وتيرة الاعرج

الوتيرة التاسع عشر

وتيرة_ الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

جداً اعتذر ع التأخير بس صارلي ظرف صحي ..

بدون ما يحجي اي حرف غير ملابسه وطلع منو هاي جيلان اول مره اسمع بأسمها بقيت كاعدة بمكاني محتاره اطلع او ابقى هنا بغرفتي عدلت حجابي وطلعت باوعت بالبصاله ماكو احد بيهم لعد وينهم بس وانه جاي عيوني تدور عليهم سمعت صوت كُميل يصيح والصوت جاي من غرفة امه مليكه استغربت شجاي يصير تقدمت بخطوات هستوني اريد اوكف يم الباب وفزيت من انفتح جان كُميل بس دمارات كصته بارزه من العصبيه ..

-غرام: خير خوماكو شي

-كُميل: شتسوين هنا

- طلعت ادور عليكم وسمعت صوتك صاير شي

راد يرد وطلعت بنيه بقمة الجمال والي ركزت بيه سمره وعيونها هم خضر ملامحها تخبل بس طلعت وهيه تبجي بقيت مفهيه بالوجوه كلشي مافاهمه وكفت بصف كُميل تبجي ..

-جيلان: ادري غلطت وياك بس على الاقل اسمعني

اتقربت تريد تلزم ايده ونتر بيها بصوت ..

-كُميل: شجايييي تسوووينننن

- انتَ ليش ماتفهم سافرت علمود مستقبلي

هز بايده وابتسم ابتسامه جانبيه باستهزاء ..

- اي وبعدين شصار عبالج شوكت ماتريدين تسحبين نفسج وشوكت ماتريدين ترجعين ولج انه كُميل مو انه الي انهان

- بس انه ماهنتك بلغتك كلشي بالمرسال الي دزيته بايد ابوي

وهنا الصدمه من گال ..

- مرسال ؟ ولج سنتين خاطبج ودائما وياج وماقصرت بشي وياج تالي تسافرين بدون علمي والله شنو اهلج قابلين من دنعل ابوج لا ابو اهلج

بقيت اباوع بعيوني يعني هسه هاي البنيه الي اسمها جيلان خطيبة كُميل بس ماحاجيلي عنها ولا بيوم احد جاب طاريها كدامي شفت وجودي ماله داعي عفتهم يتناقشون ما ادري يتعاتبون ودخلت للغرفة اسمع صوته يصيح ومبين الموضوع كلش جبير مرت ساعه كامله صوته ساعه يعلى ساعه ينصه اندك باب الغرفة رحت فتحته جان عمر  ..

-عمر: مرت خالي ليش كاعدة وحدج

-غرام: ما ادري والله بس وجودي ماله داعي ومبين الكل اعصابه تلفانه ماحبيت ادخل بينهم

- هاا خوماضجتي من جيلان

- لا ليش بالاساس البنيه ماعرفها

- لا تهتمين بس هيه لان تصير بنت اخت الحجيه

- لا ورسول الله عادي كتلك بس شوف كُميل خطيه صوته راح من كد ما صار عصبي

تحسر ودنك براسه ..