وتيرة الاعرج

الوتيرة السابع عشر

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

-غرام: صعدت خالتي ويا زوج انسام هيه وياها وانه صعدت بسيارة ارسلان كُميل كالي روحي كدامي هسه اجي اصعد وياكم صعدت شفته كاعد صافن لازم اتباركله عيب ..

- احم .. الف مبروك خويه

فز من صفنته مسح على وجهه رد بهدوء ..

-ارسلان: الله يبارك بيج

عم السكوت بينه لان انه كلامي محدود وياه استحي منه بينما عمر بديت اتعود عليه كسر حاجز الصمت وهُوَ يسئلني ..

- مرت خالي

- اتفضل

- شلون شفتي خطيبتي

ابتسمت لسؤاله ..

- تخبل حنطاويه والحلو بيها عيونها السود .. دنكت كاتمه ضحكتي وانه اكله .. وشسمه شخصيتها مبينه قوية

- لا لا مرت خالي شتقصدين راح تسوك عليه

- لا والله مو هيج قصدي

- ادري شبيج راح تبجين

اموت ولا أحد يفتهمني غلط صعد كُميل الي روحه طافره ومطايق الوضع كله طلعنه من شارع اهل غياهب وفتحت حلكي اجتني حالة صدمة من شفت ارسلان ماشايفته بهيج وضع من قبل شغل اغنيه باعلى صوتها ورفع السبحه يفر بيها ويهز بأكتافه ..

يالتنشد اهلنه منين احنه ربات العمارة
ولد الماخطو نيشان والطيحو طيارة

صار يردد بيهاا هز بايده كُميل ودار وجهه ..

عدنه الهور بيه حوبه والبردي تره يشور
عدنه عگال من يطيح كلش حوبته تعور

ايد مخليها على الستيرن وايد يفر بيها السبحه ويغني ويا المغني داخل بالجو والاغنيه حماسيه

بين ماكملت الأغنية رجع لهدوئه يسوق دار وجهه كُميل عكد حاجبه غمض عيونه رجع فتحهن ..

كُميل: هاي شمسويه بعيونج

احس غطيت بهدومي من سؤاله ادري بيه يقصد على عيوني لان مكحلتهن هاي انسام سحبتني وحطتلي ..

-غرام: ءء شبيهن

- طالعه تشكين ارسلان

صاح ارسلان وهُوَ يسوق ..

-ارسلان: هسه انه شكو انتَ ومرتك تدخلني ليش خالي

ماهتمله رجع يباوعلي احس صخنت من نضراته ..

- خالي بعد لاتحطين كحل لعيونج

- ليش خالي

رجع صاح ارسلان ..