ومرات مصري ومرات يدبكن وكل شوي مغيرات الي حاطينه
وبعد ساعه وصلو اهل ملاذ
رزان وهي تدرعم عند ريم وملاذ بالغرفه : هااايي
ريم وملاذ : هايات
رزان بعد ماسلمت : تعالو يلا تحت
نزلو البنات وسلمو على عمام ملاذ وخوالها وبدو البنات يرقصون معدا ملاذ
سُلا لفت على ريم وهي تهمس لها : شفتي رزان ذي
ريم بستغراب : ايوه؟
سُلا : شوفي كيف تتكلم
ريم ضحكت : مدري ليه تتكلم كذا هههههههههههههههههههههه
سُلا : هبله ماعليك منها هههههه
ريم : شسمك انتي؟
سُلا : اسمي سُلا معليه الناس تتعرف بطريقه زينه حنا حش بخلق ربي
ضحكو وكملو سوالف وماهي شوي الا وقعت ملاذ واخذوها البنات فوق بعيد عن الحريم الكبار عشان يرقصنها غصب
ريم اتصلت على سعد وطلبت منه ترجع مع البنات ولما عرف من هم البنات ومين اهلهم ومن هالكلام من باب الحرص وافق
،
عند هيام
ابتدت المباراه وهي واقفه على طرف باب يفتح على ديوانية سند الي يتابعون فيها المباراه وكانت مو واضحه بحيث تشوفهم وهم لا
سند صرخ : لااااااااااااااااااااااااااااااا
سعد وهو منفعل : تسلل وش ذا التحكيم الغبييييييي
فارس كان هادي وكلما انفعل ضغط على يده
وفجأه صرخو كلهم بصوت واحد وعالي وهم يناقزون : اييييييييييييي قووووووووللللللللللللللل
عند هيام شهقت من صراخهم الي فجعها وقالت بصدمه : بسم الله
ام سند وهي متجهه لها : قلت لك بتنصدمين منهم ، مانهت كلامها الا وصراخهم يرجع اقوى من الي قبله معلنين القول الثاني لفريقهم وبعدها بشوي يصرخون مرا ثانيه قول راح عليهم ضلم بوجهة نضرهم
بعد فتره انتهت المباراه بفوز الفريق الي هم يشجعونه وامتلت ديوانية سند بـ اخوياه الي جايين يحتفلون معه بمناسبة الفوز واخذ سند سماعه من هيام وشغلها على اغنيهة فريقهم والوناسه مي شايلتهم والي وضحوها برقصهم وهبالهم
لين قال فارس : حم دام الجميع هنا عازمكم على العشاء جميع
الكل بدا يحلف
سند : يرجال ببيتي وماعشيكم عيب وعشاكم عندي
سعد ؛ ابد هالمرا عندي
واحد منهم : لا انت ولا انت حياكم انا عازمكم
وقطع مطالبهم فارس مرا ثانيه : والله ان تنهجون كلكم ومابوه واحدً يرفض وماهي بحقكم حقكم ذبيحه على شرف كل واحدً بكم لاكن مثل منتم عارفين الوقت مايمدي وابشرو بغيرها والي اطيب
سند : دام طلعت معه الهجه مافي تراجع عن قرارك تم
وبدا الكلام يتراوح ببن : ماتقصر يابو جبر ، يعطيك العافيه والجايه عندي ، ومن هالكلام
عند هيام : يووه ياصواتهم لجو يتعازمون تخوف كنهم يتهاوشون
ام سند : اي يبنتي هاذي عند الرجال فعايل وعلوم مرجله وكرم
هيام : زينا بس حنا اهدا اصوات يمه وش ذول اصواتهم تخوف
ضحكت ام سند وقالت : تعالي نتقهوى
هيام : بسوي لي قهوه تركيه شرايك اسوي لك معاي
ام سند : لا يقلبي انا ماشرب قهاويهم اشرب قهوة ديرتي هي الي تمخمخ بالراس وتروق
هيام : ياعينيي ع الي يبي يروق لبى قلبك والله
ضحكت ام سند وراحت تتقهوى وتتحلى اما هيام فا سوت قهوتها وجت جسلت معها وكملو سوالف وضحك
،
عند الرجال بحكم انه راح الوقت دخل فارس على موقع مطعم عشا لحم ومن ذا النوع ويبي له ساعتين على مايفضى من الزحمه وشاف غيره كثير الزحمه سيدت المكان اخر شي راح لـ مطهم اكلات هنديه ومن ذول الاشياء وحجز بحيث ياصلون يدخلون على طول وجهز الطلب ودفع كل شي قبلها وصلو ودخلو الطاوله مليااانه من كل شي كل شي حرفياً كان حاطه ومن كل نوع ثلاثه اربعه
فارس بحيا : اعذروني ماهي بمقامكم
وتداورت الردود يقولون انه مايقصر ومن الكلام ذا مالنا فيه ..
بعد ماخلصو اكل وراحو
فارس : يعيال احس احراج ماهي بمقامهم بس مالقيت الامكان فل على حظي
سند : ماعليك اكيد انهم مقدرين الوقت حنا مع المباراه راح الوقت ولا حسينا وانا هالمرا غلطان كان مفررض اعمل حساب انهم يتعشون راح عن بالي مع المباراه
سعد : ماعليكم كلكم خلاص خلصو
فارس ضحك : عندي سوالف لييين تصدعون
سند وسعد بصوت واحد : حييي وحنا معك عندنا لين الصداع
فارس : اجل خلونا نطلع وناخذ شاي جمر يمخمخ بنا ونسولف بالحديقه كالعاده ؟
الكل وافق وتوجهو للحديقه
فارس : يعيال شفتو ذا ابو غتره يوم نزل غترته
سعد ضحك : اييييي
فارس : وربي يضحكك راسه مربع انا دايم اسمع عن الراس المربع واشبه عليه لاكن ذا مربع صدقق! ههههههههه
سند هنا مات ضحك : هههههههههه بطني اوجعني عذه منك وبعدين انا امُنيت حياتي اشوف جبر بالمستقبل تلقا كل شخص ضحكت عليه طلع العيب بولدك
فارس : ايييي صححح يوووه الله يعين ولدي على كثر الي ذبية عليهم
سعد : ععدهم هههههههه
فارس : لا يعدون ولا يحصون ههههههههههههههههههههه
سند : فرووووسس شف ذا مو ابو غتره؟؟؟
فارس : اي بالله هو
سند وسعد ماقدرو يكتمون ضحكتهم اول ماقال فارس : يخفف شحومه وشكبرها
سعد : فارسس الناس كلها تطالع من ضحكنا بس هههههههههههه
فارس ؛ اقولكم مشغل اغاني مسوي كشخه ياررببييييي بطني وجعني من الضحك
سند : ههههههههههههههههههههه عد لي كم باقي لك حسنات من بعد ذا الحش كله
فارس بعد تفكير : صفر؟
سند وسعد بصوت واحد : صحح ، وصفقو بخفيف عشان المكان
فارس : تدرون كم الساعه صح
سند : تسع ونص
فارس : وراي روحه بكرا لشمال قلبي فا قم انت وياه فاردزوا "فارقوا" خلوني ارجع انخمد عشان اقعد بدري
سعد : اوه اوه من الحين الهجه حنت فاردزو اجل
فارس بعبط : مابوه غناتن عن حايلنا
سعد وسند : تنااااااقضض
فارس : شدعوه امزح بس حايل ديرتي الاساسيه والرياض الي ربيت وكبرت بها عينين براس
سعد : شدخل عينين براس؟
فارس : مدري طلعت معاي كذا ههههههه
ضحكو وقال سند : فارس وش شعورك وباقي شهر وكم يوم عن عرسك
فارس بضحك : فرشات في قلبي ي قلبي انا
وهنا ضحكو كلهم من طريقة نطق فارس لها وكانه يتدلع
سعد : مو لايق الدلع هههه
فارس : شعرفك انت تقلع ماتعرف الايتكيت
سند ضحك : اتيكيت اجل قم قم الله يستر عليك ههههه
وقامو كل شخص توجه بيته ونامو وهم مستعدين لفرفره بكرا لـ اغراض رمضان بحكم انه بعد يومين وفارس الي بيروح لـ شمال قلبه على قولته وهو مشتاق لعمه وعياله وبنته 😂🌚
....
نوقف البارت هنا اعطو البارت حقه بتفاعلكم ورايكم حبايبي💗💗
البارت طويل المرا ذي 3000 كلمه مدلعتكم 🏃🏻‍♀️