صقور الظلام ٩
*************
اللهم إني أسألك صدق التوكل عليك وحسن الظن بك.. اللهم اهدني ثم اهدني ثم اهدني ثم خذني إليك.
اللهم أحسن خُلقي فأحسن خلقي.. اللهم اقذف في قلبي رجاءك واقطع رجائي عمن سواك حتى لا أرجو أحدا غيرك.
اللهم إني أسألك إيمانا دائما، وأسألك قلبا خاشعا، وأسألك علما نافعا، وأسألك يقينا صادقا، وأسألك دينا قيما، وأسألك العافية من كل بلية، وأسألك تمام العافية، وأسألك دوام العافية، وأسألك الشكر على العافية وأسألك الغنى عن الناس.
بسم الله الذي لا يضر مع اسمه شيء في الأرض ولا في السماء وهو السميع العليم
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡💛💛💛💚💚💙💙💜💜💜💜💚💚💚
غمض عيونه وأستسلم للنوم أخيراااا صحى على خبط وصوت باكى : أدم إلحقنى
أدم أتعدل وفتح الباب بسرعه وبتوتر : فى إيه مالك
تاليا بعياط : إلحقنى أنا عملت مصيبه
أدم نفخ : يا فتاح يا عليم يا رزق ياكريم مصيبة ايه الا هببتيها على الصبح الناس بتقول صباح الخير وانتى بتقولى يا صباح المصايب
تاليا بتهز راسها : والله ما أقصد يا أدم أنا قولت أشرب من القله إلا حاطتها فى البلكونه عجبتنى ميتها فاحطتها على أخر السور جامبى عادى يعنى
أدم لف ايده على بعض : إنجزى عملتى ايه نزلت على راس حد فتحته وإلا أتكل على الله
تاليا : يارررريت وعيطت جااامد
أدم بنفاذ صبر : بطلى زن وقولى عملتى إيه
تاليا بصتله وأتكلمت بعصبيه : فى واحد غبى راكن عربيته مكان مانا حطيت القله فاوقعت غصب عنى نزلت عليها وسمعت تششش كبيره قوى حاجه انفجرت تحت الغطا بتاعها مش عارفه ايه أو إيه ذنبى قولى .. شاورت على نفسها .. انا عطشانه هو يركنها تحت ليه
أدم جز على سنانه : يعنى هو إلا غبى
تاليا هزت راسها بتأكيد واتكلمت بتأثر : أيوا غبى هو مش عارف ان فى قله يبقى غبى نشرب ازاى وهو راكنها تحت البلكونه
أدم بعصبيه : هو راكنها فى بوئك حرام عليكى انتى عارفه قزازها بكام دلوقت مد ايده لقدام .. ماشيه زى الصاروخ فى الخاسير مش كدا ياماما مش كدا
تاليا تنحت وقالت بصوت هامس وبتشاور عليه : هو أنت
أدم هز راسه ومبتسم بإصطناع : الغبى .. باعدها بإيده وسعى أنزل اشوف هببتى ايه فتح الباب وبينزل لقائها نازله وراه .. هششش على فوق
تاليا بعياط : مش هاتعرف تهشنى لازم أطمن على القله ليكون جرالها حاجه هى كمان وتزعل منى أكتر ماهو مش العربيه والقله فى يوم واحد
أدم تنح وباصص لها مبرق وعاد الكلمه اكتر من مره : القله يا تاليا القله .. ياشيخه حرام عليكى ونزل جرى وهى جابت المفتاح من ورا الباب وقفلته ونزلت وراه واقفه عند البوابه مطلعه راسها بتبص عليه بعيونها وهو بيشيل القله بصلها وضحك .. أطمنى .. بيهز إيده بيها .. انها سليمه منك لله
تاليا جريت خدتها منه وبفرحه : بجد كنت عارفه انها قله بنت حلال دى بتسقع الميه قوى ولما تشرب فعلا بتروى عطشك حتى دوق وبتمد ايديها
أدم قرب وشه منها و بغل : عارفه نفسى أعمل فيكى ايه دلوقت
تاليا بخوف : إيه
أدم : أكلك علقه واعلقك فى البلكونه عبره او احطك مكان القله وفى الراحه والجايه أشرب من دمك .. شد الغطا وشاله لقى القزاز ميت حته
تاليا بصاله وقربت منه وهى حاضنه القله وبصعبانيه : ياحرام دى دشدشته
أدم بتريقه : لاء دى بتصبح عليه بس برق .. اطلعى فوق سيبينى فى حالى
تاليا : لا يا أدم أنا مش ها أسيبك فى محنتك شوف القزاز بكام وانا ها اتكفل بيه برغم ان القله السبب والله نطت قزحت قزح ملحقتش أمسكها
أدم هز راسه ومط شفايفه : يعنى انتى هاتعملى القزاز على حسابك انا ما بعملش حاجه برا التوكيل
تاليا هزت راسها : ايوا غلطى وها أتحمله
أدم ميل راسه : ماشى ايدك على خمس تلاف
تاليا شهقت : لييييه بقى قله بخمسه جنيه ادفع عليها خمس تلاف هو فى قزاز بخمس تلاف أصلا فوق دانا عندى عربيه
أدم أبتسم : عايزا تدفعى كام
تاليا همست : ٥٠٠ جنيه وها اقسطهم هههههههه
ادم هز راسه بتعجب : نعم
تاليا أتعدلت وبثقه : حقى ٥٠٠ وها أقسطهم عشان صرفت مرتبى ومابروحش المدرسه أصلااا اجيب منين يعنى بس لايمكن اقبل مطلقاااا ان غيرى يدفعلى حاجه أنا السبب فيها
أدم زقها : أمشى اطلعى فوق
تاليا رجعت تانى وبصعبانبه : ماتحسسنيش بالذنب انا ها ادفعهملك بس هاتلى ورق يثبت كلامك من التوكيل وهات وصلات أمانه معاك وانا امضيلك يجى ٥٠ وصل وأمرى لله
ادم : وصلات وتمضى خمسين وصل .. زقها تانى بقولك اطلعى بدال ما أشيلك أزقلك فى البلكونه زعق .. أمشى
تاليا طلعت جرررى وهى بتعيط بجد وكل تفكيرها هاتجيبله المبلغ دا منين .. فضلت قاعده لحد ما طلع وأول ما شافته .. أنا أسفه والله ما أقصد فلوس القزاز ها اجيبهالك انا مش بهزر
أدم هز راسه : خلاص يا تاليا فداكى بس خدى بالك المره الجايه من نفسك ومن افعالك ماتبقيش متهوره
تاليا : انت إلا متهور بتجيب قله ليييه
ادم ضرب على رجله بنفاذ صبر : على رأيك متهور بجيب قله عشان متهور .. عايزا حاجه اجيبهالك من تحت
تاليا هزت راسها بنفى : لاء انا عايزا أمشى ارجوك كلم عصام يجيبلى عربيتى وحاجتى
أدم : جاى بكرا هو كلمنى وقالى الصبح هايكون عندى
تاليا سكتت بس دموعها بتنزل
أدم أتنهد : بطلى عياط انتى بتعيطى كتير جدا على أى حاجه
تاليا : منا مابعرفش أعبر غير كدا هو متنفسى الوحيد
أدم : لا يا تاليا كدا بتقتلى نفسك بالبطئ بدمرى جسمك من جوا العياط مش حل لمشاكلك أبدا قومى انا مسامحك وماتزعليش لو دايقتك أصلى مابحبش حد يقومنى على حاجه تخضنى اعملى إلا انتى عايزاه وبلغينى وانا فايق وأنا نايم لاء
تاليا هزت راسها بتأكيد : حاضر
أدم بهزار : يادى النصيبه انتى لسا هاتعملى حاجه تانى
تاليا أبتسمت : ها أحاول ما أعملش فى وجودك
أدم نفض ايده : لا فى وجودى ولا غيره ..
تاليا : أنت مش هاتفطر
أدم هز راسه بنفى : لاء افطرى انتى وخدى علاجك عامله ايه دلوقت
تاليا : الحمد لله احسن من إمبارح بكتير بس انت بتتكلم بجد القزاز بخمس تلاف
أدم هز راسه بنفى : لا طبعا بس فى التوكيل عمتااا بيستغلو وبتدفعى ضعفين برا وانا بحب احافظ على حاجتى ما بجاذفش إنى اعملها فى أى مكان غير التوكيل بتاعها .. بعد إذنك .. دخل لبس وطلع لقائها قاعده زى ماهى .. ماقومتيش جهزتى فطار ليه
تاليا : ها أستنى لما ترجع نفطر مع بعض
أدم أبتسم : مش ها أتاخر عليكى ان شاء الله .. فونه رن وكانت راندا بص للفون وبص لتاليا وأنسحب لسا ها يقفل الباب
تاليا : سلملى عليها أوعى تنسى قولها اليوم الحلو بيبان من أوله
أدم ضحك بصوت عالى : عنيا يا حاضر يا وزيرة المخابرات النسائيه .. قفل الباب ونزل ومبسوط ان عندها قوة ملاحظه وغيره مسيطره تماما على دماغها بس بتكابر ..
******
لميس باصه لجوزها وبتتكلم بديقه : أنت ما قولتليش بردو رايح فين دلوقت العيال فى المدرسه وانا قاعده لوحدى يامجدى ماتخليك معايا مابنصدق نقعد لوحدنا شويه ورايقين
مجدى قلب وشه : وانتى الصادقه قاعده تخططى لأختك ياشيخه أتقى ربنا انا مابقتش طايق البيت بسببك وبسبب إخواتك عندى أترمى على القهاوى برا ولا أسمعك بتتقفى كل ساعه والتانيه على المسكينه إلا واقعه وسطكم
لميس بحده : انا مش عارفه انت محموق عليها ليه أنت مالك دى أختى وانا حره فيها
مجدى زعق : لاء مش حره أختك زيها زيك لا من حقك تأزيها ولا تجبريها على حاجه هى مش عايزاها
لميس قربت عليه وعيونها فى عيون جوزها : أنت مالك بردو انا اختها الكبيره وعارفه مصلحتها وإلا أسيبها قدامك تبصبص لها وتملى عيونك منها تشبع بيها وبجمالها مش هو دا إلا أنت عايزه ما خلاص لميس كبرت وتاليا لسا بنت إمبارح وصغيره وحلوه وواكله نفسها من كريمات لدا لدا
مجدى زقها وبشر : أنتى أتهبلتى كرهك لأختك عامى عيونك أنا أبص لعيله لأختى الصغيره لبنت ربنا حرمها علياااا طول مانتى مراتى روحى منك لله
لميس ضحكت بسخريه وبنبره كلها حقد : قول كلام غير دا .. كان ناقص تاخدها على حجرك وهى هنا أخر مره مشكلتك إنك فاكرنى نايمه على ودانى مش واخده بالى منك ومن عيونك إلا لما بتشوفها بترقص وناقص تطلع من مكانها
مجدى قرب عليها وإداها بالقلم ومسكها من قبتها شدها بعنف : لما الكلام الوسخ دا يطلع من أخت على أختها وعلى جوزها يبقى فى حاجه غلط .. تاليا أنا بحن عليها لمجرد انى شايفك بنى ادمه جبروت وإخواتك زيك معاها غيرانين منها عشان ناجحه وعشان طموحه مش قاعده تندب حظها زيكو ومستنيه الورث إلا ها يعيشها فى النعيم .. أنا اخاف يترد فى بنتى إنما أنتى أعوذ بالله منك ومن الساعه إلاوقعت فيكى أروح فين منك
لميس زقته وبجنون : خليك إمدح فيها ومش شايف غيرها .. هى إلا ظالمنا وجايبه حياتنا وار بس أقول إيه مانت راجل وعينك فارغه
مجدى وشه مقلوب ١٨٠ درجه : عارفه لو مفيش تلات عيال فى راقبتى منك كنت راميتك وطلقتك بس انا عامل حساب العيال ربنا يصبرنى عليكى وعلى قرفك طلع ورزع الباب وراه
لميس أتكلمت بمئلته : جاتك واكسه عليك وعلى تاليا فى ساعه واحده أل عيال أل لما تيجى الفلوس هاتفتكر مراتك وتوطى تبوس رجليها لو كنت قولتلك على الفلوس إلا معايا كان زمانك لازق فى البيت ما بتخرجش منه ولما تشوف الملاين هاتنسى نفسك يامجدى وها أردلك كل دا الطاق طاقين قعدت وحطت رجل على رجل وبتهزها أتصلت على ياسين وبتاخد وتدى معاه فى الكلام : أنت غبى يا ياسين مدى القط مفتاح القرار وبتجاريها على عمايلاها بقى انا واخواتى نعرض نفسنا للخطر وتيجى أنت بغبائك تهد دا كله
ياسين ببرود : تاليا بتحبنى بس بتكابر حبتين انا سايبها بس مش زى ما قالت سنه .. شهر والا شهرين بالكتير وها أكون داخل عليها يابنت عمى وبعدين ما انتو خدتو فلوس هى ماخدتش منها مليم أحمر عايزا ايه تانى يثبتلك انى على وعدى
لميس بلجلجه : لاء خدت مين قالك ماخدتش
ياسين ضحك ؛ اخباركو عندى أول بأول يا لميس رامى قالى انك ضربتى على نصيبها فى الفلوس الا خدتوها لما اديهم فلوس تانى ها أسلمها لرامز يقسم قسمة العدل ٢٠٠ الف ما خدتش جنيه منهم
لميس : يعنى دا جزائى انى ما بقولش ولا بشوه صورتها .. تاليا طماعه فوق ما تتخيل بتكره الخير لأى حد مهما كان وبتتعمد تشوه صورتى والكلام دا من زمان كان ممكن تتصل على اخواتها وتقولهم ان حقى وصلنى من لميس بس خلينى مظلومه بينكم كلكم وبعدين ريحنا من القصه دى بقى ورانا بيت وعيال ومسؤليه
ياسين : فى ايدى ايه تانى أعمله
لميس : اسمع كلامى وسيبك من الاغبيا اخواتى خدها غصب مش هاتيجى غير كدا
ياسين بيردد الكلمه : غصب .. أما أشوف سلام دلوقت .. قفل لقى أبوه وراه مسكه من قبته : انا قولتلك أبعد عن الجوازه الشوئم دى البت دى هاتدخل دارنا تخربه هى فاكره ان لها حق عندى ماتفهم يابن الغبيه ده مالى وانا إلا تعبت فيه وكبرته
ياسين بعصبيه : انا هاويها ولايمكن افرط فى لحمى بحبها وعايزها
عبدالعزيز بتحذير : ها أتبرى منك واحرمك من كل جنيه بعد موتى
ياسين : مش مهم المهم أبقى لتاليا وتاليا لياااا انت بتكرها ليه كدا بدال ماتقولى روح لم لحمك المفرط ليعف عليه غيرك بتحاربنى أنى عشان بحافظلك عليها
عبدالعزيز : لحمك المفرط دا ها يجيب أجلك وأجلى وأجل الدار دى ياغبى
ياسين بإستغراب : انت بتخاف من تاليا أكتر من اخواتها ليه كدا بقيت حاسس انها بعبع من كتر خوفكم كلكم
عبدالعزيز زعق : عشان المشكله كلها فى زفته .. سكت وزق إبنه .. أطلع برا مش عايز أشوف وشك دلوقت . أطلع
ياسين : يابا أسمعنى
عبدالعزيز : غور داهيه تاخدك انت وامك واخواتك بربى فى شوية بهايم .. فضل لوحده يخبط كف على كف .. ها يضيعلى كل إلا عملته الغبى داهو ياولاه .. اعمل ايه والا أروح فين منه اطرده شر طرده واشرده فى الشوارع .. لو لزم الأمر ها أعملها يمكن يحط العقل فى راسه ماهو مش تعب السنين دى كلولتها هايضيع على إيده
*****
ساميه واقفه فى شباك الأوضه عيونها على البحر سرحانه فيه وفى جماله وحجمه سبحان من خلق وصور وأبدع .. أمواج فوق أمواج صوتها وهى بتتلاطم فى بعض كأنك سامع مزيكا ربانيه بتهدى أعصابك مش بتثيرها أبدا بتشدك لدنيا واسعه كلها براح جواك وتدريج لون الميه وزراقنها حاجه كدا تخطف العيون من مكانها .. خدت نفس عميق من الهوا إلا بيداعب وشها ومطير شعرها فى كل أتجاه وغمضت عيونها لحظات شافت صورة على جوزها ففتحت عيونها من تانى اتنهدت بصوت مسموع و دخلت لبست و خارجه من الشاليه بتاعها
عصام شافها وهى خارجه نده عليها : ساميه ..راحه فين
ساميه بزهق : ها أتمشى شويه وجايه
استغرب انها تجاهلته فشاور : أستنى جرى كام خطوه راح لها قالت له تعالى نقعد على البحر شويه قعدت وهو قعد جمبها وبعد ما قلبت كلامه بخصوص تاليا وادم وما اقتنعتش بالمره فابتحقق معاه بعد صمت دام كتير بينهم : أنت مش عايز تقولى فى إيه ليييه المجنونه دى بتختفى فجأه والغريبه ان صاحبك مجنون زيها اوعى يكون خاطفها يا عصام وأنت بتغطى عليه
عصام بينفخ بيطلع نار من كل حته : يالهووووى من إمبارح نازله رغى رغى فى الموضوع دا .. إفصلى يا ساميه إفصلى قولتلك هى إلا مشيت بمزاجها
ساميه : طب ازاى وحاجتها هناااا حتى التليفون محدش بيسيب تليفونه عادى كدا .. لاء أنا مش مقتنعه انا ها ابلغ عنك انت و ادم مديرة الأمن وهى تشوف شغلها
عصام : هههههههه تصدقى انا اكتشفت انك متخلفه
ساميه رفعت راسها وبتحذير : عصام لن اسمح لك بإهانتى
عصام : إهانتك دانتى مطلعه عين أمى من اللحظه إلا جيت وقولت اغير جو معاكو انتى لو واحد صاحبى ها اطخك عيارين انا عرفت على هربان من إيه
ساميه قلبت وشها : من إيه ان شاء الله
عصام : من جحيم يا ساميه يا سااااتر ..
قلع التيشرا ورماه جمبها ودخل الميه وهى بتنادى بعياط مصطنع : لاء يا عصام أوعى تنتحر قبل ماتقولى تاوت تاليا فين انت وصاحبك وبتنادى .. عصاااام ..
عصام بص وراه وتنح هى ساميه اتجننت بجد .. فضل يعوم لفتره طويله رايح جاى قدامها وهى بتتخيل لو دا على .. هى بتتكلم عليه بصوره كويسه بتخاف ولاد عمها يتغابو عليه بس هو معيشها فى جحيم الخلفه والمعايره وسفره الكتير لأمه فى القاهره غير انها إلا بتصرف ومتكفله بنفسها طول الوقت وتقريبا أكله وشربه وسفره من جيبها يعنى بتصرف عليه .. ايه دور على فى حياتها ... اتنهدت وقالت بكرا إن شاء الله ربنا يرزقنى بالخلفه وهو يتعدل معايا كانت فرحانه ومبسوطه ان يوم شبكة ادم لفتت نظره من جديد وغيران عليها لما شافها حلوه رجعت صغيره مرغوب فيها من تانى حست بأمل كبير العلاقه تتغير وتاخد منحنى هى بتتمناه معاه يرجع على إلا حبيته واتجوزته وهى فى قمة سعادتها .. عصام طلع وقعد جمب ساميه بينهج مسك التيشرت لبسه
ساميه : استنى لما جسمك ينشف
عصام : مش مهم
ساميه : انت متخانق مع هايدى
عصام هز راسه بنفى : لاء
ساميه : بجد قولى لو فى حاجه اصلح بينكم لو موافق انا فى الحاجات دى عاقله
عصام عمل حركه ضحكتها : هئ ست العاقلين كمان دانا حافظك .. بصلها وغير الموضوع .. ساميه انتى ما بتخافيش من قعدتك الكتير معايا
ساميه هزت راسها : لاء وايه الجديد ماطول عمرنا كدا وإلا انت او هايدى بتضايق دلوقت قول ما تخبيش أنا مش ها ازعل
عصام نطر ايده : لسا قايلك إمبارح إلا تقول حاجه عليكى ملهاش مكان فى بيتى انا عمرى ما اسمح لحد يهد علاقتنا أبدا مهما حصل انا مربيكى من وانا عندى ٧ سنين شايلك رايح جاى لما قطمتى وسطى كلهم يبقو نايمين وانا قاعد اعمل راضعه عشان الهانم ام جعوره تتخمد أو تسكت زى ما مامتك علمتنى عشان هى كمان تنام شويه بيت العيله كان مخلينا واحد يا ساميه وانا كنت شبه لاجئ عندكم لما حضرتك شرفتى برغم مشاكل بيت العيله بس الأطفال فى حته تانيه خالص أبعد مايكون عن خلافات الكبار اه انا مش قادر اطلع دا من جوايا بس ما انكرش إن عندى ثوابت بتخطاها معاكى ودا نفسيا تعابنى وبيأنب ضميرى طول الوقت عشان لو أنا جوزك وابن عمك بيعمل معاكى كدا ها أشقه نصين بحس جوزك بارد وتنح
ساميه بتسمع وهى مبتسمه وتجاوزت كلامه على جوزها ورأيه فيه : إيه الثوابت دى
عصام قام : إنك تقومى وكفايه كدا عشان كبرنا خلاص والا كان ينفع زمان ما ينفعش دلوقت .. ياله ومدهاش فرصه لأى كلام ومشى وهى قامت مشيت وراه من سكات .. عدى وقت كبير جدا وبعد كلامهم مع بعض عصام تجنب ساميه وسايبها طول الوقت ومختفى عن نظرها تماما ..
اميره بصت لعزت : حبيبى ممكن أقوم شويه زهقت من القاعده
عزت شاور : خدى ساميه بدال ماهى قاعده ساكته معانا من الصبح
أميره أبتسمت : ساميه تعالى يا حبيبتى نتمشى على البحر
ساميه ببتسامه : حاضر بس فين عصام
أميره : عايزاه فى حاجه
ساميه بتأكيد : ايوا تليفون تاليا ما بطلش رن ومش عارفه أقفله لازم الباسورد او البصمه
أميره : طب وعصام ها يعملك ايه
ساميه : يروحنى ونودى لها حاجتها
أميره مسكت ايديها : كدا كدا ماشين بكرا ان شاء الله ماتستعجليش .. بصتلها جااامد .. بس انتى فى حاجه مدايقاكى
ساميه هزت راسها بنفى وبتتمشى على الشط معاها : لاء مفيش
أميره : هاتخبى على ميرو حبيبتك
ساميه بزعل : اصل ماما كلمتنى وزعلنا انا وهى من بعض .. بتقولى روحى اكشفى عند دكتور عدل بقولها هو انا قصرت ياماما .. تقولى ااااه مقصره وماشيه ورا على جوزك إلا هايغرقك الكل شايف على وحش ليييه مش عارفه
أميره بحيره : انا مقدرش احكم على حياتك بس انتى شايفه ايه
ساميه : شايفه انه طيب يا طنط أميره وغلبان بس فعلا المشكله بينا هى الخلفه وتأخيرها
أميره : أنا مش شايفه سنتين تأخير أبدا عادى جدااا وبعدين على بيسافر كتير لولدته يعنى ممكن الوقت إلا بيحصل فيه علاقه ميبقاش مناسب للخلفه ودا سبب التأخير أو أنتى نفسيا مش مؤهله لدا عشان الدكتور اكد ان مفيش مانع
ساميه أنفجرت فى العياط وأترمت على كتفها : أنا تعبانه يا طنط أميره قوى ومحدش حاسس بيا عشان بهزر وأضحك يمكن الوحيد الا بحس إنه ما أتغيرش معايا عصام كلهم اتغيرو حتى ماما وبابا وعلى وأمه طنط سميره واخته كلهم كلهم
أميره اتنهدت ومسدت عليها : بس يا حبيبتى ماتزعليش نفسك أمك وأبوكى رد فعلهم مجرد خوف بنت وحيده وعايزين يفرحو بيها .. اتكلمت بهزار طب انا أعمل ايه الأربعه مريحين جمبى فى البيت محدش فيهم عايز يأسس حياه والعمر بيسرق أجمل لحظاتهم وعصام مجننى دى رابع خطوبه له يطلع فيها القطط ويسيب البنت إلا خاطبها ومش بعيد يكون عمل كدا مع هايدى .. كل أب وأم فى حاجه بتخوفهم يا ساميه .. كل أب وأم عندهم نقطة ضعف تجاه ولادهم
ساميه اتعدلت مسحت دموعها وأبتسمت : إن شاء الله هاتفرحى بعصام وهايدى قريب وأهو يفتح نفس إخواته للجواز أنا ها أبقى مبسوطه وانا شايفاه فى الكوشه وبيأسس عيله وبيت
أميره ضحكت : يارب بس الوحيد إلا اتفتحت نفسه للجواز سامى و تاليا سدتها
ساميه بتردد : عارفه يا طنط أميره تاليا دى أكتر واحده بتعانى فى الدنيااا بس اوعدينى يبقى الكلام دا سر بينا عشان مش عايزاكى تشوفيها وحشه فى يوم من الأيام
أميره بتوجس : تعرفى ان طول الوقت حاسه ان وراها حكايه قولى ما تقلقيش على الأقل لو بتعكو أعرف اوجهكو صح
ساميه حكت كل حاجه لها ورفعت كتافها : وبس كدا شفتى ممكن تكون الدنيا جايه علينا قوى ومحدش حاسس
أميره أبتسمت ومدت فى الكلمه : اااااه .. عشان كدا .. تعرفى مين لاحظ الموضوع دا .. الرجاله دول عفاريت بردو
ساميه : مين
أميره : عمك عزت قالى الواد أدم يا أميره عيونه هاتطلع على البنت وهى زيه فى حاجه بينهم .. بس هاتعمل ايه فى خطوبتها وهو هايعمل ايه فى الشبكه المأندله إلا دبس فيها نفسه
ساميه : أصلا هو نهى كل حاجه قبل ماتبتدى على رأى تالياااا ربنا معاها فى حوار ابن عمها دا
أميره ضحكت من قلبها : تفتكرى خطفها يابت يا ساميه
ساميه بضحكه : والله قولت زيك بس عصام مش عايز يريحنى عصام طلع بير غويط قوى وانا إلا فاكره انى أعرف عنه كل حاجه طلعت ماعرفش أى حاجه خالص
أميره رفعت إيديها : لاااااااا أنسى كنت أنا عرفت كل حاجه عن عمك .. شغلهم بيعلمهم ازاى يخبو ويلفو ويدورو على إلا قدامهم لو لازم الأمر وأنا مع الوقت اتعلمت اسمع إلا عايز يقوله وبس وأقول رأى ووجهة نظرى بأدب
عصام حط ايده على كتف اميره خضها وأبتسم : مين الا بيلف ويدور ياجميل ورأى ايه بتقطعو فى فروة مين
ساميه هبت فى وشه وهو رجع براسه لورا : أنت .. عامل زى التعبان لما نمسك راسك تلف وتدينا ديلك نمسك ديلك تلف وتدينا راسك مش عايز تقولنا تاليا وادم فين
عصام هز راسه : هو كدا يعنى .. بص لأمه يرضيكى عمايلها طب اقترحى اقص لسانها والا ارميها فى وسط البحر وأقول ما شفتهاش
اميره بضحكه : لا وعلى إيه خلى قلبك ابيض دى بنت عمك بردو يعنى مننا وعلينا
عصام بإعتراض : قلبى مش قادر يتحملها اكتر من كدا
ساميه ديقت عيونها وبصتله : بص يا عصام قدامك مهله ليوم التلات لاء الأربع لو مقولتش مخبى إيه لقد اعذر من أنذر
عصام رفع راسه : ههههههههه هبله
أميره بصتلها : صحيح هبله تلات ايه واربع ايه هاتستنى الأسبوع الجديد ما إحنا نازلين بكرا
ساميه شاورت : دا سيم بينا يا طنط التلات يعنى الساعه تلاته والأربع يعنى الساعه اربعه
أميره : هههههههههه بصت لعصام .. دا بجد
عصام لف ايده على راقبتها : ياماما بقولك هبله ماتاخديش على كلامها .. المهم يا ست الكل تحبى تاكلى ايه انهارده عشان نازل اجيب اكل من برا زهقنا من أكل الأوبن بوفيه يا نطلع ناكل برا مع بعض اختارى
اميره : لاء هات هنا مليش مزاج اخرج عايزا اقعد قدام البحر اى حاجه نفسكو فيها هاتوها وخلاص
عصام بص لساميه نطر راسه : عايزا تاكلى إيه
ساميه تخنت صوتها : عايزا اجى معاك
عصام : لا ياماما لا .. أنتى تفضلى جمب امى لا تروحى يمين ولا شمال
ساميه : مليش دعوه انا مش جايه اقعد جمب امك بصتلها .. اسفه يا طنط اميره
عصام : بصى عارفه لو اتقلبتى قرد مش هاتخرجى معايا عايزا تاكلى إيه إخلصى
ساميه بزعل : مش واكله
عصام سابها ومشى وهو بيقول : عنك ما كلتى
ساميه شهقت : شفتى يا طنط بجد مش واكله من حاجه هو هايجيبها انا بحس انه بيخاف يخرج معايا
أميره اتنهدت بحزن : عادى يا ساميه دا طبع عصام ما بيحبش يلف وواحده مننا معاه .. تعالى نفكر هانطلع صاحبتك من الورطه دى ازاى
ساميه بحماس : ياله يا طنط
*********
ياسين مشى من عند أبوه راح لرامى على طول : بقولك ايه تعالى نروح نجيب تاليا أبويا معصلج وهى مابتردش عليا خالص
رامى شاور : أقعد انت جاى حامى كدا ليييه
ياسين : كداهو يا رامى لازم اروح اجيبها وأكتب عليها دا الصح عشان محدش يقدر يفرقنا عن بعض
رامى : لا يا حلو قبل كتب الكتاب الورق بكل املاكنا يكون هنا تكتب بقى ماتكتبش تاخدها شربه أهم حاجه حقنا وبس
ياسين : وانا عند وعدى كل حاجه هاتكون هنا زى ماقولت لكم
رامى : خلاص بات معايا انهارده وناخد رامز ونروح الصبح عشان ورايا مشوار ضرورى لازم أعمله لشغلى وها اتأخر فيه وتاليا عايزا عصابه مش بشر يتعاملو معاها
ياسين : وانا ها أقعد فين على ما تخلص مشوارك
رامى : على أى قهوه يا ياسين أنت هاتغلب
ياسين : طب ما تسيبنى فى مكتبك الحلو دا وروح انت
رامى أبتسم : لا يا حلو عايز تعلق البنات الا عندى أخاف عليهم من الفتنه
ياسين ضحك وفتح بوئه بقى مترين : إيوا إيوا قول كدا عاملكم رعب عارفين انى لا اقاوم ومفيش واحده تاخد فى إيدى غلوه واحده
رامى بياخده على قد عقله : طبعا طبعا .. قدامى بقى لحد ما أظبط أمورى وأعدى عليك أخدك تمام
ياسين هز راسه : تمام مشى معاه واقرب قهوه من شقة رامى قعد عليها وكل ما يجوع يروح جرى يجيب ساندوتش شاورما .. بص لبتاع القهوه بتعب .. بقولك إيه يا أخ
الشاب : نعم يا بلديتنا
ياسين اتكلم بزنقه : ماتعرفش مكان ادخل فيه بيت الراحه اكمنى مزنوق قوى
الشاب ضحك : ليك حق تتنزق أنت واكل يجى عشر ساندوتشات وشارب خماستشر كوباية شاى
ياسين : بتعد عليا والا ايه
الشاب : لاء حاسس بيك
ياسين هز راسه : بحسب .. اروح فين بطنى هاتنفجر
الشاب : شايف الشارع الا قدامك دا
ياسين : ايوا
الشاب : ادخله الناصيه التانيه هاتلاقى جامع وربنا يفك زنقتك
ياسين قام يجرى زى الأهبل فى الشارع والشاب واقف باصص عليه وبيضحك .. يالهوى بيحدف الساندوتش كأنه لقمه يخربيتك .. لم الحاجات الا على الترابيزه ورجع قهوته يقضى طلبات الزباين ضرب على أورته . دا مدفعش الحساب فضل باصص مكان ما مشى .. زامل .. يا زامل
زامل جاى جرى : نعم ياحمو
حمو : خد الصنيه دى وشوف الزباين ها أشوف حاجه وجاى وجرى راح الجامع دخل الحمامات .. وبيبص فيها لقائها كلها فاضيه ماعدا واحد خبط عليه
واحد من جوا : إيوا طالع اهووو
حمو أبتسم : وانا مستنى يا بلديتنا بس أنجز الريحه صاعبه
ياسين خرج وهو حاطت ايده على بطنه وبيتكلم براحه : يااااه يعيش بيت الراحه .. أبتسم .. أنت اتزنقت أنت كمان
حمو : مزنوق فى حقى عليك ٧٥ حق الشاى الا شربته كله
ياسين : طيب تعالى نخرج من هناا أكمن الريحه صاعبه هو محدش بينضف الجوامع عندكم
حمو : لا فى بس بعيد عنك بقى واحد نضيف بيدخل الجامع وعشره لاء .. المهم حقى خلينى أمشى سايب القهوه لعيل صغير
ياسين : أنا جاى معاك مش ها أسيبك .. خد عشان ترتاح ميت جنيه أهه
حمو ببتسامه : من يد ما نعدمها يا بلديتنا بس أغسلها عشان دماغى دلوقت شغاله فى الحاجات الوحشه والكوخه
ياسين : هههههههههه ضرب على إيده اغسلها فين بذمتك
حمو هز راسه : تعالى .. دخله مكان الوضوء وجاب صابونه ادهالو وغسل ايده ووشه وراسه .. أنت هاتوضى وتصلى
ياسين اتعدل : لاء برطب جسمى هوايا أستحمى الميه ساقعه وحلوه ..
حمو : طب ما تصلى انت قاعد من بدرى على القهوه والعصر اذن
ياسين بيتمتئ : ياخويا ياخويا طب ماتنصح نفسك
حمو بتاكيد باس ايده : الحمد لله صليت فرض ربنا الأول يا بلديتنا رفع ايده .. اسف لو مسيحى ماعرفش والله انتم حبايبنا بردو
ياسين : لا ياخويا مسلم بس سيبت الصلاه للمشايخ بتوع قال الله وقال الرسول أنت هاتخوتنى لييييه
حمو : براحتك يا عمنا هو انا إلا ها أتحاسب والا أنت
ياسين : وبعدين قهوجى وبتصلى
حمو بحمقه : مالهم القهوجيه ها تغلط والا ايه
ياسين : لا ما اغلطش أنى أبدا .. مقضيها شيشه طول النهار من بوء دا لدا .. هى مش حرام وإلا انت بتعمل إلا على مزاجك بس
حمو نطر إيده : ربنا يهدينا يا سيدى وبعدين أنت شايف الشغل مقطع بعضه انا يدوب بشتغل صبى قهوجى هايقولى بالسلامه ها أقعد فى الشارع أشحت .. اربع بنات فى راقبتى وأمى واخويا المعاق سيبنا فى حالنا الله يكرمك .. سبقه ومشى
ياسين : خد تعالى ما تتحمقش عليااا كدا انا صحيح فيا حاجات وحشه بس ماحبش حد يترسم عليا
حمو بصله : وانا مين عشان اترسم عليك والا غيرك مش قصدى حاجه يا عمنا ربنا يهديك ويهدينا
ياسين أبتسم : أمين يارب .. بتاخد كام بقى
حمو : ٧٠ جنيه فى اليوم
ياسين : ياسواد السواد .. ودول هايعملو ايه فى الأيام الغبره دى
حمو باس ايده : الحمد لله كفايه انهم ساترين بيتنا
ياسين : بيت ايه إلا ساترينه يا حزين دول ها يجوزو إخواتك البنات
حمو بصله : إخواتى لسا صغيرين بيتعملو لما يكبرو ربنا يحلها
ياسين : دول ما يعملوش حاجه فى علام اليومين دول
حمو : امى الله يباركلها بتطلع تشتغل بتقعد بشويه خضار شبت على بقدونس وجرجير وبتقضى
ياسين : ياحزن الحزن ودول يدخلو ايه
حمو رفع ايده بنفاذ صبر : انت عايز منى إيه ياعم أنت ماتسيبنى ماشى وعايش وراضى وساكت حاطين ميت جزمه وساكتين بس تمشى
ياسين زقه : هدى روحك طيب ماتزعلش انا زعلان عليك بص انا صحيح ماحبش حد يستغفلنى بس انت صعبت علياااا ومستجدعك .. طلع رزمه من جيبه .. الفلوس دى كنت ها أديها للميس بنت عمى اسد حنكها بيها بس حنك أمك واخواتك اولى انا فى قلبى رحمه وبحب الناس كلها
حمو بصدمه وقف زق ايده : شيل فلوس الناس حد الله بينى وبين حاجه حد وأبعد عنى
ياسين شده : تعالى والله فلوسى .. سيب القهوه للراجل النتن الا مشغلكم وخد الفلوس دى هات حبة خضار معتبرين كداهو وستت أمك واخواتك هاتبقى معلم كبير لو كبرت فرشتك
حمو عيط جااامد وحضنه : أنت بتتكلم بجد
ياسين طبطب عليه : جد والله اربع بنات وامهم وأخ معاق حمل تقيل وسبعين جنيه ظلم وأفترى
حمو خدهم وهو مش مصدق نفسه واضح انه مبلغ كبير وطى سجد على الأرض وعيط أكتر : ياكريم يارب .. ياكريم يارب .. عارف يا عمده انا بقالى أسبوع دايخ عشان اجيب العلاج لأخوايا ومش عارف اكمل حقه والله .. انت ماتعرفش عملت معايا ايه حضنه وباسه كذا بوسه
ياسين : روح اول مره أعمل خيرررر ههههههههه مش عارف ليه صعبت عليا راح معاه القهوه وحمو فضل فيها لحد ما صاحبها جه وسلم حاجته ومشى وإدى لزامل خمسميت جنيه روح البيت وهو فعلا مش ماشى على الأرض لاء طاير فى السما طيررر لازم يستغل المبلغ ويعمل فرشة خضار كبيره ويلف فى الأسواق لحد ما يقف على رجله ويوفر الا محتاجينه وأكتر ويقدر يعمل شغلانه ثابته ماتحوجهوش لحد .. كلام ياسين صح .. بس ياترى ليه خد عنوانه ورقم تليفونه معقول ممكن يبعتلو فلوس تانى نفض الفكره واكتفى با إلا خده
*****
عبدالعزيز أخر النهار لبس جلبيه جديده وماسك العصايه وطالع من البيت : بت يا فهيمه قولى للبهايم إلا جوا دول انى رايح مشوار مهم أرجع الاقى الغدا جاهز
فهيمه : حاضر يابا
عبدالعزيز ركب العربيه وطلع بيها وصل لبيت قاسم .. خبط بالعصايه وهبه بنفسها فتحت أبتسمت وشاورت : اتفضل يا حاج
عبدالعزيز قرب منها وهمس : هانفرح وإلا إيه يا بت
هبه بصتله ورفعت حاجب : والله كله متوقف عليك يا حاج
عبدالعزيز بصوت عالى : يا ساتر
قاسم قاعد : اتفضل يا حاج
عبدالعزيز قعد وإتضايف وبصلهم : نقول شروط العروسه وكفايه مضايفه
هبه بصت لأبوها وأمها : بعد أذنكم اقول شروطى للحاج .. بص بقى أنا زى مانت شايف صغيره والف من يتمنانى وانا ما اتمناش أحسن منك وابتسمت
عبدالعزيز ابتسم : وطلعتى زينه فى كلامك كمان قولى وسمعينى
هبه : من الأخر كدا لما أتجوز أرتاح ويبقى ليا دار لوحدى بأسمى
عبدالعزيز : عندى تلات نسوان فى الدار مع بعض محدش فيهم قال بم
هبه : معلش يا حاج انا غيرهم مش ها اقعد فى خناق وهم ونكد انا الرابعه يعنى القفل بتاعهم وعشان أسعدك لازمن أكون أنى سعيده .. دار تتكتب بأسمى والدار يحلف بيها البلد كلها وأرض بأسم ابويا عشان إخواتى مايتمرمطوش عند حد ويبقو شغيله لاء أصحاب ملك ماهو فى وشك بردك يقولو إيه مرات الحاج عبدالعزيز زوهير إخواتها شغيله باليوميه
عبدالعزيز قلب عيونه : ليه كل دا يابنت قاسم أجنبيه يابت وانا مش واخد بالى
هبه اتعدلت وبتكبر : احسن يا حاج لو موافق نقرى الفاتحه مش موافق يبقى خلاص ربنا يرزقك بغيرى
عبدالعزيز قام وسابهم ومشى من غير ما يرد عليها
أم هبه : قولتلك دا راجل بخيل مش ها يرضى بتبيعى نفسك بالفلوس يا خايبه
هبه زعقت : ما الكل بيبع ويشترى فينا ياما على الاقل أبيع بتمن يستاهل لازمن أمن نفسى ومستقبلى وإلا أنتى عاجبك حالنا
قاسم ضحك بتعب : أهو طار ياختى الحمد لله جت من عند ربنا
هبه بصتلهم : ماتفرحوش كدا هايرجع ويوافق وها اطلب شبكه كمان سابتهم ودخلت اوضتها
امها قربت من ابوها : بتك اتسرعت يا قاسم
قاسم نام على الكنبه : من إلا شايفاه يا حكمت الشقى مر وهى نفسها ترتاح ما باليد حيله ياربى أنا نايم عاجز فى البيت والمرض هدنى ومش طالع بإيدى حاجه
حكمت : طب لو الراجل ده وافق صوح هانعمل ايه
قاسم بصلها : هانعمل ايه بنتك راضيه وكيفها كدا على الاقل ولادك يرتاحو كبير صغير كله محصل بعضه مش هاتفرق هى مش هتسقى فيه على رأيها
***
أدم رجع أخر النهار ملقاش تاليا فى الشقه همس : راحت فين المجنونه دى لسا ها ينزل يشوفها لقى الباب بيتفتح أول ما شافته ابتسمت : حمدالله على السلامه
أدم مسكها شدها لجوا : كنتى فين
تاليا بعصبيه شدت إيديها : إيدك يا أدم فى إيه
أدم : انا منبه عليكى ماتروحيش فى حته ولا تنزلى من هنااا كنتى فين
تاليا طلعت الفلوس من جيبها : اتفضل كنت بجبلك دول
ادم برق وبصلها هو عارف ان فعلا معاهاش فلوس : جبتيهم منين
تاليا بتوتر : ملكش دعوه انت ليك فلوس القزاز وبس وأهى قدامك خدهم ويبقى كدا ملكش حاجه عندى
أدم وشه أتقلب وأتكلم بطريقه حست بالرعب بيسرى فى كل شبر فى جسمها : جبتيهم منين ومش ها اسألك تانى
تاليا بخوف : بعت السلسه بتاعتى كدا ارتحت
أدم بص على صدرها ملقاش السلسه الا كانت لابسها فعلا اتكلم بعصبيه : أنتى بتتصرفى من دماغك ليييه خلاص هى واقفه على سلستك .. مسكها من دراعها .. تعالى ورينى بعتيها فين
تاليا بتزق نفسها : سيب إيدى بطل غباء
أدم زقها براحه : إحترمى نفسك .. نزل وخدها وأضطرت تقوله على المحل .. أول ما وصل .. رمى الفلوس على البترينه .. هات السلسه إلا انت لسا واخدها
صاحب المحل : أسف اتسيحت
أدم مسكه من قبته شده كان ها يخنقه : هاتها بدال ما أعملك قضيه واقفلك المحل زقه جامد والراجل خاف لانه واخدها من غير الوصل بتاعها .. جاب السلسله رماها لتاليا إلا بصاله ودموعها واقفه فى عيونها .. هى دى
تاليا : أيوا
أدم بصله : إمال ايه أتسيحت .. وبعدين كل دى بخمس تلاف أنت حرامى يالا
الراجل زق إيده : خدت سلسلتك يبقى تغور
أدم أبتسم وهز راسه : حاضر ها اغور وفجاه مسكه وضربه كذا بونيه ورا بعض فى وشه طيرلو سنتين وتاليا شهقت ومن خوفها بقت تشد فيه : ارجوك كفايه خلينا نمشى
الراجل فضل يزعق وأدم ماسكه : انا هنا لحد ما أحبسك
كذا واحد دخلو عليه : ماسكه كدا ليييه
أدم : حرامى وبحده انتو تبعه
هزو راسهم بتأكيد : أيوا تبعه سيبه انت إلا شكلك حرامى ولسا ها يهجمو على أدم
تاليا بخوف : أرجوك يا أدم أمشى
أدم : اقفى هنا وما تتحركيش .. مسك الفون وبنظره كلها تحدى ايوا يا عصااام أبعتلى قوه على المكان إلا ها أديك عنوانه دلوقت
الشباب إلا دخلت واحد رفع ايده : باشا والله مانعرفه احنا داخلين نحوش عنه أنسحب وخرج وانسحب وراه الباقى ..
صاحب المحل بعياط : خلاص والله أخر مره
أدم هز راسه وضحك : بيقولك أخر مره أسامحه أنت شايف كدا .. سلام .. بص للراجل
الراجل : أنت شكلك بتشتغلنى ولا ظابط ولا حاجه انا إلا مش ها أسيب حقى
أدم طلع الكارانيه بتاعه وحطه فى وشه والراجل اتحول ١٨٠ درجه : انا اسف حقك عليا انت عارف الناس مبقاش عندها ضمير
أدم هز راسه : زيك كدا إدينى مبرر صاحب محل دهب وحرامى بتسرق ايه يا و... بس انا لا يمكن اخالف ضميرى كام حد قلبه محروق على حاجته إلا أتسيحت عندك سواء سرقه والا نصب والا مزنوق الوصل بتاع حاجته ضايع فاخدت منه بربع التمن ..أتصل فعلا وبلغ عنه وفضل متحفظ عليه لحد ما وصلو وعاينو المكان لقو مسروقات متبلغ عنها كتيره جدا عنده كانت لسا ها تتسيح وأدم بلغ بصفه رسميه عن إلا حصل مع تاليا وخلاها قدمت بلاغ رسمى ..
طالع بيها وهى مقلضمه وهو ساكت وماشى : أدم أنا
أدم وقف وبصلها : أنتى إيه هبله والا عامله هبله فى واحده تروح تبيع سلسله ب٢٠ الف بخمس تلاف لواحد حرامى وبعدين ليييه يا تاليا أنا قولتلك خلاص وأسف والحمد لله معايا فلوس ما بشحتش يعنى ولا مستنى منك عوض انتى متخيله انى ها أمد ايدى اخد منك حاجه
تاليا لسا هاتعيط أدم بتحذير .. على الله تنزلى دمعه واحده فكرى فى أفعالك قولتلك
تاليا هزت راسها وماشيه جمبه بس ساكته
أدم بصلها لما قرب من محل فيه أيس كريم : تاكلى أيس كريم
تاليا : لييييه
أدم بتريقه مكافأه على المرمطه إلا أنا فيها معاكى ضحك وخبط ايد على إيد .. أنتى بجد
تاليا هزت راسها وبتريقه زيه : لا فتوشوب
أدم أبتسم وبتلقائيه نسى نفسه حط دراعه حوالين راقبتها عصرها على صدره .. أخلص عليكى
تاليا زقته ووشها أحمر وبشر : أدم أخر مره ها اسمحلك تحط ايدك عليا
أدم رفع ايده وبتتسامه : أهو يا باشا بس على فكره ها احطها وقت ما يعجبنى
تاليا لوت شفتها : أااااء يا سلام اتفاجئت انه مد و ماشى .. هو انت مش هاتجيب الأيس كريم انا مفطرتش
أدم : ههههههه ماكان من الأول عايزا بكام .. بجنيه والا بتنين جنيه
تاليا تنحت : نعم
أدم ضحك بصوت عالى : عايزا بطعم ايه
تاليا ابتسمت : حليب ومانجو وفرواله وتوت ويكون برى
أدم رفع حاجب وهو بيطلع الفلوس : ولو ماعندوش برى
تاليا هزت كتفها : مليش دعوه يتصرف
أدم زقها : هشششش من هنا عشان بجد جبت أخرى منك
تاليا : نطرت ايده .. هو انت لو مامدش ايدك ها تتشل
أدم قرب من ودانها وهمس : معاكى اه سابها ومشى وهو بيبرطم ويقول دى مش عايزا كوباية أيس كريم عايزا حله تنجره على رأى أمى الله يرحمها .. وقف جاب لها وناولها الكوبايه وماشين جمب بعض ياكلو فى الشارع ومن وقت للتانى يبص لها ببتسامه
تاليا بإحراج : فى إيه
أدم : تعرفى لما بتقلبى وشك بتبقى شبه عمرو فعلااااااههههههههه
تاليا بحمقه : على فكره أنا مش شبه رجاله
أدم : دا عمرو دا عسل فاكهة شيلتنا أنتى عارفه حاجه
تاليا بصتله : هو أنت شغال إيه يعنى بتعمل إيه
أدم : شغال فى المافيا .. بقولك يا تاليا خليكى فى حالك وكلى عيش
تاليا : طب ليه عصام أنكر معرفته بيك وساميه ماتعرفش حاجه عنك الموضوع دا ها يجننى لما صاحب ينكر معرفته بصاحبه
أدم بيتكلم عادى بس طريقه تموت من الضحك : عشان نكار الجميل
تاليا : ههههههههه بطل رخامه يا أدم
أدم بغمزه : أنتى خدتى على أدم قوى واخده بالك وبعدين أبعد ايدك وتلكيك فاضيه مش عايز
تاليا ببتسامه : براحتى على فكره
أدم أبتسم هو كمان : لاء هو براحتى أنا لو ها نتكلم عن الراحه
تاليا وقفت قدامه : فى حاجه محيرانى كمان وعلى فكره من حقى اعرفها مين عمل فيك كدا وخلاك فى المشفى مش حاسس بالدنيا سألتك كتير قولتى معنديش رد إلا هو ازاى ظابط وعارف كل حاجه ومش عارف مين عمل فيه كدا لا يمكن
أدم : عشان زى ما قولتلك ماعنديش رد وبطلى أسئله انتى فضوليه بزياده .. طلع الفون إلا بيرن وابتسم .. حبيب قلبى وروحى كنت لسا فى سيرتك
عمرو : إلحقنى يا أدم بمشى منى فى الشارع ومفرجه عليا الناس ها تولد هاتلى عربيتك وتعالى انا قريب منك ...
أدم بدون تردد : ماشى .. لا سلام .. تاليا ممكن تمدى شويه وبدء يسرع جااامد .. أتصل على رقم .. ايوا يا أسمر يا حبيبى أنا على أول الشارع عندك معلش محتاج عربيتك أعمل مشوار .. طب انزلى فى ثانيه تمام .. لا سلام
تاليا بخوف : فى إيه
أدم : مرات عمرو بتولد ها اوديها المستشفى
تاليا بتجرى جمب خطوته السريعه جدا جدا ... وقف خد المفتاح من شاب صغير سلم عليه ورركب العربيه وتاليا ركبت جمبه .. أروح انا عشان ما أسببش إحراج ليك
أدم : هششششش
تاليا بعصبيه : ماتقوليش هشششش دى تانى اوووف بقى وربعت ايديها
أدم أبتسم بيتعمد يدايقها أتصل على عمرو : أنت فى انهى مكان بالظبط انا على اول الشارع
عمرو : عند ال..... جمبه جابلى كرسى مقعدها عليه
أدم بيبص : خلاص شفتك .. وقف قدامه وتاليا نزلت مسكتها بإيديها السليمه بتركبها وركبت جنبها وعمرو ركب قدام كل شويه يضرب أدم فى رجله ويلف ايده بمعنى مين دى
ادم بصله بصه واحده وغمز وعمرو أبتسم
منى ماسكه بطنها وبتتوجع : منك لله ياعمرو
تاليا : معلش هى الرجاله كلها كدا ظالمه
منى : اااااه .. ظالم ومفترى ياعمرو إهئ إهئ إهئ
أدم ماسك نفسه من الضحك بالعافيه وعمر كل شويه يبصله ومتنح
تاليا : بصى اتماسكى محدش ها ينفعك اصلاااا كلهم كيداين وبيلفو ويدورو
منى بصتلها : أنتى مين
تاليا ابتسمت ومدت ايديها : تاليا
منى سلمت بتعب : اهلا منى وعيطت .. وبولد
تاليا : اه يا حبيبتى ربنا يقومك بالسلامه يااارب ونشوف البيبى وهو فى حضنك
منى بدء التعب يزيد أكتر وماسكه بطنها جااامد وأدم مسرع جدا .. خد مطب كبير
عمرو : يالهوى هاتولدها فى العربيه حرام عليك .
أدم هز راسه : معلش ..
منى : اااااه ... ااااه .. اااااه ... هاتلى ماما ياعمرو وبابا انا عايزهم جمبى هاتهم إهئ إهئ إهئ .. اه يا ماما يا حبيبتى ياريتنى سمعت كلامك وفضلت جمبك قالتلى هاتعملى ايه بالجواز غير الهم والحمل التقيل اصبرى يا منى وعيشى حياتك وبعدين أتجوزى كان لازم أدبس نفسى
أدم بصله وأبتسم من تحت لتحت
عمرو : ما تخلص بقى لأنط عليها أولدها انا
منى شدت دراعه : بتقول ايه أنت
عمرو شد ايده : ما بقولش يا حبيبتى نفسى أريحك اعمل ايه يمكن تسدى بوئك
وصل المشفى وهما كلهم مع بعض وتاليا ما سابتش منى نهائى لحد ما ولدت وبيسو شرف ومامتها وبابها واخواتها كمان كان عصام عرف وراح لهم بعربية تاليا وحاجتها
عصام باصص لتاليا : ألف سلامه عليكى
تاليا : الله يسلمك معلش تعبتك معايا
عصام : فين التعب هو التعب الحقيقى القمبله الذريه إلا اسمها ساميه بنت عمى
تاليا : هههههه حرام عليك ساميه مفيش زيها ولا فى طيبتها
عصام : مانتى ماتعرفيش عملت فيا ايه بسببك وصل بيها الحال انها شايفنى انا وادم خاطفينك وانا بدارى عليه
تاليا : هههههههه
أدم قرب عليهم : كفايه رغى
عصام سلم على عمرو : ألف مبروك يا حبيبى ويتربى فى عزك
عمرو : ربنا يبارك فيك عقبالكم يا شباب .. بص لتاليا .. شكرا لوقفتك مع منى
تاليا : دا واجب علينا
عمرو أبتسم : بس انتى وجبتى جامد ومنى لوحدها حريقه
تاليا بإحراج أبتسمت ابتسامه خفيفه : أنا كنت بريحها بس
أدم مسكها من إيديها : كفايه رغى قولنا .. ياله مشى بيها وهو ماسكها قدام عيونهم
عمرو هز ايده : ايه النظام يا عصام
عصام هز كتفه : علمى علمك نبوئة ساميه ها تتحقق البت اتخطفت ههههههه سلم عليه وطلع جرى ورا أدم
أدم حدف المفاتيح : وديها لأسمر فى سكتك وانا ها أروح تاليا واقابلك
عصام خد المفتياح ورفع ايده لأدم : تمام
أدم ركب وتاليا جمبه ومشى بعربيتها طلع تليفونها : خدى فونك اهو ومشحون كمان
تاليا بتعب ونوم ركنت راسها : ماشى
ادم : شنطك وحاجتك كلها ورا هانعدى نجيب علاجك من شقتى واوصلك
تاليا هزت راسها وبتتواب : لاء انا عايزا أنام مش قادره روحنى وهات العلاج بعدين
أدم : معلش إحتمال كبير ماكنش موجود ورايا شغل ..بعد وقت وقف قدام عمارته جاب علاجها ونزل حطه جمبها وكمل طريقه بص عليها لقائها فى سابع نومه .. وصل قدام البيت عندها وبيصحيها .. تاليا .. تاليا
تاليا بصتله واتعدلت كانت ها تتخبط حط ايده عند وشها .. ما تتخضيش انا ادم .. ياله انزلى وصلنا
تاليا بتعب وإجهاد شديد : هاتصدقنى لو قولتلك مش قادره جسمى تقل ودماغى
أدم هز راسه : معلش انا ها اساعدك بعد ما أطلعك فوق ها اروح اجيبلك اكل لما تقومى تاكليه وتاخدى العلاج
هزت راسها بتقل وساكته
نزل خد شنطها وهى نزلت كانت مدروخه من قلة الأكل والنوم وتعب اليوم والليل إالا قضوه فى المشفى سندها وطالع بيها وماسك شنطها واتفاجئو با إلا قاعدين على السلم تاليا لما شافتهم مرصوصين جمب بعض كأن حد خبطها على دماغها خابطه جامده فوقها بعدت عن أدم وأدم بصلها وبصلهم وشبه فهم هما مين أو أتاكد كمان وإلا عمله أدم ماكنش متوقع بالمره خرج من نفوخ الجميع وأولهم تاليا
❤❤🧡🧡💛💚💙💙
بقلم : لبنى طارق
💜💜🤎❤🧡🧡
تصويت ورأيكم الروايه بتغرق يا جماعه خالص
YOU ARE READING
صقر الظلام
Mystery / Thrillerأقع كدا وشوف كام واحد جمبك جرب وانت تشوف إن نجاحك والبروبجندا إلا كانت حواليك هاتختفى تماما لما يحسو إنك ضعفت أو فى تخبط فى حياتك مش قادر تواصل وطول الوقت بتجاهد تقف من تانى .. الحب مش كلمه او تعلق وقتى ولحظى بينتهى بإنتهاء زهوتك فى عيونهم الحب هو إ...
