صقر الظلام

صقر الظلام ٧

صقر الظلام ٧
************
اللهم أنصر فلسطين وأهلها على القوم المجر.مين .. اللهم أيدهم بجنود من عندك تهزمهم شر هزيمه .. اللهم شتت شمل اليهو.د وزود الرعب فى قلوبهم وإجعل من بين أيديهم سدا ومن خلفهم سدا
اللهم اجعلنا ممن تفاءل بخيرك فأكرمته، وتوكل عليك فكفيته، ولجأ إليك فأعطيته، واستغاث بك فأغثته، واستنصرك فنصرته، واستغفرك فغفرت له.
اللهم اجعلنا من أصحاب النفوس الطيبة الطاهرة والوجوه المستبشرة الباسمة والقلوب المطمئنة الخاشعة وارزقنا حسن الختام وطيب المقام والتوكل عليك يا قادر يا جبار.
اللهم اكفني بحلالك عن حرامك واغنني بفضلك عمن سواك.
اللهم استجب دعائي من غير رد يا كريم

اللهم أبعد عني وعن أحبتي أذى الدنيا وحيرة النفس وحزن الليل وبكاء القلب وسوء الخاتمة.
اللهم يا من تنفس الصبح بأمره وتوزعت الأرزاق بكرمه، أمطر عليّ وعليهم بركتك وبلغني وبلغهم أسمى مراتب الدنيا وأعلى منازل الآخرة.
اللهم ارزقني وأرزقهم إجابة الدعاء وصلاح الحال والأهل والمال والأبناء وحسن الأداء وبركة العطاء، اللهم اكتب لي ولهم محو الذنوب.
اللهم إني أعوذ بك من الفقر والدّين، يا راحم المساكين، يا رازق السائلين، يا ذا القوة المتين.
اللهم يا ولي المؤمنين، يا خير الناصرين، إياك نعبد وإيّاك نستعين، يا غيّاث المستغيثين.
اللهم صل وسلم وبارك على سيدنا محمد وعلى آله وصحبه أجمعين

❤❤❤🧡🧡🧡💛💛💛💚💚💙💙💙💜💜💜
أحمد فتح الباب بشويش وبص جوا لقاه فعلا نايم .. همس .. بصى كدا هو دا
تاليا قربت وساميه بتأمن عليها ومركزه مع احمد فضلت باصه جوا الأوضه وبهمس : لايمكن يكون هو ..  دا رفيع قوى لا وش ياسين ولا جسمه 
أحمد : هو
تاليا متنحه وبتحقق فى الملامح شهقت بصوت مسموع وفى اللحظه دى ياسين فتح عيونه  .. قال بصوت ضعيف .. مين .. مين
احمد قفل الباب براحه : هاتعملولى مشاكل ويمكن يتقطع عيشى بسببكم
ساميه مسكتها بخوف : هو يا تاليا
تاليا أتخنقت والدموع اتجمعت فى عيونها : مش عارفه يا ساميه مش قادره اتحقق معقول دا ياسين ولو هو مين عمل فيه كدا انتى شفتى منظره
ساميه : ماعرفش انتى تعرفيه اكتر منى
تاليا بإرتباك : معلش ودينى اوضتنا
أحمد شاور : أتفضلى انا من رأى تنزلى تتاكدى من الكشف إذا كان هو وإلا لاء
تاليا هزت راسها : إن شاء الله .. دخلو الغرفه وأول ما دخلو ساميه قلعت النقاب وبتهوى على وشها تاخد نفسها
.. تاليا قعدت تفكر وبتحقق من الملامح إلا شافتها نزوله الرهيب فى الوزن غير ملامحه ١٨٠ درجه بتقنع نفسها إن هو ومره تقول لايمكن يبقى هو
ساميه : هانعمل إيه
تاليا بحيره : مش عارفه يا ساميه انا خايفه يكون كامين ليا وساعتها محدش ها يلحقنى
ساميه : حرام عليكى يا بنتى ازاى تكونى فى امان وترجعى لوجع القلب هنا
تاليا بصتلها وبحده : هو فين الامان .. فى بيت ناس ماعرفهمش ولا عمرى شفتهم .. أهله ماعرفش عنهم أى حاجه ولا يعرفو بجوازى .. . وأنا ماعرفش إيه إلا جاى ومستنينى حرام الضغط إلا انا فيه حرام يعملو كلهم فيا كدا أنا بشر يا ساميه من لحم ود.م بحس زيكم بالفرح والحزن والديقه الفرح هرب من حياتى يوم مو.ت أبويا وأمى .. عارفه يا ساميه ساعات بيجى عليا وقت نفسى اصرخ بصوت عالى وأقول كفايه ظلم أتقو الله فياااا .. حطت راسها على صدر ساميه وعيطت .. أنا ضايعه وتايهه وأدم توهنى أكتر بدال ما يدلنى على طريقى سايبنى أطبش يمين وشمال
ساميه رفعت النقاب : طب شيلى يا حاجه خدى نفسك بدال ما بتشفطيه جوا بوئك
تاليا : هههههه انتى رخمه سيبينى اعيط
ساميه بملامح تضحك ؛ كفايه يا تاليا انا عيطت كتير إنهارده .. زهقت من العياط ..  المهم .. هاتعملى إيه مع ابن عمك
تاليا ؛ ها اروح له  عرفت الاوضه خلاص وها ادخل أتأكد بنفسى كدا كدا الباب مفتوح عليه
ساميه : خلاص انا ها أمن ضهرك وأغطى عليكى زى ما بيقول عصام وانتى ادخلى انقضى عليه يا تجيبى خبر.ه يايجيب  خبر.ك  ونخلص
تاليا بصتلها وضحكت من قلبها : يخر.بيت فقرك
ساميه مسكت ايديها وبعياط مصطنع : أنا خايفه قوى يا تاليا ليقتلو.نا
تاليا : ماتخفيش ضر.بو الأعور على عينه قالك خسرانه خسرانه .. شاورت بإيديها وقالت بطريقه تضحك ..  قومى يابت علينا وعلى أعد.ائنا
ساميه قامت ونافخه صدرها : حاضر يا ريسه
تاليا زقتها : ههههههه بتهببى ايه إلبسى النقاب
ساميه بعياط : بلاش والنبى انا كدا حلوه
تاليا بتصميم : إلبسيه يا ساميه ليكون حد عارفك
ساميه شالته بعصبيه وناولته لتاليا : خدى لبسينى مابعرفش
تاليا طلعت الفون جابت الفديو إلا بيوريها طريقة لبسه ومشيت مع الخطوات تانى .. خلصت وطلعو ورا بعض ساميه بتأمن الطريق  تاليا  دخلت الأوضه وقفلت الباب بسرعه 
ياسين بص ناحية الباب بتعب  : مين
تاليا رفعت النقاب : انا تاليا
ياسين بفرحه كأن الروح ردت فيه بمعنى الكلمه إبتسامه عريضه وقال بتهليل : تاليا بنت عمى .  أنتى تاليا
تاليا قربت منه بحزن كبير : ياسين مين عمل فيك كدا ..  مالك أنا مصدقتش لما شفتك قولت لايمكن تكون أنت لايمكن
ياسين عيط جامد زى الاطفال الصغيره : الدنيا  جت عليا وبعد ما كانت بتضحكلى بتقولى خد عندك يابن عبدالعزيز ..  أبويا يا تاليا عايز يقت.لنى .. شفتى عمل فى إبنه الوحيد إيه شفتى عمك  .. قال بحيره .. ها أستغرب ليه مانتى شوفتى منه راقات بعد ماكان بيقفلك إنتباه
تاليا بزعل : وإيه حصل وصله للمرحله دى  دا بيحبك جدا ولا يمكن يستغنى عنك أنا بنت أخوه لكن أنت إبنه
ساميه دخلت هجم وقفلت الباب وسانده عليه رفعت النقاب بتهوى على وشها أول ما شافتهم باصينلها  ابتسمت : معلش هجوم مفاجئ وإضطرارى .. كنت ها أفط.س
تاليا بصت لياسين : صاحبتى وحبيبتى 
ياسين هز راسه وسكت
تاليا : قول  انا ما بخبيش عليها حاجه
ساميه جابت كرسى وقعدت عليه بتسمع معاها : قول قول ماتخافش منى انا هبله وعلى نياتى
تاليا : ههههههههه قول هبله وعلى نياتها
ياسين بدء يحكى كل الحكايه لحد ما هرب وجاب الفلوس وجالها
تاليا متنحه : أتجوز تانى ومراته حامل كمان مش حرام يطلق كل مراتاته ويشردهم عشان واحده
ياسين : أتجوز بت اسمها هبه من دور أختى الصغيره خالص يعنى اصغر منك وأتسعر محدش عارف يكلمه
تاليا باصله بأمل : ياسين أنا مش محتاجه الفلوس على اد ما محتاجه كل الورق إلا أبوك سرقه انا متاكده انه سرقه وحط ايده عليه بعد وفاة بابا ومش بعيد يكون بابا كان مستأمنه عليه للأسفة
ياسين بنهجه : ماعرفش طريقه والله يا تاليا انا واثق وعارف إنه حقكم  وابويا ملوش كل ده ابويا كان له حتة ارض صغيره وبيت الضيافه ابوكى مقعده فيه وكتبه باسمه من بابا البر بأخوه ياما أبوكى قدرنا وشال عننا كتير   .. صبح فى يوم وليله بقى هو مالك لكل شئ وطردكم وكان بيقنعنى إنه ملكه  بس أنى عمرى ما صدقته 
تاليا بزعل : كان نفسى تجيبلى حقنا ونخلص يياسين خايفه من إلا ها يحصل بينا وبينه
ساميه : هو ها يعمل إيه يا تاليا غصب عنه وعلى رأيه لو يعرف فين الورق إلا يخص أملاكم كان جابه
ياسين بتاكيد : إيوا والله أنى خلاص مبقاش فارق معايا ايوتها حاجه خسرتك .. خسرت احلى حاجه كنت بستمناها من الدنيا .. انا مظلمتكيش يابنت عمى انا ظلمت روحى وبس
تاليا بقهر  : كلنا اتظلمنا و اتذلينا يياسين .. ابوك وصل اخواتى إنهم بقو يتمنو مو.تى وانا خلاص زيك مش فارق معايا حاجه إلا يحصل يحصل  .. أنت جبت فلوس أد إيه  مبلغ يعيشنا لحد ما نتصرف إخواتى حالتهم صاعبه
ياسين : انا جبت إيراد العزبه كله وكان فى فلوس تانيه ماكنش لسا وداهم البنك 
ساميه : يعنى كام ألف
ياسين بص لتاليا : ٦ مليون وكسور ماعرفش كام بالظبط
ساميه شهقت بصوت عالى وقامت وقفت : ماشاء الله كل دا يا تاليا إيراد دانتو اغنيه بقى
تاليا بصتلها  : أيوا يا بنتى الايراد أيام ماكنت بحاسبه ماكنش كبير كدا بس بحكم الغلاء وبحكم الأراضى إلا اشتراها ووسع العزبه تجيب طبعا المبلغ دا والشركه بتجيب كدا واكتر كمان
ساميه بصت لياسين وبتنطر ايديها عند بوئها : يعنى انت وأبوك  لاهفين  كل دا فى كرشكم  طب إرمو حاجه للغلابه دول ليهم حق إخواتها يعملو فيها كدا
ياسين : انا زيى زيهم باخد مصروف وبالنسبه له فكه بيرميها على الارض .. بص لتاليا .. انى ها أستلف منك مبلغ صغير أمشى حالى بيه عشان عايز اجيب إخواتى يعيشو معايا ولما ربنا يكرمنى ها أردهوملك 
تاليا ابتسمت : أنا إلا مش عارفه ها أردلك جميلك دا ازاى يياسين أنت كبرت قوى فى نظرى بعد ماكنت بكرهه اشوفك ماتتخيلش انت غسلتنى من جوايا بدئت احس إن الدنيا بتضحكلى من تانى
ياسين أبتسم : الله عليكى وعلى كلامك إلا بينقط شهد .. الحمد لله إنى عملت حاجه حتى لو بسيطه تفرحك بينى وبينك أنا قولت لو إديت لإخواتك المبلغ دا ها ياكلو حقك زى ما كلوه قبل كدا  جبته ليكى عشان أنى  عارف لو معاكى مال الدنيا ماتجيش على حق غيرك
تاليا أبتسمت : طب قوم ياله انا لازم أوديك لاكبر دكتور هنا هاترجعلك صحتك وتبقى كويس إن شاء الله
ياسين : انا بقيت كويس بشوفتك يابنت عمى
ساميه خبطت على كتفه : بلدينا دى متجوزه وجوزها شر.انى انا عارفاه
ياسين بخوف : صوح شر.انى عليكى بيضر.بك
ساميه ابتسمت وشاورت بنفى : لاء على إلا بيقرب لها بيتحول لديب .. ذئب إحترس بقى
تاليا ابتسمت : ادم كويس جدا معايا متقلقش عليا .. ياسين مش شرط ناخد كل حاجه بنحبها ساعات كتير ربنا بيمنعها عننا رحمه لينا بعدى عنك وإختلاف طريقنا تأكد إنه رحمه من ربنا اول شئ ردك لطريق الحق ونور بصيرتك انا متاكده ان ربنا ها يعوضك بأحسن منى
ياسين أبتسم بحزن عميق : سامحينى يابنت عمى عيونى مش عارفه تشوف أحسن منك إلا بيحب متصاب بداء ملوش علاج داء أسمه عذ.اب الحب وانا أتكتب عليا عذا.بك
ساميه الكلام مس قلبها افتكرت كلمة عصام فى يوم وهو زهقان قالها من أقسى انواع العذ.اب هو عذ.اب الحب وخصوصا لو مكتوب عليك تفارقه وتتفرج عليه من بعيد العذ.اب بيتضاعف
تاليا اتنحنحت : بكرا تعرف انه خير كبير ليك  .. قوم ياله وبتشده من ايده
ياسين بتعب شديد : مش قادر
تاليا : مش ها اسيبك
ياسين : طب استنى اتصل على زياد يساعدنى .. بصى جابلى التليفون دا الله يباركله عيل جدع
تاليا انتظرت لحد ما زياد  جه لانه كان خلاص خلص شغله وراح سكنه وأول ما طلع و شافها ابتسم : مدام تاليا
تاليا بتاكيد : أيوا
زياد : صدقتينى
تاليا : صدقتك .. ممكن تساعدنى عشان اوديه للدكتور
زياد بتاكيد : طبعاااا
مسكوه مع بعض وشاور لساميه على شنطة الفلوس قالها هاتيها وفعلا جابتها .. راحو المشفى إلا كان محجوز فيها ادم ولخطورة حالته حجزوه هو كمان لحد ما يظبطو الضغط ونبضات القلب ومستوى السكر فى الدم .. كل شئ عنده ملخبط ومش مظبوط بالمره  بتمر الأيام وتاليا بتابع ياسين يوميا مابتزهقش من السؤال عليه أبداااا وقاعده تخطط معاه ازاى يجيبو إخواته البنات ويهربهم من جح.يم أبوه ... بس كل إلا محتاجينه شوية وقت ..
مر شهرين وذكريا برغم متابعته لتاليا سايبها وبيراقب من بعيد وبيعمل تحريات من بعيد محسسها إن فعلا عيونه اتشالت من عليها وياسين خرج من المشفى إنسان جديد بمعنى الكلمه دخل عيشه وجو وحياه ماكنش يتوقع يعيشهم وبدء يندمج فيهم بسبب تاليااا أثرت عليه يطور مهاراته ويعمل بدراسته إلا خدها بالعافيه ويثقف عشان يعرف يندمج ويعيش وسط المجتمع الجديد
عبدالعزيز عرف بسرقة ياسين للخزنه وجن جنونه بمعنى الكلمه مهما يدور مش لاقيه إبره فى كوم قش زى ما بيقولو حتى تاليااا بعت رجاله يراقبو شقتها أكدو له إن مفيش حد ساكن فيها .. كانت اذكى منه سابت الشقه وقعدت فى شقة ساميه  عشان عارفه إن ممكن يدورو على ياسين فى شرم ...
هبه حاطا ايديها على بطنها  : ااه يانى اااه .. أنتى يا زفته منك لها تعالو هنا
منال طالعه باصلها بغل : عايزا إيه يابت أنتى مالك شدا حيلك علينا وشايفه روحك ليه يا إلا تنضر.بى  
أمانى :  حيطه مايله إحنا قدامك كل ساعه والتانيه  تشغلينا
توحيده : قسما عظما لو ما لميتى روحك لأرنك علقه تحلفى بيها العمر بحاله
ثريا : وترنيها ليه لوحدك كلنا معاكى الواحد جاب اخره
كريمه بتشد توحيده : توحيده لايميها أبوكى ها يخلص علينا حرام عليكو
هبه قامت بصالهم بتحدى : طب تبقى واحده فيكو ياغفر تقرب النواحيدى وأنا أوريها ستها وست ستها هبه هاتعمل فيها إيه .. علت صوتها جامد ومشت صباعها على أورتها .. نعم نعم ياختى منك لها دانا مرات عبدالعزيز .. طبطبت على بطنها .. أم إبنه إلا ها يورث الهلومه دى كلها يعنى أنتو شوية خدامين هنا يابت منك لها
توحيده قربت عليها مسكتها من شعرها وبدئت تضربها : يورث إيه يا شحاته ومين دول إلا خدامين  .. ياسين اخوايا حى يرزق وراجع فاهمه راجع
هبه بتزقها أمانى مسكتها وثريا ومنال الاربعه اتلمو عليها وهبه بقت ترقع بالصوت : إلحقونى ياناس .. إلحقونى يالهووووووى ..  يالهووووى  .. عايزين يسقطو.نى
عبدالعزيز داخل جرى ولما  البنات شافوه جريو على الاوضه وقفلو على نفسهم من جوا .. نزل بالعصايه على الباب : افتحى منك لها
منال بصوت عالى : مش فاتحين
عبدالعزيز : كدا طيب
هبه بتعيط وماسكه بطنها : أاااه الحقنى يا عبدالعزيز ولادك كانو بيمو.تونى عايزين يقت.لو إبنى ويخلصو منه مش عايزينك تفرح
عبدالعزيز بيقومها : عملتى فيهم إيه يا حزينه
هبه صوتت فى وشه : ها أعمل إيه أنى .. أنت مقعدنى مع شوية بلاوى الغفر بتوعك سحنتهم احلى من سحنة بناتكم دول
عبدالعزيز بيشدها : همى معايا وبطلى رغى قومى
هبه مسكت بطنها من تحت ومثلت الوجع الشديد : مش قادره .. بطنى ياعبدالعزيز إبنى هايروح منى
عبدالعزيز قومها ومشى بيها على الدكتور بيعمل لها فحص  واقف قلقان وهى نايمه على السرير وبيعمل لها سونور مش مبطله عياط : هاتلى أمى ياعبدالعزيز
عبد العزيز بعصبيه : دا وقته اسكتى أما نشوف الداكتور هايقول ايه
الدكتور : أنا مش شايف خطوره كل أمورها تمام والبيبى تمام زى الفل
عبدالعزيز شاور : أهو بيقول زى الفل اهو
هبه بعياط اتعدلت : ها أتبلى على بناتك انى يا راجل
الدكتور : إهدى شويه العصبيه مش حلوه عشانك
هبه : معصبنى يا داكتور هو وبناته
الدكتور بص لعبدالعزيز : ياحاج هى لازم ترتاح وبلاش حد يدايقها لإنها عصبيه زياده عن اللزوم ودا بيعرض البيبى للخطر خصوصا لو الضغط على بسبب عصبيتها
عبدالعزيز هز راسه وشاور : قومى ياختى قومى .. مسكها وخد الروشته وراجع بيها
هبه بصاله : هاتلى حقى
عبدالعزيز : إيه يرضيكى
هبه : انا مش عايزهم يضر.بو .  أنا عايزا أهنهم وأعرفهم إنهم خدامين تحت رجلى وقت ما أحب
عبدالعزيز ضحك : بس كدا يا ستى حاضر إعتبريهم جزم فى رجلك إقلعيهم وإلبسيهم وقت ما تحبى يا ست الستات
هبه أبتسمت : إضحك عليا إضحك
عبدالعزيز : لازم أرضيكى يا بركة مين غيرك يا أم الواد  انتى هاتجيبلى واد واتنين وتلاته أعوض بيهم إلا فاتنى مع البهايم دول
هبه لوت شفتها : لسا ماعرفتش إلا ما يتسمى الحرامى إبنك ياسين راح فين
عبدالعزيز بص قدامه بغل وهو سايق العربيه : الارض اتشقت وبلعته نفسى اعرف فين مش ها اسيبه غير لما أطلع رو.حه على إلا عمله
هبه بجمب عنيها : قولتلك إكتبلى كل حاجه وخلينى انا اتصرف فى مالك بحميك من ولادك والعقارب مراتاتك .. ضربت إيد على إيد تلاقيهم هما إلا مقوينه عايزين يلهفو مالك
عبدالعزيز شاور على نفسه : ريحى روحك  أنى عارف بحمى روحى ازاى
هبه لوت شفتها : ياسلام براحة راحتك يا راجل بكرا تندم وتقولى ياريتنى حميت مالى وكتبته بأسمك لتكون فاكر إن عنيا على مالك أنا عنيا مالينه انت فاهم
عبدالعزيز بتأكيد : فاهم ياست البنات  إسكتى بقى انا مصدع يا هبه
هبه قربت عليه ومسدت على كتفه : ألف ألف سلامه على راسك يا راجلى يا حبييى
عبدالعزيز أبتسم  : ليلتنا حلوه بالصلاه على النبى
هبه شهقت : نعم نعم بعد إلا عملوه الغفر بناتك عايز تدلع كمان دانت مفيش فى وشك دم بصحيح
عبدالعزيز  زقها : خلاص إسكتى ما بتصدقى تتفتحى أعوذ بالله منك يا هبه ومن طرقعة لسانك .. دخل البيت جوا ونزل من العربيه سندها ودخلها معاه
منال : أجرو يا بنات أبوكم جه هو والحربايه وطالعه تجرى عبدالعزيز ساب هبه وطار وراهم جاب منال من قفاها .. تعالى هنا يا هبابة السخام أنتى
منال بعياط مسكت ايده تبوسها : أبوس إيدك يابا حقك على إلا جابونى أخر مره
عبدالعزيز رفع ايده وبعزم ما فيه نزل على وشها طرااااخ بالقلم مسكها من شعرها : قولتلك ها اقصلك لسانك داهون مصدقتيش
منال عيطت جااامد : خلاص يابا حقك علياااا سيب شعرى ها يتخلع فى إيدك
عبدالعزيز تبت عليه أكتر : يتخلع عشان تبقى قرعه ماشيه زيك زى بلاط الدار ملكيش عين ترفعيها فى حد وخصوصا ست ستك مراتى هبه .. زعق بصوت عالى جدا .. تعالى منك لها
الاربعه خرجو ورا بعض يعيطو .. ساب منال ودار فيهم واحده واحده .. مره بالرجل ومره بالقلم ..
هبه واقفه باصه لهم بشامته رهيبه وبتضحك .. مسكت بطنها وبدلع  : أى إلحقنى ياعبدالعزيز
عبد العزيز  سابهم وراح لها مسكها : مالك يا ست الستان
هبه قربت بوشها عليه : تعبانه قوى قوى .. قولهم يجيبولى ميه أحط رجلى فيها ويقعدو يمرشوها  لما ترتاح من الوجع
عبدالعزيز بصلهم : سمعتى منك لها
توحيده بعياط : بس  عيب كدا يابا دا إحنا بناتك مش خدامين عندها
عبدالعزيز قرب منها لط.شها بالقلم : عيب ليه يابنت ال... .. انتو هنا قاعدين بالقمتكم تطبخو وتروقو وتشوفو ستكم هبه عايزا ايه وعلى الله حد فيكم يزعلها تانى وإلا يجى عليها  .. إنجرى منك لها
الخامسه راحو على المطبخ مش طايقين نفسهم بمعنى الكلمه ..
هبه ضحكت : إيوا كدا ربيهم بحب فيك دمك الحامى يا راجلى يا سيد الرجاله
عبدالعزيز : هى البنات وخلفة البنات مش عايزا غير كدا 
هبه نطرت ايديها : قطعو وقطعت خلفتهم ... هههه خلينا إحنا فى خلفة الرجاله
عبدالعزيز : ههههههه إيوا يابت يا هبه ركزى فى باب الرجاله سيبك من الحريم شبعت منهم لما طفحت
الخامسه خارجين منال شايله الميه حطتها تحت رجل هبه بصتلها بغل وقالت بصوت تخين : رجلك يا مرات أبويا
هبه مدت رجليها : خدى خدك ربنا
منال شدتها نزلتها فى الميه وهبه قامت تتنطط
توحيده : يالهوى طلعت سخنه عليكى يا حبيبتى طب خدى وطراخ غرقتها بكوز الميه
عبد العزيز طار وراهم وهما طلعو يجرو بعزم ما فيهم الخامسه هههههههههه قفلو الباب عليهم تانى وبصوت واحد : يابا إحنا عملنا إلا قولتلنا عليه والله الميه ما سخنه مراتك عايزا تورطنا معاك
عبدالعزيز فضل يشتم وراح يشوف الميه بص لهبه : مالها يا هبه الميه  لا سخنه ولا حاجه
هبه بعياط ماسكه هدومها : بردت من الهوا
عبدالعزيز : بردت مسافة الطريق إرحمينى يا هبه انا مش فاضى لدلعكم ده أنا راجل ورايا مشاغل ياما
هبه قلبت وشها وبزعيق : روح لحالك وسيبنى لحالى ياراجل .. انا داخله أغير هدومى منهم لله الغفر بتوعك قعدتنى وسط عصا.به
عبدالعزيز قعد وباصص على الارض وكل ما يفتكر وهما بيكبو عليها الميه وطارو قدامه يضحك من قلبه بس حلف ليضر.بهم بردو
****
عمرو راح لمنى بيت أهلها .. أبوها قاعد شايط وأمها مش راضيه تكلمه بص لمنى وبزهق : وبعدين
منى : عايز إيه ياعمرو
عمرو : إرجعى بيتك انا معملتش فيكى حاجه
منى بحمقه : وكلامك على أختى
عمرو : هى السبب أنا مش ها أتبلى عليها ماتخربيش بيتك عشان أختك
أبوها بعصبيه : مش واخد بالك انها أختها وإلا يمس هدى يمس منى .. بص يابنى أنا بحترمك وبقدرك بس تغلط فينا وإلا فى هدى لاء
عمرو قام شاور على هدى إلا قاعده وحاطه رجل على رجل بتهزها بطريقه مستفزه : يعنى بنت حضرتك تلقح وتقل مننا يبقى عادى ولما اتكلم مايبقاش عادى
أبوها : قولى وانا اكسر دماغها انا مش ها أعلمك الاصول يا حضرة الظابط
عمرو ضحك ولف وشه : ماشى يا عمى شكرا الاتنين جمب حضرتك لما اعرف الأصول ها اجيلك .. بص لمنى .. عمرى ما ها انسالك الموقف دا عشان أنتى عارفه ومتاكده إنى مش غلطان وبراحتك خلى عمايل أختك إلا انتى عارفه انها عيب وغلط فى حقكم كلكم  تنفعك .. سابهم ومشى ومنى قامت تجرى وهى بتعيط شالت حمزه إبنها  ودخلت الاوضه
هدى دخلت وراها : انتى بتعيطى ليه ما يتحر.ق
منى قامت زقتها : أطلعى برا أنتى فعلا ماعندكيش دم ولا بتحسى وهاتبقى سبب خراب بيتى
هدى ربعت ايديها وبحمقه شديده : يا سلام كل دا عشان عمرو للدرجه دى مدلوقه عليه وخايفه على زعله
منى صوتت : ماما .. ماما تعالى خدى بنتك من وشى
أمها قربت منهم مسكت ايد هدى : تعالى يا هدى
هدى : استنى يا ماما لما اشوف مالها هى هاتسمع كلامه وتعمل بيه
منى : انا لو بسمع كلامه كنت فضلت فى البيت ما مشيتش عشانك وانا عارفه إنك غلطانه وبتزوديها فى وجود عمرو قصدك ايه من عمايلك ريحى نفسك أدم مش ها يبصلك
أمها بهجوم : عيب يا منى
منى : لاء مش عيب .. بنتك حاطه عنيها على أدم وبتلقح عليه بتحاربه الهانم عشان رافض يكون فى علاقه بينهم
هدى واقفه تتهز : تصدقى أنتى فعلا ما تستاهليش تكونى اختى
امها صوتت : أنتو اتجننتو .. فى إيه
أبوها : حرام عليكم فرجتو علينا الناس
هدى شاورت على منى : قصدك هى إلا فرجت علينا الناس عشان خاطر البيه جوزها لله فى لله ما بحبوش ولا ها أحبه
منى : عشان عمايلك غلط فى غلط .. انتى عايزا الناس تسقفلك وتقولك برافو صح كملى وانتى اصلاااا كلك غلط
أبوها زعق : منى كفايه .. زق هدى .. وأنتى قدامى على برا  ياله ماشوفش وشك قدامها دلوقت وصدقينى حسابك تقل يا هدى
هدى دبت فى الارض : يوااااه بقى انا زهقت سابتهم ودخلت اوضتها رزعت الباب ومنى قفلت على نفسها تكمل عياط بتفكر ترجع وتلم الدور بلاش الأمور تكبر وكرامتها فى نفس الوقت بتنقح عليها عمرو عنده كبرياء لو قدم مره مابيقدمش التانيه مهما حصل اكتفت بنفسها وإبنها وقعدت ..
***
تاليا تعبانه جدا مابتقدرش تروح المدرسه وساميه شبه مقيمه معاها وأميره طول الوقت بردو معاهم تخلص إلا وراها تروح لهم وتتابع هما بيعملو إيه مفتحه عيونها بمعنى الكلمه عليهم الاتنين بأوامر من عزت
تاليا فضلت ترجع فى الحمام خارجه وماسكه بطنها : ااااه .. أنا تعبت يا طنط يمكن برد شديد فى المعده
أميره بصت لساميه وأبتسمت : برد إيه وانتى بتقولى ال.... قولتلك إعملى إختبار حمل كل حاجه بتقول إنك حامل ملهاش تفسير تانى
تاليا برفض عيطت : لاء مش حامل .. حامل ازاى وها أعمل ايه وانا لوحدى
ساميه بهجو.م  : لوحدك فين يا تاليا ما إحنا معاكى انا مش عارفه أنتى خايفه من إيه تاليا انتى قربتى على الشهر التالت من ساعة سفر ادم وعصام وقربنا نبوس ايدك عشان تعملى الإختبار والا تروحى للدكتور رافضه ليه المفروض فى متابعه أول تلات شهور بالذات
تاليا هزت راسها : لاء يا ساميه  هما شوية لخبطه عندى وكل حاجه هاترجع لطبيعتها
أميره بزهق : أنتى عنيده .. نطرت ايديها بعصبيه .. قومى يابت
تاليا بصالها وبرجاء بتهرب من الموضوع هروب فظيع مش عايزا تعترف أبداااا برغم إحساسها .. خايفه وقلقانه مرعوبه من إلا جاى ازاى ها تتحمل مسئولية طفل وهى لوحدها وكمان حياتها فى خطر .. أصرو عليها ونزلو راحو المعمل عملو إختبار حمل  خدو منها عينة الدم والتلاته قاعدين ساميه فرحانه قوى كإن هى إلا حامل وأميره واثقه ومتاكده انها حامل ..
الدكتوره طلعت : مدام تاليا
تاليا قامت روكبها بتخبط فى بعض : أيوا
الدكتوره مدت إيديها بالتقرير : اتفضلى
❤❤🧡🧡🧡💛💛
بقلم :  لبنى طارق
💚💚💚💙💙💜💜💜
رأيكم ودوسو على علامة النجمه