وتيرة الاعرج

الوتيرة الرابعة والثلاثون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

-نيروز: صافنه بافكاري وعيوني تترقب الطلاب الي تمشي الوحدة بكد ما صعبه بكد ماراحه البالك بعيداً عن المشاكل والقال والقيل ماعندي اختلاط بدوامي رأيي الشخصي الانسان من يوصل مرحلة الجامعة يكتفي بالصداقات السطحيه

رجعت للبيت والجو لعبان نفس اجواء صيف دخلت للبيت لكيت خاله ام رسول تصير اخت عمتي جوهرة مرت عمي جابر سلمت عليها نسخة عمتي ام درغام بالاخلاق والطيبة

-ام رسول: بعد عمري نواريز شلونج ماما

-نيروز: الحمدلله خاله انتِ شلونج البنات

- نحمدلله

ابتسمت بوجهه اترخصت منهم ودخلت الغرفتي ابدل بس طبعاً بهيج جو ماترهم اذا ماتسبح ترتاح اخذت ملابسي ودخلت للحمام سبحت وطلعت مامشطت شعري لفيته بالمنشفه اريد اروح اكعد يمهن احب سوالفها

رحت يمهن كعدت وهيه تسولف والله جدي
ما ادري ليش يكره عمتي وهيه وخواتها ينحطن على الجرح التفتتلي ابتسمت بوجهه ..

-ام رسول: شلونها دراستج حبييتي

-نيروز: والله ياخاله هيه دراسة العراق لعبان نفس بس ماشيه الامور

- الله يوفقج ماما حبييتي

- بعد عمري يوفق الجميع

حسيت نفسي جعت طلعت من يمهن دخلت للمطبخ حطيت اكل جانت امي مسويه مطبك دجاج صبيتلي بصحن وحطيت فوكاه زلاطه خبطتها بس بيه طعم المهم الطعم حتى لو خبط طلعت امشي مريت من يم الصالة واستوقفني كلام الخاله ام رسول الامي ..

-ام رسول: ام نيروزه حبيبة احنه اهل ونعرف بعض من سنين

-حياة: ونعم منج ام رسول اخت الغاليه انتِ

- رايده نيروز الرسول ابني الجبير

للكمه وكفت ببلعومي لا انه البالعتها ولا انه الي ذابتها بقيت اسمع عليهن ردت عليها امي بتفاجئ ..

- نيروز بنتي ؟

- اي حبيبة

- بس نيروز بعدها تدرس ام رسول

- ماكو مشكلة خيه شتدرين بينه احنه الحمدلله اولادي كلهم مكملين وبناتي هم اتزوجن وهنه يدرسن لا تخافون من هل الناحية ورسول كلش عاجبته اخلاق نيروز

- والله ما ادري فاجئتيني بكلامج يجي ابوها وانشوف نيروز والله كريم

رجعت الغرفتي وبايدي صحني بلعت للكمه وانه اضرب صفنات منين طلعلي رسول هذه حتى ماشايفته غير كم مره صح خوش ولد بس وضعي مو مال زواج من تأثير الصدمة والثول عود جاي ادز الـ حنين احجيلها بالغلط دزيتها الـ غرام وعلى حضي غرام شافتها بسرعة عبالك نايمة بالمحادثة بسرعه اتصلت عليه ..