وتيرة الاعرج

الوتيرة الثانية والخمسون

وتيرة_الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

تفاعلكم لا نتخارب اخوان

-غياهب: اخذ الورقة حطها بجيب البنطرون فتح باب السيارة خلاني صافنه بتصرفه

-ارسلان: اصعدي غياهب

باوعت للمكان الي احنه واكفين بيه مو مال نقاش بس هاي صارن نقطتين موضوع الحمايه وهسه الورقة صعدت بدون ما احجي شي بس اعصابي تفور كاتمتها اتعلمت من اخطائي بالماضي التسرع غلط مهما كان الموقف

دار هَوُ يصعد بمكانه لزمت ايديه ضاغطه عليهن احاول اسيطر على غضبي سئلته بهدوء ..

- ارسلان

شغل السيارة رد عليه بدون مايباوعلي ..

- اسمعج

- اكدر اشوف الورقة ؟

- لا

- معناها احجيلي شنو الي بيها

- ما ادري لان مافتحتها

- افتحها ؟

التفت الي طابك حواجبه ..

- وين نروح بالاول الاهلج لو الاهلي ؟؟

رفعت حاجبي اتحدا نضراته ..

- الورقة انطينياها

- كافي حبيبتي ليش تخلين فرحتنه تخرب

- الورقة

- غياهب

- كلت الورقة بيبي

- راح اطلع الاهلي بالاول

- الورقة

ضرب الستيرن بقوه بايده رغم عصبيته الي بينت بس بقيت ثابته على موقفي

- تريدين الورقة مو

- اي

هز براسه ويخزر بيه طلعها من جيبه حطها كدامي ..

- اتفضليي

اخذتها قبل لا افتحها كلبتها اباوعلها رجعت التفتت عليه وهَوُ يباوع على الشارع ..

- ارسلان

رد بدون مايباوعلي ..

- اممم

- لا تتشاطر ويا وحدة دارسة القانون

رجع باوعلي ..

- مافهمت

رجعت خصلات شعري الواكعه لكدام ورا اذني ابتسمت بخفه قربت نفسي عليه ايدي صارت على صدره نقرت عليه باطراف اصابيعي

- انه وانتَ نعرف كلش زين شجاي احجي

- شبيج غياهب

نزلت ايدي بهدوء على جيب البنطرون لزم ايدي مانعني ادخلها بالجيب