وتيرة الاعرج

الوتيرة الواحد والخمسون

وتيرة_ الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي "🍂hawraalsaidi

-درغام: جانت صور الـ حنين بوضع مو زين وكاتبلي جوه الصور .. اخلي روسكم بالكاع

رديت عليه وانه اعرف بمرتي شنو عسا ماينشرن الي اعرفها من الطفوله لو يحطون ايديهم على اقدس شي بالكون ثقتي بيها ماتنهز واعرف عمي سلطان شمربي

- اذا ما كسرت ظهرك على هاي سوايتك ما اطلع سبع الهوره اطلعك من جوه الكاع اصبرلي بس جايك

طلعت من غرفتي شفت مجاهد واكف يخابر اشرتله سد اتصاله اجاني ..

-مجاهد: ها ضلعي

- هاك هذه الرقم اريد تطلعلي صاحبه من جوه الكاع

- رقم منو ؟

- ثائر

اخذ الرقم وراح رجعت لمكاني اتمنى بس يطيح كدامي ثائر وكفت لازم جهازي انه لازم احط حماية لعوائلنه سالم راجع ورجعته ضاملنه بيها شي بس بنفس الوقت ما اريد عوائلنه تدخل بانذار ويفقدون الامان وهمه يمارسون حياتهم

رجعت اتصلت بابوي ..

-جابر: ها درغام

-درغام: ها يابه عوائلنه لازم ينحطلها حماية الله يعلم جدي اذا طلع شيسوي

- عمران اتكفل بالموضوع فكرتلها قبل لا تكلي

سديته منه انعل ابو سالم لابو ثائر الكلب دخل مجاهد بايده ورقه انطانياها بيها عنوان ثائر رفعت راسي اله

-مجاهد: هاك

-درغام: تروح وياي ؟

- وياك للموت بس فهمني السالفه

- مسوي صور مفبركه مو زينه ومخلي شكل حنين يريد ينشرها الخايس يهددني بيهن

- چا امشي نروحله زيارة

- بس انه وياك

- امشي ضلعي

طلعنه من المركز اثنينه صعدت بسيارتي
وهَوُ بصفي كعد اتوجهنه للمكان جان كاعد باحد الفنادق الي ببغداد شكد شفت اغبياء بس مثله ماشايف الي يضم روحه يغلق جهازه مو يكعد يلعب بيه

- بس كون مايطلع من المكان الي متواجد بيه

- تلكاه ماخذله بطل وداخل بعالمه

شمرت عليه جهازي الي بيه الفيديو الدزه جدي ..

- هاك شوف

فتح الفيديو اباوعله صفن دار وجهه عليه ..

-مجاهد: هذه بشر ؟

-درغام: اذا اكول حيوان اظلم الحيوانات

- استغفرلله شنو هل الموته الماتتها الحجيه ولك هذه امثل بيها تمثيل