وتيرة الاعرج

الوتيرة الاربعون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

-غياهب: صوت الممرضة يدك براسي من كالت گلبه وكف طلعوني خارج الغرفة بلعت ريك طابكه حواجبي احاول استوعب الي سمعته لزمني ابوية يباوع بعيوني بخوف وقلق

لحضات هيه بس اخذت اهواي من عمري الصدمات كافلة تكبرك سنين لكدام غمضت عيوني اختنكت اريد النفس اسمع صوت ابوية بس الساني ثكل ..

-سلطان: بابا غياهب افتحي عيونج

فتحتهن بثكل بهدوء درت بعيوني على باب الغرفة دكتور يطلع ودكتور يدخل كُميل مكابل الباب وحاله يبجي الصخر درت بعيوني على ابوية ..

- بابا

- بس اتفائلي بالخير بنيتي ان شاء لله ماكو شي

اخذني لحضنه وانه احس بروحي جاي تنسلب مني كعدني على الكرسي الموجود وكعد ثاني ركبته لازم ايديه يفرك بيهن بهدوء خايف تجيني الحاله مالتي الي گلبي بدأ يتعب منها

- ماراح يموت

- مايموت بس اتركي هل الافكار يانضر عيني

هزيت براسي وعيني على باب الغرفة طولو رجعت اباوع الابوية الي يباوعلي بقهر ..

- شو طولو

- جاي يشوفون شغلهم

مسحت على وجهي وجسمي كب نار وجهي عبالك حطيتي عليه نار اهفي بايدي على وجهي ماحس بنسمة بروده توصلني وكفنه كلنه من طلعو الدكاترة حطيت ايدي على گلبي اخاف اسمع ذيج جملة .. جملة الباقية بحياتكم

مرات شكد ما الشخص يأذيك وتحقد بداخلك عليه بس بنفس الوقت عندك مشاعر تختلف عن مشاعر الحقد اصعب موقف يعيشه الانسان من يحارب مشاعر متناقضه وقلب وعقل ويا بعض

بقيت واكفة بمكاني اسمع الكلام الدكتور الي ماعرف شنو راح يكون بالضبط ..

-سلطان: دكتور شنو وضع مريضنه

كُميل مخلي عيونه بوجه الدكتور وعيونه تسئل قبل لا لسانه يحجي كلها حابسه انفاسها من كلام الدكتور ..

-الدكتور: الحمدلله على سلامة المريض تخطى مرحلة الخطر واكو اشارة صحى من الغيبوبة ايجابية كلش مُمتازة بخصوص حالته لان وضعه خطر وماجان بايدنه شي غير رحمة رب العالمين

اوف زفرت نفس براحه لزم راسه كُميل وهَوُ يردد الحمدلله الحمدلله الك ياربي ..

-الدكتور: بس المريض وضعه تعبان ولازم يبقى فترة هنا

-كُميل: اي اي دكتور بقي شكد ماتريد عسا
ما سنة المهم يصير بخير

ضل كُميل يسولف ويا الدكتور بخصوص حالته اجاني ابوية ابتسم بوجهي ..