وتيرة الاعرج

الوتيرة الثالث عشر

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

-غياهب: تقدم بابا الها واوضاعه كلها تخربطت بس حاول يسيطر على نفسه مايحسسها بشي مدت ايدها الي بيها الدفتر انطتهياه بطني خبطت من التوتر والخوف اذا تطلع خالتي قاريه الدفتر معناها هذه مصيبه لان مالازم تعرف الحقيقة بهل الطريقة

-وجدان: شنو شبيكم

رد عليها ابويه ..

-سلطان: مابينه شي بس جنت اسئل بغياهب على الدفتر لان بوقت الحادث جان بالسيارة  .. باوعلي ابويه ورجع انضاره عليها يكمل كلامه .. ماكتيلي شوصله الج الدفتر

- جان يم عمران الدفتر وبعدين جابه الي كال ضمي يمج بين ماتطلع من المستشفى لان لكوه بسيارتك

- هاا

- اطمئن مافتحته ولا قريت الي بيه لان امانه جانت ومايصير الشخص يخون الامانه

تقريباً رجع لدم لوجه ابويه من بعد هذه كلامها ابتسم بوجها وهُوَ يخفي توتره من الموقف صار يفتح بالدفتر يتفده بس الي صدمنه شي اكبر لكيته بعض من الاوراق مفقودة رفع راسه متفاجئ ..

- وجدان الدفتر بيه اوراق مشكوكه

صارت ملامح خالتي من ملامحنه والواضح ماتعرف شي عن الي صار ..

- ما ادري بس انه الشاهد ربي مافتحته ولا شفته

- مصدكج لا تحجين هل الكلام بس الغريب وين راحت الاوراق المفقودة

صار نقاش بينه بعدها خالتي قررت تروح لان عندها دوام طلعت رجعت الابويه الي حاير بزمانه ..

-غياهب: ها يابه اوراق شنو الي مفقودة

-سلطان: كلشي يخص وجدان مفقود

توسعت عيوني بتفاجئ معقوله خالتي الها علاقه ؟

- لا لا غياهب بابا وجدان واعرفها اذا امانه ماتتقرب الها

- يمكن فضولها دفعها

- لا اكو شي ثاني

مرت ساعات واحنه نفكر منو يكون ومن السابع المستحيلات يكون جدي سالم بينما جاي نحجي اندك الباب راح بابا يفتحه غمضت عيوني بقلة صبر وانه اسمع صوت ارسلان دخلت لحنين لغرفتها ..

-غياهب: حنين حنينن حنينن

فتحت عيونها بنعاس ..

-حنين: شكو من الصبح

- كومي ياصبح هذه حتى الخطار اجه دنيا ظهر

كمزت من مكانها مبتسمه وشعرها على وجها ..

- يعني اجه ارسلان

- وانتِ شمدريج الخطار ارسلان

- هاا مو يعني انه شسمه