وتيرة الاعرج

الوتيرة الثامنة والاربعون

وتيرة_ الاعرج

بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂 hawraalsaidi

اعرف كلنه ضايجين اليوم بس اتمنى تنطون البارت حقه لطفاً .. 💛

-ارسلان: طلعت من البيت مستعجل اريد الحك الـ مجاهد لا يسوي شي غلط يتندم عليه بسبب عصبيته ومن كل عقله يريد يكتل رجل امه ومادري شنو السبب

اتذكر مره وحدة رحت وياه من استلم راتبه وراحلها انطاها مصرف مو اهواي اعرف عن حياته بس الي ادري بيه ابوه ميت من صغره وامه اتزوجت ورجل امه مايريده هَوُ ماخذله بيت وحدة كاعد بيه من اتوظف بس يروح الامه كل فترة

الطريق صار شطوله دكت غياهب الي عفتها واكفه وطلعت ..

- هاا غياهب

-غياهب: شصاير خير شبيه مجاهد

- والله مادري ياروحي هل رايحله خابرني فاقد ويكلي تعال الي لا اسوي شي غلط يمكن رايح الامه

- وتلكه هل الحيوان رجل امه شوف شمحاجي

- ليش انتِ تعرفين عن حياته

- اي صديق درغام روح بالروح ودرغام حجالي مره عنه.

- تمام قفلي الباب بين ما ارجع خلي اشوفه هاي هل وصلت

سديته منها ونزلت شفت العالم ملتمه ولازمين مجاهد واكف كبال بيت امه او بالاحرى بيت رجلها مشيت اله لزمته صاير نار ومحترك حرك والناس لازمينه كوه وهَوُ يتهدد ورجل امه هم لازمه واحد يتهدد

-ارسلان: اهدأ مجاهد

-مجاهد: شهدأ وووولك مايخلينييي اشووف اميييي ولك امييي هااي

اخذته لزمته والعالم ملتمه عليهم ..

- خويه على بختك على كيفك

عاط وهَوُ يخزر برجل امه ..

-مجاهد: غصباً عليك اششوفهااا وااانعل وااالديك

وذاك يصيح لو تنط ماتشوفها وولي منا وهذه تخبل درت وجهي عليه باوعتله من فوك لجوه مبين واحد زايعته الارض

-ارسلان: احتراماً الشيباتك ماراح اسوي شي وانصحك خلينه نتفاهم ونحلها بدون فضايح كدام الوادم

ادخلو الزلم الواكفين ووافقوني الرأي دخلنه البيته كعدنه وهمه واحد يخزر بالثاني حجه رجال جبير ومبين خير من كلامه ..

-الرجال: ابو احمد انتَ ليش مانع مجاهد يشوف امه تراها امه ومو من حكك تمنعه

-ابو احمد: ما اريده يدخل البيتي عنده بيت ويولي اله

-مجاهد: ميت على بيتك ولك انه لو امي تسايرني هسه اخذها واروح

- امك ماتريد تشوفك