وتيرة الاعرج

الوتيرة الثانية

وتيرة_الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

جان عمران واكف يم الباب بلعت ريكي بخوف وتوتر اجه يمشي ومرجع ايد لوره ظهره وايد لازم بيها السبحة يفر بيها وكف كبالي ونضراته عليه وعلى الشباج ..

-عمران: شتسوين ؟

تمنيت الكاع تنشك وتبلعني ولا هذه الموقف
خفت اجذب ويطلع شايفنه او سامعنه جاوبتة
وانه الكلمة كوه تطلع مني ..

-وجدان: اعذرني خوية

- على شنو

استجمعت شجاعتي وقوتي الباقية من حيلي المهدود وكتله ..

- سلطان الي جان يم الشباج

شد قبضة ايده الي لازم بيها السبحة بقوة وهوَ يحجي بعصبية ..

- شيسوي هنا مو كلشي انتهى

- اعتذر مني

- يعتذر كتيلي

- اي

- حتى لو انتِ سامحتي هيهات انه اسامحه

- بس ..

- اش لاتدافعيله والله يحضيني الكاج تحجين وياه اكسر ظهره كسر اذا تريدين تحافظين على خوتج وياي هل الشخص طلعي من كل حياتج

طلع وحتى ما انتظر جوابي ماردت علاقتهم تخرب وهمه علاقتهم قوية كل الي يشوفهم يكول اخوان مو ولد عم ..

ماكو ماطول وصوت عمران رج البيت طلعت مامفتهمة شي بس اخوي روحه شايطة طلع
وما ادري شنو الي بيه سئلت امي وهم ماتدري بشي بقينه كاعدين ننتظره يرجع ومر الوكت رجع رحت عليه اسئله ..

-وجدان: شبيك خوية

حجت امي وهيه خايفة ومفتوتة فت ..

-هيله: ولك يمه احجي شمالك فتيت گلبي

-عمران: راح يزوجوها راح يحركون كلبي ولچ يمه

- ياهيه ولك سودنتني

- حياة يمه ابوها يريد يزوجها

اباوع الاخوي منتهي كوه واكف على رجليه سندته كعدته رحت جبت كلاص ماي حطيته بأيده الي ترجف شبعت قهر عليه بس شنو الي بايدي شربه بصكه وحده وعافنه بدون مايحجي دخل لغرفته ضلينه كاعدين انه وامي لأذان الفجر ..

اشوف امي ساكته وعيونها متروسه دموع امي شخصيتها ضعيفة كدام ابوي دائماً اشوفها ساكتة شمايسوي وشما يعمل ..

-وجدان: يمه احلفنج بغلاتنه انه واخواني انتِ شلون خذيتي واحد مثل ابوي انسان ظالم طاغي لدرجة حتى اولادة يحاربهم

نزلت شيلتها وتتلافى نضراتي الها ..

-هيله: الحظ والقسمة يايمه