علميني ي دنياي وش ذنبي

Part 9

وصلو سند وسعد وطلعو الرجال يستقبلونهم
ابو عساف : الله حيهممم يالله انك تحييهم
سند وسعد : الله يبقيك
ابو فارس : حياكم الله
سند وسعد : الله يحييك
وبدو يسلمون على الكل وبعد السلام قال سعد : الاهل معنا من وين يدخلون؟
عساف اشر على الباب الثاني : مناتس "مناك" باب الحريم
راح سعد علمهم ودخلو مع الباب الثاني
اما الرجال فا دخلو للديوانية
نياف يقهوي وعساف يحط التمر عند الكل
وفارس ارسله عمه يجيب اغراض يبونها الحريم
اما طارق فا كلعاده بس جالس ويخز بالكل "مو جيد الا يناضر لهم هههه"
ابو عساف : وش وقعكم يعيالي؟
سعد : بخير جعلك بخير
سند : اللحمدلله يعمي انتم اخباركم
ابو عساف : الحمدلله بخير
الكل رد بعده بـ الحمدلله
ابو فارس : شلون الدوام معكم
سند : ماشي حاله بخير
،
نتركهم شوي ونروح لـ فارس الي اخذ الاغراض من البقاله وتوجه لـ بيت عمه قسم الحريم طق الباب : يولدد
كانو الي واقفين قريب القسم سُلاف ولينا
سُلاف : روحي لرجالتس
لينا بتوتر : لا مابي
سُلاف : وش ماتبين يعني اطلع انا! روحي لوه حتى الخبله خولوه مو هنا نقول لها تطلع لوه
لينا تأففت لما نادا فارس مرا ثانيه وطلعت ومكان واضح عليها التوتر وهي بالاصح من الداخل  لاعب فيها
لينا : هلا؟
فارس لما شافها ضاعت علومه حرفياً
لينا توترت وقالت  : وش نوحك!؟
فارس استوعب سرحانه بها وسحبها يسلم عليها : سلمي اول
لينا انحرجت : نسيت
فارس ابعد شوي : جبت الاغراض الي بغيتوها
لينا جت بتاخذ الاغراض بس رفض فارس : لا ثقال شوفي الطريق انا ادخلهم
لينا : عادي انا ادخلوه
فارس : ياعيوني لاتعاندين انا ادخله بس شوفي الطريق يلا
لينا شافت له الطريق ودخل فارس الاغراض وقال : الحين بسألك
لينا : اسأل
فارس : انتِ بالعزيمه كذا مزيونه وتفضخين القلب شلون بالعرس بتجيني سكته قلبيه من زينك
لينا احمر وجهها ولما سمعت صوت نياف ينادي فارس قالت : ء ء يبونك رح
فارس : يصير اخذك معي الحين؟
لينا هزت راسها بالنفي وبضحكه : ترا اقول لهم مابي اتزوج خلاص ونكنسل
فارس : وقتها تحملو عاد اخطفك وخيلهم يدورون
نياف نادا مرا ثانيه وقالت لينا وهي تلف للأغراض تشوفهم : يناديك يلا رح
فارس رجع سحبها بيسلم عليها الا دخل نياف
نياف : خير خير من قال فاتحن بيتنا للحبيبه؟؟
لينا وقتها تمنت الارض تنشق وتبلعها اما فارس فا كان عاديي وراح سحب لينا وحضنها من جنب : زوجتي مرتي وكيفي انت وش تبي!؟
نياف سحب اخته وحطها ورا ضهره : اذلف يلا اختي ومابيك تبحر بها "توشفها"
فارس رجع سحبها : يحبييي مرتي وش تبي
نياف سحب اخته مرا ثانيه واشر على الباب : مابوه تقولن مرتي زوجتي معصي لاصار عرسكم قل هالحتسي "هالكلام" 
وصارو يسحبونها ولينا زي العبه كل واحد يسحبها من جهه وهي وجهها صار يعطي الوان من كلامهم
لين جت ام عساف وقالت : وش تسوون ببنتي وجع انت وياه
لينا من شافتهم لفو على امها وفلتوها انحاشت
دخلت عند البنات الي تعرفو على بعض وبدت تطيح الميانه شوي شوي
لينا جلست جنب ميلاف
ميلاف : وش بوه وجهتس الوان
لينا : مابوه شين من الحر
ميلاف : لابستن علاق والجو ماهو بحار حيل ومحترتن شلون تجي؟
سُلاف بضحكه : ولاااا ااا
لينا بحده : سُلافوه انطمي
سُلاف بنذاله : ا ع ل م ههههههه
لينا : اصفقتس وربي
سُلاف وهي تمد الكلام : كانت قـــاعـــددهـ مـع
البنات ضحكو من فهمو قصدها الواضح
لينا قطت المخده الصغيره حقت الكنب على سُلاف : يااااكلبه
ميلاف نقزت وقالت : كفتسسسس بالله كلما شفتيه علمن نطقطق عليه
لينا : وجععع الي يسمع اني كل شوي مقابلتوه ترا المرا ذي بس وكلوه من الحيوانه ذي . اشرت على سُلاف
هيام تبي تبعد الاحراج عن لينا شوي : الحين جهزتي كل شي للعرس ولا باقي لك
لينا : لا خلصت اخر الاغراض البارح "امس"
هيام : حلو الله يوفقك يقلبي
لينا : امين يروحي وعقبالتس
هيام : امين
ميلاف : ريم انتِ اي سنه تدرسين؟
ريم : اخر سنه جامعه قانون
سُلاف : حلو خريجه يعني
ريم ضحكت : وافتك من شي اسمه دراسه . وانتم وش تدرسون
ميلاف : انا وسُلاف تو تخرجنا من الثانوي
سُلاف : مفروضاً نكون الحين بالجامعه لان اعمارنا 20 بس تأخرنا مادخلنا المدرسه
ريم : اوه اطفال اكبر منكم انا عمري 23ههههههههههه
هيام : وانتِ لينا اي سنه
لينا : انا متخرجه من زمان وحالياً متوضفه وانتي
هيام : متوضفه بحث جنائي وانتِ خوله تدرسين؟
خوله رفعت نضرها لها وقالت بتعالي : خلصت دراسه ووقفت مو جوي الشغل
هيام طالعتها وصدت ماعجبها اسلوبها بالكلام
ميلاف : بنات كم يوم تقعدون عندنا؟
ريم : ثاني يوم العرس نمشي
ميلاف : ودي احبسكم بهاه خلاص تعودت عليكم ياخي
هيام ضحكت واستنتجت من كلمة بهاه ان المعنى هنا وقالت : تعالو لنا بالرياض
ميلاف : ان شاءالله
،
نروح للرجال بعد العشاء
سعد وعساف ونياف كانو يسولفون وسند وفارس يسولفون وابو فارس وابو عساف برضو بسولفون
سند : وش باقي من تجهيزات العرس ماسويتوها
فارس : مافي خلصت كل شي
سند : صدق؟
فارس : اي والله بس ليلة العرس نروح نحلق ونتضبط
سند : اي شي تحتاجه يخوي ترا رقبتي سداده
فارس : ماتقصر يبعدي الخير واجد ماعليك
نياف : يرجاا شرايكم باتسر "بكرا" ننهج يم تلمزرعه نغير جو نمرح "ننام" يوم وننكس "نرجع" ثاني يوم نجهز للعرس وش قولكم!
ابو عساف ابتسم من تفكير ولده الي كانه جالس بباله : والله خوش راي
ابو فارس : نغير جو عن المدن زين
الكل ردو بالموافقه
سند وسعد قامو : حنا عاد نستأذن بنمشي
عساف : وين تو الناس يرجال ؟
سند : والله تأخر الوقت
ابو عساف : تجون بكرا للمزرعه
سعد : ابشر يعمي
ابو عساف : تبشر بالخير
سند : بس بالله نادو الاهل
عساف قام : ابشر ، نادا اهل سند وسعد
بالطريق
سند : تونستو معهم
ام سند : اي والله ام عساف حبيبه
سند : زين حلو
سعد : وانتن بنات
ريم : اكيدد تونسنا معهم مراا
هيام : اي يحليلهم يهبلون
سند شاف الساعه وكانت 10 قال : تبون نمر شي قبل نرجع الفندق
ريم : ايي مرو دانكن
سعد : ذبحتك القهوه
ريم : عاديي المرا ذي مو ضاره
مرو دانكن وخذو لهم قهوه ودونات ورجعو للفندق
جناح ام سند والبنات
ام سند : انا بدخل انام
البنات : تصبحين على خير
ام سند : وانتم من اهله ، راحت تنام
ريم : يالله البنات يجننوننن اليوم حبيتهممم
هيام : اي ولهجه انا متت عندها تجننن
ريم : وربييي تهبل لهجتهم بس ذي خوله ماحبيتها ابداً مارتحت لها وغثيثه
هيام : اي لاحضتها ابعدي عنها ي ريم باين راعية مشاكل مو مريحه ابد
ريم : ماني جايتها لاكن لاتكلمت تتحمل الي يجيها
هيام : ريييم
ريم : ماقلت شي المهم بكرا يعني بنقعد هناك وننام ولا كيف !
هيام : صح ماسألنا سعد بننام هناك ولا ؟
ريم : نسأله بكرا بس ودي اشوف ميلاف وسُلاف وهم بالخيل احسهم يجننونن
هيام : اي عاد احس شكلهم يجنن بالخيل
ريم : اخخ تحمستت للطلعه بكرا
هيام : قومي نامي عشان نقعد بدريى
ريم : طيب
وقامو ينامون
،
نرجع لبيت ابو عساف عند البنات
كانو جالسين ويسولفون
ميلاف : حبيتهمم يجننونن
لينا : اي ماشاءالله جمال اسلوب وشكل وطيبه حيل يهبلن
سُلاف : وام سند احسها طيبببه ومن الحريم الي رزينه وقلبها طيب وماتشيل
ميلاف ضحكت : توامي سويتي تحليل شخصيه لها ههههههههههههه
سُلاف ضحكت : ذا الصدز يعني
خوله : ماحبيتهم مو جوي ابداً مليقين
ميلاف : خلي الناس تحبتس عشان تحبينهم
خوله : هه القبول من الله نازل علي
ميلاف بستهزاء: سبحان الي زوع القبول بجميع خلقه بس مازرعه فيتس
خوله : غيراننه حبيبتي وش حلوي شايفه حالك انتي
سُلاف : الحلا بديره وانتي بديره
خوله جت بتتكلم بس سكتها لينا الي قالت
لينا : بسسسسس انتي وهي خلاصنا عاد الي بتتكلم بعلم ابوي وتشوف وش يجرا له
الا دخل ابو عساف : وش مقعدكم للحين ورانا طلعه باتسر
البنات بحماس : وينن
ابو عساف: للمزرعه
ميلاف نقزت تحضن ابوها : اذااا مو اطلق خبررر من اطلق ابو
ابو عساف ابتسم وهو يمسح ع شعرها : يلا قومو نامو عشان نقعد بدري بننهج بدري
البنات : ابشر
راح ابو عساف غرفته وراحو البنات وراه غرفهم
اما عند العيال فا كانو منسدحين بفرشهم يسولفون
نياف : فارس حالياً انا مالومك اخوياك الصراحه ونعم واضح عليهم رجال بما تعنيه الكلمه بس احسهم مو حقين مزح وهستره زي عساف ثقيلين
عساف مسك المخده الي جنبه وضربه بها : وجتن توجعك عند جدي
فارس ضحك : لا بالعكس بس حسب يعني اذا مانو معاك وصارت الرسميات صفر وقتها بتنبسط معهم بالهستره على قولتك
نياف : تمم يعني بطيح لك الرسميات باتسر وقل ولد حسين ماقالها
الكل : ونعم
فارس : بس اخذتو اجازه لبكرا
نياف : عن نفسي من قال ابوي اخذت اجازه الاربعاء باتسر والخميس الي نقعد بوه بالمزرعه والجمعه عرسك والسبت راااااااحهه يالله وش ذا الايام الزينه
عساف : اي والله الله يديم الافراح وانا مثلك حطيت اجازه
فارس ناضر لـ طارق الي مدخل يده بشعره يبعثره ويطقطق بجواله : شاركنا السوالف
طارق : مالكم بمودي ابد "للي مافهم يعني سوالفهم ماهي جوه "
فارس تنهد من اخوه وصد قايل : انا بنام تعبت اليوم من الفرفره وورانا قعده بدري بكرا
عساف وهو ينسدح : اي والله باتسر شغل وكرف نخمدو كلكم يلا
نام الكل وبدا يهدا اصوات البيت شوي شوي لين اختفت نهائياً
،
صباح ثاني يوم الساعه 10 الصبح
ابو عساف وابو فارس واقفين بالحوش يهاوشون ويعجلون الكل
ابو عساف بحده : يلااااا ي نياااففف اعجل شبلاك مت
ابو فارس ناضر لولده طارق الي واقف على طرف يدخن وقال بعصبيه : وانت مغير فالح لي بهالدخان
طارق وهو ينفث الدخان : وش تبي اسوي يعني
ابو فارس : حط يدك مع عيال عمك واخوك مو منثبر لي هنا كنك كلب حراسه
نياف وعساف وفارس كانو يركبون الاغراض بسياره
نياف اول ماسمع كلام عمه وذبته مات ضحك جلس على الارض وهو يضرب رجله من الضحك وكانت ضحكته كأنه "حمار يناهق " على قولة امه
عساف : نااايفووه وجع قم ارفع علومك لايجي ابوي يتوطى ببطنك
نياف مارد وهو يضحك
فارس ضحك : لف عليك ابوي وعمي يلا القم
ابو فارس : الحمار الي يناهق ذا منووو؟؟؟؟
ابو عساف بحده : في حمار غير نياف بهالبيت اصلاً
نياف بدال ماينحرج من ذباتهم زاد ضحكه وهنا محد قدر يسكت حتى البنات الي قاعدات يركببن السياره ضحكو وضحك ابو عساف وابو فارس
وبعدها ركبرالكل السيارات
وكان مع عساف ابوه وابو فارس
وفارس معه ام عساف ولينا وخوله
ونياف معه ميلاف وسُلاف
وطارق لحاله
بسياره مع نياف
ميلاف وهي مشغله اغنية ولما وصل البارت الي هي تحبه صارت تصفق هي وسُلاف ويغنن بصوت عالي اقرب ماله صراخ
" حزنانه ذكرتيني سهرانه
كنتي احلا انسانه ياما حبك صبرت
وكذابه كلامك انتي لاعابه
يكفي قلبي ماصابه يكفي انتا خطاه "
نياف ضحك بعد ماخصلن : ماخذات راحتكن معي لو عساف كسر راسكن
ميلاف : انت قلي بس من باقي مافتخر فيك!؟؟
نياف بهبال : انا مافتخرت بنفسي
سُلاف : اوووووحح اعتراف قوووييي ذا
ميلاف : نيافييي نيوووفف نواافيييييي اخوويي الحبيب
نياف : بدون لف ودوران وش نوحتس
ميلاف : البقاله
سُلاف شهقت : صحححح
نياف لف عليها : بسم الله وش نوحتس انتي بعد!
سُلاف : نسينا سالفت البقاله
ميلاف : معليتس اختتس تتذكر بدالتس
نياف : ومن قال بمر فيكن اصلاً!؟
ميلاف : انا قلت
نياف : معصي
سُلاف : نياف لاتصير تسلب "كلب"
ميلاف : اخللصص والله نعلم ابوي
نياف : هه تهديد يعني
ميلاف وسُلاف شهقو وقالو نع بعض : يعني منت هايب ابويي هيييينننن
نياف انخرش : خلااااااصصص طيبببب طيببب عذه خوات فلس وقسم بالله ام زكي انتي وهي
ميلاف : شايفنا نقالات علوم يحيوان
نياف : طبعاً ماني شايفن غير ذا
ميلاف : يعميي طيرر مر البقاله بس
سُلاف : ميمي وش تبين تجيبين من الباقله ؟
ميلاف : اممم خرافيش"مفرحات" بس
سُلاف : حلوو وكثري بطاطس وحلاويات
ميلاف : ليه منتي نازله ؟؟
سُلاف : نوو ماليش خلق
ميلاف : طيب
وصلو البقاله ونزلو ميلاف ونياف واشترت ميلاف واخذت الاكياس وجت بتطلع وقالت لـ نياف : اخوي يحيي ادفع الحساب لاهنت ماخذت من ابوي فلوس
نياف انصدم ومامداه ينادي الا انحاشت
دفع الحساب واخذ الاغراض وقطهم بحضنها وقال بعد ماحرك من المحطه : قاشتن البقاله كله وماعلمتيني ان مامعتس فلوس شنوحتس انتي لو ماكان معي
ميلاف : ادري انوهّ معاك
نياف : وش دراتس
ميلاف رفعت جوالها : رابطه صرافات العايله كلها بحسابي عشان لو بغيت شي انا وخيتي لاوضيفه ولا مكافأة من وين لنا يحسرتي
نياف طارت عيونه : وشهوووو
سُلاف شغلت اغنيه وعلت الصوت وقالت : معليتس يخيتي اسمعي الاغنيه ولايهمك كلامه الشكوى لله اننا خواتهم يتحملون المصيبه
،
باقي السيارات مافي احداث مع عساف حاطين الاخبار ويتسمعون لها ومع فارس فا كان فارس يهدي اغاني لـ لينا بطريقه غير مباشره ولا يخلى من قطات خوله الي تتعمد تحرجهم على امل ام عساف تهاوش لينا بس حلم ابليس بالجنه
،
وصلو وكا العاده ميلاف وسُلاف نادو خيولهم بصوت عالييي : سهممم اصيللل
والخيل الي المربط يكون مفتون دايم عليهم لانهم متعودين على المكان وما ينحاشن جتهم مسرعه
لينا : بنات خلو الخيل وساعدونا نجهز الجلسه الحين يجون البنات
ميلاف وسُلاف : طيب
تركو الخيل وبدا التنافر الحقيقي الي ترتب والي تحط القهوه والي تسوي قهوه ثانيه وبرضو عند الرجال ابو عساف وابو فارس يشرفون وعيالهم والعامل يشتغلون
فارس اتصل عليه سند الساعه 2:25
سند : السلام
فارس : وعليكم السلام
سند : اخبارك
فارس : الحمدلله
سند : فروس وين الموقع حق المزرعه
فارس : الحين ارسله لك .. قفل وارسل له الموقع
،
بالفندق عند ام سند والبنات
ام سند : بنات طلبتو حلا شي ناخذه؟
ريم : خاله بحثت عن افضل شي بحايل وطلع لي اسم محل *** ويقولون جنبه محل معجنات ثنين في واحد ماراح نفرفر نروح له الحين
ام سند : زين حلو
طق الباب وراحت ريم تفتح وقالت من ورا الباب : مين؟
سعد : انا
فكت الباب ودخل سعد قال : زين جاهزه بدري اليوم غريبه
ريم : نزل الوحي
سعد ضحك وقال : يلا البسو واطلعو ننتضركم بنمشي
ريم : تمام .. طلع سعد وقالت ريم لهيام وام سند ولبسو وطلعو
،
عند العيال
بعد ماقفل سند من فارس : ارسل لي الموقع
سعد : طيب اسمع
سند : وشو
سعد : نرجع اليوم ولا ننام؟
سند : ماودي الصدق نثقل عليهم لا
سعد : وش عرفكم اننا اخويا نفس التفكير واحس ذا طارق مو مشتهيتا
سند : ماطقيت له خبر بس عشان ياخذو راحتهم
سعد : هههههههههه يلا مشينا
مشو متجهين لـ جناح الحريم وراح سعد طق الباب وقال لهم ورجع ضلو واقفين ينتضرون لين طلعو الحريم وطلعو كلهم من الفندق وتوجهو للمحل وبعدها للمزرعه
وصلو ونزلو وقفو شوي الا ريم صرخت
لفو عليها وشافوها تركض بعيد الصرصور
سعد ضحك : تعالي خنفس ذا نضيف ترا
ريم : يعععععع
هيام : ريييم شوفي
لفت ريم للمكان الي اشرت له هيام وشافت بنتين راكبين خيل ومبعدات مو واضح غير الخيل
ريم : الله اكيد ذي ميلاف وسُلاف
هيام : ايي
سند : منتم ناوين تخلون السوالف وتمشون ندخل
سعد : وين الجهه الي يدخلون معها الحريم
سند : مادري ، لف بانضاره وشاف مدخل ثاني والواضح انه هو ؛ يمه شوفي ذا المدخل احسه للخريم!؟
ام سند : اي واضح اجل بندخل انا والبنات من هناك
راحو ودخلو الحريم
والعيال برضو دخلو
سند وسعد بصوت جمهوري : السلام عليكم
الكل فز لهم : وعليكم السلاام
وبدو يسلمون على بعض
ابو عساف وهو يأشر لهم يحلسون : حياكم
سند جلس : الله يحييك
سعد جلس : الله يبقيك
ابو عساف ابتسم وقال : القهوه
جا العامل وبدا يقهوي
نياف بهمس لـ عساف : انا بنعمه حالياً في احد يقهوين بدال مو انا اقهوي
مامداه يخلص كلامه الا قال ابوه الي مايحب العاملين يقهوونه : نياف يبوك قم قهو انت
نياف بهمس : اخخخ ممدااا . وعلى صوته : سم
قام عساف : اجلس انا اقهوي
نياف فز : لا والله اجلس
عساف : اجلس لاتفشلنا
نياف : والله ماني بجالس ماباقي الا تقهوين لا اجلس
فارس شافهم : اجلسو انت وياه اليوم علو انا اقهوي
نياف : ماتركت عساف يقهوي عشان اخليك انثبرو لاتمصخرونا
راح نياف وبدا يقهوي
شوي وقامو الشياب يقيلون
عساف : يرجال تبون نروح نتمشى بالمزرعه ؟
الكل رد بالموافقه ماعدا طارق الي قال انه بيرجع للديره 
وطلعو وهم يمشون قال نياف : احم سند وسعد ترا قررت قرار
سند وسعد : اسلم
نياف : اليوم بطيح الميانه معكم طيب غصب فا خففوها علي ههههههههههه
فارس يضحكه : هييي لاتحتك اخوياي هههههههه
نياف : يعمي طير مابوه اخوياك هالحين صارو اخوياي بعد ههههههههههههه
سعد ضحك : والله ونعم شرف لنا خوتكم
سند : وابد اعتبر الميانه طايحه
فارس شهق وسوا حاله المغدور : اخخخخ من غدر الاصحابب اخخ بسس مردكمم لي ترا مايفيدكم غيري
الكل ضحك
عساف : امشو نبحر "نشوف" بالاسطبل والخيوال وش اخبارها
دخلو ووقفو الكل عند الخيول سند وهو يمسح على سهم : شسمه ذا !؟
عساف : سهم
سند : والي مع سعد
عساف : الي معوه اصيل
سعد : ماشاءالله اسم على مسمى
عساف : تسابقن انت وسند؟
سعد وسند : تم
فارس : خلونا كلنا نتسابق شرايكم
الكل وافق رفعو ثيابهم وربطوها على خصرهم وطلع كل شخص خيل وركبه وطلعو والي كان من نصيبهم سهم واصيل سند وسعد
وبدا السباق ولما خلصو كان المركز الاول سند وبعده على طول عساف وبعده سعد ونياف اما فارس فا كان الاخير لانه مو مرا يعرف بالخيل
عساف : ماشاءالله خيال طلعت
سند ضحك : كنت في يوم من الايام
عساف : اقول والله ذا مو مهارت شخص مايحب الخيل ولا يركبه
سعد : سند تعلم من ابوه رحمة الله عليه
الكل : الله يرحمه
رجعو العيال وقعدو يتقهوون ويسولفون
اما البنات
دخلو وسلمو ولاحضو ان ميلاف وسُلاف مو فيه وعرفو انهم هم الي كانو بالخيل قبل شوي وماهي ربع ساعه الا جن ميلاف وسُلاف
ميلاف : يمهه سحت "معت"
لينا جت ومعها مهيتو : سمعت احد محتر
ميلاف : كفووو والله
ريم : تكفين ميلاف انتي وسُلاف ابي تعلميني ع الخيل
ميلاف وسُلاف : ابشرييي
خوله بقرف : يعع شوضعكم مع الخيل تقرفن وقسم
ميلاف بطرف عين : الحيوانات ازين من بعض الناس
خوله بستهزاء : صادقه بذي اشوف الخيل الي يقرف ولا اشوفك
ميلاف : خولوه منتي ناويه ترسينها على بر تبين افشلتس قدام الكل
خوله : بنت ابوتس فشليني هههه
ميلاف تنرفزت وجت بترد وتنفذ تهديدها لاكن سكتها امها الي قالت : ميلاف خلاص
سُلاف بمحاوله تلطيف الجو : ها شرايكن بنات بحايلنا؟
هيام : والله تهبل
ريم : عاد من زمان نفسي اجي لـ الشمال واهم ثلاث مناطق كنت ابي اجيها تبوك وحايل والحدود الشمالية
لينا : تعالو بالشتاء الاجواء تهببببل ويذات موسم الفقع
هيام وريم : ان شاءالله
ميلاف فزت تشوف الا العيال طالعين قالت : يوووه
البنات : شفيتس
ميلاف : العيال راحو مانقدر نروح لـ سهم واصيل
لينا : باتسر الحين بتغيب الشمس اصلاً
"تسريع بالوقت بعد ماتعشو "
سند وسعد : جمعه دايمه يالربع
ابو عساف : وين؟؟
سند : يعمي نبي نمشي
ابو عساف : مافي روحه وانا ابوك اقعدو تنامون عندنا اليله
سعد : يعمي نجيكم ان شاءالله اليوم نروح ونجي بكرا
ابو عساف : والله ماتنهجون انتم مثل عيالي واعتبرو نفسكم يمزرعة ابوكم تردون ابوكم؟
سند : مانردك يعمي ابشر بالي تبي
ابو عساف ابتسم برضى
ورجعو الكل يجلسون وارسل سعد لـ هيام انهم ينامون بالمزرعه
،
هيام اول ماشافت الرساله ورتها ريم
ريم : شفتي قلت لك اشوا خذينا غيار معنا
هيام : زين سمعت كلامك
ريم : بروح اقول لـ خالتي
راحت ريم لـ ام سند وهمست لها : خاله سعد ارسل لي يقول بننام عندهم اليوم
ام سند : اي ارسل لي سند بعد الله يهداهم ماقالو قبل نمشي
ريم : ماعليك يخاله اخذت اغراض احتياط وتركتهم بالسياره
ام سند : اشوا الحدلله
،
عند العيال بعد مادخلو ينامون كانت فرشهم جنب بعض
نياف : اييي وش فيكم ساكتين سولفو
سند : عطنا سالفه
نياف : المشكله ماعندي سالفه
عساف : اكتبوها بالتاريخ نياف ماعندوه سالفه
فارس : التاريخ كله يشهد
نياف : على شحم انت وهو
سند : ههههههههههههه شوفو سعد نام هههه
نياف : يحظه بسرعه حط صماخه "راسه" ونخمد
الكل : ههههههههههههههههههههههههههههههههههههههههههه
نياف نقز فجأه : عساااافف تحتك عقرببب
فز الكل بعد وفجأه جلس نياف على الارض يضحك بقوه
عساف فهم انه مقلبهم وقام وهو يجلس فوق نياف ويثبته : حماررر انت حمارر؟؟
فارس : وهو حمار شف ضحكته حمارً يناهق مرجوج عقلك به شي
سند مسك المخده وقطها على نياف : خبل
نياف وهو لايزال يضحك : ههههههههه اخخ ههههههههههههههه ءء فارس هههههههه شفت شلون نقزت ؟؟ ههههههه يااارربي مغصني يطني من الضحك ههههههههههه
ضحكو الكل معه واول ماهدا ضحكهم رجع نياف يضحك وهو يقول : سعد للحين نايم ههههههههههه
سند ضحك : خيشة نوم ماعليك
كملو ضحك وسوالف على فصلة نياف وشوي شوي هدو ونامو
.............
نوقف البارت 🫶🏻
بارتنا اليوم طويل 3000 كلمه استمتعو حبايبيي وعطوني رايكم 💗💗