P I E C E S

18

Unicode

Ost - Lily of the valley

လေနှင်ရာဆီတရွေ့ရွေ့
နင်းခဲ့မိတဲ့ ရွက်ကြွေတွေ
နင်းခံရတဲ့ နှလုံးသားတစ်စုံ
ဘယ်ဟာ ပိုနာကျင်ဖွယ်ကောင်းလည်း။

.......

ယနေ့စာသင်ချိန်တွေသည်ပျင်းစရာသိပ်ကောင်းသည်။မဟုတ်ပါဘူး
စာသင်ချိန်တိုင်းပျင်းစရာကောင်းတာ။
ဖောင်တိန်တစ်ချောင်း နဲ့စာအုပ်တစ်အုပ်ထဲမှာ
လိုက်္မှတ်နေရခြင်းထက် သူ့ပုံတွေသာ
တန်းစီပြီးဆွဲလိုက်ချင်ပါသည်။

Computer class ။
စာရိုက်တာလက်ကွက်ကျအောင်ကျင့်ရမည့်အချိန်
ဖြစ်သော်လည်း
အနောက်ကနေ လှမ်းမြင်နေရတဲ့ ကျောပြင်လေးကိုသာ ငေး၍မပြီးနိုင်ဖြစ်ကုန်သည်။

သူ့ဟာနဲ့သူလည်ပတ်တဲ့အချိန်တွေ အမြန်ကျောင်းဆင်းပါတော့။
ကျောင်းခေါင်းလောင်းထိုးသံကိုကျယ်လောင်စွာကြားလိုက်ရသည်။
ငါ့ကိုဘယ်လိုသဘောထားနေသလည်း ‌ဆိုတဲ့အဖြေကို ကြားရတော့မည်။

ရင်တွေခုန်နေပေမယ့် ကြောက်နေသလိုခံစားချက်က တစ်ချက်တစ်ချက်ဝင်လာ၏။
အဆိုးဘက်ကဘဲမျှော်လင့်လိုက်သင့်လား။
အဲ့ အဆိုးဘက်ကိုလက်္မခံနိုင်‌ရင်ကော
ကင်မ်ထယ်ယောင်း...မင်းငိုမှာလား။

အိမ်ရောက်ခါနီးလမ်းသွယ်သွယ်ကြားထိပ်မှာ
လွယ်အိတ်တစ်လုံးနဲ့ကျွန်တော်အလာကို
စောင့်ရပ်နေသူသည် လီဒိုဆော့သာ။

" ဟျောင့်သိလို့ရပြီလား အဖြေကဘာတဲ့လဲ "

" ပြီးမှသိတော့ဟာ "

" ဟာ ဘာလို့လဲ ဘာလဲ ငါ့ကိုမဟုတ်ဘူးမလား မဟုတ်နေတာမလား "

" လက်ခံနိုင်အောင်ကြိုးစားထား ငါ သင်တန်းသွားပြီး
အသေးစိတ်ပြောပြမယ် "

ရာသီဥတုက ကာလာတွေတောက်နေပေမယ့်
မိုးသက်လေပြင်းမည်းမှောင်စွာထန်သည်းနေတော့သည်က ကျွန်တော့်ရင်ဘတ်က။
ဘာတွေမို့လည်း။

ဘာလုပ်လုပ်လေးလံနေပြီး လုပ်နေတဲ့အရာတွေထဲလည်းစိတ်ပါမနေခဲ့။
တကယ်စိတ်ရှုပ်ဖို့ကောင်းတာဘဲ။ဟိုရက်တွေတုန်းက
အပျော်တွေက အတုအယောင်တွေသပ်သပ်ဖြစ်နေခဲ့တာလား။