وتيرة الاعرج

الوتيرة الرابعة والاربعون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

-غرام: بهاي الفترة ارسلان يلتحق الدوامه وينزل ومايجي النه بس بوقت الحاجه لان قراره جان يطلع من البيت كله ولا يعقد على رؤيا

ورؤيا ساعة احسها غريبه ساعة طبيعيه لو الكاها تبجي ومافهمت شبيها بالضبط موضوعها يم ارسلان هَوُ الي مستلمه ويدور على ابوها وعمامها بس الغريب ارسلان يكول ماجاي الكه اي ولا حتى خيط يوصلني الهم

-غرام: ممكن سؤال

-رؤيا: تفضلي

- انتِ معقوله ماشايفه ابوج عمامج بكل حياتج

- اي والله ماشايفتهم ولا رايحه الهم

هزيت براسي اجه كُميل الي صاير هل الفترة مشغول بشغله وقليل اشوفه دك جهازه ومن خلال كلامه عرفت المتصل ارسلان ..

-كُميل: هاا خالي .. اي بالبيت .. هاا .. خوش انتظرك

سده منه وخطف نضره من رؤيا سريعه لورا كم ساعة دخل علينه ارسلان صارله يومين نازل من دوامه بس ما اجه النه ..

-ارسلان: السلام عليكم

-غرام: عليكم السلام

ردو الباقين السلام مليكة يم بيت اختها لان راجعه متخربطه ومن فترة هم تخربطت اسم الله بيها من هذه المرض الخبيث ف صار كم يوم كُميل اخذها الها والطفل عبوسي ارسلان رجعه الاهله لان طلعو من المستشفى وبوقتها مليكة راحت وياه تسلم عليهم ..

- شو شو انطوني ابني مشتاقله

ضحكت شلته حطيته بحضنه وسراج كبران والخدود يخبلن ونسختي ماعدا الانف على كُميل اخذه مني رفعه الصدره حاضنه يشم بيه يمكن ابني انجعص ..

-كُميل: ولك خنكته

- ماحاضنه قوي مشتاقله مو بيدي بعدين انتَ شلك علاقه انه وابني لا تدخل

- اكل تبن ابني انه منين اجه ابنك

- من يوم السمو العزاز صار ابني

هز بايده كُميل كعدنه كلنه وحتى رؤيا ويانه ضل فترة ارسلان لابسنه ملتهي بسراج يلاعب بيه ويبوس ويشمشم رفع راسه علينه ..

-ارسلان: شو ضعفان ليش مريض ؟

-غرام: لا بالعكس سمنان شوي وكبران

- هاا مادري بس حسيته هيج

- لا مابيه شي الحمدلله

هز براسه بتأيد ودار على رؤيا ..

-ارسلان: شلونج رؤيا

-رؤيا: الحمدلله

- عندي خبر حلو الج