وتيرة الاعرج

الوتيرة السابعة

وتيرة_ الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

-غرام: اكيد هسه ماراح يصدكني رجع گال

-كُميل: خالي شلون مغتصبه يعني مغتصه على شي لو ..

نزلت دموعي اكثر نزلت راسي وانه اجاوبه ..

- الي ابالك

- منو سوه هيج

بديت احجيله كلشي صار ويايه وجنت صريحه وياه احنه اخوات اثنين واخ واحد تربينه على الصح دائما اختي كملت دراستها واتزوجت وانه طالبة جامعه اخوي مكمل دراسه ومتوظف اكبر منه اجته فترة تغير بيها جذرياً مو نفسه الي نعرفه ..

بعد ماجان انسان يخاف ربه صار عاصي اله وعاصي الأهله بدء يمشي بالطريق الغلط ويا اصدقاء غلط بيوم جنت كاعدة الفجر ودخل عليه وبقى يحجي حجي خفت منه وطلعت من كل الغرفه رحت للمطبخ ماطول وهُوَ داخل وراي وهنا بدء يحجي كلام خله گلبي يرجف من رعبت الكلام الي كاله ..

باثناء ما احنه وحدنه دخلت امي وهنا حمدت ربي ألف مره لان نقذني من خله امي تدخل علينه عشت برعب وخوف حجيت الامي كلشي بس امي ماكدرت تسوي شي صرت مااطلع من غرفتي علمود ما التقي بيه وراها امي كالت سافر رجعت لدوامي ..

وبيوم جنت راجعه من دوامي اهلي كالو رايحين واجب لبيت عمتي جنت مطمنه ماموجود بس الي صار غير كلشي ماجنت ادري بهذه اليوم راح حياتي تنقلب وتتغير للاسوء ..

حطيت ايدي على حلكي امنع صوت شهكاتي دموعي ترسن وجهي وانه احجيله الي عشته صعب والاصعب من احجي واكول اخوي ابن امي وابوي اعتده عليه رجعت اكمله وكل دقيقة غاصه ..

بهذه اليوم رجع للبيت واستغل ماكو احد اتوسلت صوتي اوتاره تكطعت بس كلشي كلشي مافاد بهذه اليوم اخذ مني كلشي بابشع واقرف طريقه ..

-كُميل: لاتكليلي هُوَ نفسه الي ..

-غرام: بُبكاء .. اييي اييي هُوَ نفسه الي اغتصبني نفسه الي اغتصب اخته

صرت ابجي بصوت عالي بس شيسوي البجي بجيت اهواي كلشي مافاد انه انسان ادمرت ومجتمعنا مايرحم الي مثلي دائما عندهم المرأة عوره المرأة حقوقها ماكوله باوعتله ملامحه تدل شكد متفاجئ من كلامي مسحت دموعي بتوتر ..

- هااي كل قصتي الله يشهد ماضميت شي عنك

- بس مافهمت امج شسوت وانتِ شلون طلعتي
من بيت اهلج

- اهلي عرفو بيومها رجعو وشافو وضعي امي حجت الابوي بس بعديش بعد ما ادمرت بس كتلك حتى لو المرأة مالها ذنب والي صار مو ذنبها راح تلام هيه انسجنت بغرفه واتعاقبت انه وحدي صار الفايت والطالع يضرب بيه وختموها من كالو نغسل عارنه بقتلج وامي ماالها كلمة يم ابوي