وتيرة الاعرج

الوتيرة السادسة والعشرون

وتيرة_ الاعرج

بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

ابتسم ابتسامة خبث ومقوس شفايفه يباوعلي مسحت على عيوني بهدوء ..

-غياهب: شنسوي بالعمارة ارسلان

-الاعرج: شهر عسل مارحنه احنا

- عوف سوالفك السخيفه هاي وجاوب على سؤالي

- مامجبور اجاوبج

- واروح وياك عمياوي

- مجبورة

رادت تحجي غرام رفع ايده يستوقفها ..

-الاعرج: مرت خالي اتمنى ماتدخلين او تسئلين
عن شي خليج بنفسج

باوعتلي ملامحها عليها علامة استفهام أشرتلها بعيوني ماتدخل نفسها دخل عمر الي صاير مايدخل للبيت اله الصبح عيونه دم كلنه صفنه بشكله شعره مخربط وحالته حاله راح عليه ارسلان يباوع بيه بأستغراب من وضعه لان الي يعرف عمر يستغرب
من شكله هذه ..

-ارسلان: وين جنت عمر وليش وضعك هيج

ردت عليه بصوته المبحوح ..

-عمر: مابيه شي شعندكم متجمعين من الصبح

- لا تجاوب السؤال بالسؤال من شوكت انتَ ترجع للبيت الصبح وهيج وضعك

حط راسه على كتف ارسلان نزلت دموعه يحجي بصوت مبحوح وتعبان ..

- ماتريدني ارسلان نيروزه ماتريدني

غمض عيونه ارسلان طابك حواجبه بلع ريكه
وهُوَ يگله ..

- ليش رحت الها

- تكلي لو تنمد جنازتك كدامي مايرف گلبي عليك

وكع بالكاع لزمه ارسلان كعد وياه حاطه بحضنه وعمر منهار ..

- ليش ارسلان ليش دمرتنا جنت تكدر تحل كلشي بغير طريقة ليش خليتنا نسوي كل هذه حبيبت روحي ماتريدني

رفع راسه ارسلان يباوعلي ابتسمت بشامته يستاهلون كلشي صار بيهم والي راح يصير الي عاشته نيروز مو شي سهل ..

-الاعرج: عمر كوم خلي اخذك الغرفتي

-عمر: ليش تتهرب

- ما اتهرب منو كال اتهرب بس وضعك مو مال نقاش

التفتلي عمر يباوعلي ابتسم بخفه بنص دموعه ضرب على گلب ارسلان ..

- بنت عمران عرفت شلون تاخذ حقها مني وانتَ الي اقوى منها راح تاخذ حقها منك بس بذيج الساعة محد راح يوكفلك ويكلك انتَ على صح كلها راح تكلك تستاهل

بدون مايرد عليه رفعه من الكاع واخذه لغرفته باوعت لغرام عيونها مدمعه وكُميل واكف يم باب غرفته يباوع للمسرحية الي صارت طلع ارسلان من غرفة عمر ملامحه ماتتفسر سحب اجهزته وهُوَ يمشي من يمي گال ..