علميني ي دنياي وش ذنبي

Part 41

.. بعد مرور شهرين ..
بدا الجميع يتأقلم على غياب ابو فارس شوي شوي
فارس وطارق بدوا يتناسون خوله حتى وولو انها جمره بقلبهم للحين لكن تناسوا وكملوا حياتهم وفارس الي جوجو ولينا مصدر سعاده وطاقه ايجابيه له وطارق الي صار امام بالمسجد وبدا يطول لحيته وتاب لربي وهو بكل يوم وبكل صلاه وبكل ثانيه يدعي لـ سند بالخير لان لولا ربي ثم كلام سند ماكان وعى على نفسه واستوعب ان الي يسويه غلط غلط كبييير
اما ابطالنا بالشهرين ذي كانت من افضل الشهرين الي مرت عليهم فعلاً شهرين مرت بفرحهم وحبهم وسعادتهم وزاد الفرح خبر حمل ميلاف الي صار له شهرين
سعد الي بعد وعده لـ سُلاف اول ماجابت مطلق حلف لها واقسم انه يغير طبعه لجلها ولجل ولده وانه مايعصب عليهم ابد وفعلاً وفاء بالوعد وبذات اخر شهرين تغير طبعه معهم تغير كلي صار حنون اكثر من قبل
ابو عساف ايمانه قوي وقدر بفضل ربي ينسى شوي شوي اخوه ويكمل حياته
عساف وريم كوبلنا الجديد الي ماتهنوا بزواجهم بسبب موت عمه لكن عساف فعلاً عرف الفرق بين ريم وكادي "فرق الثريا والثرى"
نياف وهيام الكوبل المجنون على حالهم ضحك وهستره
،
حايل
طلع نياف من غرفته وهو بأسعد لحظات حياته طلع وهو يغني شاف الكل مجتمع بالحوش كالعاده بس ابوه مو موجود
باس راس امه وجلس جنب ريم وهي تصب له قهوه
فجأة وبدون سابق انذار فز نايف من قعدتهم وهو يرفع صوت جواله ويغني بصوت عالي وهو يرقص بهبال على كلمات الاغنيه
( هزعت فني ياطير مني ولاكان ظني تطري لي احباب
ذكرتني به لي اعتني به حب وحبيبه والشوق جذاب )
ابو عساف الي طلع من البيت وشافهم قاعده يضحكون على نياف شلون مروق من قعد وقال : وش نوحك تقل مفارقً الي تحبَّه هذا هي بنت مطلق قدامك مامن فراق!
انفجروا يضحكون على كلام ابو عساف اما هيام وجهها صار الوان من الاحراج
نياف بضحكه : ايي يبه حبيبتي هذا هي قدامي مير ولدك مستخف اليوم بوه طاقه
ابو عساف : ماقول الا عزتي لتس يبنتي دام ذا رجالتس
نياف بضحك وصدمه : افاااا ياولد عبد الرحمن تسذا تسب ولدك؟!
ابو عساف سحب نياف مع ياقة ثوبه : مو بوه طاقتن غريبه بك؟ انهج معي اطلعها لك
نياف بصدمه : يبببه لا لا اتسذب
مارد ابو عساف وطلع نياف معه وخلاه يشغل السياره واخذه يجيبون اغراض البيت من اكل وغيره
اما عند الباقي كانوا يضحكون على نياف الي تحسف انه قام يرقص
وام عساف الي كانت تصور ولدها وهو يرقص لخواته وكملت تصوره ليه طلع مع ابو عساف وهي تضحك وترسله لقروب عايلتهم
قام عساف وطلع عنهم وهو يبي يروح يحلق ومن ثم يتوجه لاخوياه
صدم بوجهه وحده عند باب بيتهم وهو مو منتبه لها نطق بحراج وهو الي اول ماشاف عباية مره صد عنها : اعذريني ماشفتتس
اقتربت منه وهي تمسك زرار ثوبه
دفها عساف بصدمه من جرائتها وقلة ادبها وكان مستغرب من ذي المره!
نطقت بغنج متصنع وهي تقرب مره ثانيه : عساف ماشتقت لي انا ذبحن الشوق؟!
عساف بصدمه رفع نضره : كااديي!!
كادي : اي ياحيي انا والله ي عساف اني مشتاقتن لك وانت مشتاق انا متأكده بعد خلنا نرجع وصارح اهلك بحبك لي!!