وتيرة الاعرج

الوتيرة الـ ماقبل الاخير

وتيرة_الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

-حنين: يبووووو الحكوونييي

انفتح الباب دخلو خالي ودرغام وكفو ضامين ضحكتهم اثنينهم وانه اعيط الحسن لازم شعري ويجرجر بيه ..

- تعالوووو اخذوووو لااا امووووته

اجه درغام كوه فلت ايديه من شعري رفعه شاله يضحك وانه لزمت شعري شويه وابجي ..

-درغام: ليش بويه ليش هاي يوميا هيج تعت بشعر امك مو خطية

-حنين: كله صووووجكككك

- چا انيشعليهه

- انتَ دللته وخليته يستهتر هيج

- سوي زين وذب بالشط

-جابر: ميخالف بابا بعده طفل هسه انتِ عقلج تخلي ويا عقل طفل

- اي اي ضلو انتم دافعوله وخلو يستسبع عليه

كمت ركضت ورا ودرغام يركض بيه يضحك يريد يحمي ..

- ولك الحسن اذا الزمك اله اكطع الصونده عليك

مد لسانه يعيب عليه يتمضحك طلعت خالتي جوهرة من المطبخ شافت هوستنه ..

-جوهرة: هاا رجع كتلج

نزلت دموعي ..

- اي ومايخلوني اكتله وأدبه الصخل

-درغام: لا تحجين على سمار ابني تروحيله فدوه

-حنين: اذا الزمك انتَ وابنك اكلكم بسنوني الصخلان الدبس لو تموتون ماتصيرون بيض

- ماميتين على البياض احنه سمر نخبل وهسه انتِ من بياضج وتعيبين علينه

- على الاقل ابيض منكم الدبس المزنجرين

اخذ ابنه وكعد على جهه رحت كعدت بصفه كبل حط ايده على الحسن عباله صدك اريد اضربه وانه اصلا بس حجي مستحيل امد ايدي عليه ..

-حنين: مصدك اضربه

-درغام: اسف بلائي بس انتِ خبله كلشي يطلع منج

- درغام

التفت الي ..

- عيونه

- شو احسك صاير تحب الحسن اكثر مني وماتدللني مثل قبل من اجه هل المزنجر نسيتني

- كلتيلي احساسج يكلج هيج

- اي والله صح مو ؟

- كومي جيبي النعال ودكي احساسج بيه

- تررررره صدك جاي احجي

- لا بلائي الجميل ماكو هيج شي محد يجي بمعزتج شنو الحسن شنو غيره يروحولج فدوه