وتيرة الاعرج

الوتيرة السابعة والاربعون

وتيرة_ الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي "🍂hawraalsaidi

لطفاً التصويت والتعليق بين الفقرات

-غياهب: جانت سيارة عمر داخله بالحاويه الجبيرة الموجودة قريبه على بيتنه بحيث الحاوية مخسوفه ركض عليه ارسلان ونيروز بصفه رحت ورا مهبوطه فتحت الباب على نيروز غمضت عيوني وزفرت نفس براحه مابيهم شي اثنينهم

نزلو وارسلان لازم عمر يباوعله بخوف ..

-ارسلان: عمر بيك شي يوجعك شي

-عمر: مابيه شي والله بس مادري شصار طلعت كدامنه بزونه عود ردت اروح على الجانب الثاني لا ادعمها مادري شصار ماسيطرت بعد ماشوف روحي اله بحاوية الزباله

حضن عمر بخوف حسيت ارسلان انزرعت بيه حالة الوهواس الي هيه احد يتاذه من الناس الي يحبهم والمقربين باوع الـ نيروز سئلها ..

-ارسلان: وانتِ خويه ان شاء لله مابيج شي

-نيروز: الحمدلله مابيه بس انهبطت والله

انفتح باب بيت اهلي طلع ابويه اجه باتجاهنه يباوعلنه صارت عيونه على سيارة عمر ..

-سلطان: خير شصاير هنا

-غياهب: حادث بسيط بابا عمر سوا

- الحمدلله على سلامتكم خومابيكم شي بابا ؟

-عمر: الله يسلمك عمي ماكو شي بسيطه

صفت سيارة درغام وحنين كدامنه نزلو منها وهم نفس الحاله وحجينالهم گال درغام ..

-درغام: على هاي الهبطه ارسلان انكطع نسله

-ارسلان: رحم الله والديك خوش تبشر بخير انتَ

باوعت الابويه واكف ويباوع الارسلان والدرغام وحنين تحجي ويا نيروز تطمن عليها بسبب الحادث ..

-غياهب: بابا حبيبي اتفضل ويانه

-سلطان: زاد فضلج بس مواعدين صديقة خالتج هيه وزوجها نروحلهم وره العشاء وهسه راح نروحلهم

- تمام حبيبي

سلم ورجع للبيت دخلنه كلنه للبيت نيروز كعدت بصف عمر وتهمس بالحجي تستحي
من الولد دخلت للمطبخ اخذلهم ماي دخلت وراي حنين وبايدها شي مغلف ابتسمت ..

-حنين: بيتكم حلو خوش مأثثي

-غياهب: ذوقنه انه وارسلان

- كلش حلو حتى الالوان هادئه مو هوسه والاثاث مرتبي بطريقة مرتبه

- شكراً عيني

مدت ايدها على الكيس الي لازمته ..

- جبتلج هدية