وتيرة الاعرج

الوتيرة الثالثة

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂 hawraalsaidi

من الماضي قبل عشر سنوات .. "

اصوات الرعد القوية ترعب والمطر مابطل الدنيا تزخ بقوه ، وهُوَ طلع بعد ما رجع وانه وحدي بالبيت صرت اروح واجي من خوفي افتر بالبيت ..

انفتح الباب درت وجهي بسرعه توسعت عيوني بصدمه من الي شفته كدامي تقدم وهو عيوونه بلي بايده ..

بلعت ريك بخوف بس لا الي ابالي صح
حجيت بتلعثم ..

- ش شنو هذه الي بايدك

رد عليه والابتسامه مرسومه على ثغره ..

- سعادتنا المفقودة من سنين

******
-جابر: شبيكم وليش ظهره هيج

-جوهره: الصوج مني انه

- وشلون الصوج منج فهميني

وكفت وحجيتله كلشي صار بس المصيبه زاد مانقص صفك ايد بايد وصاح ..

- وينننن اروححح وينننن تعبتتت كل هل السنينن لايرضه يتقبل مره لا يرضه يتقبل ابن ابنه

- ميخالف فدوه لعينك اهدء لايصيرلك شي احنه بعد اتعودنه عليه

-درغام: بويه عليمن حارك دمك چا هيه مثلاً هاي اول مره يكتلني بيها تعودنه

بهت وجهي من شفت جابر ملامحه زادت غضب وتقرب بهدوء لدرغام الي واكف وحجه بعدم فهم ..

-جابر: شلون يعني مو اول مره يعني جدك قبل جان يمد ايده عليك

- لا مره ولا مرتين

رحت عليه اريد اغطي على جفصته لان موبحيل مصايب ..

- جابر مالك علاقه بيه درغام لان ضايج من جده حجه هيج هاي اول مره

- اسكتي يامره ابني واعرفنه مايجذب

- بس ...

- شكلتتتت انه

سكتت عنه وبقى درغام يسولفله جده شلون بكل مره يكتله والرجال صار يفور دمه طلع مثل الطلقه مالحكت عليه صرت اصلخ بخدودي ، والوم بأبني لان حجه لأبوه ..

منقول من درغام ...

طلع ابوي لبيت جدي ورحت وراه دخلنه اثنينه وكف ابوي بنص الحوش مال بيت جدي جان جدي كاعد يشرب جاي وحبوبتي كاعده ، وكف ابوي كباله وانه انتجيت على النخله ..

-جابر: هنه كلمتين راح احجيهن وتخليهن ابالك لليوم محترمك لان ابوي واجبي الاحترام بس كافي لهنا اتحملتك سنين ومنين وبكل يوم جنت اكول يتعدل لابد يجي يوم ويتعدل بس انتَ جنت تزيد ماتنقص