وتيرة الاعرج

الوتيرة الثلاثون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

لطفاً بنات التصويت + التعليق مهم للقصة

-غياهب: من رجع دخل للحمام يسبح جان جهازه مخلي ويا غراضه ساعته وفلوسه على الميز بس لو اسمع صوت اختي لو ابويه كلش كافي بس اريح گلبي

سحبت جهازه ومشيت على اطرافي لان هُوَ طبيعته يطول من يدخل للحمام دخلت للغرفة سديت الباب فتحت الجهاز مخلي رمز ندبت حضي شسوي ياربي صرت اجرب كلمات سر ماينفتح بالاخير حطيت مواليده انفتح دخلت على الارقام ما اكدر اتصل بابويه لان مستحيل يرد على ارسلان وحنين متاكدة ماعندها علم بشي

كتبت بالقائمة مال الارقام اسمها ماكو ورقمها ماحافظته شكد اختنكت بهل لحضه من شفت نفسي وصلت المرحلة اتخسر على شوفة اهلي وصوتهم نزلت دمعتي مسحتها وانه اهمس بيني وبين نفسي

- خليج قوية غياهب مو وكت تضعفين كدامج اهواي

ذكرت ارسلان من يسميها ام روح الحلوة كتبت وانه اكول شكد بطرانه هل البشر يكتب هيج بس طلعت غلطانه مجرد كتبت الاسم طلع رقم حنين حافظه نهايته اتصلت ودكات گلبي تتسارع

- ردي حنين فدوه ردي بس اسمع صوتج

طولت وهيه ماترد انفتح الخط ردت احجي وانفتح باب الغرفة التليفون على اذني وصوت حنين وهيه تكول الو أشرلي باصبعه بمعنى اش ولا صوت اتقدم  سحب الجهاز من ايدي طبكه بوجه حنين

كمزت من ضرب الجهاز بالحايط وفلشه دفعني على الحايط وعيونه يطاير منها الغضب والشرار ضرب الحايط من ورايه ..

-ارسلان: وبعدينننن ليشش ماتكعديننن راحه

بقيت ساكته مغمضه عيوني رجع عاط بصوت أقوى .

- موووو احجييي وياجج غياهببب

فتحت عيوني اباوعله بنضرة تحدي ..

- نعم ؟

- ليش اتصلتي على اهلج

- وانتَ كلتها اهلي مو احد غريب مثل ما انتَ تشتاق وتحن الاهلك انه هم

- لاتجبريني امد ايدي وانه اخذت عهد ايدي بعد ماتنمد عليج

- واذا مديتها وين التغير بالموضوع مو مديتها قبل

- ليش ماتفهميني غياهب ليش بس تعاندين

- افهمك ؟ ليش منو انتَ وافهمك كلك خلك واحد يدور انتقام وثارات ويلخ الزين بالموزين

رجع ضرب بقوة بالحايط ويصيح ..

- ولجج لوووو اهلجج هيجج صار بيهمم ماراح تسكتيننن لا وحق رب العباد ماتسكتين