❝ Minvira (or) ကိုယ့်ဂျီမင် ❞ (S-1+ S-2)

အပိုင်း (၁၁)

နူးညံ့အိစက်သော အနက်ရောင်အိပ်ယာအကျယ်ကြီးထက်တွင် ကွေးကွေးလေးအိပ်နေသည့် မင်ဗီရာက ဖြူလုံးလုံးလေးလို။ သူ၏ ဖြူစင်သော အသားအရည်ကြောင့် အနက်ရောင်အိပ်ယာပေါ် ထင်းထွက်နေသည်။ အိပ်မောကျနေသောကြောင့် ပါးလေးကဖောင်းဖောင်း နှုတ်ခမ်းဆူဆူ..နေဗီပြာရောင်ဆံသားတို့က ပွယောင်းယောင်း။

နူးညံ့ ထူထဲလှသည့် စောင်ကြီးက သူ၏ ကိုယ်တစ်ဝက်သာ ဖုံးလျက်ရှိနေပြီး မှောက်လျက်နေသည့် ဗီရာ၏ကျောပြင်လေးက အထင်းသားမြင်နေရ၏။ ကျောပြင်တစ်လျှောက် အနီရောင်အကွက်လေးတွေက ကြည်နူးခဲ့ချိန်တို့ရဲ့ အမှတ်တရအဖြစ် ကျစ်ရစ်နေစဲ ။ မြင်ကွင်းလေးက အတော့်ကို မျက်စိပသာဒဖြစ်ဖွယ်ရှိ၏။ ထိုမြင်ကွင်းကို မရှူ့မညည်းစိုက်ကြည့်နေသူကတော့ Jeon Orpheus ဟူသည့်  နတ်ဆိုးဂျွန်ဂျောင်ဂုဖြစ်သည်။

Orpheus သည် တစ်ညလုံး မင်ဗီရာအိပ်နေပုံလေးကို အကြည်မလွှဲဘဲ ကြည့်နေခဲ့သည်။ ယခုထက်ထိပေါ့..။ မင်ဗီရာကတော့ ဒါကိုသိမည့်ပုံတောင်မပေါ်...နှစ်ခြိုက်စွာအိပ်ပျော်နေ၏။

ဗီရာအနည်းငယ် လူးလွန့်လာတဲ့အခါမှ Orpheus က အကြည့်လွှဲလိုက်ကာ ဘောင်းဘီအိပ်ကပ်ထဲရှိ စီးကရက်ဘူးကိုဖွင့်ကာ တစ်လိပ်ယူ၍ မီးညှိသည်။ ဗီရာနိုးစပြုလာသည်ကို သူစီးကရက်ကို ရှိုက်ဖွာရင်း ဆက်ကြည့်နေ၏။ နိုးစပြုရာမှ နိုးထလာသည်အထိ အပြုအမူအဆင့်တိုင်းအား မျက်တောင်မခတ်တမ်းစိုက်ကြည့်နေသည့် Orpheus က မှတ်တမ်းတင်နေသည့်စီစီတီဗီနဲ့ပင် ဆင်တူလှသည်။

"Jeon.."

ဗီရာနိုးနိုးချင်း ထွက်လာတဲ့အသံက Orpheus ၏နာမည်သာ..။

"ကိုယ့်ဂျီမင် အိပ်ရေးဝရဲ့လား"

"နောက်နေ့ကူးသွားတာလား"

Orpheus ခေါင်းငြိမ့်ပြ၍ စီးကရက်ငွေ့တို့ကို မှုတ်ထုတ်လိုက်ပြီး ဖြေသည်။

"မနေ့က ကိုယ့်ဂျီမင်က အရမ်းပင်ပန်းသွားပြီး အိပ်ပျော်သွားလို့ ပြန်ခေါ်လာရာကနေ အခုချိန်ထိ အိပ်ပျော်နေတာ..."

Jeonရဲ့ နှုတ်ခမ်းပါးက ခပ်ယဲ့ယဲ့လေးတွန့်သွားပြီး စီးကရက်ကို တစိုက်မတ်မတ်ရှိူက်ပြန်တယ်။