صقر الظلام

صقر الظلام ١

صقر الظلام
************
اللهم ربنا لك الحمد، ملء السماوات وملء الأرض، وملء ما شئت من شيء بعد أهل الثناء والمجد، لا مانع لما أعطيت، ولا معطي لما منعت ولا ينفع ذا الجد منك الجد

“سبحانك اللهم ربنا وبحمدك، اللهم اغفر لي”.

“اللهم صل على محمد وعلى آل محمد، كما صليت على إبراهيم، وعلى آل إبراهيم، إنك حميد مجيد، اللهم بارك على محمد وعلى آل محمد، كما باركت على إبراهيم وعلى آل إبراهيم، إنك حميد مجيد“

❤❤❤🧡🧡🧡🧡💛💛💛💚💚💚💙💙💙💜💜

أنتظرونى يوم الثلاثاء القادم ان شاء الله الساعه الثامنه مساءا كل يوم ماعدا الخميس والجمعه وحشتونى يا حبايبى وحشتونى وحشتونى ها أستنى رأيكم وتفاعلكم عشان توصل لاكبر عدد خمسه أموااااه 😍😍😘😘
❤❤❤🧡🧡🧡🧡💛💛💛💚💚💚💙💙💙💜

مشهد غير مألوف علينا اخرنا نتفرج عليه فى التلفزيون فى الافلام الأجنبى طياره هيلكوبتر حربيه بتحلق فوق سفينه عملاقه خارجه عن القانون المصرى وتستهان بيه وتستعرض قوتها وقوة دولتها  ولكن يغفلون عن القوى الخفيه وطيور الظلام وأشباح الليل المظلم الدامس ..  بينزلو على احبال بكل جراءه ومن مسافه عاليه جدا بدون اى تأمين على حياتهم  وكأنها لعبة الحياه بالنسبه لهم .. انتشرو برغم قلة عددهم على متنى السفينه العملاقه وحالة هرج ومرج وتبادل لإطلاق النار عليها شديد وفى لحظات معدوده تم أسر كل من على السفينه منبطحين ارضاااا وأيديهم فوق راسهم إستسلام تام وذل إهانه لكل من يفكر أن يتعدى فقط حدوده  او يعبث معانااا ... هى دى كلماتهم 
سيبونى امتلك ولو لفتره بسيطه خيالكم معاياااا وأعيشك فى واقع الخيال ..ساحتل عقولكم وأنشر كلماتى بيها واصورها كما أشااااء  ليس الحب بيدى ولا السعاده ولا المال فهى بيد الله وحده ..ولكن ميزنا الله عن غيرناااا فكل منااا  ميزه مختلفه وقدره غير عاديه على تحويل الأشياء .. ياعزيزى القارئ نحن مجرد اسباب فقط .. سبب لتحويل كل ماهو قديم لبريق يخطف انظارك وكل ماهو معدوم لشئ فيه الأمل وكل ماهو سئ للأفضل .. اسباب فقط ..ابحث معى عن السبب الذى تعيش من أجله وتحارب ليل نهار حتى يصل للجميع ولن تنسى أن سببى  هو خط الدفاااع الأول  .. ساتنهار حصون عدوى مهما بلغت قواها وتخضع لا محال فالإيمان فى القلب واليقين فى الصدر والطريق مرسوم بصورة النصررر 
قفلت الكتاب وبصتله بنظره مش مفهومه ابدا أبدا : غريبه إن الكلام دا خارج منك أنت بدأت بمهمه كبيره وعظيمه وبعدين حبيت تخطف عقول إلا حواليك وتنشر فكرك عشان يأمنو بيه ونكشت جواهم عن الميزه والسبب إلا عايشين عشانه بعد دا كله مستسلم للموت إستسلام غريب وكأنك بتقول مش عايز أكمل ولا عايز أستمر فى إنجازاتى وإلا بيميزنى قدام الناس .. اول مره دخلتلك فيها دورت على السلسله إلا فيها كل معلوماتك الاساسيه .. اسمك كاتيبتك بس مفيش .. ابتسمت .. ملقتش معاك غير كتاب بدون أسم كاتب فى اول صفحه  بقلم جاااف لو عندكش مانع فى إنى اكون كاتبك المفضل فأغلق الكتاب ولا تلتفت لى ... عندك كبريااااء حتى فى إختيارك لقرائك بس ياترى دا اول كتاب وإلا إيه بالظبط وإيه حكايتك ايها الجندى المجهول .. سمعت صوت لفت وشها له
- من فضلك الزياره خلصت
قامت وقفت وهزت راسها بإستسلام تااام : حاضر لحظه وخارجه ... وطت براسها عليه وكأنه سامعها وشايفها وحاسس بيها وهمست : لازم أمشى دلوقت ها اجيلك تانى ولازم نتكلم ونتناقش مع بعض فى صفحه جديده من كتابك  ياله باااااى .. سابته وخرجت والممرضه دخلت وبتظبط الأجهزه  بتطمن إنها أمااان أتكلمت وهى صعبان عليها : والله ماعارفه اعملك إيه عشان تقوم لها بقالها شهر يا كبدى راحه جايه وميأستش إنك تقوم .. صدق إلا قال  فعلا الحب بهدله نفسى اعرف كنت بتعمل لها إيه عشان تحبك الحب دا كله  وتجيلك كل يوم فى معاد الزياره إلا ماحد من أهلك عملها ولا نعرفلك حد ياله ربنا يقومك بالسلامه برغم ان مفيش أمل ..
روحت شقتها الكبيره والفاضيه قعدت على اقرب كرسى قلعت الشوز ودخلت خدت شاور وعلى المطبخ تدور هنا وهنا عشان تلاقى اى حاجه تاكلها للدرجه دى نسيتى  نفسك .. أبتسمت .. بيضه وحتت جبنه .. حلو قوى على الاقل مانمش جعانه واقرء فى كتابه بإستمتاع أهو حاجه تفصلنى عن وحدتى الممله .. ابتسمت وافتكرت لما دخلت له إمبارح وقاعده زى عادتها ترغى كتيررررر .. إيده وقعت من جمبه مسكتها عشان ترجعها مكانها ظنت انه فاق او بيحاول يفوق وحست بضمة إيده لإيديها وكأنه بيقولها سامعك .. جريت على برا تنادى الدكتور وقالت له .. كشف عليه كشف دقيق وهز راسه بنفى وقال بصوت مفوهوش ذرة أمل .. مجرد ردود عصبيه لجسمه ودا طبيعى جدا .. بعد إذنك لأول مره تحس انها مخنوقه وكأن حد لافف حبل  وبيشده بقوه دموع نازله زى الجمرررر ليه وعشان مين هى مش عارفه ازاى انسان يعيش مع حد ويحبه وهو جسد بلا روح ازاى وهو بيصارع الموت او يمكن يكون ميت اصلااااا ومستسلم لدا نتعلق بحبال هوا دايبه ونندم فى الأخررررر ... اتنهدت ومسكت إيديها إلا ضمها وابتسمت برغم دموعها وقالت بصوت مسموع .. كفايه عياط بقى هو عياط هناك وعياط هنا ..  سابت الكتاب وفضلت النوم عشان شغلها  مر عليها الليل زى عادته المظلمه وقامت مش شقشقة النهار فى همه ونشاط غيرت ملابسها واستعدت بعد وقت من المعتاد عليه للنزول واخيرا بقت بين العربيات متجه لجراج قريب من شقتها شاورت : صباح الخير ياعم محسن
محسن : صباح النور يا ست الكل عربيتك زى القمر جوا
تاليا ابتسمت : شكرا لإهتمامك بيها مش عارفه من غيرك أعمل إيه  طلعت فلوس ناولتها له وهو خدها ببتسامه : الف شكر يا بنتى ربنا يسترها معاكى ..
ركبت عربيتها وطلعت بيها وسط زحمة عشان كان فى مشكله على الطريق والعربيات واقفه   ..بصت جمبها وشافت عيون بتراقبها وبتبتسم ببلاهه وغمزه وكأن مباح لكل من هب ودب يعبر عن مشاعره بوقاحه لمجرد إنها انثى بمفرها .. اخيرا وصلت مكان عملها وركنت دخلت جرررى : صباح الخير يا سلوى صباح الخير يا مجدى
الاتنين : صباح النور
مجدى : انتى عمرك ما تيجى بدرى ابداااا
تاليا : أعمل ايه والله ما ذنبى ذنب الطريق  حضرنى بقى
قرب الدفتر : أتفضلى أمضى
مضمت وجريت على فصلها دخلت ووشها اتبدل : صباح الخير يا ولاد
كلهم : صباح النور يا مس
تالياااا بصت على السبوره مسحتها وكتبت التاريخ الجديد وعنوان الدرس وهى بتبص فى كتابها رجعت لهم وقالت وهى مبتسمه : تعرفو وانا بكتب التاريخ بتاع انهارده فكرت فى إيه
بنوته صغيره لمضه : إيه يا مس
تاليا : فكرت وحطت صباع على راسها : أممممممم .. ازاى بيعدى من عمرنا كل يوم .. رفعت صباع ..  يوم وبنكبر .. طب ياترى بعد كدا التاريخ دا هايتسجل فى حياة مين بأنه تاريخ مهم هايتم تدريسه للأجيال إلا بعد كدا زيكوو 
ولد قام : يعنى إيه يا مس
تاليا : يعنى يا زياد مين ها يبقى بطل والناس كلها تحبه فايحكو ويتحاكو عنه ويسجلو دا .. مين هايغير شكل وملامح التاريخ بعمل هايقوم بيه .. مين عالم .. مين دكتور إيديه تتلف فى حرير .. مين ظابط كبير وله أسمه وبيدافع عن وطنه
كل الولاد قامت ورفعت ايديها : أنااااااااااا  أناااا اناااا
تاليا ضحكت : كلكم ظباط .. هو الطموح كدا تسئل البنات مين عايزا تطلع دكتوره يقولو إحنا والولاد ظباط .. معندناش وسط .. بس على فكره كلنا فى اى مهنه المفروض نبقى ظباط .. بمعنى ظبط وربط ونحافظ على القانون فى اى مكان ونسيطر على سلوكناااا ممكن تبقى ناجح فى مكانك مهما ان كان ويتكتب التاريخ ويرتبط باسمك طول العمر حتى لو عامل بسيط  ..وهو دا درسنااا إنهارده أزى تكون راجل ذو مركز وذو قوه وفى نفس الوقت تحترم ذاتك ومتنساش إنسانيتك ولا مبادئ مهنتك أبدا أبدا او تخون ربنا و المهنه والناس إلا أنت بتحميها .. هانتكلم على ناس حمت بلدها وشعبها وماخانوش الأمانه وأدو رسالتهم صح عشان كدا اتكتبو فى التاريخ وبقينا بندرس مسيرة حياتهم ..
بصت فى ساعتها بعد وقت كبير وهى واقفه ومندمجه وفى الأخر شالت حاجتها : زى ما اتفقنااا نحل اسئلة الدرس والسؤالين إلا على السبوره دول لو حد فيكو  الحصه الجايه جاى حاللهم وشرحهم لينا له مكفأه منى .. علت صوتها .. قياااام
كلهم قاموووو
تاليا : السلام عليكم ورحمة الله وبركاته
الأولاد ببتسامه وحب لها : وعليكم السلام ورحمة الله وبركاته 
شاورت وهى خارجه : اتفضلى يا مس عزه
عزه : شكرا يا تاليا ودخلت الفصل وقفلت الباب
تايا راحت لغرفة المعلمين وقعدت تحضر الدرس إلا بعده  وتراجع بعض النقاط والمدرسين حواليها بترغى وفى إلا قاعد يصحح وهكذا .. مر اليوم بتاعها كالعاده وماصدقت خرجت بتجرى تلحق معاد زيارة الفتى المجهول وهى ماشيه بالعربيه لمحت حاجه جوا محل هدايا نزلت جابتها وراحت على المشفى .. طلعت على طول وسلمت على الممرضه ودخلت له وبنهجه : اتاخرت عليك انهارده معلش بقى لما تعرف إلا أخرنى هاتتبسط قوى .. طلعت من الشنطه بلوره كلها قزاز وجواها خيال لواحد وواحده وكأنهم فى السما فوق بين النجوووم .. حطتها على الكمود جمبه وهى مبسوطه وقعدت قدامه وقالت بصوت مسموع .. عارفه إنك مفتقدنى وفضلت طول الليل وحيد زيى وبتقول ياترى يا تاليا بتعملى إيه ضحكت .. أسكت مش كنت ها انام من غير أكل إمبارح لولا إن ربنا سترها ولقيت بيضه وحتة جبنه إنهارده إن شاء ها انزل من عندك على السوبر ماركت وربنا يستر عشان مفلسش لأخر الشهرررر  عارف أنا عندى قصص كتير وكتب ركنتها كلها عشان اخلص كتابك انت الأول فرحت لما الممرضه قالتلى إنهم ملقيوش معاك غير كتاب ومبلغ من الفلوس إلا للاسف خدوها بالكامل تحت حساب المشفى .. أنا وحيده زيك عايشه هنا عشان شغلى زى ماقولتلك قبل كدا بابا وماما اتوفو وإخواتى ولدين وبنت أنشغلو فى حياتهم وبعدو عنى او السؤال كل فين وفين لما بيفتكرونى اصلا دا لو حصل  وانا زهقت وبطلت اسئل بحس إنى تقيله عليهم  نقلت شرم وقولت استقر هناااا وأعيش لشغلى ولما ازهق أروح للبحر اقعد قدامه وأضمه ويضمنى اشكيلو ويشكلى لحد ما شفتك وانا بزور زميلتى ساميه كانت تعبانه مش عارفه إيه وقفنى قدام العنايه وركزت معاك وكأنك بتنادى عليا وبتقولى ماتسيبنيش يا تاليا .. عيطت .. ساعات بحس انى مجنونه بس هو دا إلا حسيته وسمعته  ولما الممرضه قالتلى تعرفيه قولتلها أيوا طلعت منى من غير ما أشعر وجعتنى لما قالت .. يااااه اخيرا لقينا حد يسئل عليه  طيب تعالى إملى بيناته تحت اتحججتت وقولت لها لو اهلى عرفو ها يقتلونى انا ها اجيلو فى السر وكأن محدش ظهرلو .. بصتله بأمل .. هاتقوم وتقولى أنت مين وأيه عمل فيك كدا وإلا هاتفضل مستسلم .. حطت راسها على السرير  لما حست بصداع رهيب داهمها جمبه وسكتت تماما بس دموعها ما سكتتش نزلت على إيده دموعها ولما شافتها غمضت بألم وكأنها بتهرب من جنونها اكيد إلا هى فيه دا جنون .. يوميا بيتعرض عليها عروض للجواز ما تتفرضش بس قلبها مقفول بالضبه والمفتاح إشمعنا دا ولييييه جسمها أترعش وأتنفض لما حست بإيد بتسرى على ملامح وشها البريئه بحنيه ورفق شديد ... فتحت عيونها واتصدمت لما شافته فاتح عيونه نص فاتحه مسكت إيده نزلتها جمبه  وبجنونها المعتاد طلعت تجرى على برا تنادى على الدكتور
دكتور .. دكتور مدحت .. ارجوك تعالى معايا والله فتح عينه وحرك إيده
مدحت لف صباعه : تانى
تاليا بإصرار : تعالى وأنت تشوف صدقنى
مدحت راح معاها وكشف عليه لوى شفته : حالته زى ماهى لا فى تقدم ولا تأخر مستقره هو فى عيبوبه تامه 
تاليا إنهارت تماما ولفت راسها تهزها برفض : مش ممكن أكون مجنونه او بيتهيئلى
مدحت صعبت عليه قوى برغم انه بيقابل حالات من دى كتير : ممكن تقعدى وتهدى دا طبيعى حركات للعين للأيد لا بيتهيئلك ولا أنتى مجنونه انتى مجرد واحده عندها أمل حبيبها يقوم ويرجع لها من تانى وأتمنى أملك دا يدوم وهو يقوم  سابها وخرج وهى بصتله وهى بتردد الكلمه : حبيبى .. ابتسمت .. فاكرينك حبيبى  .. شافت عيونه بتفتح نص فتحه من تانى متوجهه لها .. مسحت دموعها بإيديها وقالت بصوت مخنوق .. مش هاتضحك عليا تانى .. ياترى شايفنى او عايز تشوفنى أنا بس وبتهرب منهم شالت منديل مسحت وشه لاحظت إن عيونه ثابته عليها .. فصلها عنه وعن متابعتها له صوت الممرضه .. الزياره خلصت
قامت وقفت ولاحظت إن الننى بتاع عينه بيتحرك معاها سكتت وماقدرتش تتكلم ولا تقول تعالو شفوه فتسمع الرد المعتاد دا طبيعى .. أنا ماشيه مضطره أسيبك دلوقت خلى بالك من نفسك .. خرجت وهى فى حاله مش طبيعه وبتدعى يقوم عشان تخلص من جنونها وتعلقها الغير طبيعى بيه لايمكن حد يعلق نفسه بوهم بضباب مش باين منه ملامح ولا أى شئ ..  
أما هو فى حالة توهان مخه بيجاهد يستوعب العالم من حواليه مين دى وبتقول إيه أنا مين عايز ينادى ويتكلم بس مفيش صوووت مفيش  .. حركه مفيش .. . بدء ضباب الماضى يتلاشى ويشوف مشاهد قصيره مش عارف معناها ولا مستوعبها .. هو جوا بحر كبيررررر  بيعوووم بسرعه رهيبه وكانه بيسابق امواجه .. أختفى البحر وظهر جبل ضخم بيجرى بين صخوره وبينط من مكان لمكان .. أختفى الجبل وظهرت ناس وشوشها غريبه وأفعالها أغرب كل شئ بيظهر وبيختفى فى لحظات وزمن قصير لا يتعدى الثوانى شاف نفسه بيطير فى الهوا على ارتفاع كبير وبينزل على الأرض بقوته شهق بصوت عالى واتعدل كأنه موميا بتقوم من موتها للحياه من تااانى بجسم متخشب وعيون حاده زى الصقرررر
❤❤❤🧡🧡💛💛💛
بقلم : لبنى طارق
💚💙💙💜💜🤎❤🧡🧡