صقر الظلام

صقر الظلام ٥

صقر الظلام ٥
************
اللهم إني أتوسل إليك بك، وأقسم بك عليك، فكما كنت دليلي إليك فكن اللهم شفيعي لديك، وعاملني بالإحسان لا بالميزان، وبالفضل لا بالعدل.
اللهم إن حسناتي منك وسيئاتي مني، فجُد اللهم بما هو منك على ما هو مني.
اللهم لا تحوجنا ولا تفقرنا إلى أحد سواك، ربي ارزقنا من فضلك الواسع رزقًا طيبًا، وزدنا إليك فقرًا، ولك شكرًا، وبك عمن سواك غنى وتعففًا.
اللهم ارزقنا خير الدنيا ونعيم الآخرة وسعة الرزق، وراحة البال وخير العطاء، ولباس العافية، ويسر لنا كل أمر نهاب تعسيره.
الحمد لله الذي استسلم كل شيء لقدرته، الحمد لله الذي ذل كل شيء لعزته، الحمد لله الذي خضع كل شيء لملكه
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡💛💛💚💙💙💜💜💜
تاليا نزلت ايديها بعد ماكانت هاتفتح الباب تراجعت 
رامز شاور : ماتفتحى وإلا خايفه
ميلت راسها وأبتسمت بسخريه : بوفر عليك عشان عملية الخ.طف تتم بهدوء
رامز شاور : افتحى يا تاليا
طلعت المفتاح وفتحت  شاورت لجوا : أتفضل
رامز دخل وقفل الباب قعد وهو مش عارف يبدء الكلام منين : لميس لما قالتلى انك سافرتى ماصدقتهاش  قلبى قالى لاء
تاليا بصتله وضمت عيونها بإستغراب : سافرت مين قالها انى سافرت وإلا عرفت منين
رامز أبتسم : جوزك قابلها لما جتلك هنا وقالها إنك برا مصر وشغل الهانم   بهدايااا وكل دماغها ولميس مروشه أصلا
تاليا إتاظهرت إنها عارفه بس بتوقعه فى الكلام ابتسمت وريحت ضهرها : منا عارفه
رامز بإستغراب  : لما أنتى عارفه بتسألى ليه
تاليا : كنت فاكره ان لميس اذكى من إنها تقول كل حاجه وتحتفظ بالكلام لنفسها ولحسابها ماهو أدم إيده فرطه وبيحب يجامل طول عمرها طماعه بتفكر ازاى تكوش على كل حاجه
رامز : وانتى فعلا كنتى مسافره
تاليا بتأكيد : أيوا كنت مسافره ولسا راجعه أول إمبارح وها أسافر تانى شنطى جوا زى ماهى لو مش مصدق خش شوفها ..   الأسبوع الجاى أدم ها يكون هنا ها يخلص شوية حاجات ونرجع تانى مع بعض .. ها يارامز يا أخويا الكبير يا إلا اعتبرتك مكان أبويا عايز ايه
رامز شاور : من غير ما تلقحى أنتى عارفه انى ضد إلا عملوه إخواتك  فيكى  .. رامى  استغل انى محتاج للفلوس وضغط عليا هو ولميس تاليا أنا مش جاى أبررلك  عايزا تصدقى صدقى مش عايزا براحتك قام وقف .. سلام عليكم ..  ماشى ناحية الباب وهى بصاله وساكته قامت وقفت : رامز  تعالى رايح فين
رامز شاور على برا : ها أتكل على الله حقك عليا يا أختى سامحينى قبل ما أمشى أنا جاى عشان وحشتينى قوى ووحشنى أبص فى عيونك وافتكر أبويا وايامه الله يرحمه هو وأمى .. ناسيه إنك خدتى منه عيونه بالظبط وروحه الحلوه معانا إتلطمنا من بعده عرفنا قيمته بعد ماراح كنا عايشين بنصرف ومابنحسبش للدنيا حساب من يوم ما مات والدنيا عماله تشيل وتهبد فينا وكأنها بتفوقنا بأصعب أختبار هو إننا ناكل فى بعض
تاليا قربت عليه وأترمت فى حضنه وعيطت بقوه غريبه رامز مسد عليها ودموعه غلبته بقى يعيط على عياطها أتكلمت بمنتهى الضعف والأستسلام  : أوعى تتخلى عنى تانى أنا مليش غيركم يا رامز
رامز أتنهد وقال بصوت مخنوق : مش هايحصل تانى ولا يمكن أبيعك لجشع إخواتك أنتى ملكيش ذنب فى إلا بيحصل كله .. عدلها ومسح دموعها .. حقك عليا سامحينى أنا عارف إنى سلبى وأختارت راحتى راميتك للميس ورامى يلعبو بيكى
تاليا مسحت دموعها بإيديها وقعدت : أنا كفايه عندى إنك جيتلى ودخلت عليا وقولتلى أنا معاكى مش مهم اى حاجه فاتت .. أقعد يا رامز أنت واحشنى قوى قوى لأول مره أحس برجوعك الحقيقى
رامز قعد وباصص لها ؛ كنت  متأكد  إنك  أطيب قلب فينا ودا إلا مجنن لميس قلبك الطيب وقلبها الأسود
تاليا بحزن وفرحه فى نفس الوقت : مسيرها تفوق وترجع لعقلها وبعدين كفايه جوزها وأدبه وأخلاقه وأولادها .. راجل ما شوفتش منه غير كل خير وأدب
رامز أتنهد : جوزها هربان بالعيال
تاليا شهقت : هربان .. ليه
رامز ؛ هى وأخوكى المفترى رافعين عليه كذا قضيه شردته بعياله  ومبهداله بمعنى الكلمه
تاليا بزعل  : أستغفر الله العلى العظيم .. اختك دى غبيه وعمرها ماهاتعرف تعوض راجل زى مجدى تانى .. ربنا يهديها
رامز قرب منها : تاليا خدى بالك منها ناويه تقرب منك وتوقعك عشان تخرب بيتك وتطلقك من جوزك  أوعى تأمنى للميس .. لميس اتسعرت
تاليا رفعت حواجبها بإستغراب : نفسى اعرف بتكرهنى ليه الكره دا كله
رامز شاور على نفسه : لو عارف ها أقولك المهم تاخدى بالك منها هى ورامى ولو هاتسافرى ماتعرفيش حد إنك رجعتى أصلاااا
تاليا هزت راسها وأحتفظت بخبر السفر لنفسها ماحبتش تحرق كل الكروت مره واحده وتعرف رامز حكايتها ايه لحد ما تتأكد من صدق نوياه  .. زقها .. بتفكرى فى إيه
تاليا ابتسمت : ولا أى حاجه أنا جعانه قوى  أنت جيت فتحت نفسى عايزا أكل معاك
رامز ابتسم : وانا ميت من الجوع
تاليا قامت : تعالى ها أغديك غدوه تحلف بيها طول العمر
رامز بإحراج مفيش معاه فلوس غير الموصالات  : مانعمل اى حاجه  هنا حتى لو طبق جبنه أنا ها أبقى مبسوط
تاليا بتصميم : ابداااا .. لازم أعزمك .. تعالى ياله ونزلت معاه دخلو مطعم كبير أدم كان واعدها يعزمها فيه لماترجع شرم .. طلبو  الأكل وقاعدين بياكلو بجوع حقيقى الاتنين ..
رامز بيمسد على بطنه : كانت خلاص هاتعيط من جوعها
تاليا بتمسح شفايفها : الحمد لله ..ابتسمت .. الأكل عجبك
رامز بإحراج : لو الأكل دا ماعجبنيش إيه إلا يعجب  .. تاليا انا أسف مش معايا فلوس أدفع
تاليا : قولتلك انا إلا عازماك بطل رخامه .. قوم ياله ... دفعت الشيك وبزياده كمان .. قامت هى وهو  وركبو عربيتها وهى بتتكلم معاه  شافت محل الأيس كريم إلا أدم عزمها منه وقفت ونزلت جابت اتنين وكملت طريقها على البيت
رامز : أنا ها أمشى
تاليا بحلفان : والله مايحصل انت هاتبات معايا انهارده
رامز : عشان مراتى والعيال
تاليا : رامز يوم عشان خاطر أختك يوم واحد اتصل قولها أى حاجه وخليك معايا انهارده
رامز أستسلم ؛ ماشى بس مش عامل حسابى على هدوم
تاليا : يا سيدى معايا هدوم لأدم خد بنطلون وتيشرت نام فيهم
رامز بدون اى مقدمات : عرفتيه ازاى
تاليا أبتسمت واتكلمت بإحراج : أنا شفته كان فى مستشفى تعبان وهو شافنى وحبينا بعض
رامز أبتسم  : مستشفى رجال اعمال كبيره بقى
تاليا ضمت حواجبها : إشمعنا يعنى
رامز : رجل أعمال كبير زى جوزك هايروح مستشفى عاديه يعمل فيها إيه
تاليا شبه فهمت إن دا كلام أدم للميس ابتسمت : اااه فعلااا دانتو طلعتو عارفين عننا كل حاجه
رامز : لميس يابنتى قررت جوزك لما قابلته
تاليا ضحكت بصوت عالى : هى من جهة قررته فهى قررته فعلااا شاطره لميس من يومها هاتعرف إلا أنا ماعرفوش عن أدم نفسه
رامز : طيب مامته واهله عاملين معاكى إيه
تاليا : للاسف والده وولدته متوفين ..بس إخواته تلاته ماشاء الله بيحبونى وبحبهم قوى شايلنى من على الارض شيل حسيت معاهم بجو العيله إلا افتقدته وسط إخواتى .. تخيل بيحبو أدم حب لدرجه إنى أستغربت إنهم إخوات
رامز قرب منها وحضنها باس راسها وهى عيطت تانى : حقك عليا  خلى أبوكى يرتاح أنتى عارفه إنك غاليه قوى وبزياده على قلبه الله يرحمه
تاليا اتعدلت وبصت لأخوها : انتو كرهتونى عشان بابا حبنى بزياده وفضلنى عليكو
رامز هز راسه بنفى : مفيش أي أب وأم بيحبو عيل أكتر من التانى .. بس فى فرق إبنى الكبير إلا شبع منى فى  كل حاجه غير الصغير إلا نفسى أديلو وأعملو زى الكبير .. ابوكى  كان بيحبنا كلنا وبيضحى بحاجات كتير عشانا ماتفكريش كتير وتخلى لميس تحسسك بالذنب .. لميس أنانيه وطماعه بتحب نفسها وبس
تاليا أبتسمت وحضنته قوى بتفصعه : أخيرا رجعت أخيرا
رامز ضمها جامد : حقك علياااا ماتزعليش منى
تاليا بضحكه نفسيتها أتبدلت تماما : مش زعلانه خالص كل حاجه أنتهت من اللحظه إلا رجعتلى فيها .. قوم غير ياله وانا ها أجيبلك الهدوم
رامز قام وتاليا جابلته طقم بيتى من بتوع أدم  جابتهم معاها حلفت ما تسيب له حاجه هناك .. غير وهى غيرت وطالعه الصاله أول ما شافت رامز ضحكت بصوت عالى جدا قربت عليه وهو بيضحك .. فارد إيده قدامه : إيه دا يا بنتى
تاليا بضحكه : فرق الطول رهيب نسيت
رامز : ههههههههه .. مضطر اشمر البنطلون ... التيشرت بقى مش مهم أى حاجه .. هو كان لابس الطقم دا
تاليا بنفى : لاء إشمعنا
رامز : ريحة برفانه فى الهدوم
تاليا ببتسامه هاديه : هو غاوى بعد ما حاجته تترص فى الدولاب يرش عليها من البرفان بتفتح دولابه كأنك فاتح قزازة برفان
رامز قعد وركن ضهره : إن ماكنش دا إلا يغرق هدومه مين يغرقها أنا وإلا أخوكى إلا ريحة شرابه وصلالى
تاليا : ههههههههه.. حرام عليك رامى نضيف وبيهتم بنفسه
رامز : بس معفن ..بقى معفن قوى يا تاليا ومادى لأبعد الحدود .. اتكلم بزعل .. تخيلى بيمضينى على شيكات لما أستلفت منه فلوس
تاليا شهقت : شيكات ليه عايز يحبسك
رامز : أنا عارف نيته إيه ربنا يستر
تاليا لفت بصتله : خدت منه كام
رامز بصلها : تاليا أنا بفضفض معاكى مش قصدى أى حاجه
تاليا زقته : عيب يا رامز وبعدين إحنا  طول عمرنا كدا مع بعض قبل  الشيطان يدخل مابينا
رامز : الحمد لله
تاليا : خدت كام منه
رامز : ٢٠ ألف .. البيت فاتح بوئه ومصاريف مراتى والولاد مش ملاحق عليها بقيت اخد ديون أسدد ديون بيها دلوقت
تاليا : معلش يا رامز بكرا تفرج إن شاء الله .. على فكره شبكة ياسين لسا معايا وانا قولت دى من حقنا وفلوسنا إلا نام عليها هو وأبوه وكنت مقرره نقسمها على بعض وصدقنى حقنا ها أطلعه من عين عمى مش ها أسيبه لايمكن يتهنى بحاجه كل حاجه تخص بابا هاترجع هاترجع إن شاء الله
رامز بحماس : ماتقولى لجوزك أكيد له معارف تقال يمكن يساعدنا
تاليا هزت راسها بتأكيد : إن شاء الله ها أقوله ولو عمل أى حاجه  أو كلم  حد يساعدنا  ها أبلغك أنت اول واحد
رامز أبتسم : ما بتتغيريش يا تاليا أبداااا .. بعد إلا عملاناه دا كله فيكى وأول ما خبطت على بابك فتحتيلى وصدقتينى
تاليا نطرت إيديها : خايفه أخسركم كلكم وملقيش حد جمبى يا رامز .. جوزى مهما كان عمره ماهايبقى زيكم .. جوزى ممكن يطلقنى ويرمينى فى الشارع  إنما أنتو مهما عملتو مش هاتعرفو تطلقونى  وتطلعونى من جلدكم
رامز بخجل : عندك حق  بنت ولوحدك حتى لو فى حضن جوزك  ..   إلا ملوش كبير بيشتريلو كبير .. نقوم ندور ازاى نشترى أخ .. نشترى سند وصلة رحم 
تاليا قلبتها هزار : بقولك إيه إحنا نشترى دماغنا احسن
رامز : ههههههه
تاليا : حبيبى الدهب ها أجيبهولك بيعه وخد نصيب إخواتك ونصيبك وهات نصيبى
رامز : خليهم معاكى أنتى أولى بيهم
تاليا : والله أبدا خد الدهب بيعه وقسم الفلوس وهاتلى نصيبى وبس كدا
رامز : انا لو نزلت بيه ممكن أتحبس
تاليا ابتسمت : أنا لقيت الفاتوره بتاعته ناخدهم وننزل مع بعض نبيعه ماتخافش مش ها أحطك فى وضع مؤذى أبداااا  نشرب أى حاجه ونقعد شويه وننزل تمام
رامز : تمام
***
عبد العزيز  قاعد برج من نفوخه ها يشت زى ما بيقولو .. كل شويه يدب بالعصايه على الارض وكل دبه تطلع من دماغه .. قال بصوت مسموع : روحت فين ياحزين وأراضيك فين دلوقت .. أدور فين تانى .. قام فضل رايح جاى .. رايح جاى .. لحد ما مجموعه من الرجاله دخلو البيت على طول من غير إستإذان .. هز ايده .. ها عملتو إيه
واحد بنهجه : ولا له أثر يا حاج دورنا فى الغيطان ما سبناش مكان ولا حته كدا وإلا كدا
عبدالعزيز : دا مش قادر يصلب طوله وأنتو رجاله طول بعرض محدش فيكو عارف يجيبه
واحد تانى : هانعمل إيه تانى ياحاج  قلبنا المطارح كلها البلد اتفنطتت حته حته  إبنك يا جراله حاجه وطب وقع ساكت  يا خرج برا العزبه وكدا صعب نجيبه او نعصر عليه فى ايوتها مطرح تلاقيه مستخبى فى دار وإلا موطرح عند حد
عبدالعزيز زقهم : غورو .. ياله من هنا .  إقلبو العزبه وضواحيها تانى أنى مش ها أنام ولا أرتاح غير وهو قدام عيونى ياله منك له ..له ..له ..له .. ياله
كلهم مشيو من قدامه والبنات قاعدين جوا الأوضه ماخرجوش منها
منال بعياط شديد : اااه اااه أيدى يا توحيده مش قادره اتحملها
توحيده بزعل : قولتلك قصى لسانك إلا عايز قاطعه داهون خصوصا مع ابوكى مفيش فيكى رجا
منال دموعها نازله بحر : عايزا أروح لأما أنى تعبانه دماغى ودراعاتى نار قايده فيهم
كريمه لوت شفتها : عشان تكمل اسكتى أنتى وأمك ليجيب خبركم
أمانى : فيها إيه لما تروح لأمها دا ظلم ياناس والله حرام
ثريا : أمانى إهدى وقولى هديت مش ناقصين علقه تانيه ناخدها جتتنا باظت من الضر.ب فيها يا بعده 
منال : شوفولى حل هاتولى المهرم وليطو إيدى كولتها من فوق لتحت نار قايده ربنا مايوريها لحد  بصو عورنى فى جسمى كمان
أمانى  : معلش يا حبيبتى معلش  
منال : هاتولى البرشام إلا الداكتور كان مدهولى
كريمه قربت جرى عليهم : هشششش أنا سامعه صوت أبا برا إسكتو خالص
ثريا أتأففت بصوت عالى : دا إيه رجعه دا أعوذ بالله بقيت احس إن فى حاجه كابسه على نفسى فى وجوده
توحيده لوت شفتها : ومين سمعك .. إحنا على رأى أم لسانين دى هانفضل كدا بوذنا فى بوذ بعض
أمانى : هانعمل إيه يعنى   
توحيده : نهرب زى ما ياسين اخوكم الراجل عملها .. الراجل مقدرش يتحمل جبروته إحنا هانتحمل لأمتى وبعدين واقف حالنا لا حد بيشوفنا ولا نعرف حد هانتجوز ازاى
ثريا : زى ما جوز إخواتك البنات
توحيده لوت شفتها : نتجوز خناشير كبيره .. دا راماهم مش جوزهم  لا ليهم سعر ولا قيمه ولا نعرف حاجه عنهم أنتى ما سمعتيش منك لها كان يقول لهم إيه إلا تخرج من الدار ماتهوبش ناوحيه تانى .. هو دا أب دا
ثريا قربت عليها : هو ما بيحبش البنات ليه
توحيده : أنى عارفه يمكن عنده عقده صعب حلها
منال بعياط بصالهم : بطلو رغى وشوفولى حل دراعى ورم ومش قادره أحركه
توحيده جابت البرشام من الدولاب وناولتها واحده : خدى ياحزينه إبلعى  دى بشوية ميه هاتهدى الوجع حبه
منال خدتها فعلا ومازالت ماسكه دراعها من الوجع والاربعه حواليها مش مبطلين كلام وفى منهم إلا متابع برا بيشوفو أبوهم بيعمل إيه بالظبط
..........
أميره واقفه بتحضر الغدا ومحمد قاعد قدامها مش عارف يقول لها إيه بالظبط عايزا يحكى لها إلا حصل بينه وبين عمه ومتردد .. أخيرا أتكلم ..ماما
أميره : نعم
محمد : هاتخلصى غدا أمتى
أميره : مانت شايف يامحمد بعيونك .. وبعدين سيبك من الغدا أنت مش هاتبطل تهريج  مع ساميه وعمك .. عمك أدهم متهور ولما بيحط حاجه فى دماغه صعب او مستحيل حد يطلعها
محمد بهمس : عرفت متأخر
أميره : بتقول إيه
محمد : إحم .. ما بقولش .. بس نفسى أسألك سؤال لما عصام بيموت فى ساميه كدا ليه فعلا ما أتجوزهاش
أميره لفت بصتله وغطت الحله :  عشان ساميه نفسها
محمد : بتحبه الغبيه إيه يمنع بقى
أميره : بتحبه اااه بس بتحبه كأخ ومش قادره تشوفه كازوج .. وبعدين عصام أتأخر  فى البوح بمشاعره لها كان غيره خد مكانه وأتعلقت بيه مابقتش تشوف حد غيره لما يجى عصام يقولها بحبك طبيعى ترفض الفكره وتتمسك با إلا قلبها دق له .. الانسان يا محمد بيبقى مغيب وهو بيحب مهما تقنعه بيسمع لقلبه ويرفض إلا حواليه
محمد : إحنا عيله قادره
أميره زعقت : ولد عيب
محمد : هههههه مش قصدى .. قصدى إن عصام لو عايز حاجه بيعملها حتى لو الكل رافض كانت خدت فوق دماغها وأتجوزته وبعد الجواز ها يجى الحب
أميره تنحت : يا سلام .. يتجوزها  وهو عارف انها على علاقه بغيره .. وبعد الجواز يتقلب حب عصام لكار.ثه .. من غيره .. وشك .. وإهانه لها أنت شايف إن كدا حاجه كويسه
محمد بعصبيه : يعنى كويس أدبس أنا
أميره هزت راسها : نعم
محمد بصلها : هااا .. ولا حاجه
أميره قعدت قدامه : وبعدين ساميه لوحدها ماكنتش المشكله .. انا وباباك كنا رافضين  رافض تام وقاطع .. وعزت كل ما يشوف ساميه يأكد لها إنه عمها وولاده إخواتها عشان ماتتعلقش بحد فيكو ودا كبر جواها الإحساس إنكو إخوات وبس
محمد هز راسه وخد جزره قطمها  : أهاااا .. كنتو عاملين مؤامره على الواد والبت .. تغسلو مخ ساميه أم مخ تخين ..وتقفلو الطريق على المسكين إلا دفع التمن من حياته هو لوحده ..
أميره ؛ كنت عايزنا نعمل إيه يجيب اطفال مشوهه
محمد : أنتو دخلتو علم الغيب
أميره : لا طبعااا كله بإيد ربنا .. بس ربنا قالك إعقلها وتوكل
محمد : ياماما فى تحاليل بتبين كل دا دلوقت
أميره : عارفه إن فى دلوقت بس فى وقت ما أخوك كان عايز يتجوزها ماكنش فى حاجه زى كدا التطورات بتحصل اليومين دول كان صعب نفكر انها تحصل
محمد : ليه يعنى هو عايز  يتجوزها من امتى
أميره : من ٧ سنين
محمد : كان فى بس فعلا مش زى دلوقت كان الموضوع معقد شويه
أميره : معقد وهايتعقد .. اسكت يا محمد إلا حصل حصل والحمد لله مش هانقعد نندب على إلا فات مفيش فى إيدينا نرجعه .. الحمد لله إنهم بخير الاتنين ودا الأهم
محمد قام وبيكمل أكل الجزره ؛ طب يا ميرو أسيبك أنا فى وسط حللك ومغارفك وأروح انا فى وسط الورق والقضايا
أميره : ما حكتليش عملت ايه مع أدهم
محمد وهو ماشى : طردنى وقالى مش عايز أشوف وشك تانى
أميره : هههههههههه بجد
محمد : اه والله مش بقولك عيله عيارها فلت مش لاقيه حد يلمها
جرى من قدامها قبل ما المعلقه ترشق فيه وهو بيضحك بصوت عالى
أميره : ماشى يا محمد لما يجى أبوك ها اشوف لسانك الطويل دا على مين
محمد : قلبك أبيض يا ميرو ليطردنى هو كمان ها اقعد فى الشارع وافضحكم
أميره هزت راسها وهى بتضحك من قلبها .. محمد فظيع على رأى أبوه كل ما يكلمه يقوله أنت عندك ربع ضا.رب
**
تاليا نزلت هى ورامز ومعاها الدهب بتلف على صايغ وبتسئل عن حد عنده ضمير .. فعلا وصلت لواحد وواقفه جوا المحل لسا بتتكلم أتفاجئت با إلا بيقولها بتعملى إيه لفت بخضه : ذكريا
رامز باصص له وحس بالخوف للحظات شكله يخض وشكله بيقول حد مهم بص لتاليا : مين دا
تاليا بصاله ولسا ها تتكلم ذكريا كلمها برسميه شديده : تعالى معايا عايزك
تاليا بصت لرامز : رامز خمس دقايق مش ها أتاخر عليك
رامز مسك ايديها : مين دا
تاليا : دا صاحب جوزى بعد اذنك خرجت معاه ووقفت ربعت ايديها .. أفندم فى إيه يا ذكريا أنا مش ها أخلص من حصاركم ليا
ذكريا : لاء مش ها تخلصى صاحبى قالى عينك عليها خلاص عيونى هاتبقى عليكى بتعملى ايه ودهب مين إلا بتبعيه هنا
تاليا : دهبى
ذكريا : بتبيعى دهبك ليه أدم سايبلك إلا يكفيكى وبزياده كمان
تاليا بعند : بقولك إيه انا قولتلك مش عايزا حاجه من فلوسه ها اجهزهالك وخدها إديهالو مطرح مايكون
ذكريا : لما يرجع جوزك قوليله إلا أنتى عايزاه ودلوقتى خدى حاجتك وروحى وبلاش الثقه الزياده فى إخواتك
تاليا بنظرات غريبه  : أنت غريب زيه .. عايزنى اثق فى مين لو مش ها أثق فى إخواتى فى جوزى إلا كل ساعه والتانيه يرمينى ويجرى من غير ما يقولى حاجه كأنى قفص جوافه وخاطب وبيحب البيه قرب يدخل قفص الزوجيه عشان يصوصو للهانم
ذكريا أبتسم : جوافة ايه ورمان ايه يا تاليا قولتلك دى ظروف شغل وإحمدى ربنا انى هنا وقادر أتابعك .. ها أقولك تانى  غصب عنه مش بمزاجه
تاليا : ماشى يا ذكريا سيبنى فى حالى بقى وكفايه حصار عليا
ذكريا : مفيش الكلام دا .. مش هاتعملى حاجه أنا مش على علم بيها ويكون فى معلومك هاتنفذى كلامى حتى لو كان غصب عنك
تاليا : يا سلام
ذكريا : تاليا أنتى أنسانه مخك اكبر من إلا شايفه دلوقت
تاليا بعصبيه : صاحبك السبب
ذكريا : تمام .. نستحمل لحد مايرجع وبعدين المفروض إخواتك فاهمين إنك مسافره
تاليا : ماتخافش انا قولتله انى كنت  مسافره فعلا ورجعت ومسافره تانى
ذكريا أتنهد : تمام .. أتفقى معاه على يوم سافرك يجى  يودعك ويوصلك للمطار
تاليا برقت : نعم
ذكريا : أعملى إلا بقولك عليه وبلغينى بالمعاد عشان يتاكد انك برا مصر
تاليا شاورت : طيب ماشى بس لازم أدخل جوا عشان أبيع الدهب ضرورى
ذكريا : ليه
تاليا : ذكريا اخواتى لهم فى الدهب دا ريحنى زى مابتأمرنى أعمل كل حاجه فى صمت أعملى إلا أنا عايزاه وها افهمك بعدين .. اخويا ها يبتدى يقلق كدا
ذكريا : خوديه واطلعى  برا وانا ها أبيعهولك بأعلى سعر له
تاليا هزت راسها : ماشى شكرا يا ذكريا
ذكريا ضرب ايده على رجله الاتنين : على إيه يا تالياااا خليكى مدوخانى أنتى والبيه سايب شغلى وبجرى وراكى
تاليا بحمقه : قوله هو
ذكريا هز راسه : حاضر ها أقوله دانا ها أطلع عيونه بس أشوفه صدقينى انتى هاتكونى السبب فى علقه محترمه له
تاليا أبتسمت : طلعها بس مش قوى ولما تضر.به أضر.به براحه
ذكريا ابتسم هو كمان : يا سلام على الحب
تاليا : أنا بكرهه على فكره
ذكريا نطر ايده : يا شيخه أجرى بلا بكرهه بلا بتنجان .. دخل معاها جوا ابتسم وسلم على رامز وعرفه على نفسه وتاليا قالتله تعالى معايا عايزاك .. لحظات وكان ذكريا خارج ومعاه الفلوس ناولهم لتاليا .. اتفضلى
تاليا هزت راسها وخدتهم : شكرا يا ذكرياااا والحمد لله إنى شفتك إنهارده .. أستأذن ومشى
رامز مركز معاه بص لتاليا : ياله هانفضل واقفين
تاليا : ياله يا حبيبى .. مشيت معاه وقسمت الفلوس فى العربيه .. كدا القسمه شرعى
رامز ببتسامه : الحمد لله جولى فى وقتهم
تاليا : خلى بالك على فلوسك وبطل تصرف وبس يا رامز
رامز هز راسه : حاضر والله ياتاليا لازم فعلا اخد بالى كفايه الواحد مش ضامن يبقى معاه جنيه ولا يدخله فلوس من مكان تانى
تاليا : ربنا يوسع رزقك يا حبيبى
رامز أبتسم : يارب .. تاليا هو صاحب جوزك عرف إنك موجوده هنا ازاى
تاليا ابتسمت : ولا عرف ولا حاجه هو جاى ياخد هديه لمراته فاشافنى خدنى برا بيعرف أنت مين وجايه ليه محل الدهب  عشان لو ها أشترى دهب  يعملى تخفيض
رامز هز راسه : اه أصل  اتخضيت شكله حد مهم
تاليا نطرت ايديها : سيبك سيبك اصلا المجتمع دا بيحب يقدم خدماته ويحسسك ان قلبهم عليك مجاملات المهم أنا أتفاجئت بأدم باعتلى رساله وقالى مش هايقدر ينزل وأجهز ورقى وأسافرله
رامز بصلها : على طول كدا يا تاليا طب أصبرى حبه انا ها اجيلك أطمن عليكى من وقت للتانى
تاليا : غصب عنى يا رامز .. أبتسمت إيه رأيك تجيلى ليلة ما أسافر تبات معايا وتانى يوم توصلنى المطار
رامز بحيره : ها أشوف حاضر .. تاليا خلى بالك من نفسك ولو فى حاجه كلمينى
تاليا أبتسمت : حاضر يا حبيبى
**
راندا  بتتمشى فى النادى ومعاها مضرب التنس لابسه لبسه وعيونها بتلف يمين و شمال .. شافت هدى بتشاور لها : تعالى
أقعدى معانا شويه
راندا ابتسمت قربت عليهم ميلت بجسمها وبدلع : عمور اخيرا شفتك فى النادى انت ومنى
عمرو : اهلا يا راندا أتفضلى
منى : طب سلمى على البنات الاول
راندا ضحكت بصوت عالى وقعدت : لا أنتو على طول فى وشى إنما عمرو صدف لما بشوفه هو وأدم
عمرو أبتسم : مشاغل فاكره إننا ناس فاضيه زيكم
راندا رفعت حاجب ببتسامه : مشاغل وإلا بتلعبو بديلكم
عمرو بص لمنى وغمز لها : حبيبتى واخدانى من غير ديل
راندا ضحكت : إيه دا يا منى لا طلعتى مسيطره
هدى : إمال فاكره إيه الدور والباقى عليكى أدم واخد راحة راحته
راندا نطرت إيديها : لااااااا .. أدم مش واخد راحته ولا حاجه وبعدين بين إيده راندا صالح ويبص لبرا ما اعتقدش فى واحده تملى عيونه من بعدى
منى : وناوين على أمتى
راندا حطت رجل على رجل وبتهزها : بابى قرر نتجوز أول ما ينزل قالى ملوش لازمه نضيع وقت أدم محتجالك
منى بصت لعمرو : بصراحه يا راندا انا مع بابكى الجواز والعيله أحلى بكتير من الوحده
راندا بصاله بصه غريبه : بجد اتحمس يعنى
عمرو : إتحمسى يا ستى الحماس ببلاش  أنتى هاتتجوزى جوهره
منى ضحكت : ومين يشهد للعروسه
هدى قامت واتكلمت بعصبيه : أنا راحه أجيب كابتشينو حد عايز حاجه
راندا قامت : أستنى ها اتمشى معاكى .. شاورت لمنى وعمرو ..باى مؤقتا
منى : باى .. هدى هاتيلى قهوه باللبن
هدى هزت راسها : ماشى عايز حاجه ياعمرو
عمرو : شاى مظبوط
الاتنين مشيو من قدامهم ومنى بصت لعمرو : هو فعلا أدم ها ينزل يتجوزها زى ما بتقول 
عمرو مد شفايفه : والله ماعرف مش معقول أدم ها يتجوز من غير ما يقولى
هدى : عمرو ريحنى وقولى تاليا وضعها إيه مع أدم مش معقول يكون بيلعب بالاتنين بس الأكيد إلا ها يتظلم تاليا راندا بنت راجل مهم له وزنه إنما هى قريبته زى مابتقول وإلا إيه
عمرو خد نفس ونفخ بصوت عالى : أنتو رغاين ليه .. الراجل حر يعمل إلا يعمله أدام مش دايس لكم على طرف .. وبعدين يا منى أنا واثق إن ادم مش ها يظلم حد
منى : يعنى فى حوار
عمرو : مش ملاحظه إنك بقيتى شبه هدى فى راخامتها
منى : على فكره أنا ما بتراخمش أنت خايف تقولى بتخبى عليا فاكر إنى ها اجرى اقول لأختى واختى هاتقول لراندا صح كدا
عمرو : منى إعدلى حمزه وإديلو الرضعه أتكلمى فى موضوع تانى يخصنا من فضلك
منى بزعل : ماشى ياعمرو براحتك
عمرو : إتقمصى وعكننى علينا بقى
منى : ولا ها أتقمص ولا ها اعكنن عليك سيبنى أدى الرضعه لحمزه جعان
عمرو هز راسه : تمام قام وقف
منى بصتله  : رايح فين
عمرو : رايح الجيم هاتى هدومى
منى : مانت ماكنش ليك مزاج
عمرو بعصبيه خفيفه : بقى ليا مزاج هاتى يامنى خلصى
منى شالت الشنطه : اتفضل شنطتك
عمرو مد إيده خدها ومشى  من قدامها اوبس  .. لف وبيشاور أنا أس.... فضل واقف باصص ناحية الشاب إلا خبطه  وساكت
الشاب أبتسم : ماتكمل طريقك وإلا شفت بعبع
عمرو شاور : لا مش ها أكمل عجبانى الحته دى عندك مانع
الشاب قرب عليه وبضحكه سمجه : كان نفسى يبقى عندى مانع عشان  اشلفط وشك أنت وصاحبك
أكيد ها أبقى مبسوطه بتفاعلكم ورأيكم ورفع الحلقه عشان توصل لغيركم وشكرا
❤❤🧡🧡🧡🧡💛💛💛
بقلم : لبنى طارق

💚💚💙💙💜💜💜💜