وتيرة الاعرج

الوتيرة الرابعة

وتيرة_الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

الحاضر .. "

- يلاااا حنيننن كوومييي اووف ياربي شكد بارده

- ماريد تعبت شبيج صارلنه ساعه نلعب رياضه

تخوصرت الها ..

- واذا تره الرياضه زينه للجسم بيبي يلاا عاد

- كملي انتِ بعد ماكدر اوععع جسمي موتني

- حقه غير انتِ بالشهر تمارسين الرياضه مره

عافتني وراحت بقيت انه مستمرة ، الى ان كملت دخلت سبحت وطلعت كعدت على القنفه طلعت ، هيه هم سابحه كعدت كبالي تنك ..

-حنين: صووجيي صوجييي امشي وراج

-غياهب: بيبي الي يمشي ورايه ميخسر

ضلت تباوع بعيونها للبيت بطفوليه گالت وهيه
تمغط بايديها لكدام ..

- اشوو بابا ماكو اله صوت

- كال عنده شغل يكمله ويرجع

صارت تتأفأف ضايجه وانه اتخبل من احد يكضيها يتأفأف كدامي دفرتها برجلي على رجلها ..

- شبيججج

- ضايجه هسه لو دلغام هنا جان طلعني مو مكابله جهرتج الخايسه

- ايا خايسه بس عادي .. ابتسمت بخبث وانه اگلها
حنونه تره جهرتي وجهرتج وحده خاف نسيتي

- انجبي بلاا

دخل بابا ركضت عليه حضنته واشتغلت للواكه ..

-سلطان: ههههههه شلونهم بنياتي

-حنين: ضايجه بابا

-غياهب: انتِ كضيتي عمرج ضايجه شنو الجديد

-سلطان: وين تريدن تطلعن بس كولن

- انه ما اطلع اخذ بس حنين

- ليش ؟

- اريد اشوف خاله وجدان صارلي اسبوع ماشايفتها

نطت حنين من مكانها ..

- لعد حتى انه اروح وياج

- بابا توصلنه

- لا انتن روحي بسيارتج بس انتبهي من الطريق

- براحتك

دخلت ابدل وكالعاده لبسي اكثر شي باللون الاسود وماحب المكياج وهل سوالف هاي طبيعتي وهم اكمل بسرعه ماتأخر بس حنين تخلي الواحد يطلك وهُوَ منتظرها كعدت بالهول انتظر ست الحسن كعد بابا كبالي اباوعله صاير شعره بيه شيب بس بنضري يبقى اجمل واحن اب بالدنيا ..

-غياهب: يحلو ممكن نتعرف

ابتسم وهُوَ يگلي ..

-سلطان: بدون تحرش اذا ممكن