وتيرة الاعرج

الوتيرة الثالثة والاربعون

وتيرة_ الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

-غرام: بهتت وجوهنه من گال كلمة ابني كامت مليكة مصعوقه بكلامه وكفت كباله تباوع للطفل ورجعت تباوعله

-مليكة: تحجي صدك لو تشاقه ولك المسربت

شال الطفل يطلع عمره بالاربع سنوات كعده بحضنه يبوس بيه والطفل يضحك وضام روحه بـ ارسلان رفع راسه يضحك ..

-ارسلان: شبيكم صفنتو يابه

-كُميل: شجاي تمسلت ارسلان

- خالي تدري بيه نقطة ضعفي الاطفال واي طفل اشوفه اعتبره مثل ابني الولد هذه ابن صديقي ماعنده احد واهل مرته بغير محافظة مرته سولها عملية خومايخلي ابنه بالمستشفيات جبته يمي

- الله يطيح حظك

- مو عيب اخون ام شعر السلابيح

- عاد لو مكلبتك بيها مجال شردت منك

باوع الخاله صفح ..

- لا تضل تعير بيه تاليتها ترجع

- چا ابو الولد شني ماعنده اهل

- امه وابوه ميتين وعمامه مو كلش علاقته بيهم لان ماخذ وحدة من غير محافظة هسه احنه شعلينه بالوادم نخلي الطفل يمنه ذني اليومين ومن يطلع الرجال مرته يجي ياخذه

- ارسلان انصحك تترك شغلك بالسلك العسكري وتصير مربي افتحلك حضانه

- واكعد البس حفاظات واشرب حليب خالي انجب واكرمنه بسكوتك يرحم والديك

كعدت من بعد الهبطه الهبطنياها استاذ ارسلان
ضلت مليكة تسئل عنه اهله وهَوُ يجاوبها

-مليكة: دام هيج چا فشل باجر تاخذني للبنيه اشوفنها خاف محتاجه شي

-ارسلان: اي والله مليكة شو شفت رجلها خطيه حاير بيها شوفي البنيه خاف محتاجه شي

-كُميل: اويلي عليك گلبك حنيته تخرخر

- چا شعبالك اغركك واغرك عشيرتك بيها

كام وكف شال الطفل سواله حركه بانفه يضحك جر خده باسه دخل بيه الغرفته يهمس وياه بكلمات التفتت علينه مليكة ..

-مليكة: هل المفلوك خليني ازوجه لا يسويلنه سالفه

-كُميل: ارسلان ماعنده سوالف موزينه تدرين بيه يمه ومن كل عقلج ارسلان يتزوج وهَوُ گلبه يم وحدة ماكو غيرها

طلع من غرفته باوعلي ..

-ارسلان: ولو اتعبج بس سبحي نسيت الملابس الي اشتريتهن اله بالسيارة