وتيرة الاعرج

الوتيرة الخامسة والخمسون

وتيرة_الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

يَعوضنّي ألدمع
وأنه الخسرتهَ هواي
شيعوضنَي الدمع؟
وأنه الخسرتهَ هواي
وعلىٰ رمله أمل كُل عَمري
وشلته، وأنه الباگو نهأري
ورحت ادورهَ بلليّل
والمسودن طبُع ميعوَف
سألفته، علىٰ نفس
الدرُب ذبولِي بس الصوف
حتىٰ ارجع وأگول
ذياب ماكلتَه "

- لـ سَـمير صَبـيح

-نيروز: ماكدرت اسوي شي سراج بايدي يصرخ ويبجي وانه ابجي وياه الباب مقفول عليه حتى ما اكدر اشوف شي بس اسمع اصواتهم وصوت غياهب الي تصيح لحد ماختفى حطيت سراج بالكاع وهَوُ مفرفح صرت اضرب بالباب بكل قوتي اريده يفتحه بس اختفت اصواتهم

صار صوت قوي شلت سراج حاضنته بخوف انفتح الباب كمزت من مكاني جانو الحمايه

-نيروز: فدووووه الحكوهمم سالم دخل هنااا

بدون مايحجون طلعو يركضون طلعت من الغرفة اسمع صوت وحدة من البنات تبجي مفرفحه دخلت للغرفة شفتها وجهه صاير احمر من كد ماباجيه ودموعها تارسه وجهه حطيت سراج المفرفح هم بجيت وياهم وانه بهل الموقف الصعب باوعت الايدها صرنه نميز بينهن من خلال الشامه الي بالايد والي جانت موجودة سيرين نزلت دموعي يعني الي اخذوها ويا امها لارين حبيبتي

حطيتها بحضني اسكت بيها بس البنيه مفرفحه اجاني صوت ارسلان يصيح باسم غياهب دخل علينه للغرفة اتقرب النه وعيونه تدور بالغرفة وجهه اصفر ..

-ارسلان: وين غياهب ؟

نزلت عيونه على سيرين ركض يباوع المكانهن الي بكل مره يتواجدن بيه دار وجهه عليه ..

- الي بحضنج منو بيهن ؟

حجيت من بين دموعي ..

-نيروز: سالم دخل للبيت اخذ غياهب ولارين واحد من الحمايه بالترك الي يم الباب مدد بدمه

طلع من الغرفة مثل الطلقه يركض اسمع صوت درغام يصيح ورا لدقائق ودخلو الخال ومليكة وغرام مستغربين من الوضع ..

-كُميل: ولكم شبيكم شني هاي هوستكم

اجت غرام شالت ابنها اليبجي كام يكح ويتقيئ بكد مابجه ..

-مليكة: شمالج ولججج احجيي

اجت خذت مني سيرين الحرت شلون اسكتها وهمه منتظرين جواب مني ..

-نيروز: جدي سالم خطف غياهب ولارين

اعتلت ملامحهم بالصدمة كامت مليكة تدك وتلطم مادري جانت منتظرتنه فاجعه راح تفجع كل گلب بينه طلع الخال يركض خابرت عمر انطيته خبر سده بوجهي بدون مايحجي شي مجرد كتله انخطفو ..