صقر الظلام

صقر الظلام ٦

صقور الظلام ٦
***********
اللهم إني أعوذ بك من فتنة النار ومن عذاب النار، وأعوذ بك من فتنة القبر، وأعوذ بك من عذاب القبر، وأعوذ بك من فتنة الغنى، وأعوذ بك من فتنة الفقر، وأعوذ بك من فتنة المسيح الدجال”
اللهم إني أعوذ بك من الكسل والهرم، والمغرم والمأثم ، اللهم اغسل خطاياي بماء الثلج والبرد، ونق قلبي من الخطايا، كما ينقى الثوب الأبيض من الدنس، وباعد بيني وبين خطاياي كما باعدت بين المشرق والمغرب
اللهم صل وسلم وبارك على سيدنا محمد وعلى آله وصحبه أجمعين
❤❤❤❤🧡🧡🧡🧡🧡💛💛💛💚💙💙💙💜💜
تاليا انتهى بيها الحال فى أوضه مقفول عليها فى الدور الرابع حتى الشباك قافلينه بقفل ومجهزين نفسهم .. قاعده على السرير تعيط فونها واخدينه وحاجتها وكل ما يدخلو لها اكل ترفضه .. كانت بتتمنى يبقى معاها الفون أول حد ها تتصل بيه هو .. طب ازاى بيراقب حياتها وسابهم يعملو فيها كدا وإلا يكون ما صدق يخلص منى وانا فعلا راميه نفسى عليه كان بيراقبنى عشان قلقان منى وبيتأكد انى مش متسلطه عليه من حد  .. بقت تعيط بصوت عالى وتكتم صوتها فى المخده من يوم موت ابوها والدنيا بتظلمها ظلم صعب حد يتحمله
لميس دخلت واقفه بصالها وحطا إيديها فى جمبها ابتسمت بشماته : كان نفسى من زمان اكسر بوذك وأذلك شايفه نفسك وعايشه بالطول والعرض ومش مهم إحنا عارفه لو عملتى إيه يا تتجوزى ابن عمك يا تموتى ونرتاح من شكلك وسيرتك الا وجعت راسنا
تاليا رفعت وشها وبصدمه بصلها شايفه شخص غريب عنها لايمكن تكون أختها أبدا جت تتكلم عيطت واتخنقت اكتر ركنت راسها على ضهر السرير وبقت تتشنهف وحطا ايديها على وشها  مش مستوعبه إخواتها وصل بيهم الحال لكدا
لميس : هههههههه ما تتخيلش انا بستمتع وانا بشوفك بالمنظر دا أد إيه
تاليا أخيرا أتكلمت : انتى طلعتى بتكرهينى بجد
لميس بغل : لو فى كلمه أكبر من الكره ها ابعتهالك هديه كل يوم يا تاليا
تاليا بعياط : ليه يا لميس دانا أختك مفيش غيرى فى حياتك ومفيش غيرك فى حياتى أتنين بنات مفيش غيرهم  فا ليه
لميس : ليه عشان كتير واولهم انك واكله حقناااا من حقنا نعيش ونتمتع زيك وأكتر فلوس واراضى وخيل محدش اتمتع بيهم غيرك وإحنا علت صوتها .. طظ ليييه هاااا .. أتكلمت بإستمتاع .. ياسين كلب وجعان عايز لقمه ينهش فيها وأنتى اللقمه إلا هانرميها لياسين عشان نسد جوعه ونسد جوعنا وحرمنا إحنا كمان...
كانت هاتطلع رجعت تانى .. اااه ابن عمك زمانه جاى خلصينا وخلصى نفسك انا مش ها اتكلم كتير معاكى ولا يلزمنى كلام أصلاااا
تاليا عيطت جااامد : أبوس ايدك يا لميس بلاش أنا اختك حبيبتك والله عارفه ان دا من ورا قلبك ماترمنيش الرميه دى حرام عليكى دا بنى ادم جاموسه وايده طرشه  زى ما قولتى كلب جعان عايز لقمه ينهش فيها ماترمنيش يا لميس دانتى أمى وأختى
لميس علت صوتها وبزعيق : أخرسى بلا أمك وأختك  والله لو قولتى إيه حبة السهوكه بتوعك دول مش ها يدخلو عليا  طلعت وقفلت الباب من برا وتاليا سندت راسها تانى وبقت تعيط ودخلت فى حاله صاعبه من الحزن والألم النفسى 
لميس خبطت : أعدلى نفسك إبن عمك  عايزك
تاليا اتعدلت ولبست الطرحه برغم انها دايخه وياسين دخل لما شافها إدايق سانده على جمبها دبلانه وتعبانه كلمها بلهفه : هما عاملين فيكى إيه
تاليا بصتله بغل : بتسئل مانت مشترك معاهم خاطفنى وحابسنى عشان اتجوزك غصب
ياسين : وغصب ليه يابنت عمى خليها بالرضا دانتى هاتشوفى الراحه والنعيم كله على إيدى دانا بحبك يا تاليا .. بحبك حب ماحبتوش لوحده قبلك ولا ها أحبه لبعدك
تاليا بصاله وساكته بس دموعها بتنزل فى صمت .. دموعك غاليه قوى عليا يابنت عمى بتكوى قلبى كوى إيه يرضيكى وانا اعمله بعيد عن الجواز أنا عايزك ومش ها أتنازل عنك مهما عملتى
تاليا زعقت : يبقى تخرج وكملو فى إلا بتعملوه الموت أهون عندى من إنك تبقى جوزى فاهم
ياسين بصلها واتنهد : للدرجه بتكرهينى .. طب جربى يمكن تحبينى بعد الجواز وصدقينى طلباتك كلها أوامر
تاليا فكرت للحظات وقالت هى فى كل الأحوال خسرانه يبقى تكسب وقت على الأقل عشان تخرج من المعتقل دا وتتصرف بذكاء مع الموقف مش هاتستنى حد يجى ينقذها لازم هى إلا تقدم المساعده لنفسها الأول وتخرج من أى مأزق مهما إن كان  ..  سكتت وسكوتها طال
ياسين : قولى أى حاجه طيب ماتفضليش ساكته كدا
عيطت جااامد وبصتله أتكلمت بلين برغم عياطها  : طب مش بتقول انك بتحبنى
ياسين بالهفه : دى كلمه قوليله عن إلا حاسه أنا لما بشوفك بتقيد فى جدتى ناااار  نفسى اصوت وأقول ياهو انجدونى وطفوها  وبالهفه قرب عليها بنظرات كلها جراءه ووقاحه بتفرز كل حته فى جسمها .. نارى محدش ها يطفيها غيرك يا تالية قلبى البنات كلها جمبك صفر على الشمال مفيش واحده لها طعم
تاليا زقته بضعف وبرغم ان نفسها ترجع فى وشه من قرف نظراته وكلامه الحقير   : طب أثبتلى وملكش دعوه بإخواتى
ياسين : ازاى
تاليا : بلاش جواز دلوقت أنت قولت لو قربت منك وعرفتك ها أحبك  نتخطب سنه وبعدين نتجوز عشان نعرف بعض يا ياسين
ياسين ضرب على رجله : يالهوى ياولاه هو إحنا لسا هانعرف بعض يا تاليا مانتى حافضنى حفض
تاليا : لاء عايزا اقرب من ياسين الا ماعرفوش يمكن أحبه
ياسين بتذمر : سنه كتير أنا بشوفك مابقدرش أمسك حالى ها أتجوز على روحى ياهوه
تاليا برفض : يبقى ها أموت نفسى قبل كتب الكتاب وشوف تاليا غيرى تتجوزها زعقت اخرج برا
ياسين بشهقه : لاء طب خليها شهر
تاليا بتصميم : سنه .. مش أقل من سنه ارتحتلك هانتجوز وتعمل كل إلا ها اقلهولك
ياسين : يعنى هانبقى زى العشاق اكلمك وتكلمينى ونخرج ونحبو فى بعض
تاليا لوت شفتها : ياسين انا ها أرجع شرم وها اكمل مع الولاد فى المدرسه ولو اتجوزنا ها نتجوز هناك بعيد عن كل إلا هنا دا شرطى ومفيش حاجه ها تم من غير ما ترجعلى انا الأول 
ياسين ضرب على السرير : ها أجيلك شرم واشوفك مش ها أسيبك أبدا أبدا هناك لوحدك
تاليا بتجاريه : ماشى بس تطلع تقول انك صاحب فكرة الخطوبه ويسيبونى امشى من هنا
ياسين : بس أشبكك لاول
تاليا هزت راسها  : وانا موافقه وعشان يحلو عنى رجع لهم حتى الفلوس إلا فى البنك لحد ما نتجوز
ياسين بتفكير : الفلوس صعب انا كنت ها أسرق حجج الأرض واسلمها لهم وها اسحب من أبويا مبلغ فى مبلغ أبويا عنده فلوس ياما
تاليا : أتصرف
ياسين هز راسه : ماشى  .. بس كلى عشان تصلبى طولك .. زعق .. يا لميس لميس هاتى لتاليا تاكل
لميس قربت بفرحه وجايبه الصنيه إلا محضرها اصلا وقاعده على نار مستنيه  : خد كل معاها .. ها  اقنعتها
ياسين قام ونفخ صدره وتاليا متابعه بنظرات كره لأفعالهم فى حقها  : إمال فاكرانى إيه دانا محدش يقدر يقاوم كلامى بس فى حاجه ها ابلغكم بيها بعدين المهم تاكل وتقوم تستحمى كدا وترجع تاليا بجمالها ونورها وكلمى إخواتك عشان نتفق ..
تاليا باصه لأختها بغل وهى شايفه الفرحه فى عيونها عشان بيبعوها بكل دم بارد لأول مره تحس انها مش اختها لايمكن تكون اختها اصبحو اعدائها وأشترو عدوتها بارخص تمن
أجتمعو إخواتها وإعترضو إعتراض شديد والا خلاهم وافقو هى الشبكه والفلوس إلا ها يجيبها مؤقتاااا قبل ما تسافر وهددو تاليا لو عملت أى حركه كدا وإلا كدا مش هايسيبوها تتهنى بيوم واحد فى حياتها
******
أدم قلبه وقع فى رجله عصام جرى عليه لما شاف دم نازل من جمب عمرو  على الأرض وحالة هرج حصلت فى لحظه واحده بعد ماكانو بيهزرو ويضحكو
أدم رفعه عليه وفضل يهز فيه : فوق ياعمرو بلاش تقل دمك .. نزله على الأرض واتلمو حواليه وبعض إلا معاهم على الطياره بيحاول يسعفوه .. بدء ادم يدوس على صدره جااامد كذا ضغطه ورا بعض وعصام كاتم بإيده مكان الرصاصه
عصام دموعه نزلت : قوم عشان إبنك إلا جاى فى الطريق دانت مستنى اليوم دا بفارغ الصبر كل ما تكلمنى تقولى نفسى اشوفه واحضنه واربيه يطلع راجل من ضهر راجل أنت يالا رد علياااا حرام عليك كفايه مهند راح وسابنا وساب وراه حزن ما بينتهيش ياعمرو
أدم بدموع ضربه على وشه ورجع ضغط على صدره : مانت مش هاتسيبنا بالسهوله دى ... رفع راسه لا إله إلا الله .. قوم ياعمرو قوم يا حبيبى قوم حرام عليك .. زعق بصوت عالى جدا .. أعملو أى حاجه
قائد الطياره : الإسعاف فى الطريق تمالك نفسك
عصام شد أدم : براحه يا أدم ليحصله حاجه
أدم زعق ودموعه نزلت : دا مات يا عصام مات وسابنا مفيش نبض ... حط إيده على راقبته ورجع يضغط تانى بإصرار غريب
عصام بيمسح دموعه وبيلف وشه بوجع
أدم أبتسم لما حس بحركة عمرو  الخفيفه ضمه كأنه أخوه أو أبوه أو حد عزيز عليه غايب عنه واخيرا رجعلو وأتنهد : الحمد لله
عصام طلع نفسه وهمس : الحمد لله .. إحنا لازم نكتم نفورة الدم دى .. بص لادم انت مش منبه عليه ما يلبسش الواقى دا عشان زى الزفت عايز يترمى
أدم باصص له : أعمله ايه دماغه ناشفه ..  الأسعاف وصل 
عصام بص فى ساعته : هانت ان شاء الله أكيد على وصول
واخيرا وصل وهما بيعملو كل حاجه معاه تسعفه نزلو على المشفى على طول ودخلو بيه الاستقبال إلا خدوه عمليات فى نفس اللحظه ..
الدكتور خرج : محتاجين دم يا جماعه حد يروح بنك الدم ويصرف كيسين فصيله a موجب
أدم جرى هو وعصام وفعلا صرفو الاكياس وراحو له تانى .. بعد وقت خرج على العنايه
عصام أتنهد ؛ الحمد لله ..  سمح لنفسه بعد تعب رهيب يقعد وأدم قعد جمبه .. انا مش عارف ازاى سكت الوقت دا كله لحد ما أتصفى
أدم غمض عيونه وأفتكر اللحظه إلا كان هايخسره فيها واد إيه حس إن نفسه مكتوم وبيتخنق بالبطئ  إلا عمرو وعصام عنده أتنين زى إخواته وعشرة مرمطه وحمل تقيل كانو دايما شايلينه التلاته ورابعهم مهند الله يرحمه استشهد  فى عمليه كبيره من عملياتهم إلا بتم فى صمت وسايب مراته وبنت وولد صغيرين وأمه حالتها اتدهوت من بعده وطول الوقت فى المشفى ... ركن راسه وغمض عيونه وفى حاله من الهدوء
عصام بتذكيررر : أنت تعرف سامية بنت عمى
أدم ضم حواجبه بإستغراب وبصله : أنا اعرفك  بالعافيه مين ساميه دى كمان
عصام : منا إستغربت اتصلت عليا قبل ما نسافر وبتسئلنى عليك وبتقولى عايزا قرارك هببت إيه
أدم شاور على نفسه : أنا والله ماعرفها يابنى طب هى بتشتغل معانا والا قريبة حد اعرفه
عصام بنفى : لاء  متجوزه و شغاله مدرسه ملهاش علاقه بشغلنا
أدم أبتسم وسكت
عصام ديق عيونه : يا سلام
أدم رجع ضهره براحه وقال بثقه  :  بنت عمك بتسأل عشان واحده صاحبتها ريح قلبك ياعم القلقان
عصام بتحذير  : أدم اوعى تكون
أدم بزعل : عيب يا عصام أنت لسا عارفنى اول إمبارح عشان تشك فيا والله ماهى حتى بالأماره شغاله فى مدرسة السلام الإبتدائيه إسألها لها واحده صاحبتها اسمها تاليا والا لاء ها تتأكد
عصام لوى شفته : انا واثق فيك  عمتا وفى بنت عمى أكتر هى لايمكن تعمل حاجه غلط .. وبعدين  مش هاينفع السؤال عشان قولتلها انى ماعرفكش
أدم هز راسه : جدع يابنى وصاحب صاحبك لايمكن تتخلى عنه .. اول حد يبيع إلا جابونا
عصام : هههههههه مش النظريه بس أنت عارف ها اقولها إيه هما مايعرفوش انا شغال إيه بالظبط كل معلوماتها عنى انى ظابط جيش وبس  ها اروح أقولهم عليك .. وبعدين أنت عارف اخرك أبويا وامى واخواتى غير كدا محدش من حقه يسئلنى دا مين وبيعمل إيه  ..  زق رجله قوم  نطمن على عمرو ياله زمانه فاق  وفعلا قامو ودخلو له
أدم قرب وابتسم لما شاف عيونه مفتحه : حمدالله على السلامه يا بطل
عمرو بتعب : الله يسلمك
عصام بعصبيه : أنت مجنون يا لا هاتفضل بخيل ومعفن قولنالك غير أم الواقى مانت عندك كتير
أدم مسك عصام وهو بيضحك : هدى أعضائك يا بطل ها يبطل نتانه خلاص وعد
عمرو أبتسم : والله ماهو غيرته بس صاحبكم منصاب بالعين
أدم بتريقه : ياروحى حسدوك هو مارسيل إبن المدايقه
عصام بعد ما كان متعصب ضحك من قلبه طريقة أدم فى التريقه فظيعه لا تقاوم
عمرو بتعب أبتسم وأتكلم بجد  : أدم أمانه فى راقبتك لو جرالى حاجه ماتخليش منى تسمى إبنى على اسم ابوها
عصام وادم بصو لبعض
عصام :  هو اسمه إيه مقلك كدا
عمرو : باسم وبيدلعوه بيقولولو يا بيسوووو انا إبنى لايمكن يبقى أسمه بيسوو
الاتنين بصو لبعض وضحكو من قلبهم
أدم حط إيده على وشه : ياخى وانت بتموت بتقلش بردو ارحم نفسك
عمرو بنهجه: لاء يا أدم بتكلم بجد
أدم : طيب عايز اسمه إيه
عمرو : عبد الجبار على اسم جدى
الاتنين ضحكو بصوت عالى جدا وعمرو ابتسم مش قادر يضحك
عصام : اقسم بالله انت مصيبه متحركه  على فكره الدكتور قالى ان حالتك استقرت ومفيش خوف إلا تعبك الدم الا أنت نزفته وساعه بالكتير وهاتتنقل اوضه عاديه  والقائد جه بنفسه اطمن عليك ومشى
عمرو : كتر خيره ماجتش من منى بنت بيسووو
الاتنين : هههههههههههه خرجو الاتنين وفضلو قاعدين برا لحد ما ينقلوه الأوضه
أدم بص لعصام : روح يابنى البنيه اتفقلت إتصال عليك  وانت ما بتردش
عصام : خلينى معاكم إنهارده هى مش هاتطير
ادم بص على الطرقه ونطر راسه : لا أنا ولا أنت
منى جايه جرى ومعاها أهل عمرو ابوه وامه واخواته وأبوها وامها 
منى بعياط : عمرو فين يا أدم
أدم : براحه يا جماعه زى القرد جوا  وأنتى طالعه سباق إلا فى بطنك ذنبه ايه
منى : هو فين طيييب إهئ إهئ .. بتهوى على وشها ودموعها نازله زى البحر
أدم : فى العنايه المركزه
شهقت جااامد وابوه وامه جريو على العنايه
عصام : إطمنى يا منى هو الحمد لله كويس والله
منى سابتهم وراحت العنايه إتفاجئت بالتمريض طالع بيه وهو على السرير باصص لهم
منى بصوت عالى  : عمرو .. عمرو
عمرو : هو انا اطرش يا منى أمشى براحه لتولدى فى الطرقه وتبقى فضيحه
كلهم : ههههههههه
اخوه : يأخى خضتنا عليك دايما عامل لنا قلق
عمرو : مانت جبله مابتجيش بالحنيه لازم مصيبه تخضك
أدم وعصام ميتين على نفسهم من الضحك
أبوه بنهجه : حمد الله على السلامه يا حبيبى .. دخل الأوضه ونقلوه على السرير وأتجمعو كلهم حواليه
أدم وعصام دخلو سلمو عليه ومشيو مع بعض ..
عصام : هاتروح لخاطبتك
ادم بنفى : لاء ها أروح اخد دش وأعيش حياتى على السرير  أنام بقالنا اسبوع مانمناش
عصام : عندك حق انا حاسس ان التعب هجم مره واحده ماقولتليش القائد عايزك ليه
أدم : انا نفسى ماعرفش قالى تبقى قدام مكتبى بكرا
عصام : اظن تكليف ليك لوحدك
ادم : إحساسى بيقول كدا بردو
عصام بيركب العربيه وأدم ركب جمبه : بس ماقولتليش إيه حكاية تاليا
أدم اتنهد : ولا حاجه يا عصام بنت غلبانه وقعت فى طريقى للأسف وأنا مش عايز الايام تدوس عليها بسببى فا بعدت عنها
عصام طلع بالعربيه : دى قصه كبيره بينكم على كدا
أدم : والله ما لحقت كان بودى يا صاحبى
عصام بتذكير : اوعى تقولى إن هى إلا كانت لابسه فستان أحمر  ومع ساميه فى شبكتك
أدم لف وشه وهو بيقول : يالهووووى يخريبت أم دا فستان بتنقى ألوان تفقع المراره  اهى دى إلا يتقال عليها إختياراتى مدمره حياتى
عصام : ههههههه دى روشت اخويا سامى جننته  وكل دماغ ساميه فى التليفون بس قالت له انها متجوزه .. ديق عيونه وبصله بحده  كأنه افتكر .  ازاى بقى متجوزه وازاى بتقولى
أدم بصله : ماخبيش عليك انا الا قولت لواحد زميلها بيرخم عليها انها مراتى وهو ماكدبش خبر سيح لها فى المدرسه كلها ههههههه
عصام إدايق وبصله بحده  : لبست البت فى الحيط ووقفت حالها راعى انها بنت وسمعه
ادم هز راسه بتأكيد : أحسن تستاهل أم فستان أحمر لاول مره ماحسش بالذنب فى حاجه غلط انا عملتها وبعدين أنت عارف أنا بحب اخوك سامى بالذات أد إيه يستاهل كل خير وانا الخير إلا ها أقف فى طريقه أم غتته
عصام : أنت هاتقولى تلاقى الحب زاد الضعف دلوقت دا لو عرف ها ينجلط بسببك بصله وبرجاء .. بس متأزيهاش فى سمعتها وتلخبط حياتها أعتبرها أختك وخاف عليها
أدم أتنهد وسكت
عصام : طب وخاطبتك
أدم : مالها
عصام : من الأخر هاتعمل إيه شايفك مش مظبوط
أدم قالها بإحباط : ولا حاجه يا عصام انا زى مانا مفيش جديد صدقنى
عصام هز راسه وكمل طريقه ماقدرش يضغط على أدم فى الكلام دلوقت على الأقل يرتاح الأول نزله قدام العماره إلا قاعد فيها .. طلع خد شاور ولبس هدوم البيت ودخل على السرير مافكرش حتى ياكل لسا هاينام لقى البلوره وقعت على راسه كأنها بتفكره بتاليا .. اتعدل وفتح النور وباصص لها .. أنتى طلعتيلى منين بتحاصرينى فى كل مكان ليييه .. فتح الدرج وحط البلوره فيه وقرر ينام وينسى الموضوع دا تماما كأنه لم يكن قفل التليفون عشان عارف ان راندا مش هاتبطل رن لو عرفت إنه رجع  عشان السيشن ونشرة الأخبار إلا عايزا تذيعها  ..
مر يومين وتاليا اتعمل لها شبكه كبيره فعلااا بس الغريبه ان عمها ماحضرش ولا حد من مراتاته .. وكلمت ساميه طمنتها وصممت تسافر ماتقعدش مع أخواتها يوم واحد وياسين سحب مبلغ كبير من حسابه وأدهالهم وقالهم فى مبلغ زيه بس شويه كدا .. أما أدم صور السيشن مع راندا  بعد تدخل أبوها  وملى السوشيال ميديااا وكان نوعا مااا مليان إغراء وجراءه وإلا يشوفه يقول أسعد اتنين على الإطلاق أو بمفهومنا أتنين عشاق من الطباقات الراقيه زى ما بيسموها ...... 
تم تكليفه بمهمه إضطر إنه يختفى عن الانظار كالعاده ..
تاليا قاعده فى شقتها بتقلب فى الفون وبتتفرج على صوره وتعيط بحرقه ومره تخبط الفون جمبها ومره تشيله وتتفرج تانى وتالت ورابع .. يا سلام حاضنها ولا كأنها هاتهرب منك وفتحلى صدرك بتورى الناس إيه أنا قولت عليك بلطجى وبتشاور ..  العينه بينه أصلااا .. نزلت  الصور عندها فى الفون تحتفظ بيهم ونزلت برنامج فتوشوب وبدأت تشيل راندا من كل الصور وتحط نفسها جمبه بعض الصور كانت مضحكه وغير منابسه وبعضها تحسهم الاتنين فعلا كانو مع بعض .. بتقلب فيهم وتتخيل  وهما بيتصورو بس اتنين عشاق بيحبو بعض مش مجرد صور إغراء تتحط أغلافه لعنواين رنانه  ..
جابت صفحة راندا وبتقلب فيها لقت فديو لها هى وأدم بنفس السيشن وكاتبه فوق لما عيونك تفضحك بحبك إلا مش قادر تخبيه .. فتحت الفديو وهى متوتره
أدم بيبص لراندا إلا حاطه ايديها على كتفه وهو لافف ايده على وسطها ومبتسم .. ماسكه ورده فى إيديها بتناغشه بيها فى وشه .. أتنقلو لمكان تانى فى مورجيحه على الميه راكبه فيها هى وأدم جمب بعض وشروق الشمس متصور  بطريقه إحترافيه جمب وشهم وعيونهم بتقول كلام كتيرررر مع لون الأشاعه البرتقالى المميزه للشمس وعيون ادم العسلى  ... أدم قلع التيشرت ونط فى الميه وهى رفعت راسها لفوق وبتضحك وحطا ايد على بوئها  .. الفديو خلص وهى بتنط وراه .. قفلته وبغل رمت الفون جمبها وعيطت بصوت عالى جدا فضلت على الحال دا وقت طويل وفى الأخر استسلمت للنوم
تانى يوم راحت المدرسه والمديره إستدعتها : تاليا انتى عارفه معزتك عندى أد إيه بس دا مش على حساب الولاد هنا .. الفتره الاخيره اتحولتى من مدرسه نشيطه عامله قلبان فى المدرسه بالنتايج إلا بتحققها لواحده طول الوقت مش موجوده ولو موجوده ما بتحققش حاجه
تاليا بأسف : عند حضرتك حق وأنا مستعده لأى عقاب حتى لو العقاب انى أسيب المدرسه وأمشى
المديره قعدت قدامها : لا يا حبيبتى انا لايمكن استغنى عنك لإنك مدرسه مميزه ومن القلائل إالا الواحد بيقابلهم فى حياته أنتى ماتعرفيش أولياء الامور بتيجى تسئل عليكى وعايزين يشوفوكى يومياااا بس لو عندك مشكله قوليلى أساعدك
تاليا بدون تردد اترمت فى حضنها وانفجرت فى العياط مش عارفه هى عملت كدا ليه او ممكن مديرتها تتقبل فعلها دا  وإلا لاء .. خدتها قعدت بيها على الكنبه وبقت تمسد عليها .. يا حبيبتى يا بنتى كلنا أمهات ولازم نحس بولادنا .. مالك يا تاليا
تاليا : مخنوقه يا قوى والظروف بتتحدانى برغم انى بعافر أنا بشر يا مس أمينه مش ها أقدر اصمد طول الوقت حاسه انى مش قادره أكمل
أمينه : طبيعى .. كلنا مش أنتى لوحدك الصمود ماكنش حليف لنا دايم لازم نقع ونقوم ونكمل ونقع من تانى ونقوم تانى ونكمل  هى دى الحياه بس الشاطر إلا ما يستسلمش أبدا مهما كانت وقاعته كتيره وقويه
تاليا رفعت راسها : حتى لو بعد موت أبوكى وأمك تلاقى إخواتك ضدك وبيحاربوكى كأنك فرد دخيل عليهم أو عدو لهم عايزين يخلصو منه
أمينه أتنهدت ومسكت إيد تاليا :  حبيبتى مين قالك إنهم عشان إخواتك مش ها تلاقى عداء منهم لأى سبب من الأسباب  .. سيدنا إبراهيم  ابوه اعتبره عدو وكان ناوى يقتله ... سيدنا يوسف وقصته الشهيره .. فى كتير للعبره مش شرط إنه منك مش ها يأزيكى أبدا  كل حاجه محتاجه وقت عشان تتصحح وترجع لنصابها الصحيح  والوقت دا لازم تكونى صبوره فيه وتحاولى تبعدى نفسك عن الأذى فقط لا غير
تاليا هزت راسها وسكتت
أمينه : أنتى محتاجه تغيرى جو  حرام تطلعى من ضغط تدخلى ضغط تانى
تاليا : ربنا يسهل أنا اسفه لأزعاجك
أمينه : أنتى زى بناتى يا حبيبتى ومكتبى مفتوح ليكى فى أى وقت حابه تتكلمى فيه روحى ما تشتغليش لحد ماتحسى انك كويسه إرجعى ها أعملك أجازه وها أبقى على تواصل معاكى
تاليا قامت لانها فعلا حاسه نفسها مش فى المود وخرجت ماشيه فى وشها ..
ساميه شافتها ندهت عليها : تاليا .. تاليا
تاليا لفت لها وانتظرتها لحد ما وصلت عندها .. راحه فين
تاليا : مروحه
ساميه : ليه كدا يا بنتى تعالى نقعد مع بعض مش هاتحسى بالوقت وإحكيلى إيه الا حصل من المجانين إخواتك
تاليا : مش قادره عايزا اروح إبقى تعالى أقعدى معايا شويه بعد المدرسه ها أحضر الغدا وأستناكى
ساميه : ماشى كدا كدا على سافر القاهره وقدامه ١٥ يوم على مايرجع ويمكن شهر
تاليا : طيب كويس إبقى تعالى قضى  وقت معايا
ساميه : ماشى خلى بالك من نفسك .. توء طب خليكى ونمشى سوا انهارده بس شدتها .. تعالى البيت هايعملك أكتئاب اكتر ودخلتها معاها جوا ..  خلصو المدرسه ومشيو مع بعض الأتنين طلعو الشقه عاشو حياتهم وحضرو الغدا وتاليا بتحكى لها كل حاجه حصلت وبتوريها الشبكه وبتوريها صور أدم وإلا هى عملته ومابطلتش عياط ..
ساميه زقت كل حاجه : سيبك من دا كله على رأى مس أمينه أنتى محتاجه تغيرى جو بطلى عياط احنا دايما الظروف ضدنا
تاليا : أنا اكتر واحده بتغير جو سبينى فى حالى
ساميه : إسمعى منى أنا طالعه مصيف مع ولاد عمى كنت رافضه بس خلاص ها اوافق عشان على سافر
تاليا بإعتراض : انتى هبله يا ساميه انتى مع ولاد عمك انا مالى بيكم
ساميه : أسمعى بس هما بيطلعونى كل سنه معاهم بنت عمهم الوحيده وكدا وجوزى مش معايا وانا ببقى فى شاليه لوحدى يعنى ملكيش دعوه بيهم أصلاااا
تاليا برفض : لا طبعاااا أنسى عيب كل واحد له حدود بردو
ساميه بزعل : انتى متخيله انى ها احطك فى وضع وحش
تاليا : مش النظريه بس ها أتكسف قوى منهم دانتى ورتهوملى كلهم رجاله طول بعرض نفت الفكره .. لا لا لا
ساميه ضحكت : ما إحنا بنكمل بعض انتى فاكره عمى بيحبنى ليييه عشان أنا بنت وحيده وبيقولى هما أربع حيتان مفيش حاجه تنغنش قعدتهم والله يابنتى بيعاملونى كانى اختهم بالظبط
تاليا ببتسامه : كتر خيرهم والله وبحزن .. ماجتش من الأخوات
ساميه : يبقى توافقى منا مش ها اقعد فى الشاليه لوحدى مرات عمى لايمكن تسيبهم فى مكان لوحدهم لازقه لعمى عامله عليه حصار
تاليا : سبينى أفكر
ساميه بفضول : أنتى معاكى صور لابن عمك الجلنف دا
تاليا فتحت الفون وورتها صور الشبكه رفعت حاجبها: طب والله عسل دا شكله أحلى من أدم بكتير ماتديلو فرصه
تاليا شدت الفون : أسكتى يا ساميه شكل إيه إلا بتتكلمى عليه .. أدم تحسيه راجل كدا ملو هدومه حتى وهو نايم بيصارع الموت سبحان الله الرجاله بتبان بردو  عمر ما الرجوله بالشكل ياما ناس شكلها حلو وعايزا ضرب النار ياختى
ساميه : يعنى دا إلا سنيه هشك بشك ماهو راجل أهووو جربى مش هاتخسرى حاجه من كلامك واضح انه بيموت فيكى بايع الدنيا وشاريكى
تاليا : الرجوله لها مواصفات اهمها العقل وحسن التصرف ودا لا عقل ولا حسن تصرف على رأى ابوه جاموسه فى افعاله تليفونها رن وكان هو .. أهو نط على السيره
ساميه بفضول : افتحى أفتحى بالله عليكى  عايز اسمع هايقولك إيه
تاليا فتحت عليه  : الوووو
ياسين بضحكه : الوووو يا صاحبة السعاده يا سكر زياده يا عسل وأنا بلاصه يا جاز وأنا لمبته يا شامعه منوره حياتى
ساميه بتضحك وكاتمه الضحكه
تاليا : نعم عايز ايه
ياسين : الله مالك يا تاليا بقى مش اتصالحنا وشربنا الشربات وعلينا الجواب
تاليا بعصبيه : ياسين أنا ما بحبش كدا مش كل شويه أتصال هى مره واحده فى الأسبوع
ياسين : باااه باااه باااه أعمل ايه انا بقى طول الأسبوع اكلم البنات التانيه يا تاليا عايزهم يخطفونى منك
تاليا : خليهم يخطفوك واخر الاسبوع ارجعلى وبعدين مش اتفقنا تشتغل  وتبطل كلام تليفونات والا انت ملكش كلمه
ياسين : انا مش واخد على الشغل وعند ابويا عمال ياما
تاليا بعصبيه : تابعهم يياسين تابعهم مش لازم تحافظ على مالك ومال ولادك بعد كدا
ياسين ضحك : قصدك مال ولادنا ياااه يا تاليا أمتى تبقى على فرشتى وفى سريرى ونقعد نخلف ونملى الدار عيال انا قاعد أتخيلك وانتى جمبى وفى حضنى
تاليا زعقت : أنت ازاى تقولى كدا أحترم نفسك بطل قلة أدب الله
ياسين بضحكه : كلامى بيدوخك عارف
تاليا : انا لازم أقفل سلام وماداتوش فرصه وقفلت فى وشه
ساميه بتضحك جامد : يالهوى يا تاليا يا واقعه مربربه هههه دا إيه دا لما نطق حسيت بمعانتك
تاليا قلبت شفتها : سمعتى ياختى
ساميه : بصراحه ليكى حق دانا كان نفسى اشتمه يخربيت دلعه دانا اتخيلت قدامى إسماعيل ياسين فى العتبه الخضرا بس دا فعلا قليل الادب
تاليا : تخيلى بقى انا ها أقع فى العتبه دى  لوحدى منهم لله إخواتى عيطت .. والله ما ها أسامحهم منهم لله فوضت أمرى فيهم ليك يارب ... ساميه بتمسد عليها بزعل .. بصتلها بعيون مكسوره ..  انا والله مش بعيب عليه يا ساميه بس فعلا افعاله هبله ومتخلف فى نفسه وكلامه جرئ وبزئ غير عمى واهلى إلا فى البلد خالص بنى ادم ما يتعاشرش
ساميه : هاتعملى إيه
تاليا اتنهدت : العمل عمل ربنا يمكن فى السنه دى ربنا يخلصنى  منه
ساميه : سيبك منه دلوقت انتى لازم تيجى معايا بجد ها اعيشك اسبوع ملوكى خيل وبيتش باجى وسفارى لاء هاتنسى الكائن دا وبعدين مش هانسيب شرم
تاليا : قولتلك ها أفكر
ساميه بإعتراض : تفكرى إيه الرحله بكرا هانمشى الفجر تعالى نجهز شنتطتك انا مجهزه حاجتى بس لما على عملها معايا وسافر لغيت الفكره
تاليا بتردد : بس
ساميه : مابسش قومى وفعلا جهزت حاجتها معاها وبلغت عمها قالها هاتى إلا أنتى عايزا تجبيه معاكى .. قابلتهم وتاليا اتعرفت عليهم وسامى كان متابعها بصمت مش مصدق ان دى متجوزه
ساميه : انا ها اركب مع تاليا ياعمى وهانمشى وراكو
هز راسه وركب هو ومراته وولاده ركبو عربيه تانيه
تاليا سايقه وماشيه وراهم وساميه بتتصل على عصام
عصام بنوم : يافتاح يا عليم : يابنتى مفيش وراكى غيرى
ساميه : ماجتش ليييه يارخم
عصام : لما عرفت انك راحه قولت مش ناقص وش وقلبة دماغ ها اقضى الاجازه مع أصحابى
ساميه : هههههه دانا ها اتصل بيك أربعه وعشرين ساعه أقلب دماغك
عصام : ههههههه لازقه يعنى
ساميه برجاء : بالله تيجى الرحله من غيرك ممله العيله بتاعتكم كئيبه يا عصام
عصام : ربك يسهلها 
ساميه : هات خاطبتك تغير جو معانا
عصام بتريقه : حاضر ها اروح اقول لابوها معلش ادهالى اسبوع أغير بيها جوا ساميه اطلعى من دماغى وصدقينى رقمك لازم اعمله بلوك
ساميه ضحكت : والله ماتقدر إبقى أعملها وورينى شاطرتك سلام
تاليا بصتلها : شكلك قريبه من عصام قوى
ساميه : جدا جدا جدا مش عايزا اقولك فى جهازى كان بيلف بيا أنا وامى وابويا اربعه وعشرين ساعه عشان اجيب كل حاجتى ومسك على قاله اقسم بالله لو جت أشتكت منك فى  يوم  لوديك ورا الشمس هههههه على اترعب منه ياعينى
تاليا : متجوزه بقالك اد إيه
ساميه :  داخله على السنتين  بصتلها .. ادعيلى ربنا يرزقنى بالذريه الصالحه نفسى فى حتة عيل وعلى نازل زن اليومين دول
تاليا بتسوق تبصلها وترجع تبص للطريق : طيب ماتكشفى
ساميه اتنهدت : كشفت وقالى ماعندكيش مايمنع  وهو كذالك مستنين الفرج من عند ربنا
تاليا : ربنا يرزقك يا ساميه يارب 
ساميه رفعت ايديها ومن قلبها : يارب
وصلو بعد وقت القريه إلا حاجزين فيها ودخلو الشاليه حطو حاجتهم وطلعو فطرو فى الابن بوفيه 
***
راندا قاعده ماسكه الفون بتقلب فيه : بصى يا هويدا الفستان دا يجنن ايه رايك اجيبه لعيد ميلادى
هويدا : فى أحلى منه بكتير
راندا : لا دا عاجبنى
هويدا : البنى ادم القفيل إلا انتى مخطبوله ها يوافق دا شبه عريان
راندا : إن شالله ما وافق انا بعمل إلا بيريحنى وبس وبعدين بعته لكمال قالى هايبقى تحفه عليكى
هويدا : أنتى لسا بتكلمى كمال
راندا : طبعا لايمكن ابعد عنه مهما حصل
هويدا : انتى مجنونه دا ممكن يقتلك انتى وكمال دا بنى أدم  أوفررر فى رد فعله
راندا : مايقدرش بابى محاصره انا مش عارفه وجهة نظر بابى فى الجوازه الغريبه دى إيه .. ومصمم عليه تصميم غريب حتت ظابط لا راح ولا جه .. قلبت شفتها .. لاء وشايف نفسه بطريقه غبيه عنده ثقه تودى فى داهيه
هويدا ابتسمت : لا كدا بتبالغى هو جنتل قوى على فكره ومان بدرجه عاليه بس هو تقريبا مغصوب عليكى زيك تمام
راندا : هو يطول أنا فين وهو فين بطلى غباء
هويدا بخبث : طب ماتقولى لابوكى يحل عنه وسيبهولى أنا ها أموت وأعمل سيشن وانا فى حضنه زيك نظاراته .. حطت ايديها على  قلبها .. بتخطف لدنيا تانيه لا يقاوم بجد
راندا ضحكت جامد : بجد انتى عينك منه عايزاه وبتتمنيه دانتى واقعه فيه بقى
هويدا بتمنى : ياريت يا راند
راندا رفعت حاجب : كان قفيل من شويه
هويدا : أنا يا بنتى بعشق التنوع والنوع دا مصادفتوش قبل كدا إيه رأيك اخطفه منك شويه وانتى تفضى لكمال
راندا : ههههههه فكره مجنونه بس مش موافقه عليها عارفه ليه عشان انتى اتعودتى تاخدى البواقى بتاعتى وأدم لسا عليه شويه لما أحسبه من البواقى اوكى ارميهولك وقت مانا أحب
هويدا إدايقت وبصت لها : انا قايمه ماشيه
راندا : خدى الباب فى ايدك الشغالين مش فاضين
راندا قلبت شفتها : حيوانه وبتريقه .. حضنه ونظراته  .. مسكت الفون واتصلت على ادم ..حبيبى أنت فين
أدم همس : حبيبك .. عايزا ايه
راندا : كنت عايزاك تعدى عليا عشان نرتب لحفلة عيد ميلادى وتختار بدلتك على الفستان إلا نقيته نعمل ميكس يجنن ويهبل الناس زى السيشن أنا حبيت الموضوع معاك يادومى
أدم : انا مش فاضيلك وبعدين انا مسافر ومش راجع قبل أسبوع
راندا ببرود : تمام عيد ميلادى الاسبوع الجاى ها انتظرك بااااى وقفلت
أدم نفخ : أعوذ بالله منك
عصام بتعب نوم  : المشكله ان ساميه مش هاتسيبنى أنام وانت ايه رجعك انهارده يابنى
ادم زقه : والله ما ناقصك وسعلى عايز انام تعبان
عصام : خاطبتك لو عرفت انك هنا هاتعمل مشكله
ادم بنرفزه مكتومه : ماتعمل إلا تعمله نام يا عصام انا جايلك عشان عمرو عاجبه القاعده فى البيت مش عايز يتحرك ماكنتش رصاصه والله قاعد جمب مراته بيسليها الأمور
عصام ابتسم : نام احسن ليا وليك عارفك لما مزاجك يقلب .. بس ماقولتليش اختفيت روحت فين بردو إمبارح لماةرجعت من مهمتك
أدم بصله : روحت لأصلى وحنينى إلا مش عارف أهرب منه
عصام : للدرجه دى بتحبه
أدم : ها تصدقنى لو قولتلك انى بعشق ترابه ومهما بعدت حنينى له لوحده
عصام : عشان كدا اشتريته ومدوخنا وراك هناك
ادم بتأكيد : أيوا ياعصام أنا مش أشتريته هو أنا اشتريت نفسى وكيانى أشتريت أحلى أيامى يااااه ياعصام لو ترجع وأخدها فى حضنى  ما أسبهاش أبدا وحشتنى قوى اتخنق بالكلام وسكت عصام ضرب على كتفه وسكت هو كمان مش عارف يقوله إيه .. أخيرا أتكلم : هو ليه عمتا الحب عذاب فى كل أحواله
أدم أبتسم وقال بصوت عالى : أوباااااااا مالك يا حبيبى طب إحنا وخلاص عرفنا إللى فيها إنما انت بتعذبك ليه اوعى ياد تكون ورور معاها
عصام ضحك بصوت عالى وسند على دراعه : مش للدرجه دى ساعات بيبقى فى عذاب مش قادر تبوح بيه حتى لو على راقبتك .. تليفونه رن ورد وهو بيضحك .. يخربيتك يا ساميه
ساميه : لا إله إلا الله هو الكل عايز يخرب بيتى ليه .. ماعلينا هاتلى معاك وأنت جاى شيكولاته كابورى والكاراتيه إلا بحبه عشان هنا غالين قوى وانا قررت أحوش واعملى مستقبل على قفاك ياعصام لازم نستغل بعض فى الصح
عصام : يابنتى هو انا خلفتك ونسيتك وبعدين مين قالك انى جاى روحى اتخمدى والا اخرجى معاهم وانسينى بخرينى من دماغك يمكن تعقلى
ساميه شهقت : أنا أنسى كنز على بابا بتاعى .. دا على جوزى ما بيعملش إلا أنت بتعمله معايا فى الأكل
عصام : كنتى اتجوزتينى وارتحنا من القصه دى من الأول روحى يا ساميه الله يسهلك انا بقطع علاقتى بيكى للأبد
ساميه بتصميم  : عصام
عصام نفخ  : نعم
ساميه : الشيكولاته تجيبها صغيره عشان ماكلش كتير وأتخن وأنا مابحبش اتخن سنتى زياده مش معايا اجيب هدوم
عصام : أنتى عارفه إيه التخين فيكى يا ساميه
ساميه بإستغراب ونفى  : انا مفيش فيا حاجه تخينه
عصام زعق : لاء فى مخك يا ساميه وقفل فى وشها
أدم بيضحك بجنون لدرجه ان مسك صدره من شدة الضحك
عصام بصله وهو بيضحك : جننتنى يا أدم بت مخها مروش ضحك جامد .. عارف المصيبه انها تكون قاعده هى وجوزها وتكلمنى تقولى خد على عايز يرغى معاك شويه على ما أنا أنام .. ماتتخدمى أنتى وهو انا ايه حشرنى بينكم  مستفزه بتخلص منه ترميه علياااا مش طيقاه بتتجوزيه ليه يابارده
أدم بيخبط إيد على إيد : هههههههههههه ما اتجوزتهاش ليه دى شكلها عسل ودمها خفيف
عصام نطر إيده : طارت بقى والا كان كان .. غير الموضوع أنت هاتنام وإلا حكايتك إيه
أدم لف : ها أنام  عشان تقريبا بقى دا احلى وقت فى حياتى  انام او اتخمد وأفصل
مر الوقت وساميه واخده تاليا ومنطلقين الأتنين من هنا لهنا  وسامى عامل عليهم حصار كل شويه يروح يجيبهم من حته شكل
تاليا بصتلها : إبن عمك  دا رخم ماله كدا هو فاكرنا فى عشة فراخ بيعمل لنا بيات شتوى .. تخنت صوتها وبتقلده .. كل شويه .. تعالو  أقعدو هنا ياله على الشاليه
ساميه : ههههههه يعنى إيه بيات
تاليا نطرت ايديها : أنا عارفه بقى كنت بسمع مرات عمى تقول لبنتها بيتى الفراخ فى العشه
ساميه : هو خايف علينا مش اكتر
تاليا : يا ساميه انتى مش شايفه بيبصلى ازاى دا عيونه هاتطلع من مكانها ونظراته غريبه انا بدئت اخاف
ساميه همست : بصراحه معجب بيكى وعايز يتحوزك وانا قولتله يوم شبكة ادم انك متجوزه طبعا قبل ماعرف الحوار ايه
تاليا بصتلها : احسن انك قولتيلو كدا .. طب انا عايزا انزل البحر
ساميه : ماننزل البسين أحسن كبير وجميل وأمان
تاليا بإعتراض : لاء طبعا بنصيف يبقى بحر
ساميه : طب بصى انا ها اغطى عليكى وأشغل سامى عننا وانزلى وانا ها أحصلك عشان لو شافنا ها يطلعنا ونطرد من البحر طردت الكلاب ونبقى فرجه
تاليا : ههههههههه يخربيتك يا ساميه بنعمل عمليه للبلد وإلا إيه
ساميه همست : اكتر ياختى إحمدى ربنا ان عصام مش موجود أهو دا بقى إلا هايخليكى زى كوز الدره واقفه كدا لا يمين ولا شمال غير معاه هو شخصيااا  يمكن سامى متفتح عنه بمراحل
تاليا : يالهوى دا متفتح دا فضلو فولت و  يعمل قفله وهو واقف .. طب روحى ياله خلصينى انا البحر بينادى عليا بكيانه
ساميه قامت فعلا وبدأت تنفذ خطتها وسامى مشغول معاها وتاليا انطلقت ما صدقت تدخل الميه
سامى : انتى راحه فين دلوقت
ساميه بعصبيه : كلمت اخوك عشروميت مره عشان يجى ويجيبلى الا انا عايزاه من الصبح ماجاش ولا عبرنى تعالى بقى انت ملزوم تجيبلى طلباتى مليش دعوه وماشيه خرجت برا القريه
سامى بعصبيه  : طب روحى يا ساميه وانا ها اجيبلك إلا انتى عايزاه روحى  زهقتينى .. فعلا مشى من قدامها وهى بتعدى من جمب القريه بعد ما مشيت كتير واتفاجئت بعصام نازل من العربيه جريت عليه : عصااام  أنت أخيرا جيت
عصام ديق عيونه : دانا ها اقطم راقبتك راحه فين انتى لوحدك
ساميه مسكت راقبتها وبرقت : ليه عملتلك إيه يا مفترى
عصام : مجننه سامى وراكى ليه اتصل عليا وقالى تعالى لم بنت عمك
ادم فتح الباب وطلع من العربيه  بيبص عليها يفتكرها ومبتسم شكلها شعنونه بجد
ساميه شهقت وبصت لعصام ووشها ها يطق من الغيظ وبعصبيه  : إيه دا هو دا إلا انت ماتعرفوش يا عصام بتضحك عليا 
ادم مثل عليها وهو واقف وبص لعصام : أنا اسف لو ها أسببلك مشكله انا عربيتى عطلت يا أنسه وهو جابنى من على الطريق معاه وبعدين سبق واتعرفت عليه فى شبكتى
عصام ابتسم له وكمل معاه : مدام ساميه بنت عمى
ساميه واقفه كأنها مخبوطه على دماغها همست لعصام : يعنى انت ماتعرفوش ما بتكذبش عليا
عصام رفع كتافه وبيمثل البراءه   : ماهو قالك اهو يا ساميه 
شالو الشنط وداخلين التلاته وشافو حاله من الهرج كبيره وتجمع للناس على الشط  جوا القريه وبيقولو فى واحده غرقت وفى اللحظه دى ساميه صوتت باسمها ودخلت جرى وهى بتقول تاليا
أدم أتسمر مكانه  والشنط وقعت من إيده .. اخر واحده توقع وجودها هنا وبدون تفكير جرى هو سابقها على الميه
❤🧡🧡💛💛💚
بقلم : لبنى طارق
💙💙💜💜💚💙💜