وتيرة الاعرج

الوتيرة الثالثة والثلاثون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂  hawraalsaidi

-غرام: طلع كُميل اتوسعت عيوني من شفته شايل امه الي ايدها كلها محروكة مالحكت عليه طلع بيها طاير بالسيارة نزلت دموعي من شفت ناز وضعها بدأ يتخربط ماعرف احد من الموجودين لان همه حتى مامختلطين ويا الجيران شفت انسام من بعيد جايه وملامحها كلها خوف اجت باتجاهنه ..

-انسام: علويه شصاير

- مـ ما ادري جنه طالعين

حجيتلها مختصر ضلينه حايرين بـ ناز اختها لازمتها وماكو اي رجال ويانه جان بوكتها حتى زوج انسام ماموجود بدوامه الجيران اجه رجال جبير بالعمر ..

- خيرجن عمي

-انسام: عمو بيتنه هذه الي احترك واختي مريضه ما اعرف شبيها فدوه ساعدنه

بدون اي تردد أشر لولد شاب اجه شال ناز وگاله يدخلها لبيتهم صرنه انه وانسام وحدة تباوع بوجه الثانية لان ماندري اذا الولد يقبلوت اولا نروح ويا غريب بيتهم جان كبال بيتنا دخلنه جوه وياه اتلكتنه بنيه شابه

رحبت بينه وجان الواضح ناس طيبه من اسلوبهم وكلامهم البسيط حط الولد ناز وطلع بقينه نحاول نهديها وهيه اجتها حالتها كوه كدرنا نسيطر عليها ماخلوني اتقرب الها لان حامل وخاف بدون قصد تأذي لان صارت تدفع بانسام وهاي البنيه

طلعت جهازي ارجف ودموعي بعيوني اتصلت بـ كُميل مايرد عليه كررت الاتصال اكثر من مره نفس الشي صفنت عمر لعد وين من المفروض هَوُ راجع من زمان من الشغل  طلعت رقمه اتصل بيه بسرعة جاوب قبل لا احجي گال ..

-عمر: علويه شصاير وينكم هسه رجعت شصاير بالبيت

لزمت راسي الي هاج عليه ..

-  جنه طالعين واخذنه ناز ويانخ وبس مليكة بالبيت من رجعنه لكينه الناس ملتمه دخل خالك ومن طلع شايل مليكة ويمكن ايدها محتركة

صفن لثواني ورد بصوت كله خوف ..

- ايدها محتركة ؟

- يمكن هيج شفت ورسول الله راح اموت
من خوفي

- انتي وين ناز وياج

- اي اي ويايه بس وضعها متخربط اجتها حالتها

ضل يتأفأف ويستغفر ..

- بس كليلي وينجن انتن

- يم الجيران ماعرفهم ذوله الي صايرين كبال بيتنه

تحسه حيل مابقى عند عمر من نبرة صوته رد بتعب ..

- جايجن

سديته منه ورجعت دخلت يم البنات حجيت الانسام دقائق وعمر دخل علينه طلعت البنيه من المكان بقينه بس احنه راح الـ ناز حضنها بخوف ..