وتيرة الاعرج

الوتيرة الخامسة والاربعون

وتيرة_ الاعرج

بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

-غرام: رجعت للبيت والي صار برا ضل بعقلي دخلت جوه احاول اسيطر على نفسي واطرد الافكار الي بدأت تحتل تفكيري كعدت يم البنات يطلعن بالاغراض ومليكة تصيح عفتن فروخجن يمي ورحتن دايحات

فزيت من افكاري على صوت انسام ..

-انسام: ياا علويه مو احاجيج

رفعت راسي الها ..

- هاا العفو ماسمعتج

- منو جان بالباب

عصر ايديه ببعض عاضه شفتي واحوالي متخربطه ..

-مليكة: يا يمه شمالج ماتحجين

باوعت بعيوني عليهن وهنه منتظرات جواب مني حتى ناز عافت كلشي ووكفت تباوعلي ساكته بلعت ريك ..

-غرام: عمي منصور

ضلن وحدة تباوع بوجه الثانية ..

-انسام: وشيريد عمج هذه

- يكلي ابوج بالمستشفى مريض كلش ويريد يشوفج

- وانتِ صدكتي والله مع احترامي الج ولا تضوجين من كلامي بس الاهل الي تبرو مني لو يموتون ما اوصل الهم بعد ياحسافه والله

كامت مليكة كعدت بصفي لزمت ايدي بحنيه ..

-مليكة: تريدين تشوفين ابوج

-غرام: ابوي ؟

نزلت دموعي ..

- هسه عرف عنده بنيه وين جان بذاك الوكت الي ردته سند الي واحتمي بظهره اتعاملت معاملة الحيوانات على غلط مو غلطي انضربت وانهانيت اتشردت بالشوارع بسببهم

حضنتني مليكة ودموعي تنزل بغزاره روحي ملچومه منهم كسرتهم صعبه الصعبه من اهلك مايحموك ومن يصيرون همه والدنيا عليك الگسره من يتبرون منك وانت بأمس الحاجه الهم امي ماتت وانه ماشايفتها

لو ما رب العالمين يطلع كُميل بطريقي وشخص خايف الله جان انه اليوم حياتي مدمره على الاخير

كعدت بالجهه الثانية انسام ..

-انسام: اسفه والله ما اقصد اجرحج بالكلام بس گلبي محروك منهم على الي سوو وياج

مسحت دموعي بايدي ..

- ماحجيتي شي غلط ولا تعتذرين كلامج كله صح

وكفت نزعت عبايتي واخذت ابني دخلت الغرفتي ونار مشتعله بجسمي نمت وخليته بصفي اباوعله فاتح عيونه ويحرك برجليه وايديه دخلت اصبعي بداخل ايده الصغيره ودموعي ماخذه مسارها ..