صقر الظلام

صقر الظلام ٢

صقر الظلام ٢
*************
اللهم منزّل الكتاب ومجرى السحاب وهازم الأحزاب اهزمهم وانصرنا عليهم، اللهم أنزل عليهم بأسك الذي لا يرد عن القوم المجرمين، اللهم زلزل أقدامهم ونكس أعلامهم وأذهب ريحهم اللهم آمين.
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡🧡🧡💛💛💛💛💚💚💙💙💙💜💜💜
عبدالعزيز أتصدم صدمة عمره  قام وبصوت عالى : لميس أنتى إيه إلا جابك هنا .. ازاى جايه مكانها .. زعق جامد .. أنتو يا بقر يا بهايم
الرجاله جت تجرى وعبدالعزيز لطش كل واحد فيهم قلم وهو ثائر بطريقه رهيبه  : هى دى إلا قولت لكم عليها فين الصوره منك له ياغبى
واحد منهم بيجز على سنانه حط إيده على خده : الصوره طارت مننا وكنا مصورنها على التليفون .. وأهى قدامك شبها أهه
عبدالعزيز شاور : دى زى إلا إديتكو صورتها دى
لميس بصاله ومبرقه بوئها مقفول الغيظ بينط من عيونها نط  
الراجل بزهق : انا عارف بقى العماره سكانها كل يوم هما هما محدش بيتغير لقيت دى داخله العماره  وطالعه بتفتح باب شقة العروسه زى ما بتسميها  خدناها وطرناااا
عبدالعزيز زقهم خرجهم برا وقعد قدام لميس شد اللزقه  صرخت جااامد وحطت ايديها على شفايفها من الوجع نطر إيده : يااااهوه اصرخى من هنا لبكرا محدش ها يوعى عليكى يابنت اخويا إيه وداكى هناك يا غراب البين انتى
لميس بهجوم زعقت فى وشه  : أنت مالك
عبدالعزيز : انى عارف انك مقاطعه أختك   ايه جرا بقى
لميس فضلت بصاله وتفتكر أدم وطريقته معاها والكره يزيد والغل يزيد ناحية تاليا أكتر اتكلمت بمكر  : عمى إلا يسلمك تاليا ويحفظ سرك تعمله إيه
عبدالعزيز نظرته اتغيرت تماما وباصص لها بصه غريبه : اوعى تكونى فاهمه انك هاتلعبى بياااا أو تضحكى على عقلى أنا مش ياسين كلمه توديه وكلمه تجيبه 
لميس بالا مبلاه : براحتك انا غرضى زى غرضك اخلص منها للابد 
عبدالعزيز زعق : تخلصى من اختك يابنت ال....
لميس ضحكت بصوت عالى جداااا : لاء يا عمى إهدى على أساس إنك طاهر وكدا ايوا عايزا اخلص منها مبقتش اطيق اسمع سيرتها قدامى
عبدالعزيز بتفكيرررر : وليه بقى
لميس : عشان كتير قوى اوله انى ها اخد حقى منك ودا شرط
عبدالعزيز ضحك : ههههههههه هبله يابت وإلا مفكرانى برياله
لميس بتكبر : أنت حر .. بص أنا مش خسرانه حاجه انت الا هاتخسر وبدال ما تدينى فلوسى لوحدى لاء هاناخد كلنا منك مهما عملت
عبدالعزيز : يعنى هاتبيعى مصلحة اخواتك قصاد مصلحتك
لميس : نص العمى ولا العمى كله يا عمى .. منا لما أطلع بقرشين منك محدش فينا طايلهم أكيد مش ها اسيب اخواتى
عبدالعزيز : أهاااا يا بنت اخوياااا .. وعلى كدا تاليا مش من إخواتك
لميس : تاليا باعتنا وباعت العشره واختارت نفسها وكفايه انها ضحكت على ابنك ولهفت منه قرشين وشبكه ب٢٠٠ الف
عبدالعزيز بغل : والله ما أسيبها لو بينى وبينها أميال .. بص للميس .. ولما انتى كارها ومش طايقها ازاى جابوكى من عندها
لميس : عمى فكنى وها أحكيلك التفاصيل وعشان تبقى فاهم تاليا دلوقت برا مصرررر يعنى ريح نفسك لما ترجع انا ها أسلمها ليك بس بإتفاق وسيبك من رجالتك الغبيه إلا بتدفع لهم على الفاضى
عبدالعزيز بيفكها : برغم انى مش مرتحالك بس ها أعمل مصدقك
لميس بصتله : وعد لو ادتنى إلا يعيشنى انا واخواتى مرتاحين ها نبعد عنك وتاليا أعتبرها بين ايدك
عبدالعزيز نطر إيده : لااااااا مابكلش من القوانطه أنى وعد ايه وكلام فارغ إيه أنتى هاتمضى وتبصمى على إلا أقولك عليه
لميس : إلا هو إيه
عبدالعزيز :  ملكيش ولا ربع جنيه عندى لا انتى ولا اخواتك واخواتك شرحو يمضوووو
لميس بتفكير : موافقه بس بشرط
عبدالعزيز : إيه هو
لميس : بعد ما اخد منك المبلغ إلا هانتفق عليه كامل وشرط كمان الفرسه تاليا عايزاها
عبدالعزيز بإستغراب : عايزاها تعملى بيها إيه
لميس بإستمتاع فى كلامها : قبل ما أسلمك تالياااا  لازم أحصر قلبها على الفرسه بتاعتها لانها بتعشقها بتمو.ت عليها عايزا اشوف القهر فى عيونها عايزاها تمو.ت زيها وأكتر
عبدالعزيز ضحك : ماطلعتش لوحدى يا ولاه والله الكره إلا فى قلبك تجاه اختك يكفى بلد وانى إلا خايف أل لتلعب بالواد أتاريها لا هاتلحق تلعب ولا تروح ولا تيجى .. سيبى الفرسه عليا وأنا افرجك وأشفى غليلك ها اوريكى إلا عمرك ما شفتيه فى أختك
لميس ابتسمت : يبقى اتفقنا ياعمى وحطت ايديها فى إيده ..
عبدالعزيز  : قومى قومى هانغدوكى ونملى عيونك حاجات حلوه زى زمان
لميس قامت بحماس : إمال   إبنك فين
عبد العزيز  اتنهد : إبنى مخه زهد مع إلا ماتتسمى اختك ياولها منى لما تقع فى إيدى ها اجيب حقك يياسين يا بنى وأخليك تندر إلا ها أعمله فيها وابرد نارك
لميس رفعت حاجب : معقول أتجنن بسبب حبها هى فيها إيه معلق الرجاله بيها بيحبوها الحب دا كله على إيه
عبدالعزيز بصلها بجمب عينه : يمكن عشان مش بومه
لميس لفت واتكلمت بحده : قصدك إيه ياعمى
عبدالعزيز نطر إيده : لا قصدى ولا يحزنون يا ختى ما تتفزعيش كدا على حالك أنتى حلوه بس فيكى حاجه مش حلوه
لميس بإنتباه : إيه بقى
عبدالعزيز : ماعرفش إيه هى حاجه طابعه على وشك طبع ..  يمكن ختم الجرفه ، بوذك عامل كداهووو وحواجبك رافعاها ولا الساحره إلا بتيجى فى الافلام وشك مفهوش هدوء ولا راحه
لميس شخطت فيه : خلاص كل دا وماتعرفش أمال لما تعرف هاتقول عليا إيه خلتنى باووو
عبدالعزيز لف وشه وبرطم : باووو لما يشطحك بت عكره بصحيح 
خدها غداها فعلاااا وهى على يقين إن أمورها ماشيه تمام التمام
..
أدم لسا قاعد فى المطار وجمبه عصام .. عصام بفضول : أنت نزلت جرى عملت إيه ورجعت
أدم أبتسم ابتسامه خبيثه عصام فهمها  زقه بكوعه .. بطل رخامه وقولى
أدم لف بصله وهمس : بص يا سيدى ماجده بعتتلى رساله ان تاليا مشيت .. طبعا هاترجع شقتها فى شرم لإن بإختصار ملهاش مكان تانى .. بص على ساعته .. وانا ماعنديش أى وقت أعمل لها أى حاجه ولا أدور اشوفها فين .. فا ضربت عصفورين بحجر واحد ودا لصالح الهانم أم دماغ ناشفه
عصام بإستمتاع : عارف بموت فى دماغك إشجينى وسمعنى
أدم بضحكه عسل : سلمتهم أختها رمسيس وأنا ضميرى مرتاح رفع صباعين .. ضمنت إن رجالة  عمها ها يطيرو بيها ويخط.فوها  وفعلا تم ..  وإديت أوامر يتفتح لهم  الطريق كمان
عصام : بالنسبه لرجالة إخواتها
أدم هز راسه بغمزه : عيب عليك منا بلغت لميس إنها مسافره .. صدقت طبعا 
عصام ببتسامه : ألعب يادومى يا عسل .. طبعا إخواتها رفعو المراقبه بعد كلامك معاها
أدم بتأكيد : تمام
عصام ضربه على صدره : سلمتها لعمها ازاى بقى
أدم رفع حاجب واتكلم بصوت خشن : ولد خليك فى حالك اتعلم وأنت قافل بوئك جاتكو القرف ناس حشريه
عصام : هههههههههه الله يرحمه لو عايش كان عمل أحلى شغل معاك
أدم أتنهد : اه والله انت بتقول فيها وحشنى قوى ربنا يجعل مأواه الجنه يارب
عصام : أمين .. زقه : انت  دخلتنى فى مهند الله يرحمه ونستنى ام الموضوع
أدم ضحك بس مش بشكل ملفت : بص يا سيدى .. أنا دخلت الأوضه كلمت لميس لما أستأذنت منكم بعد رسالة ماجده
فلاش بااااك
**********
أدم ساب أصحابه فى الصاله ودخل الاوضه جرررررى .. فضل يتصل على تاليا ما بتردش .. لحظات وكان  فونها أتقفل خالص ..  خبط الفون فى السرير : مش وقت عند وغباء انا مش عارف انتى بتفكرى ازاى  ..  فضل دقايق تفكيره شغال ازاى يحل الموضوع قبل ما يمشى ويأمن وجودها فى شرم ... أبتسم وجاب تليفونه اتصل على لميس انتظر لحد ما ردت  : ألوووو أنسه لميس .. ابتسم ..  أسف  مدام لميس اصل الصراحه شكلك اصغر بكتير من سنك ووضعك الإجتماعى
لميس بضحكه هاديه : بقولك إيه لا انسه ولا مدام ..  لميس وبس دانت جوز أختى الغاليه
أدم : فعلا غاليه
لميس بتأكيد : طبعااا غاليه
أدم : طيب تثبتيلى دا
لميس بتفكير : ازاى بقى
أدم : أنا مسافر الصبح بدرى وبصراحه ضميرى مأنبنى أزاى معايا مفتاح شقة اختك وسايبك برا اتمنى تروحى تقعدى فيها الوقت إلا يعجبك وانتى ماشيه يا ستى ها اقولك تسيبى المفتاح فين
لميس بإعتراض مزيف : لا لا لا .. لايمكن طبعااا ممكن تاليا تدايق لو عرفت
أدم بنفى : ابدا هى هاتدايق منى لو عرفت انى قعدتك فى فندق او شاليه وشقتها موجوده  .. أنا عارف مراتى ودماغها ماشيه ازاى  ..  ممكن تجهزى نفسك ها اعدى عليكى أوصلك
لميس أتحمست للفكره عشان ها تشوف ادم تانى وكمان ها تاخد مكان تاليا .. كل إلا فى دماغها ان دى أول خطوه ..  اتمنت حياتها ومكانها وأديها اهووو بتجيلها على طبق من دهب  .. جهزت حالها لبست ونزلت سحبت الفلوس إلا دفعها أدم بس مش كامله خرجت ووراها واحد شايل الشنط .. ادم نزل فتح باب العربيه إلا جمبه وهو مبتسم ركبت وهى مبسوطه  وركب هو كمان ومشى بيها
لميس بفرحه كل شويه تبصله من وقت للتانى بنظرات مش قادره تخبيها أبداااا كلها إعجاب وإنبهار بشخصيته وإستكتار على تالياااا فى نفس الوقت .. أدم مد ايده ورا .. بصى جبتلك إيه
لميس بفرحه : إيه
أدم  شال حاجه من ورا : البورنيطه دى حستها لايقه عليكى وهاتنفعك لما تحبى تنزلى البحر
لميس بصتلها وعبرت بطريقه مبالغ فيها : الله .  ذوقك يجنن تحفه يا أدم بجد
أدم : ههههههههه كدا بتبالغى دى بورنيطه حاجه بسيطه
لميس : لاء بردو بس إيه رأيك بقى عليا ولبستها لفت بوشها عليه
ادم بصلها ورجع بص للطريق : تصدقى اول مره اخد بالى انك أجمل من تاليا
لميس بفرحه شديده  : توء توء توء .. كدا بتبالغ بقى
أدم : ولا ببالغ ولا حاجه بصى فى المرايه كداااا
لميس بصت فى المرايه وضحكت : برضو تاليا فى نظرى احلى .. فضل يلهيها بالكلام ويكبر جواها الإحساس إلا عايزا تحسه انها افضل واحسن من تاليا وهكذا .. نزل وفتح لها الباب مسك البورنيطه بطريقه مفاجأه وحطها على راسها وبصلها قبل ما تنزل .  كدا احلى ههههه نطر راسه .. ياله
لميس نزلت وهى بتبصله بنظرات مستخبيه  وأول ما عيونهم أتقابلت ابتسمت ادم جاب شنطتها وطلع معاها العماره وأل يعنى عامل مش واخد باله من إلا بيراقبوهم .. دخلها وبص فى ساعته .. اما مضطر اسيبك  مشوار بسيط وراجعلك شوفى ايه إلا ناقصك فى الشقه  اجيبهولك وانا جاى
لميس ببتسامه : تمام ها اكلمك
ادم طار على السلم قدام عيونها طلع الشنطه ونزل جرى .. خد عربيته ومشى او بعد بيراقب الموقف من بعيد بيشوف رجالة عمها ها يدخل عليهم إن دى تاليا وإلا لاء  ... شافهم بيطلعو ورا بعض خدوها بعد ما اتخدرت تماما نازلين بيها  بيأمنو المكان وواخدين الشنطه إلا معاها كمان ههههههه ومشيو .. طلع تانى بص على الشقه  لقى المفتاح واقع على الارض ملحقتش تفتح الباب خده ونزل وهو فى قمة إنبساطه ودا أول درس للميس لا ها تشك فيه ولا هايقدرو يجيبو حد يرجع يراقب شقة تاليا من تانى لان لميس ها تأكد لعمها انها مسافره برا مصر والوحيده إلا هاتعرف بمعاد نزولها هى  زى ماهو قالها
باااااك
*****
عصام بيسمع بإهتمام : وافرد عمها أمر العيال يخلصو عليها من غير ما يشوفها
أدم نطر ايده : دا مستبعد بس لو عمل كدا يبقى خلصنا من رمسيس  وضمنت إن عمها بعد عن تاليا تماما لحد ما تظهر هى قدامه وتصدمه بأنها عايشه  وبكدا يبقى كتب نهايته بإيده بسرعه
عصام هز راسه وباس راس ادم : ابوس دماغك المتكلفه على رأى عمرو ..بقولك ايه جبت المفتاح منين
أدم بصله وتنح : اكيد انت مش بالغباء دا تاليا مراتى يا جدع
عصام : هههههههه حتى  المفتاح
أدم بغمزه وأبتسامه تجنن  : خمس نسخ فى التو واللحظه كانو فى جيبى  الهبله سايبه الباب بكالون قديم ها اخلى ذكريا يغير لها الباب كله ويعمله مصفح
عصام اتنهد : ربنا هو الحامى ياعم أدم إلا سخرك لتاليا ولحمايتها قادر يحميها بعيد عنك
أدم من قلبه : يارب يا عصااام .. أبتسم ابتسامه هاديه ورايقه قوى .. وحشتنى ومش عارف ها اتحمل ازاى اسافر وأسيبها وحشتنى قبل ما أمشى ربنا يصبرنى
عصام بصله بنص عين : أدم أوعو تكون قربت منها  ودا إلا جننها كدا
أدم هز راسه : مراتى ياجدع وبطل هرى كتير انا بحبها ولا يمكن اتخلى عنها
عصام ضرب ايده فى بعض وقال بصوت مكتوم : غبى
ادم بمهاجمه : لاء مش غبى .. حقى وحقها هى إلا واخده الامور بحساسيه زياده ورسميات فارغه
عصام : ازاى يا بنى انت خلعت يا ادم فى نظرها سيبتها وهربت
أدم بصله  : عصام خلعت منين وهى فى بيت ابويا وامى و معاها القسيمه بتاعتناااا .. هى غبيه وبتتعامل بتهور
عصام بحده ؛ هى بردو إلا غبيه .. ياعم ياريتك ما  روحت من أساسه ولا شافتك افرد بقت حامل انت عارف راجع أمتى هاتشيل هى الليله لوحدها ازاى
أدم قالها بصوت مليان تأثر وشوق رهيب : ياريت .. يارب عشان يكون ليا عيل يمكن هو إلا يبقى موجود من بعدى يفكرهم بياااا .. ياااه ياعصام ياااه نفسى فى اللحظه دى من زمان إحنا كبرنا والوقت بيسرقنا هانخلف لمايكون عندنا خمسين سنه مثلااا دا لو لينا عمر  كفايه تنطيط من غير عيله بقى
عصام بذهول : أنت انانى
أدم اتعدل : أنا بحبها وحابب يبقالى عيال منها  إيه الانانيه فى كدا انا مقتنع ومش ندمان على اى حاجه ومتعمد دا عشان اثبت للكل ان جوازنا  فعلى مش على الورق زى ما الهبله بتقول  وربنا لو ما بطلت جنان لاعقلها بس أفوق لها افوووق ها أخليها تلف حوالين نفسها بنت هشام وأخت رمسيس قلب وشه دى أخت دى
عصام سكت او انسحب عارف ان أدم لو عمل حاجه ومقتنع بيها ميه فى الميه صعب تتغير او مستحيل
***
تاليا بعد وقت كبير وتعب عليها اخيرا وصلت شقتها فتحتها ودخلت اترمت على الكنبه ، سابت  الشنط فى الارض حاسه انها متغربه بقالها سنين عن المكان معقول هى فى شقتها وبعدت عن حياة أدم ..  قامت خدت شاور وكل ما تعمل أى حاجه تفتكر إلا حصل بينهم  وتقعد تعيط بحرقه على نفسها وعلى حركة أدم هو مسترخصها لدرجة إنه يقضى ليله معاها ويهرب بالشكل دا .. طب ليه عمل كدا وهو عارف انه ماشى ليه يحطها فى الموقف دا وياترى ها يقعد أد إيه مفكرش فى عواقب الموضوع عليها .. مافكرش ازاى هاتقدر تعيش بوضع جديد وحياه مختلفه وتغيرات الله اعلم هى هاتتقبلها وإلا لاء ...دخلت الأوضه واترمت على السرير بعد الشاور فتحت التليفون وهى ماسكه منديل بتمسح دموعها إنهالت عليها رسايل أدم على الواتس .. وفويس ورا فويس
أول رساله .. تاليا بطلى غباء وردى علياااا ماتقفليش مخك
تانى واحده .. ماتعصبنيش ردى ماعنديش اى وقت اجيلك أرحمى خوفى عليكى ..
فويس بيتكلم بعصبيه : بطلى جنان وارجعى  محدش ها يسيبك فى حالك الكل مترصدلك  يا متخلفه
فويس : اوووووف عليكى وعلى دماغك الناشفه .. والله ماهربت والله غصب عنى انا بحبك وها أفضل أحبك إلا حصل من حبى وشوقى ليكى حساباتك كلها غلط صدقينى استهدى بالله وارجعى ولما ارجع بالسلامه أعملى إلا انتى عايزاه
فويس صوت تنهيدته واضحه جداااا : عارفه قسماااا بالله ماحد يقدر يعمل معايا إلا بتعمليه أنا ها أتحمل عشان بحبك ولو بتحبينى أرجعى حمايه ليكى مش غرض فى نفسى ولا ليا
تاليا سجلت بإنفعال وعياط : أنت أنسان كداب .. انا وصلت شقتى مفيش حد جه جمبى كل إلا بتعمله بتعمله عشان أكون تحت إيدك ولمزاجك ، عشان تلعب بالهبله إلا طول الوقت بتتسلى وتلعب بيها .. إلا بتشوقها ليك  ببعدك عنها  وبعدين ، تظهر ، وبعدين تختفى .. يا سلاااام صدقنى لما ترجع ها اخد حقى تالت ومتلت وأعرفك مين تاليااااا انا مش ضعيفه ولا مكسوره محدش بيعرف يحنى راسى ويكسر عيونى أنت فاهم وأول حاجه ها أعملها ها أتحررر منك للابد ومن أى حد عايز يستغلنى .. رمت الفون ونامت دموعها غرقت المخده حست بإهانه شديده فى كرامتها ..  الوقت بيمر وتاليا نايمه لحد ما الليل هجم فتحت عيونها ملهاش نفس تقوم أو تعمل حاجه تاكلها أو تتصل وتكلم حد حتى لو الحد دا  ساميه .. فقدت شغفها بكل حاجه حواليها نهائى .. مسكت الفون بصت فيه يمكن رد عليها لقت الرساله زى  ماهى مفيش أى حاجه جديده سابت التليفون وكملت نووووم ..نامت لتانى يوم بمعنى الكلمه جسمها همداااان ومرهق
فى المقابل ساميه هربت من قدام مرات عمها ومن عمهااااا .. أميره فهمت سبب هروبها وماحبتش تجرحها او تدايقها ..
بعد ما أتعشو مع أدهم نزلو وسابوه عزت باصص لأميره : أنتى جيتى جرى على هنا ليه
أميره بتوتر : بصراحه يا عزت ها اقولك بس ما تدايقش
عزت بصلها : قريتى التقريرر من ورايا صح
اميره بتأكيد : ايوا قلقت وانتوو مش عايزين تفهمونى أى حاجه لا أنت ولا أبنك عصام
عزت : وبعدين معاكى يا أميره أنتى هاتعملى زيهم
أميره بأسف :  حقك عليا بس راعى إنى أم وساميه بعتبرها بنتى ومنيره الله يرحمها مشيت مقهوره من عندى .. عيطت جامد مره واحده ..عزت إحساس بالذنب جوايا مش عايز يفارقنى على الأقل احافظ على ساميه وأحميها زى منيره الله يرحمها الست اتكسرت مننا كلنا محدش فينا راعى إحساسها وخوفها ولا راعى إن دى بنتها الوحيده لا ولد غيرها ولا بنت .. دموعها زادت .. ساميه تستاهل اكتر من إلا بيجرلها بس منيره ماكنتش تستاهل على الأقل نردهولها فى بنتها مهما كان غلطها
عزت سكت شويه بيسمعها وحزين على الوضع إلا الكل وصله اتكلم بعد وقت ومركز فى الطريق : سألتيها
أميره بتأكيد : سألتها والحمد لله طلعت واعيه وحافظة على نفسها بس كانت خايفه منكم ودا إلا سكتها وخلاها اتحملت وكشفت عليها كمان
عزت بصلها وزعق نفضها من مكانها : أنتى اتجننتى عايزا تسوئى سمعتنا كشف إيه وزفت إيه
أميره بصتله بخوف : براحه يا عزت الموضوع مش زى مانت فاهم .. انا كلمت صاحبتى وقولتلها عايزا اطمن على البنت عشان جوزها طلع مش كويس خايفه يكون أذاها أو نقل لها مرض
عزت بفضول رهيب برغم إنه إدايق من الفكره : وقالت ايه
أميره : صاخ سليم قالتلى البنت محدش لمسها اصلاااا ازاى متجوزه
عزت بذهول : بنت .. يعنى كانت عايشه معاه وهو زى قلته كمان
أميره نطرتها من بوئها : إحمد ربنا بلا قرف مش احسن ما الفاس تقع فى  الراس وتبقى  حامل وفى اطفال منه
عزت اتنهد وسكت ضرب طارة العربيه بإيده : البت دى إيه ازاى قبلت على نفسها وضع مهين زى دا ما اطلقتش ليه وأهى تجربه وعدت
أميره : الخوف بيعمل اكتر من كدا  أنت هاتبلغ عمك هارون
عزت بصلها : طبعاااا لازم يتصرف معاها وتتعاقب هى وابنك الكبير ..  الاتنين لازم ليهم واقفه  إلا ملوش كبير ملوش اصل ولا فصل يا أميره إلا ملوش كبير بيعمل ما يحلالو 
أميره بخوف : براحه يا عزت عليهم خلاص هما اتعلمو وخدو الدرس  وإلا حصل حصل
عزت بتقفيل مخ : أبداااا .. المره دى بالذات لايمكن تمر مرور الكرام عشان يعرفو  إن  الله حق .. عصام بيتصرف معاها بمشاعره وبس وهى بتتصرف بدلع وبتضغط علينا كلنا بزياده
أميره : اخر فرصه يا عزت البنت اتكسرت وعرفت غلطها اتغيرت فعلااااا مابقاتش ساميه بتاعت زمان  إلا عايزاه لازم تعمله  وعصام أنت عارف ظروفه وعارف اد إيه بيعشقها مهووس بيها بيتعذب وبس إحنا غلطنا لما وقفنا قصاده زمان ووقفنا قصاد ادهم ومنيره
عزت بصلها ورجع بص للطريق  : ودلوقتى اقتنعتى وغيرتى رأيك صح
أميره : الصراحه اااه إحنا أولى بالبنت وهى أولى بيناااا
عزت : لايمكن الجواز بيفرقنا وبيعمل مشاكل غير حوار الخلفه وبعدين  أنا شايف وملاحظ إن عصام غير رايه فى موضوع إرتباطه بساميه
اميره بمهاجمه : خلاص سيب القرار له
عزت فرمل العربيه وبصلها : أنتى عايزا إيه هااااا ... ماتخليش مشاعرك  تدخلنا فى طريق مفيش منه رجوع  الولاد قرايب من الدرجه الاولى لما يعيشو حياتهم بطفل والا اتنين من ذوى الهمم هايعملو ايه هايكرهو نفسهم ويكرهو حياتهم كلهااااا  كل ما يشوفو إبنهم بيتعذب أو حد بيميز غيره فى المعامله وخايفين يقربو منه  .. أميره إهدى وبطلى زن وبعدين انا مش ها اتراجع عن تأديب الاتنين .. الاتنين هايتعمل لهم قاعده كبيره وكل واحد ها ياخد عقابه وإلا يحكم بيه عمى ها يمشى على راقبتناااا اوعى تكونى فاكره ان عمى مش عارف .. عمى عرف كل حاجه  وعاتبنى ازاى يعرف من برا كان عايز يروح لساميه وادهم وانا منعته قولتله مش وقته شويه لما الأمور تهدى  انا ها احكيله على كل حاجه تخص عصام وساميه وإلا شايفه مناسب معاهم يعمله
أميره اتنهدت : حرام عليك ياعزت حرام
عزت دور العربيه : الحرام إننا نسيب فى تربيتهم ونفضل مفهمنهم إن الدنيا سايبه ويعيشو بكيفهم كبرو والعمر سرقهم ولسا بيسرقهم وانتى عايزانى أطاوعهم أسكتى الله يباركلك
***
ياسين نايم حاله زى ماهو مفيش اى جديد ولا اى تقدم .. اخواته يومياااا عنده كلام وهزار وساعات عياط على وضعه إلا فى النازل  بيخس  بسرعه وبشكل رهيب رافض الأكل ومازال عايش على المحاليل ..
منال قاعده جمبه مفيش غيرها : ياسين .. بص دى صورة تاليا وهى  معايا لما كانت مركبانى الفرسه وراها .. ياسين لف بص على الصوره عيونه متثبته على تاليا ودموعه نزلت فى صمت ... ضربته .. انت زعلانه عشانها صوح بكرا ترجع الميه لمجاريها وتتجوزها يا حزين .. دا تاليا حتت سكره .. ياه ياياسين نفسى أكون زيها واهرب برا الدار  دى واشوف الدنياااا بحق وحقيقى  كان نفسى اتعلم  ابوك حرمنا من كل حاجه .. ضحكت .. ماتقوم يا حزين خلينى اهرب معاك ونروح لتاليا وانا ها أقولها اتجوزى ياسين مش هاتلاقى حد يحبك ويشيلك من على الارض شيل زيه .. مسحت دموعه وباسته .. دموعك غاليه يا اخوياااا بطل عايط  بقيت تشبه العيال الصغيره حتى جسمك كش زيهم .. نامت على كتفه .. تفتكر أما حبيبتى   ابويا هايرجعها تانى وإلا خلاص كدا كان لازمن يقفولو الند بالند كنا عايشين وراضين جت البت الشوم دى خربت حياتنا اتحدفت علينا من انهى داهيه ماعرفش   لحظات وكانت مغمضه عيونها وراحه فى النوم جمبه من كتر ما بتكلم نفسها  ومفيش روح فى المكان هدوء وبس .. ياسين  رفع الصوره بإيده باصص لها أفتكر احداثها كلها
فلاش باك
**********
تاليا طلعت من الكليه راحت على العزبه عبدالعزيز ماكنش موجود مفيش غير منال وياسين والبنات راحو مع ابوهم والستات يجيبو جهار اختهم التالته ...
منال بضحكه : تالياااا .. جريت على ياسين .. يا سين يا  أخوياااا  .. تاليا جت تاليا جت 
ياسين قرب بفرحه ماسك العصايه بيض.رب العمال بيها  : تاليا ياميت الف مرحبه يا اهلا وسهلاااا
تاليا بصتله بشر : انت ماسك دى ليه برضو بتض.رب العمال انا قولتلك ميت مره هما مش بهايم وشدت العصايه رامتها
ياسين ببتسامه واسعه : دانا اشيلهم على كفوف الراحه فدا لعيونك يا تاليتى
منال بصوت عالى : يا داهوتى .. ابعد كداهو يا حزين متعكرش مزاجها جاتك نيله .. تاليا جبتيلى إلا قولتلك عليه
تاليا قربت منها والضحكه ملت وشها غمزت لها : واكتر كمان بس ابوكى هنا وإلا لاء لو شافنى هايعمل مشكله
منال : لاء ..تعالى بس ورينى الحاجات الحلوه
تاليا طلعت كتاب تعليمى وكشكول وقلم واستيكه وبرايه .. اتفضلى يا ستى
منال بفرحه : الله دانى ها اتعلم واكون زيك واحسن كمان
تاليا ببتسامه : ياريت يامنال برغم انك صغيره جدااااا بس بحب فيكى طموحك بصت لياسين بجمب عنيها .. مش زى ناس كل حاجه تحت رجليها وبترفس النعمه
ياسين ضحك وشاور على نفسه  : قصدها عليا أنى يابت يا منال
منال بصتله : مالك مبسوط كدا ليه دى بتشتمك 
تاليا تنحت : انا شتمته انتى هاتتبلى عليااا
منال بصتلها وغمزت : كدا وكدا بحمسه
ياسين زق منال جامد كان ها يوقعها : اسكتى انتى يابت  تاليا بوئها بينقط شهد وعسل أشتمى لو عايزا تشتمى اشتمى
تاليا مسكت منال وبمهاجمه شديده : انت ازاى تزق اختك كدا كانت ها تقع على الله تمد ايدك عليها تانى
منال بصتلها : دا هارينا ض.رب
تاليا برقت وبتلف صباعها فى الهوا : كمان بتض.رب إخواتك البنات انت ازاى همجى دول بنات عيب المفروض تحبهم وتبقى حنين عليهم لأنك  راجلهم لو ملقيوش حنيه معاك يلاقوها فين يا استاذ
ياسين بالهفه : خلاص والله ماعنت اض.ربهم تانى .. تتقطع لو ض.ربتهم والا زعلتك .. بصى أنا خليت تاليااا عروسه مهره بميت فرسه
تاليا بفرحه شديده قربت على الفرسه لما شافتها قريبه منهم  : الله يا ياسين جميله قووووى ..  حضنتها وباستها جااامد بتمسد على وشها .. وحشتينى يا توتو ياقمررررر .. ياسين مهتم بيكى .. الفرسه هزت راسها وعملت صوت صهيل يجنن .. تاليا بضحكه بصت لياسين .. عارف الحاجه الوحيده إلا مخليانى مش عارفه اكرهك هو الاصطبل وازاى بتعتنى بيهم وخصوصا تاليا عشان دى هدية بابا ليا أول ما أتولدت
ياسين بهيام : عقبال ماتعتنى بيا يا روح قلبى
تاليا اتحولت : طلعت روح.ك بطل قلة أدب
ياسين ضرب على بوئه وكشر : أهوووو أعمل ايه مابعرفش امسك حالى طول مانتى قدامى  جدتى بتفور فوران كداهووون ياناس
منال بضحكه : مش هاتركبى وتتاخدينى وراكى  سيبك منه دا دماغه على قده أما بتقول كدا
تاليا ببتسامه وغمزه : أما دى بتقول حكم مستعده ها اعيشك مغامره تجنن يا مونمون
منال بحماس شديد : ياريت والله نفسى
ياسين بص لمنال : زقرده بس جباره يا منال ..  يابت دانتى مأزعره على عمايلك داهيه
منال بدلع طول ما تاليا معاها ما بتخافش  : ملكش دعوه تاليا بتعلمنى
طلعو على فرسه شديده واكبر من الفرسه تالياااا الاتنين وياسين زعق .. استنى أنا جايب كاميرا بتصور ها اصوركم ... فضل يصور فيهم وفرحان ان اخيرا ها يبقى معاه صور لحبيبته ليل نهار يبص فيهااااا ... تالياااا طايره بالفرسه وبتقف عليها وهى بتجرى ومنال بتضحك قلبها جرئ زى تالياااا ... ولما الحصان يشب لفوق ورجله تتعلق فى الهوا منال بتمسك فى تاليااااا جااامد ... فضلو وقت كبير تحت عيون ياسين وهو مستمتع طول ما تاليا موجوده .. خلصت جولتها وقعدت مع منال ادتها الدرس ومشيت ياسين كان نفسه يوصلها رفضت تماما ..
باااااك
******
دموعه بتهرب من عيونه وهو شايف صورتها وعايش معاها احداث قديمه كان عايشها لوحده .. اصعب إحساس الحب من طرف واحد .. أو عمايل تعملها تكره فيك حد يبقى طايق العمى ولا يطقش يشوفك قصاده ودا كان حال تاليااا معاه .  ياسين غلطاته كتير راجل مش بتاع شغل معتمد على الفلوس إلا عندهم بيصرف وبس غير علاقاته الغير شرعيه والمحرمه إلا انغمس فيهاااا إنغماس كبير لدرجه انها بقت شئ اساسى عنده وبيتباهى بيهم وكأنها شئ طبيعى أو حلال  ... ساب الصوره من ايده وعيونه توقفت عن العياااط وسرح فى دنيا مختلفه ياترى ايه هى وهاتوصله لفين   
****
ساميه فضلت فى اوضتها لتانى يوم .. ادهم واقف على الباب بيصحيها : ساميه .. تك تك تك .. حبيبتى قومى عايز أفطر
ساميه قامت بتدعك فى عيونها اتكلمت بصوت مغشلق : نعم يا بابا
أدهم : جعان وانتى أتأخرتى فى النوم
ساميه : حاضر ها اقوم وأفوق بس  وأعملك الفطااار
ادهم ابتسم : انا عملته بس مستنى تصحى وناكل مع بعض
ساميه ابتسمت : حاضر يا حبيبى .. مشيت من قدامه دخلت الحمام اتوضت وصلت وراحت قعدت جمب ابوها بيفطرو بعد الفطااار قامت .. ايه رأيك بقى فى كوباية شاى تظبط الدماغ
ادهم ابتسم : ماشى ياستى  اظبطى دماغنااا بس ايه اللغه الجديده دى
ساميه : انت لسا سمعت حاجه دى ماجده عملتلى علامه مسجله فى دماغى غيرت كل كلامى
أدهم بإستغراب : ماجده مين
ساميه رفعت صوباعين : ثانيه ها أعمل الشاى واجيلك نتكلم وادوش دماغك معاياااا .. دخلت عملت الشاى  وطلعت ناولت أبوها الشاى وقعدت تحكيلو عن الايام إلا قضتها مع تالياااا فى بيت عيلة أدم
أدهم بصدمه : يعنى أدم متجوز
ساميه بتأكيد : أيوا يا بابا بس هو بيقول لتاليا ان دا لحمايتها مش أكتر ومايقدرش يستغنى عن راندا ولا ينفع تطلع من حيااته 
أدهم بتفكير : وصالح عارف الكلام دا
ساميه بنفى : والله يابابا ماعرف وبعدين ادم شخص غامض محدش عارف عنه حاجه غير عصام وعصام لايمكن يقولك او يريحك من ناحيته
أدهم بجديه شديده : وصاحبتك ايه ظروفها
ساميه : بصراحه يابابا تاليا انسانه محترمه وتستحق كل خير ولو خسرها هايخسر كتير .. بص هى حكياتها معقده شويه ووراها سر او حوار كبير محدش عارفه
أدهم طلع سيجاره ولعها وبيسمع بإهتمام : إيه حكياتها يا ساميه
ساميه ابتسمت : أنا شايفه انك مهتم قوى
أدهم نطر ايده : بسلى نفسى من ساعة ماطلعت معاش مبكر  وانا قاعد فاضى مفيش ورايا حاجه
ساميه : ايه رأيك تعمل مشروع تشغل نفسك بيه
ادهم : فكرت فى الموضوع وان شاء الله قريب ها أعمل أى حاجه .. المهم نرجع لصاحبتك
ساميه : أمممم بص يا بابا  تاليا حياتها كانت طبيعيه جدااا فى وجود ابوها وأمها  وبعدهم الحال اتقلب تماما
أدهم : يعنى الاتنين توفاهم الله
ساميه بتأكيد : ايواااا .. بدئت تحكيلو حكاية تالياااا إلا تعرفها لحد ما اتعرفت على ادم واتجوزته
أدهم مربع  ايده وساند ضهره على الكنبه باصص لساميه لحد ما خلصت : بس هى وافقت على جوازها منه لانها بتحبه لا تقولى حمايه ولا غيره
ساميه : ماشى انا معاك ...  إيه رأيك فيه عمل كدا ليه
أدهم هز راسه : مش عارف أدم شخصيه جميله جداااا وانا عن نفسى لما اتعرفت عليه مع عصام ابن عمك اتمنيت يكون من نصيبك بس اتفاجئت انه مكلم صالح على بنته
ساميه ضحكت بصوت عالى : انت كنت عايز تجوزنى ادم
أدهم بصلها وبملامح غريبه : ياريتك اتجوزتيه وبعدتى عن جوازتك دى
ساميه غيرت الموضوع : بس أنا أول مره أعرف انك عارف أدم
دانا نفسى ماعرفتوش غير فى شبكته على راندا
ادهم : أنتى حاجه  والرجاله حاجه تانيه .. وبعدين عصام كان بيفضل دايما مقابلات صحابه تبقى فى شقته بعيد عنكم   والقاعده معاهم كانت لطيفه انا وعزت بحب نتجمع لما يكونو موجدين أتعرفت عليه واتعاملت معاه كتيررر
ساميه : ههههههههه يالهوى يا عصام بقولك يابابا بتصل عليه أسأله على أدم قالى ماعرفوش سيبك منه حواليه غموض كتير
أدهم : ههههههههه عصام فقرى وبعدين بيدايق لما انتى تسألى على حد
ساميه : غيور قوى ورد فعله بيبقى غريب  كأنى مراته
أدهم اتنهد وسكت  وقال بصوت مسموع : ياريتك مراته
ساميه ماتت على نفسها من الضحك بصتله : مالك يابابا انت قربت تتبرع بيا للهلال الأحمر ..أدهم ضحك ..  عايز تجوزنى لأى حد قدامك مره ادم ومره عصام
ادهم بهزار : الواد عمرو فلت منى للأسف  وإلا ذكريا حتت عسل بس معاه تلات عيال عارفه لو عيل واحد كنت جوزتهولك
ساميه ضمت حواجبها : ذكريا مين دا كمان
أدهم : صاحبهم بردو  
ساميه : ههههههههه مفيش حد من صاحبك سيبك من صحاب عصام
أدهم بتأكيد : ولاد صحابى كلهم كانو عايزين يتجوزوكى بس انتى أقول عليكى إيه
ساميه رجعت لهدوئها  مطت شفايفها : ولا تقول اى حاجه يابابا .. الحمد لله أهى تجربه برغم انها قاسيه وصاعبه بس الحمد لله عدت
أدهم :  عدت عادى
ساميه بنفى : لا أبدا مش عادى أنا اتبدلت من جوايا لواحده تانيه وإلا بدلنى هى أمى .. بصت حواليها وبدون أى مقدمات عيطت .. كل ما أشوف كل ركن من الشقه فاضى مفيش تحركات لها ولا صوتها إلا كان مالى علينا البيت ..ولا وقفتها وسطنا أنا وانت بتحوش وبتمنع المشاكل بيناااا وفى الاخر تقول الله يسامحكم فرهدتوى انتو ايه مولدين فوق راس بعض .. حاجات كتير يا بابا عامله خيلات فى دماغى   خطفت روحى منى ومشيت غير إحساسى بالذنب بينهش فيا نهش طول الوقت ..
أدهم قعد جمبها مسد عليها وباس راسها : ربنا يرحمها يا حبيبتى
ساميه بصتله وعيونها بتحكى وجع ملوش نهايه : تفتكر يابابا ربنا ها يسامحنى وهى  هاتسامحنى فى حقها وتعبها معاياااا تفتكر
أدهم نطر إيده : إن الله غفور رحيم يا ساميه وبعدين انتى نور عينها حته من قلبها انا متأكد انها ماتت وهى راضيه عنك
الدور والباقى عليااا اتنهد .. ربنا المستعان  .. ضمها وضرب راسها .. بطلى زن
ساميه اتعدلت وباسته : سامحنى يابابا
أدهم ابتسم  : ماقولنا سامحتك خلاص بقى
ساميه بتمسح دموعها : طب وعمك هارون
أدهم ديق عيونه : قولى كدا دانتى بت مش ساهله
ساميه ضحكت : والله أبدااا بس خايفه تفتكر هايجوزنى حد ويجبرنى عليه بابا انا مش عايزا اتجوز
أدهم بقلق : يعنى إيه مش عايزا تتجوزى
ساميه : مش عايزا التجربه دى صعب اكررها دلوقت او ادخل فى اى علاقه محتاجه وقت عشان احس إنى اتعافيت من جوايااا
أدهم بصلها : أنتى كبرتى  ومفيش ليكى لا اخ ولا أخت ولا عيل
ساميه وطت راسها وعيطت تانى
لف راسه ودموعه نزلت هو كمان وقال بحرقه : كان نفسى افرح بعيالك انا وأمك ونشيل حتتة لحمه حمرا على إيديناااا تفرح قلوبنااا وتعوضى إلا مقدرناش نعمله تجيب بدال العيل عشره
قالت بصوت باكى : كفايه يابابا أبوس إيدك وبتوطى على إيده تبوسها  .. الباب خبط لاء حد بيطبل مش بيخبط
ادهم بضحكه مسح دموعه : المجنون جه
ساميه مسكت منديل مسحت دموعها وادهم  قام  فتح الباب ..
محمد بصوت كله تهليل : عمى واحشنى يا حبيبى ياعسل
أدهم زقه : هو انا بلحق ارتاح منك عشان اوحشك
محمد ميل راسه : كداااا ..  يعنى هو دا جزائى على طول منك .  دخل وأول ما شاف ساميه .. قومى يابت فزى اضربى تعظيم سلام واعمليلى فطار جعان جاى من النبطشيه عليكو
ساميه قامت ضربت تعظيم سلام : تمام يا فندم أحلى ساندوتشات لأحلى ابن عم فى الدنيااا
محمد ابتسم شاور عليها وبص لعمه : شايف الناس إلا بتقدر ... ميل بجسمه  وحط راسه على رجل عمه بينام على الكنبه بصله وادهم باصص له من فوق .. مش ناوى تجوزنى وتريح قلبى المسكين
أدهم : ودى مين إلا هاترضى بواحد مخه مفوت
محمد بدون تفكير : ساميه دى كار.ثه  متحركه على الارض جوزهالى قبل ماتف.جر حاجه جديده فى وشكم
ادهم طررراخ بالقلم على وشه .. محمد اتعدل وهو حاطت إيده على خده وباصص له  : ليه ياعمى كدا دانا بخلصك منها دى بت أذى
أدهم شاور عليه : طالعه لابن عمها المحترم
محمد أبتسم وركبه الهوااا : ياعمو يا خلبوص انا عارف انك طلعت عين  العيله من اولها لأخرها ازاى طلعالى  والكبير قاعد جمبى .. هات ايدك
أدهم ناوله ايده  وبعدين رجعها تانى : عايزها ليه
محمد شدها : هات بس وبيقرء الفاتحه
ساميه طالعه وعامله ساندوتش جبنه وخيار : بتعملو ايه
محمد : ولا الضالين أمين وبيمسح على وشه .. بنقرى فتحتك
ساميه قربت رزعت الصنيه قدامه على الترابيزه  : نهارك اسود فاتحة مين دانا ها افتح دماغك
محمد بخوف رجع لورا : ليه ياسوسو عايزين نفرح العيله ونجل.ط عصام  ونخلص منك ومن اذاكى انا غلطان
أدهم زقه وهو بيضحك بصوت عالى جداااا 
ساميه شاورت : دا تهريج يابابا صح
أدهم بضحكه : لاء مبروك يا حبيبتى وقايم يبوسها ويحضنها
محمد بيبعد ابوها عنها  : دورى يا عمى .. مبروك يا روحى عليكى اناااا
ساميه زقته وقعته على الكنبه : محمد ماتعصبنيش
محمد بحمقه : ساميه ماتخليش العرق الصعيدى يخرج عليكى دلوقت وبعدين انا بشحت ياختى عامله ساندوتش جبنه وجيباه جايه على نفسك  كدا ليه .. عايز فطار يا إللى تتشكى   .. بيض وفول وجبنه وحاجات كدا نغمس ونشبع
ساميه : دا الموجود كل وانت ساكت
محمد شال الساندوتش وبياكل : حاضر بس اوعدينى بعد الجواز ها تتعلمى كل حاجه ساميه انا اكيل وبحب الأكل  وبعشق الست لما تكون طباخه وست بيت ومربربه عشان الناس تتاكد انها بتاكل ومش حارمها من حاجه  فا اتخنى بسرعه واتعلمى بسرعه
أدهم : هههههههه
ساميه بصت لأبوها : أطرده
أدهم بجديه : ماقدرش دا خطيبك عيب
ساميه نظرتها اتحولت : بابا ماتهزرش
ادهم شاور على نفسه : أنا .. طب اهووو طلع الفون وأتصل على عزت .. الو ايوا يا حبيبى معلش صحيتك من النوم مش هاتيجى تبارك لساميه ومحمد قرينا الفاتحه بتاعتهم
عزت أتعدل : انت واخد حاجه على الصبح مالك يا أدهم
أدهم : والله ابنك قرء الفاتحه وقاعد يفطر كمان
محمد بصوت عالى : مبروك يابابا انا قررت اتجوز واول واحد فى العيله هايفرحك سيبك من عصام خطب نص بنات البلد ومش عاجبه هايبور ويبورنا جمبه
عزت بص لأميره وقفل  الميك : هما ولادك اتجننوو
أميره بتدعك عيونها وبتتواب : فى إيه
عزت : فى ان ابنك محمد قرى فاتحته على ساميه زغرطى
اميره شهقت : يا مصيبتى
أدهم : انت روحت فين ياعزت
عزت فتح الميك : معاك يا سيدى قوله الف مبروك وعقبال عياله لما يجو على وش الدنياااا
أدهم بصوت غريب : موافق يعنى انا خلاص اقتنعت إن محمد لساميه وساميه لمحمد
عزت اتعدل : أنت بتتكلم بجد يا أدهم
أدهم بجديه : إمال ها أهزر معاك ياله هات أميره واخواته وتعالو نفرح بيهم شويه ونفرحهم وقفل
عزت بص للفون ومادد بوذه شبرين بعلامة استفهام : أكيد اخويا اتجنن لو بيتكلم بجد
أميره : لايمكن طبعااا محمد عارف ان عصام بيحبها وابوها عارف
عزت نطر ايده : أكيد بيهرجو انا عارفه هو والتانى مخهم على قدهم شاطرين فى الهزار والضحك
..
ساميه باصه لأبوها ودموعها متجمعه : بابا أنت واخد الموضوع جد
أدهم أتغير تماما وبجديه شديده : ليه لاء محمد راجل شهم وابن عمك وبيحبك وعايزك فاتحنى فى الموضوع دا أكتر من مره  .. محمد تنح وبهمس غير مسموع :  أنا فاتحته والله ماحصل
ادهم : ساميه المره دى انا مش ها أظلمك هاتعيشى مرتاحه ومتصانه ووسطنا لا عمى ها يتحكم فيكى ولا حد
ساميه شاورت على محمد وتنحت وبصوت عالى : محمد يابابا محمد  انت عارف ان ولاد عمى مجرد إخواتى وبس لا عارفه أتخيل نفسى مع حد فيهم ولا أى حاجه غير الاخوه وبس
محمد لف ايده : أنا ها الم عليكى تهيؤات العالم كله بس سيبى نفسك لياااا
ساميه بصتله : أنت بجد بتبصلى البصه دى وشايفنى مراتك بتفكر  فيا التفكير دا معقول يامحمد معقول
محمد تنح وبص لأدهم : هى بصه وحشه وإلا إيه ياعمى .. اه يا ساميه ببصلك كدا وعايزك مراتى إحنا ولاد عم نجوز لبعض عادى جداااا  .. لا اخوات ولا حاجه .. وأهو انا بطلب ايدك من عمى .. بص لادهم .. ياعمى انا عايز أتجوز ساميه
أدهم بتاكيد : وأنا موافق يا محمد
ساميه بصت لهم وعيونها شرقت وغربت وطرررراخ على الأرض نزلت براسها لدرجه صوت الخبطه عملت صوت جااامد فزعهم الاتنين
❤❤❤❤🧡🧡🧡
بقلم : لبنى طارق
💛💛💛💚💚💙💙💙💜