وتيرة الاعرج

الوتيرة السادس عشر

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

دخل ارسلان والابتسامه مرسومه على ثغره جانت ابتسامة شخص كأنما رابح شي ومنتصر كعد حط رجل فوق رجل ..

-ارسلان: حضرو نفسكم

-عمر: على شنو نحضر نفسنا

- اخوك راح يتزوج حبي

- ارسلان

- هسه ابوها خابرني ردلي الموافقه

كلهم تغيرت ملامحهم بعد ماسمعو كلامه رد كُميل ببرود عكس من فترة من اصواتهم صارت عاليه وتعاركو ..

كُميل: بيها الخير مبروك مقدماً على دمارك

دخل الغرفته ممهتم ماطول وهُوَ يطلع منها بايده سفطة اوراق ما ادري مال شنو بالضبط راد يطلع سحبه عمر ..

-عمر: ارسلان انتَ ليش ماتفهم عمرك كله تفكر صح ليش هل الشي ماجاي تفكرله صح ولك البنيه مالها اي علاقة حتى نيروز الي بسببك كسرتها مالها اي ذنب

صار يباوعله بعيونه خازره ..

-ارسلان: نزل ايدك

- واذا مانزلتها شتسوي هم ترجع تضربني

- ماريد اسوي هل الشي لا ترجع تجبرني

- تراجع عن هل الزواج

- لا

- اروح بنفسي احجيلهم كلشي وشيصير خلي يصير

ضحك بخفه وهُوَ يحك طارف شفته ..

- عمر انتَ حتى خطوبتي وزواجي ماراح ممنوع تحضره

هز بايده كُميل ..

كُميل: طبعا تمنعه تخاف يفضحك اذا شافته نيروز

-ارسلان: احب الي يفهمني

عاف الكل وطلع بقيت اصفن منو نيروز شنو ينفضح لا الشغله صارت كلش ما ادري شلون اجتني الجرئه وسئلت ..

-غرام: اعتذر على سؤالي بس مجاي افهم انتم ليش مانعين زواجه من هاي البنيه ومنو نيروز وشنو ينفضح والله عقلي صار مايفهم عليكم

-عمر: والله حقج احنه الي يعيش ويانه عقله يشطح ومايفهم اي شي من حياتنا ارسلان مايحب هاي البنيه يريد يتزوجها لان ..

صاح كُميل بصوت عليه ..

كُميل: عمرررر

- شكو خلوها تعرف ليش عبالها ارسلان ملاك وهُوَ شيطان ..اكملج مرت خالي . ارسلان يريد يتزوجها علمود ينتقم من اهلها وها خاف عبالج بس هو المذنب لا انه هم مذنب لان شاركته وكسرت بنيه اعتبرتني بيوم من الايام القرار الوحيد الصح بحياتها بس بالتالي شسويت خذلتها وانطيتها ظهري