صقر الظلام

صقر الظلام ١٨

صقر الظلام ١٨
*************
اللَّهمَّ إنِّي أعوذُ بِكَ منَ الْهدمِ ، وأعوذُ بِكَ منَ التَّردِّي ، وأعوذُ بِكَ منَ الغرَقِ والحريقِ ، وأعوذُ بِكَ أن يتخبَّطني الشَّيطانُ عندَ الموتِ ، وأعوذُ بِكَ أن أموتَ في سبيلِكَ مُدبرًا وأعوذُ بِكَ أن أموتَ لديغًا».

اللَّهُمَّ اجْعَلْ لَنا مِنْ كُلِّ ضِيقٍ مَخْرَجًا، وَمِنْ كُلِّ هَمٍّ فَرَجًا، وَمِنْ كُلِّ بَلاَءٍ عَافِيَةً، وَاسْتُرْ عَوْرَاتِنا، وَأَصْلِحْ نِيّاتِنا، وَذُرِّيّاتِنا، وَأَحْسِنْ خَواتِمَنا، وَاحْفَظْنا مِنْ بَيْنِ أَيْدِينا، وَمِنْ خَلْفِنا، وَعَنْ أَيْمانِنا، وَعَنْ شَمائِلِنا، وَمِنْ فَوْقِنا، وَنَعُوذُ بِعَظَمَتِكَ أَنْ نُغْتَالَ مِنْ تَحْتِنا، يا ذا الْجَلاَلِ وَالإِكْرامِ، اللَّهُمَّ أَعْطِنا وَلاَ تَحْرِمْنا، وَكُنْ لَنا وَلاَ تَكُنْ عَلَيْنا، وَاخْتِم بِالصّالِحاتِ أَعْمالَنا، وَاشْفِ مَرْضانا، وَارْحَمْ مَوْتانا، وَبَلِّغْ فِيما يُرضِيكَ عَنّا آمالَنا، وَارْحَمْ ضَعْفَنا، وَاجْبُْر كَسْرَنا، وَلاَ تُخَيِّبْ فِيكَ رَجاءَنا، يا فَرَجَنا إِذا أُغْلِقَتْ الأَبْوابُ، يا رَجَاءَنا إِذا انْقَطعَتْ الأَسْبابُ، وَحِيلَ بَيْنَنا وَبَيْنَ الأَهْلِ وَالأَصْحابِ.
اللهم صل وسلم وبارك على سيدنا محمد وعلى آله وصحبه أجمعين

❤❤❤🧡🧡💛💛💛💛💚💚💙💙💙💛💛💚💚
مجدى نطر إيده وبكل الغل إلا جواه من ناحيتها : أنتى طالق
لميس بصدمه : نعم طالق ... زغرطت لمجرد غيظه  او مدايقته إنها ما صدقت تخلص منه  ... لولولولولولولوى ... أخيرا خلصت منك ومن منظرك أنت فاكر نفسك راجل
مجدى جرى قرب منها : أخرسى وغورى من هناااا زقها برا .. أطلعى برا حياتى بقى
لميس بغل : ها أغور بس بعد ما أعرف الناس كلها حقيقتك الواطيه يا واطى
مجدى ضغط على إيده : ماتخلنيش اضربك وانزلك متكسره من هناااا غورى يا لميس الله يسهلك
لميس بصوت عالى : أل تكسرنى أل  .. الناس كلها اتلمت حاولو يهدو الموضوع بس هى كبرته ..اسمعو عارفين الواطى دا طلقنى ليه عارفين معكنن عليا عيشتى ليه عشان بيحب الواطيه أختى عشان عايز يخونى معاها وانا كشفته وكشفتها على حقيقتها
مجدى خرج ونزل عليها بالاقلام والناس زقته
جارهم : مش كدا يا مجدى عيب
مجدى بحمقه : عيب عليها دى ست قليلة الادب ومريضه نفسيااا .. أختها اشرف منها مليون مره وأنا بعترها اختى الصغيره ازاى تتكلم عليها وتوسخ سمعتها لو أنا اوسخ راجل فى الدنيا ازاى تقول على اختها كدا
لميس بعياط : دافع عنها ماهى خلاص كلت عقلك بتطلقنى عشان عيله صغيره طبيعى ماهى عينك فارغه
مجدى واقف بيطق شرار : يا لميس اتقى ربنا .. حرام عليكى والله ما بصيت لأختك بصه حرام .. زعق .. والله ياناس ما بصيت لاختها ولا البت عينيها بتترفع فى حد .. شاور على لميس .. الست دى ظالمه ومستقويه عليها عايزا تبيعها بالفلوس واختها رافضه تعمل ايه تقرفنى أنا فى عيشتى وتطلع عليا سمعه عشان بدافع عنها وبقول لها هى واخواتها حرام
واحده جارتهم بحمقه  : هى فى واحده ست ها تتكلم كدا وإلا تخرب بيتها إلا إذا شافت حاجه مش مظبوطه
مجدى رفع ايده وبصوت عالى جدا : والله ما شافت ولا حصل حاجه .. بص للميس .. روحى منك لله ربنا يورينى فيكى يوم يا شيخه دخل ورزع الباب فى وشهم كلهم
الست بتطبطب عليها : معلش يا بنتى ربنا على كل  راجل ظالم والمفترى ... قومها من الأرض و لمو لها الهدوم إلا أتبعترت من خناقهم على السلم ونزلت راحت على رامى بتعيط
رامى بنفاذ صبر : ماتنطقى يا لميس فى إيه
لميس شاورت على برا : طلقنى الواطى طلقنى وضربنى يا رامى عشان أختك الزفته
رامى قام خدها فى حضنه بيطبطب عليها : ماتزعليش هو الخسران
لميس هزت راسها : طبعا خسران طبعاااا  أنت لازم ترفعلى عليه خمسين قضيه يخرج من واحده يدخل فى واحده أنت فاهم وإلا لاء
رامى قعد وقعدها : حاضر ها أعملك إلا أنتى عايزاه بس إهدى .. طب سيبتى البيت ليه
لميس : عايز يقعدنى أربى العيال ويتصرمح هو ليه ها افضل اضيع فى عمرى عشانه وعشان ولاده ياريته فاتح نفسى بكلمه كويسه وإلا نظره حلوه دا راجل عينه فارغه
رامى : طب هاتعملى إيه لو ها ترتاحى مع مراتى تعالى أقعدى معايااا
لميس بإعتراض : لا مراتك ولا مرات أخوك هات مفتاح شقتنا القديمه إلا كانت قاعده فيها تاليا وأنا ها ارجع أقعد فيها
رامى :  براحتك أهم حاجه تكونى مرتاحه المفتاح مع رامز ها اكلمه اجيبه منه
لميس نطرت إيديها وبتمسح وشها : كلمه خلينى أرتاح وابعت هاتلى أكل جعانه الأكل إلا جبته زمانه بيطفحه
رامى لف صباعه فى الهوا : أنتى كمان جبتى أكل
لميس بتأكيد : ايوا تخيل كمان جبتلو اكل
رامى  : معلش ياحبيبتى  احلى غدا ها يكون عندك
لميس : وأبعت واحده تنضفلى الشقه قبل ما أقعد  فيها مش ها أنام على التراب
رامى بهزار : طلباتك كترت يا لوسى
لميس : خلص يا رامى مش فايقالك
...
مجدى بعد ما دخل لقى عياله واقفين عند الاوضه بيتفرجو على امهم وأبوهم وبيعيطووو .. قرب منهم ودخل الاوضه وقفل الباب عشان صوت لميس والجيران خدهم فى حضنه وطبطب عليهم
نورا بنته الكبيره عندها عشر سنين : بابا هى ماما سابتنا خالص ومش هانشوفها تانى
مجدى مسح دموعها : هاتشوفيها يا نورا يا حبيبتى هى اعصابها تعبانه وعايزا تقعد عند خالو شويه
نورا : بس انت طلقتها يعنى سيبتو بعض  .. عيطت جااامد .. إحنا خلاص مش هايبقى لينا أم وهاتتخانقو علينا زى سمر صاحبتى وتضربو بعض وتخطفونى انا وإخواتى ومراتك الجديده هاتعضنى وتحرقنى انا وإخواتى
مجدى بنفى بيطبط على الصغيرين : لا يا حبيبتى ماتقوليش كدا انا لايمكن أعمل فيكو كدا ماما اعصابها تعبانه ها أسيبها شويه وها ارجعها تانى ... بس يا احمد بطل عياط
أحمد بصريخ : ماما .. عايز ماما
مجدى شاله حطه على رجله ومسد عليه باسه : طب مش عايز بابا شويه
أحمد : عايزك بس عايز ماما
مجدى : خلاص بطل عياط ويومين ان شاء الله ونجيبها ماشى
احمد : لاء دلوقتى
مجدى : دلوقتى مش هاينفع يومين اتفقناااا ... طبطب على البنت الوسطنيه .. اتفقنا يا أمل
امل هزت راسها وقاعده ساكته
مجدى ضحك : حبيبة ابوكى انتى 

*****
أدم قابل ذكريااا فى مكان متفقين عليه وحكاله كل إلا حصل من حسنى ورجالته
ذكريا ضربه فى صدره : بتهرج يا أدم عندك وقت تلعب ومع دول
أدم بضحكه : تصدق كنت بلعب فعلاااا فكرنى باحلى أيامى مش عايز اقولك كان نفسى أديلو على قفاه وأجرى زى العيال الصغيره
ذكريااا : ههههههه.. يعنى الواحد يكلفك بحاجه ترجع لنا بمليون حاجه جمبها
أدم : أنا غلطان يا ذكريااا حتت واحد ملوش تلاتين لازمه قاعد مبرطع فى المنطقه ومخوف الناس ومبهدل الشباب حواليه وإحنا كتع مثلاااا حرك الدخليه يا ذكريا حركها
ذكريا مسكه : خلاص ماشى .. هات ياعم أم الورقه دى وها احرك الدنيا بحالها بس طمنى على العمليه بتاعتنا فى اخبار جديده
أدم : لسا بس إحساسى وصل ل٩٠ فى الميه إنى ماشى صح  
ذكريا : إنجز عايزين نشوف دا على ارض الواقع مش عايزين تكهنات يا أدم
أدم مسك إيده : قولتلك بأمر الله قريب .. المهم تاليا عامله إيه
ذكريا : لازم تعرف دلوقت
ادم اتعدل وبقلق : فى حاجه حصلت اوعى تقلقنى عليها وتسيبنى
ذكريا : تاليا بخير الحمد لله بس ساميه إلا مش بخير أبدا
أدم  هز راسه : ايه تعبت
ذكريااا حكاله كل حاجه بإيجاز  : على حد عملى تاليا مازالت معاها قاعده فى بيت عزت أبو عصام
أدم بزعل شديد : ربنا يرحمها ويصبرها .. ذكريا تاليا تحت عيونك انت قولتلى ان فعلا فى واحد بيراقب شقتها أوعى تسيبها تتغابى انا عارفها دماغها ناشفها
ذكريا شاور على عيونه : ماتقلقش هى فى عيونى المهم ركز عايزينك ترجع لها بسرعه
أدم ديق عيونه : بسرعه عيل صغير أنا يا ذكريا دانتو سانتكو طويله بالصلاة على النبى أنا قرب أنسى أسمى
ذكريااا : ههههههه ضربه فى كتفه استحمل يا أبو قلب فدائى
أدم : هههههه ماشى .. بقولك ايه هات لها تليفون واديهلوها تسلى نفسها بيه
ذكريا : ماتديها تليفونها
أدم ببتسامه : أنت عايز ايه يا ذكريا تقطع علاقتك بيا قول وانا أبعت لحسام باشا ونقطع العلاقات مراتى ياعم وواخد تليفونها ..  فى إيه مدايقك وحارق دمك
ذكريا : واخده ليه يا رزل خايف عليها إقفل إميلها وهات خط جديد وخلصنا
أدم أبتسم وشده عليه : أديك قولت رزل وطول مانا فى مصر التليفون دا معايا ومش عايزين رخامه
ذكريا بنص عين : قولتلها انك مشغله على خطوطك
أدم : ههههههه لاء عايزها تعلن الحرب عليا  وتسرسع وبيقلدها .. أنت فتحت تليفونى انت بتتجسس عليااا
ذكريا : البت دى ظلمت نفسها مش عارف ها تتحملك ازاى بعد كدا
أدم بضحكه : بقولك إيه اكسر دماغها لو ما أتحملتش ماعندناش ستات خرعه كلهم رجاله يابنى
ذكريا : ههههههه الله يكون فى عونك يا تاليا يابنت أم تاليا
ضرب على كتفه ..  خد بالك من نفسك ياله اتكل على الله
أدم أتعدل وبيظبط حاله : يا مسهل يارب وطلع من المكان الأول وهو شايل قفص خضار وبيحمل على العربيه ..  رجع تانى خد غيره وغيره وركب العربيه وأتوكل على الله  أتجه للمكان إلا يوميا بيعدى عليه الست بقالها يومين ما طلبتش حاجه أبداااا ... واقف قدام عمارتها وبيظبط حاجته وينادى اتفاجئ بأتصال منها  فتح المكالمه على طول : الووو
الست : هاتلى اتنين كيلو بصل ومن الفاكهه إلا معاك كل حاجه كيلو وكيلو بتنجان وكيلو كوسه وربع فلفل
أدم : عنيه حاضر
الست : اوزنهم دلوقت ولما تخلص الناس اطلعلى
أدم : عنيه .. فى خيار صابح فلاحى يستاهل بوئك وطماطم حمرا عشان تسبكى أحلى تسبيكه
الست : هات كيلو وكيلو ..
أدم قفل ووقف خد وقته بيبيع للناس كلها إلا واقفه خلاص خدو عليه وعرفوه وبيستنضفو حاجته وفى نفس الوقت أسعاره أرخص من برا 
عبدالرحمن .. عبدالرحمن
أدم : نعم
البنت : خد اوزنلى دول عشان ورايا درس ها أتأخر
أدم أبتسم : لا كله إلا الدروس هاتى للحاجه تطردنا من المنطقه
البنت : هههههههه دا ماما بتحبك كل يوم تسئل عليك شوفى عبدالرحمن جه وجاب معاه ايه
عبدالرحمن بيوزن : أنا عيونى للحاجه وطلباتها .. عايزا أد ايه خيار
البنت : من كل حاجه كيلو ماعدا المانجه أتنين كيلو
عبدالرحمن هز راسه وبدء يوزن : تمام .. وزن وناولها وحسب لها الفلوس وبتناوله .. خد ها اطلع اجيبلك العشره جنيه الباقيه
عبدالرحمن : روحى درسك حاسبينى عليها بكرا ان شاء الله
البنت ببتسامه : ماشى شكرا وطارت من قدامه
عبدالرحمن : هات ياعم حلمى عايز إيه يا راجل يا طيب
حلمى راجل كبير فى السن : عايز الستر من ربنا
عبدالرحمن رفع ايده : يسترك ربنا دنيا وأخره يارب ويسترنا معاك ... بس عايزا اد ايه طماطم
عبدالرحمن : ربع كيلو على قدى يا عبدالرحمن وتمن فلفل وربع خيار اعمل طبق سلطه
عبدالرحمن : وإلا ماعندوش تمن كيلووو .. وزن إلا هو عايزه وحطلو حبة فلفل فى الشنطه .. أخيرا خلص بعد وقت وخد شنط الست الكبيره وطلع لها .. فتحت له لما رن الجرس ودخل حطهم على الترابيزه قعد كتب لها الحساب وبيقوم .. تؤمرينى بأى حاجه تانيه
الست : ممكن تعملى كوباية قهوه حاسه ان دماغى مش مظبوطه ياعبدالرحمن وضغطى واطى وأعملك انت كمان
عبدالرحمن أتنهد : مابقدرش أرفضلك طلب يا ست فاطمه اصلك شبه أمى وست بركه 
فاطمه : معلش يابنى السن نعمل ايه بتقل عليك
عبدالرحمن قام : فين المطبخ والقهوه والسكر والكنكه
فاطمه : أدخل هاتلاقى كل حاجه جواااا فى وشك
أدم قام ودخل المطبخ وهو حذر جداااا لقى كل شئ تمام .. وقف عمل القهوه وطلع لها حطها قدامها وهى قاعده : نسيت أسألك بتشربيها إيه عملتها زى ما بشربها مظبوطه
فاطمه ابتسمت : أيوا كدا تمام .. هات دماغى وعيونى خلاص مش شايفه بيهم اقعد اشرب قهوتك
أدم قعد وبيبص لها : أنتى ازاى عايشه لوحدك من غير حد
فاطمه : أعمل إيه يا عبده مليش حد وحيده انا بنت بنوت لساااا ما أتجوزتش  وأهلى ماتو ومفضلش غيرى  المهم أنت عامل إيه فى شغلك
أدم : والله يا ست فاطمه الواحد تعبان بس الحمد لله بنجرى على لقمة عيشنا وأهو بنلاقى إلا يعيشنا
فاطمه أبتسمت : بس بتوع الخضار بيكسبو على قلبهم أد كدا
أدم : لو بتاعنا انا شغال عند واحد وأهلى كلهم شغالين عنده وكل واحد مننا متشحطط فى مكان  والمسئله مش مكسب وبس واحد زى حالاتى معاه كلية إعلام لا لاقى شغل عدل فى أم البلد دى ولا عايش بقيمته دايما عايشين بقيمه غير قيمتنا فيها .. تخيلى ماشى أبيع شوية خضار بس الحمد لله انا عندى واحد صاحبى بيبع جزم فى العتبه متمرمط وطالع عين أمه
فاطمه بزعل : عندك حق أكتر بلد بتظلم ولادها مصر .. أسألنى أنا فى شبابى اتمرمطت كتير وسافرت كتير عمرى ما شفت بلد فى العالم بتعامل شبابها المعامله دى غير مصر مش واخدين حقهم ولا حد حاسس بيهم معلش يابنى أتحمل لحد ما تشوفلك سفريه وهج أعملك مستقبل
عبدالرحمن بيشرب القهوه : منا متحمل أهو يمكن الحمد لله انا احسن من غيرى بيحط الفنجان وبيقوم .. الحساب بقى عشان أنزل
فاطمه : عنيه حاضر .. دخلت جابت له الفلوس وبتناوله .. عبدالرحمن  لو طلبت منك خدمه تعملها ليااا  انت شايف مابقدرش انزل خصوصا الصبح جسمى تقيل وسنى كبير وحركتى قلت
عبدالرحمن : أؤمرى يا ست فاطمه
فاطمه :  تعرف تغيرلى الدولارت دى اصل  بشتغل على النت بقبض بالدولار وانت عارف الدوله بتخصم  كتير منهم وإلا شغالين فى البنوك حرميه
عبدالرحمن بخضه : دولارت مره واحده بس انا ماعرفش حد انتى عايزا سوق سودا
فاطمه : أيوا انا كلمت واحد ها اديك رقمه هاتروح تغيرلى منه بكرا او وقت ماتكون فاضى
عبدالرحمن : ومش خايفه أخدهم ما أرجعش هنا تانى
فاطمه : ههههههه لا مش خايفه وبعدين انت أولى بالفرق يعنى كل مره هاتغيرلى فيها ها اديك من الفلوس أنا بحب اساعد الشباب إلا زيك قولتلك وحيده ها أعمل ايه بالفلوس غير إنى أساعدك وأساعد  إلا زيك
عبدالرحمن أبتسم  : ماشى هاتى وهاتى الرقم وباصص للفلوس عيونه هاتطلع عليها وهى متابعه دا كويس جدااا  نزل ومشى من المكان روح الشقه إلا مأجرها وقاعد فيها  طلع تليفون تاليا إلا شايله وبعت رساله منه لحسام وقاله الأخضر ظهر وقفل على طول  .. سمع خبط على الباب وراح فتح  : تقى خير
تقى بتوتر : ممكن أدخل
ادم برفض : لاء مش ممكن انا قاعد لوحدى
تقى : معلش يا عبدالرحمن ها أقولك حاجه وأخرج على طول
أدم بإصرار : قولى هنا إلا انتى عايزا تقوليه
تقى عيطت ؛ مش هاينفع ابوس ايدك ها اروح فى داهيه ابوس إيدك
أدم شاور وبص برا حواليه وهمس : طيب بسرعه اتفضلى
تقى دخلت وقعدت : انا اترددت كتير أجيلك بس مفيش قدامى غيرك يساعدنى
أدم : خير ادخلى فى الموضوع على طول
تقى :  أنا .. أنااا .. اصل كنت
أدم بفهم : ماشيه مع  واحد
تقى اتعدلت : عرفت منين
أدم : باين عليكى .. ماله
تقى عيطت : بيهددنى يا أعمل إلا هو عايزه يا  ها يقول لأهلى وخبطت على وشها .. لو عرفو ها يقتلونى الواد ها يشهر بيااا
أدم : فى صور معاه ليكى
تقى بإحراج : كتير كنا كل مانخرج مع بعض نتصور
عبدالرحمن نطر ايده وبعصبيه : تخرجو دانتى مقاضيها بقى
تقى بحلفان : ابدا والله كنت بحبه وعاميه ماعرفش إنه ها يطلع ندل  .. كل يوم يستنى قدام المدرسه من ايام ماكنت فى ثانوى ودلوقت بيجيلى على الكليه
أدم هز راسه : بتحبى وانتى فى ثانوى ياختى ركزى فى دراستك
تقى بصتله : انت غيران يا عبدالرحمن
ادم اتنفض فى وشها : غيران من مين أنتى هبله .. جايه تحلى مشكلتك وإلا تصتطادى
تقى شاورت بخوف من رد فعل أدم : انا قولت هاتفهمنى غلط والله ماعملت حاجه كل الحكايه مسك ايدى بس . .. كان بيعدينى الطريق
ادم بصلها ورفع حاجب وبتريقه  :  ماشى يافوزيه ..  هاتى رقمه وقومى روحى فى حاجه تانيه غير الايد ماتكدبيش
تقى : والله ابدا هى الصور وايدى
أدم : هاتى انتو عايزين قطع ايديكم  ولسانكم  على جرأتكم دى .. مش خايفه يحط صورك على اى حاجه يوديكى فى داهيه
تقى عيطت ؛ ماهو بيهددنى بكدا يا أعمل إلا هو عايزه يا يفضحنى ويشهر بيا
أدم : وانتى ايش عرفك انى كويس ماجايز أكون اوسخ منه ماروحتيش بلغتى ليه
تقى بخوف  : يالهوى يالهوى ابلغ ازاى بقولك أهلى ما يعرفوش
ادم : تروحى تبلغى محدش ها يعملك شوشره ها يجيبوه ويأدبو الواد ويمسحو صورك وشكرا انما تتكلمى مع حد تانى انتى ماتعرفيش ظروفه ايه تبقى بتصححى الغلط بغلط
تقى بصتله : انا واثقه فيك وعارفه انك لايمكن تعمل معايا حاجه كدا والا كدا
أدم اتنهد : ليه بقى ان شاء الله
تقى : باين عليك وعلى اخلاقك وصدك ليا لما بحاول أكلمك
ادم : مش مبرر لغبائك .. ماجايز مش طايقك .. زق دماغها .. شغلى دماغك ماتتعامليش بهبل وثقه مع حد ماتعرفيهوش ..  قومى أتفضلى طلع قلم من جيبه ومفكره صغيره بيكتب فيها الحسابات .. أكتبى رقمه وعنوانه وأسمه واتوكلى على الله
تقى مسكت القلم وكتبت بيانات الولد واتعدلت : أنت هاتعمل ايه
أدم : ها أعمل إلا أعمله ها ارنه علقه واخد تليفونه أكسره حلو كدا
تقى : معلش ياعبدالرحمن ماتزعلش منى إنى لجئتلك  ربنا يقعدهولك فى اعز ماتملك يارب ويحفظ حبايبك بحق لا إله إلا الله
أدم من قلبه : أمين يارب .. ياستى إلجئى بس حافظى على نفسك البنت مفيش حيلتها  حاجه غير شرفها وسمعتها حافظى عليهم هما راس مالك وحياتك إلا لو انداسو الكل بيدوس عليكى وعلى إلا جابوكى أقسم بالله ماتعرفى تعيشى بسبب الكلاب إلا هاتنهش فيكى وفى لحمك  ليل نهار
تقى ابتسمت : حاضر اخر مره لايمكن أعمل كدا تانى ..  بعد اذنك
ادم : أستنى .. طلع بص برا أطمن ان مفيش حد طالع ولا نازل  وخرجها وهى دخلت الشقه إلا قدامه بسرعه اتنهد ودخل جوا خد دش وغير وقاعد ياكل ماسك تليفون تاليا وبيقلب فيه زى كل يوم جاب الفديوهات وبيتفرج على فديو لها بإستمتاع  كأنها قدامه والموقف بيحصل دلوقت تاليا واقفه قدام أبوها عماله تتضحك جاااامد وأبوها ماسك نفسه من الضحك ومستنى تخلص  : أحلفى
تاليا رفعت إيديها : والله
هشام : والله إيه ماتخلصى
تاليا : هههههههههه والله لأكل الحلاوه مليش دعوه
هشام مسكها عصر دماغها بين ايديه : سنانك باظت أنا بصرف فلوسى على ضروسك مفيش أى حلويات هاتدخل البيت تانى بسببك
تاليا بتضحك بصوت عالى جدا : اخر مره يابابا ها اخلص حلاوة المولد وماتجبش تانى غير السنه الجايه دا وعد منك ليا الحلاوه تدخل البيت من السنه للسنه
رامز ضحك بصوت عالى وهو بيصورها : بتقولك السنه الجايه انا قولتلك أنت مخلف قرده مش بنى ادمه مخلف نقار الخشب طول ماهى ماشيه بتنقر فى أى حاجه ناشفه
تاليا طلعت من جيب البجامه بتاعتها حلاوه ناشفه : هى دى بس إلا أنا سرقتها يابابا بذمتك حد يقاوم الجمال دا
هشام مسكها عدلها وحضنها وهو بيضحك : هو إلا ميتقاومش أنتى أنا خلفت حتت سكر اخر العنقود سكر معقود .. طلعى الباقى يا حراميه
تاليا بضحك بتفضى جيوبها ملياها حلاوه على اخرها واخوها وأبوها ميتين على نفسهم من الضحك  باسته جااامد : يا حبيبى يا أوشه بقولك ايه مش هاتخرجنى انا و ماما اصلها زعلانه ومكتئبه
رامز بيقرب ولسا ها ينزل الكاميرا  هشام شاور : سيبها عشان لما تتجوز ها أضحك عليها عيالها وأقولهم شوفو أموكو النصابه
أمها جت من ورا رامز وزقت ايده : اقفل الزفته دى بقى وبطلو وش مش طول مانتو قاعدين تهريج وقالبين البيت مسخره
هشام صوته ظهر : شيل يابنى الكاميرا وأقفلها
أدم قفل التليفون ولما شاف اكتر من فديو فهم إن علاقة الام بولادها سيئه عشان كدا تاليا منحازه لأبوها جدا اغلب الفديوهات مع أبوها بتضحك وتهزر يا بتركب خيل وفديو واحد لعمها وياسين وهو قاعد قدام أبوها فى العزبه بتاعتهم وأبوها كان قاعد بيحاسب عبدالعزيز وهى داخله بتصور وتهزر معاهم وبتقولهم يشاورو ويعملو باى 
أتنهد وقال بصوت مسموع : ياترى وراك إيه أنت التانى  بيشاور بإيده .. هو مفيش حد عايش وسالك لازم وراه قصه وحكايه
**
ياسين بيلف على العزبه وعلى العمال كلهم وبيقولهم ماياخدوش الأوامر غير منه هو شخصيا  أبوه لما عرف جابه بالعافيه وروح على البيت وبعصبيه شديده   : مالك يا واد أنت برج من نافوخك طار أتجننت .. خلاص هاتقف قدام أبوك وتعاديه يا ياسين
ياسين بتأكيد : إيوه انا من إنهارده ها أعمل إلا فى راسى وها أحجر عليك لازم أرفع قضيه وتبقى كل حاجه تحت إيدى وتحت وصايتى ان الأوان ترتاح بقى انت شبعت من الدنيا ومن إلا فيها عايز ايه تانى منها
عبدالعزيز قرب عليه وشده من جلبيته : تحجر على مين يابن ال..   دانا أبوك إلا قايم نايم بتبرطع فى خيره بربى فى جاموسه تاكل وتشرب وتنام .. وبعدين من أمتى جوازى بيفرق عندك يا ياسين  من أمتى بتهتم  بتجوز وإلا بطلق وإلا بخلف
ياسين بتحدى : خلاص قررت اهتم وأكون على قلبك ياما كلمتك وقولتلك أهتم بيا وجوزنى تاليا رايح تتجوز بت أصغر من بناتك .. لاء وجايب لها دار ولأبوها أرض غير الدهب .. زعق فى وشه ..  أنت كبرت وخرفت ولازم أحجر عليك قبل ماتبعتر القرشين إلا حيلتنا ها أتهمك بالجنون ومش ها أسيبك تتهنى وتتجوز وتخلف من  تانى
عبدالعزيز بصدمه : كل دا عشان تاليا 
ياسين بتأكيد : إيوا عشان تاليا زى ماحرمتنى من إلا بحبها ووقفت ضدى انا ها أبقى ضدك مش ها أسيبك تفرح ها احرمك من كل إلا بتتمناه وها أسرق النوم من عينك
عبدالعزيز قرب منه وبيحاول يمتص غضبه : طب وإلا يجيبهالك راكعه تحت رجلك
ياسين بهجوم : ماتلعبش بعقلى .. مش هاتعرف تضحك عليا خلاص اتجوزت وبقت فى عصمة راجل ومش اى راجل عامل زى الوحش لما حد بيفكر يقرب منها أنى شوفت بعينى شوفت محدش قالى
عبدالعزيز : مش مهم ياغبى المهم تكون معاك هاتفرق فى إيه مانت مأضيها ليل نهار مع البنات وإلا تاليا غيرهم
ياسين بتأكيد : إيوا غيرهم إيوا مفيش مره واحده عرفت امسك إيديها .. مفيش مره بلت ريقى بكلمه حلوه ولا اتمايصت كدا وإلا كدا .. عايزا تساوى بنت عمى ببنات و...  عيب عليك والله
عبدالعزيز قرب منه وبهدوء : أنت أهبل مفيش بنت ملهاش ملكه واكيد إلا اتجوزته ما أتجوزهاش كدا والسلام البت قاعده لحالها  لا حد عيونه عليها ولا حد شايف بتعمل إيه ويمكن دا فيلم عاملاه عليكم بالأتفاق مع الواد داهون لجل ماتطفشك ياغشيم
ياسين بعصبيه : انا شوفت القسيمه بعينى
عبدالعزيز قعد : وإيه يعنى منا ممكن أجيبلك بدال القسيمه ألف
ياسين قرب قعد جمبه دماغه لفت : قصدك بنت عمى ماشيه على كيفها
عبدالعزيز : هى ماشيه على كيفها وأنى عارف أنت بقى أعمل ما بدالك فيها تطولها وهى هاتقر بعملتها
ياسين ضرب على إيده : هانجيبها ازاى رامى مقعد واحد قدام شقتها مابتهوبش ناحيتها
عبدالعزيز : وأنى ها اقعدلك بدال الواحد عشره ولو لقطوها يجيبوها على هناااا وأعمل ما بدالك وملكش دعوه بولاد عمك خالص أنا أبوك وبحبك وزعلان على زعلك
ياسين : قسما عظما لو طلعت بتضحك علياااا لأكون واحد تانى خالص غير إلا تعرفه راحتك قدام تاليا بنت عمى .. أتكلم بصوت تخين وبقوه .. عايزها .. عايزها ومش عايز غيرها نفسى فيها دى بقت لعنه على قلبى  كل حته فى جدتى بتطلبها تكون جارى
عبدالعزيز ابتسم بسخريه : وأنا ها افكلك اللعنه ولا يهمك  بس بشرط
ياسين : إيه هو
عبدالعزيز : هاتيجى وتبارك لهبه مرات أبوك وتقف جار أبوك فى فرحته وتكيد وفاء والعوازل اوعى تفرح حد فى أبوك
ياسين بصله وبمكر : وأنى موافق بس صدقنى يابا لو فكرت تعمل حركه كدا وإلا كدا
عبدالعزيز بضحكه : ولا حركة ولا نص تعالى تعالى وخده تحت دراعه أنت حبيبى إمال أنا صابر عليك ليه وهاتفضل على الحجر ما تسمعش كلام العقربه وفاء دى عايزا تفرق بينا كانت بتكره  أمك عمااا  .. البس هدمه حلوه وتعالى شوف عروسة ابوك بتحبه اد إيه ..  وفعلا سمع كلامه  وراح معاه وأتصور كتير هو وابنه وهبه وقاسم وحكمت وبعد ما تمم إلا هو عايزه ياسين أتفاجئ بخطة أبوه إلا ماكنتش لا العبال ولا الخاطر
***
تاليا قربت منها ومسكتها : ادخلى ارتاحى يا ساميه انتى تعبانه يا حبيبتى
ساميه بعياط : لاء أنا عايزا أمشى معاكى ما تسبينيش
اميره اتنهدت : لا انتى ولا هى هاتمشو أقعدو
ساميه بإصرار : مش ها اقعد عايزا أمشى بصت لعصام وبرجاء عارفه إن عصام لايمكن يرفض لها طلب .. أرجوك يا عصام رجعنى بيت أدم لو فضلت هنا ها يجرالى حاجه
عصام قرب عليها : عشان خاطرى خليكى  ها اعيش فى قلق لو مشيتى وسيبتى البيت دماغى طول الوقت هاتتشغل بيكى يا ساميه وبوضعك
ساميه هزت راسها وعيطت أكتر : ماتعملش فيا كدا ازاى اقعد هنا ازاى اكون جمبها ومش من حقى اشوفها ولا احضنها ولا أكلمها .. أزاى عايز تدبحنى طول الوقت وأقولك حاضر ها أقعد ...  اتكلمت ببحه مليانه حزن .. انا بموت من جوايا يا عصام انا عايزاها عايزا أستسمحها وتاخدنى فى حضنها  انا عايزا ماما هاتعرف ترجعهلى تانى هزت راسها .. هاتعرف
عصام استغفر ربنا و برجاء : كفايه يا ساميه
ساميه : مش كفايه محدش حاسس بيا .. محدش فيكو مزعل أمه ولا بيزعلها .. انا زعلتها وموتها شاورت على نفسها .. انا موت امى ماتت بسببى
اميره عيطت لما شافتها وشافت معانتها : منيره عمرها انتهى يا حبيبتى مش أنتى إلا موتيها
ساميه بعياط جااامد : أنتهى على إيدى .. على إيد بنتها الوحيده .. دخلت الاوضه جابت الموبيل بتاعها الا على الكومدينوووو وشغلت ريكورد .. اسمعى يا طنط .. شوفى بتقولى إيه بتقولى انها قاعده فى الشارع مش طالعه من غيرى ..  شاورت على نفسها .. عايزنى انا اطلع من غيرها واقعد معاكو واكل واشرب .. ياااه للدرجه دى انا مستنيه موتها .. مستنيه اخلص منها .. مسكت وش عصام بايديها .. بطل تهرب منى مشينى يا عصام ارجوك محتاجه أبعد عشان مهما قولت محدش ها يفهمنى
عصام نزل ايديها : وبعدين معاكى تعبتينى ووجعتى قلبى محدش قدر يتعبنى زيك
ساميه بعياط حطت ايديها على صدرها : والله عارفه انى تعبتكو كلكو عشان كدا بقولك مشينى بتخنق ... بص بتاخد نفسها .. مفيش هوا حاسه ان صدرى مقفول .. مسكت تالياااا خلينى معاها هى ها تاخد بالها منى هى حالها من حالى وحيده زيى ملهاش حد مات إلا كان بيحبها وسابها
تاليا ضمتها ومن قلبها : خليكى مع بابكى هو محتاجلك وأنتى محتاجه له قربى المسافات بينكم
ساميه بصتلها وشاورت : هو بيموت دلوقت بسببى .. قاعد بيقول موتت امها ومستنيه تموتنى
ادهم دخل على كلامها وزعق : شاطره .. عرفتى إلا فيها خربتى حياتنا وخربتى البيت .. حتى هى سابتنى ومشيت عشانك .. قاعده عشانك مش عشانى واختارت انها تهرب من الدنيا عشان مش طايقه عليكى حاجه بس انتى عملتى فيها كل حاجه
عزت مسكه : وبعدين يا ادهم مش كدا
ادهم نطر ايده وبزعيق : لاء كدا وأبو كدا .. قرب عليها .. أرتحتى لما موتى أمك يا ساميه .. أرتحتى لما عملتى كل إلا فى دماغك  انا غلطان إنى دلعتك من الأول .. غلطان عشان سيبتك بحريتك
ساميه انهارت وقربت من أبوها : حقك عليا بابا سامحنى ابوس إيدك سامحنى أنا استاهل أكتر من كدا
أدهم زقها جامد وتاليا مسكتها وعصام دب برجله على الأرض بنفاذ صبر  : مش ها اسامحك .. مش عارف أسامحك روحى أى مكان وأبعدى عنى وعن حياتى 
ساميه : بابا أنا كنت جايه والله
ادهم قرب منها وجز على سنانه وبيقول كل كلمه وهو بيضغط على الكلام : جااايه .. جايه بعد ما قتلتيها انتى قتلتيها ..  كانت قاعده حزينه بتعد الوقت وبتلوم عليااا .. قاعده تكلم نفسها من وحدتها أنتى قتلتى أمك عارفه يعنى إيه قتلتى امك مش لازم تمسكى سكينه وإلا طبنجه عشان تقتلى حد .. ممكن تقتلى إلا قدامك من القلق من الخوف والقهر .. شاور عليها .. القهر ان بنتها الوحيده تفضل علينا عيل ابن ....  ما يسواش تلاته ابيض وتقاطعينا عشانه .. القهر إنك تحرمى نفسك من الخلفه وتحرمينا نشوف عيل ليكى وترفضى تروحى معاها لأى دكتور كل مره بحجه شكل .. القهر إنها تعرف اخبارك من برا .. بيلف إيده على بعض .. وقهر ورا قهر ورا قهر لحد ما خلاص جابت أخرها ... عيط جامد ماقدرش يحوش دموعه .. جابت اخرها على رصيف فى الشارع مايله على جمبها عشان أنتى قسمتى ضهرها حتتين هى دى الأم وهى دى البنت   .. ها عايزا تكفرى عن إيه وإلا إيه قوليلى ذنبك فى حقنا ها تكفرى عنه أزاى بأسفه وشكرا
عزت زعق وشد اخوه جامد : كفايه البنت فى إيه وإلا إيه مش وقت تصفية حسابات خالص
ساميه فصلت تماما الصور قدامها مشوهه جواها اتشوه اكتر وأكتر جررريت على المطبخ ومسكت اكبر سكينه وبترفعها وهى بتقول بصوت عالى .. انا ها أكفر عن دا كله  وأريحك انت صح  ودبت السكينه بقوه فى وسط ذهول الكل من إلا عملته بسرعه فائقه ماكملتش ثوانى
❤❤❤🧡🧡💛💛
بقلم : لبنى طارق
💛💛💚💚💙💙💙💛💛💚💚💙💙💙