صقر الظلام

تنبيه

السلام عليكم ورحمة الله وبركاته
حباييى والله العظيم أنا مش عارفه أقول لكم إيه على محبتكم دى ربنا يديمها عليا نعمه .. زى ماقولتو كده إنتو ماتعرفوش لولو شكلها إيه بس ربنا جمع بين أرواحنا بكلمات مست قلوبكم وده عندى كفايه .. كفايه انكم شايفنى حاجه كبيره ودى نعمه من ربنا عليااا بشكره عليها ..
أولا ها أتكلم وأبوح با إلا جوايااا كأنى بكلم أصحابى او أخواتى .. أقولكم على سر أنا أكتر بنى أدمه كان عندها أصدقاء وأصحاب وحته كده من روحى عشان كده بحب أتكلم عنهم قوى  أهملت أمى فتره من الزمن وانا بنت  والدنيا كانت واخدانى بحب أجرى وأروح هنا وهنا وكل واحده فيهم ليها حاجه حلوه فى قلبى كل واحده فيهم أخت ..  الأيام بعدتناااا بس الحب جوايا موجود والخوف عليهم موجود بس ربنا قالى خدى بالك أنتى عندك أم وحيده بمعنى كلمة وحيده لا خال ولا عم ولا أخ ولا أخت  حتى أمها إلا هى أمى مش جدتى ربنا اراد وأمر الله نافذ الله يرحمها .. خاله واحده ومش ها أتكلم فى شئ بس وحيده أمى .. حتى بعد جواز أخواتى وحيده قوى وزادت وحدتها ما قلتش .. بقيت لما أحب أتكلم أتكلم معاها عايزا أخرج عايزا اخرج معاها .. كل ما تتعب واخدها عشان أكشف عليها أقولها تعالى يا وليه أنتى خلينى نروح ناكل كبده وأيس كريم ونروق على نفسنااا ونقعد على الرصيف والا نفسك فيه أعمليه .. قالتلى أنا بخف لما بتبقو جمبى وجعتنى وماتتخيلوش لما ببقى عندها انا واختى واحنا ماشين بتقعد تعيط  أد إيه  .. أنا قصرت قوى فوق ما تتخيلو .. قصرت فى بيتى مع ولادى وجوزى  .. قصرت مع أمى وابويااا إلا برغم شدته زمان  والفجوه الزمنيه إللى بينا بس بدء يقول زيها انا بفرح لما بلاقيكو معايا وجمبى سبحان الله ومن بعد الضعف قوه ومن بعد القوه ضعف دى سنة الحياه  بيزعل قوى لما بدخل الاوضه وافضل فيها بالساعات للاسف عشان اكتب فصل انزله ... ولادى بدئو يحسو إنى مش موجوده أصلاااا أمى ربنا يشفيها يارب ويحفظها من تعب لتعب  وبابا كذالك وأغلبه نفسى  وللأسف لو فضلو شهور محدش بيسئل يا جماعه مرات الابن بقى عندها جحود وانانيه لاتوصف إلا مارحم ربى منهم  الولد لازم يقاطع اهله ولازم اهله بكل الطرق يبقو وحشين برغم كل حاجه بيقدموها فى المقابل أهلها مفيش زيهم أنا زوجه ومرات إبن بردو .. بصو ياجماعه كلنا محطوطين فى نفس الموقف كلنا أنتى زى مانتى خاله عسل وقمر وحبوبه انتى عمه بردو اوعى تنسى أبداااا يعنى مجرد دايره بنلف فيها كلناااا  .. وها أكتفى بقول حسبى الله ونعمه الوكيل عشان فعلا الحما الشديده هى إللى بتعرف تسيطر وتمشيهم مسطره لكن الحما الكويسه إلا بتعاملهم كأولاودها دى اول واحده حقها مهدور .. أتقو ربنا سبحانه وتعالى انا عارفه ان عندى كتير متجوزين وفاتحين بيوت .. لو مره واحده كل اسبوع والا حتى أسبوعين بتسألى بتعملى لها حاجه بتساعدى جوزك يكون بار بأهله حتى لو اهله اوحش الناس ها يقعدلك .. كلامى فى العموم

أنا مش زعلانه من تفاعلكم الضعيف ..  كنت بزعل واشتكى للأدمن وبحس بالظلم من ناحيتكم  بس خلاص والله  بقى عندى من جوايا رضااا ان ده إللى استحقه .. إللى استحقه إن حتى لو العدد قليل بس كفايه إنهم قالولى كلامك غيرنا .. كلامك خلانا نتراجع .. ده مش كلامى .. ده توفيق من ربنا ألهمنى عشان تكون رساله لحضرتك وحضرتك .. عشان تاخدو بالكم من كل حاجه وتعرفو ان كل شئ فعلاااا مهما كان صعب جميل وجواه رحمه حتى لو بيزعلنا وبنشتكى منه وبيعيطناااا ودموعنا ما بتنشفش يابخت من بات مظلوم ولا باتش ظالم  .. يابخت إللى مع الوقت بيصحح طريقه وبيحاول وجواه صدق حتى لو الناس شايفه عكس كده .. أنا عايزا أفرحكم وأقولكم إن الشهاده كذا نوع .. عشان تعرفو ان حكم الناس غير حكم ربنا ورحمته وجماله معانااا ..
شهيد الدنيا والأخره
وشهيد الدنيا
وشهيد الاخره
فى ناس بتموت هى فعلا شهيده  وناس بتقول عليها شهيده وهى عند ربنا نالت الشهاده
وفى ناس بتموت هى شهيده فى الدنيا بس فى الأخره لاء .. عند ربنا ده انسان ميت عادى لم ولن يرتقى للشهاده ماتعرفوش ايه بينه وبين ربنا نزل منزلته دى للأسف ربنا يعافينا
وفى ناس بتتغسل وتتكفن على انها عاديه ماتت يا سيدى .. وهى بتزف من الملائكه وبيهنوها على شهادتها فى الاخره ما اتزفتش فى الدنيا بس اتزفت فى الأخره يارب يجعل موتنا على شهاده وحسن خاتمه وما يضلنا فى طريقنا أبدااااا يااارب أنا وانتو جمعيااا ويهدى اولادنا وكل عاصى ..
اعمالنا هى إلا بتحدد .. إللى بينك وبين ربنا بيتم فى صمت وبعيد عن عيون الناس بيحدد .. صفو قلبك ونيتك بيحدد .. كل حاجه حلوه فيك بتحدد انت هاتكون ايه ومع مين واولهم رحمة ربنا بينا كلناااا .. حبو ربنا .. شوفوه بنظره محب وبصيره بترفع الحجاب عن قلوبكم انتو جمال وتستحقو تعيشو الجمال ده .. تستحقو تعملو حاجات حلوه حواليكم تستحقو تكونو قدوى لكل حد بيشوفكم وبيسمعكم .. لما تشوفو حد ظالم وقفوه عند حده يا جماعه .. لما تشوفو ست مستقويه وبتفترى اركنوها على جمب وإكرفوها  خصوصا بعد كم من التسامح والنصايح إللى بتعمل عكسها .. الظالم لازم يكون له واقفه مش نخاف منه
المهم .. أنا أختارت أبعد لتقصيرى الشديد وعدم راحتى وعشان انا بنصحكم وكده بعمل عكس النصيحه  بحب أعيش الحياه بمنتهى البساطه وبأقل شئ وبأكبر شئ المتاح ليا بعمله والا بحسه بقوله ..
أنا مش زعلانه من أى حد حتى الناس إللى عملت بلاغات على كومنتات ناس بتتدعمنى  ولا حرب الفيس بوك نفسه عليااا لدرجه انه بقى يمحى صفحتى للبعض ويلغى المشاهده عشان التفاعل يقل مش مهم كلمة الحق فعلااا أعدائها كتير فى زمن ربنا ينجينا من فتنته .. طريقنا كلنا قابل للصواب والخطأ فاكل شئ جايز فيه
ممكن انهارده كل شئ ضدى وممكن بإراده ربنا يبقى كل شئ بكره معاياااا ..
حاجه كمان قبل ما أنساها لان دى من أسباب إللى خلتنى عايزا أبعد عن الكتابه .. أنا عندى بنوته كده شبه ساميه مجنونه هههههه ١٣ سنه بيتكون فكرها دلوقت .. لاحظت فى الفتره الاخيره او اتفاجئت انى كنت فى غفوه كبيره بتسمع قصص ٢٤ ساعه على اليوتيوب .. روايات أيوه .. مش هى لوحدها لاحظت زمايلاها نفس الموضوع بالظبط .. الموضوع كان مع نفسها لحد ما بقى كل ماتعمل حاجه لازم تشغل قصه تسمعها وهى واقفه .. أنا ما هاجمتش أنا قررت أسمع من بعيد لبعيد اعرف هى متعلقه بإيه وايه بيتقال لهم طبعااا ها ارجع للقديم  لرواياتى إلا كان هدفها حب وجرى وهزار ومحن كتير .. ربنا قالى خدى مش ده إللى نشرتيه وخليتى فئه كبيره تقراه وتحبه .. أهى بنتك بتسمعه .. كميه سفه على اليوتيوب .. وكمية قصص مكتوبه مخصوص للفئه دى عشان تفرمط دماغهم بمعنى الكلمه  غير طبيعيه .. كل ما اسمع إللى بيتقال وشالها ... وفططها .. وجرى وجريت وراه .. اقول اهو الهدف من الروايه جاااى أستنى  .. العظه جايه فابتيجى حاجات تانيه تشهوه تفكيرهم اكتر واكتر  .. انتقدت ده وقولتلها روايات ايه إللى بتسمعيها دى ...  قالتى لاء ياماما وها اكتب كمان  مانتى بتكتبى زيهم وبتقولى زيهم .. صادفت مره وهما قاعدين جمبى بكتب مشهد ابنى قراااه بين البطل والبطله حبكت تقعدو دلوقت  هههههههههه مش عايزا أقولكم أنا اتحفل عليااا خصوصا من إبنى فاخدو إنطباع ان دى القصه ودى كل الحكايه جيل صغير اول انطباع بيدخل جواه ما بيخرجش بسهوله قولتلهم عايزبن تحكمو عليا اقرئو ليااا لو شايفين انى بكتب حاجه كده والا كده .. زعلت ان بنتى فهمت القصص والروايات غلط ودخلت من باب غلط والباب ده للأسف بيكتر ويكبر وسطنا هاجموه بدال ماتدعموه   .. زعلت من نفسى قوى قوى لما انا كنت أداه سيئه بس قسما بالله بدون قصد وبجهل منى واندفاع فى رواياتى القديمه كلها  ..
طبعااا عشان تبقو فاهمين انا بجانب الكتابه بشتغل من بيتى شغل هاند ميد .. غير متطلبات البيت إللى قصرت فى أغلبها عبئ
قررت  اشوف ولادى يا جماعه وأعيش معاهم شويه الحمد لله بتكلم معاهم كتير جدااا بس مش كفايه كلمتين وانا اصلا بعيده ومهمله وكل شئ سئ فيا وعصبيه لحد كبير لو حد.كلمنى او جه جمبى وانا بكتب حاجه .. الكتابه والمراجعه بتاخد ساعات طويله جدااا مش عايزا ابالغ واقولكم طول مانا صاحيه بكتب
محتاجه اقرء واتمتع بالقراءه .. محتاجه حاجات كتير قوووى انا بقيت منعزله بسبب الكتابه عنها واهمها الحياااه عملت زى راندا الا عاشت طول الوقت على الفون واتفاجئت بالدنيا وجمالها والواقع لما نزلت مع تاليا .. تعالو نهمل تليفوناتنا شويه ونهتم بجانب تانى وهى الحياااه  يارب أعمل ده ويكون عندى اراده اعمله ..
أشوف وشكم على ألف خير وصحه وسلامه يااارب
بحبكم فى الله وبتمنى ليكم كل الحب❤