وتيرة الاعرج

الوتيرة الثانية والعشرون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidiidi

-غرام: كلشي بالحياة يصير ويانه نتعلم منه شكد ماجان صعب رغم اذيته ودماره النه بس اكو الي يتعلم درس اكو الي تنخلق بيه القوة بعد الضعف والدمار الي مر بيه وهاي جانت حالتي خسرت امي خسرت اهلي بس ياترى يستحقون كلمة الاهل وهمه ضلموني فوك ضلم الحياة طلعت من دوامة افكاري من شفته طل عليه مبتسم ..

-كُميل: كاعدة وحدج

- ماكو شي اسوي

كعد كدامي ..

- شلون صرتي

- احاول اتأقلم ويا الوضع بعد ماكو حجه

بقى ساكت وحسيت عنده كلام ماطول وهُوَ يفتح الموضوع ..

- تذكرين الموضوع الي حجينه بيه

رديت عليه مافاهمه عن اي موضوع يحجي ..

- يا موضوع ؟

- مال الدكتور النفسي

- شبيه

- انه مارايد اضغط عليج بس لو تحاولين ماخسرانه شي

- تتوقع راح اتخلص من كلشي من اروحله

- هل الشي انتِ تقرري

- شوكت نروح

انرسمت ابتسامة على وجهه ..

- شوكت ماتحبين

نزلت راسي وما ادري اذا هل الشي صدك راح يفيدني اولا بس انه كرهت ضعفي كرهت كلشي بحياتي تعبت حيل اريد اعيش انضلمت بأسم العادات والتقاليد ليش انه هم اظلم نفسي هيه موته وحدة والروح ماياخذها غير الي خلقها سبحان الله من جنت عند اهلي جانو يكدرون يخلصون عليه بس رب العالمين احكامه بيها خير للإنسان ..

رفعت راسي اباوع للإنسان الي كاعد كدامي شكد دافع عني شكد وكف ويايه ولليوم بكل فعل يسوي يزيد احترامي اله يمكن لو غيره جان استغل كل وضعي وصارت حياتي حطام اكثر مما تحطمت ..

- خالي وين خذتيلج صفنه بوجهي

- راح تبقى دائما يمي

- بدون تفكير اكلج اي

- حتى لو بقيت طول عمري بهذه وضعي

- وشبيه وضعج عيناي انتِ كلشي بايدج انتِ الي تكدرين تطلعين نفسج من هل النقطة وتبدين بنقطة جديدة

- واذا فشلت

- النجاح بدون فشل مايعتبر نجاح

- صح

- اي ام عيون التلمع هسه شكلتي

ابتسمت من زمان ماكايلي هل الجملة ..