وتيرة الاعرج

الوتيرة الثاني عشر

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

أذن المغرب توضيت وصعدت اصلي بغرفتي غياهب لحد الان ماكو اكيد بيت خالي هسه چلبو بيها فرشت مصلايتي وكفت اصلي وانه اصلي دخل درغام كعد كبالي وعيونه عليه احس توترت ما اعرف اصلي واحد يباوعلي لو كاعد كبالي ما ادري شلون ماضحكت عدت سلامات كملت وانهديت عليه عبالك ثور وهدو ..

-حنين: ليشششش تكعد كدامي وانه اصلي

-درغام: ماسويت شي بس باوعتلج

- لاتسويها بعد

- خاف ماتقبلين

- شتسوي بغرفتي هسه بابا يشوفك ماتستحي

- شمسوي تحسسيني حاصرج

توسعت عيوني على كلامه ..

- انتَ من صرت ضابط صرت مستهتر وما تستحي

قلص عيونه يباوعلي اجاني طاير لزمني من ايدي سحبني اله بحيث الزكت بيه ..

- منو المستهتر

رفعت حواجبي اغمزله بيهن واباوعله بتحدي ..

- انتِ

- متاكدة

- اي ويلا وخر

راد يحجي واجانه صوت ابويه رج البيت رج بصوته و هُوَ يصيح بأسمي دفعته عمي ونزلت لازمه گلبي مهبوطه جان كاعد ويهز برجله والعصبيه تصيح الامها وابوها بلعت ريكي بخوف من الوضع نزل درغام وراي ..

رفع راسه بابا توزعت نضراته علينه انه ودرغام گال ..

-سلطان: وين اختج

-حنين: راحت لبيت خالي عمران مو كتلك بابا

- هااا كتيلي لبيت خالج

- اي والله بابا اذا تريد خابرهم واتأكد منهم

بس صدمنا و يگول ..

- بسسسس بيت خالج يكولون طلعت من ساعه منهم

-درغام: عمي هدي قابل وين تروح يجوز راحت تشتري شي هسه تجي

عاط بدرغام بصوت ..

-سلطان: جاايييي اكلكم صارررلهااا ساعه من طالعه ويننن راحتت ويننن

تحول البيت لضجه من عصبية وتوترنا نتصل عليها يدك بس محد يجاوبنه طلعو اثنينهم وصل بابا يم الباب دار بجسمه الي ..

- حنين ممنوع تنطين خبر الاحد بين مانتاكد شصاير

- تمام بابا

طلعو بقيت وحدي كاعدة الوب وين راحت  خاف صايرلها شي اوف غياهب اوف وينج

مرت ساعتين ورجعو فتحت الباب وكلي امل وياهم بس خاب املي من دخلو وحدهم وما احجي عن بابا شصاير بركان من العصبيه رحت اهرول وراهم ..