وتيرة الاعرج

الوتيرة الواحد والثلاثون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂 hawraalsaidi

غرام: اخر شي اتوقعه بيوم من الايام اهلي يجون بعد كلشي صار جرحهم بعده ما اتخطيته مسحت دمعتي الي نزلت على خدي اتقدم كُميل لزمني من ايدي

-كُميل: علويه اذا ماتريدين تشوفينهم هسه اطلع وانطيهم خبر

انه ليش ما اواجهم اليوم ليش ما اطلع الي بگلبي منهم انذبيت مثل ماينذب الحيوان رفعت عيوني اباوعله نضرات القلق بعيونه ..

- اريد اشوفهم

- متاكدة ؟

- اي

هز براسه طلعت من المطبخ درت وجهي اله اسئله وبگلبي الف حسرة ..

- منو جاي بالضبط

- ابوج وعمج وزوج اختج و ..

- ومنو بعد

- اختج

ابتسمت بوجع سوزان اختي الوحيدة والجبيرة الي ماجان عندي غيرها طلع كُميل لزم ايدي شابك اصابيع ايده باصابيع ايدي يباوعلي بعيونه السود يطمن بيه ..

- لو الدنيا كلها تصير ضدج وماتريدج روحي الي تريدج وتضمج ارفعي راسج علويه وخليج دائماً مرفوعة الراس وماعاش الي ينزل راسج وانه بظهرج

ماكدرت احجي بعدني تحت تأثير الصدمة بس كلامه جان مؤثر الي طلعت مليكة شافتنا واكفين اجت علينه ..

-مليكة: ها يمه شو واكفين خيركم

رد عليها كُميل ..

-كُميل: يمه اهل غرام واختها اجونه

باوعت علينه مستغربه من الي سمعته ..

- اهلها شني شذكرهم

- مادري يمه وطلبو يشوفون العلويه

عفناها وطلعنه متوجهين للديوانيه الخارجية گلبي دكاته مانتضمه غمضت عيوني قبل لا ندخل من الباب وانه اردد بداخلي ..

-غرام: اللهم القوه

دخلت رجلي جانو كاعدين بس شافوني وكفولي كلهم اه يا دنيا وين رجعتيني لذكريات الماضي وين جنت وين صرت جنت اخاف ارد الكلمة على ابويه حتى لو جان غلطان ما اتجرأ بسبب عصبيتة المفرطه

وكف كُميل على جهه تركزت عيوني على اختي الي بايدها طفل عفتها حامل طير ذهب نسخة امه ، اتقدمت الي اول وحدة وعيونها مليانه بالدموع ..

لحضات صمت لحضات توتر هدوء عج المكان رفعت ايدها تتلمس بوجهي ..

-سوزان: يابعد اختج واتحقتت امنيتي واتكحلت عيوني بشوفتج