وتيرة الاعرج

الوتيرة الواحد والعشرون

وتيرة_ الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

رائد ابو فتيان يگول :

يگولون الاناني يصير مكروه
خيكرهوني اني البيك اناني

صرت ابلعم من سؤاله شنو الجواب الي لازم اجاوبه بيه رمشت رمشتين بعيوني من شفته دخل علينه انه واكفه افرك بايديه من التوتر وابويه كدامي هُوَ صار تقريبًا بنصنه بقى يوزع نضراته علينا ..

-درغام: شبيكم

-سلطان: انتَ شلون دخلت

- اجيت قبل شويه بس جنت اخابر

- هاا چـا همزين اجيت

- خير عمي

- كل خير ان شاء لله تعال ابني وانتِ بابا حنين
هم تعاي

مشيت كدامهم رجليه وحده تضرب بالخ من التوتر مشاعر ملخبطه ماتكدر تثبت على شعور هيج جانت مشاعري بهل لحضه كعدت همه اجو هم كعدو گلبي حسيته راح يطلع من مكانه يبوفاضل ..

-سلطان: درغام انتَ موغريب اثق بيك مثل ما اثق ببناتي اعتبرك ابني واثق بيك وانه مغمض عيوني بس عندي سؤال ورايد جوابه منك ومن حنين

-درغام: اي عمي اتفضل اسئل

- شنو الي بينكم

تغيرت كل ملامحه بلع ريكه اباوعله شبك اصابع ايده مقابيل بعض مدنك راسه استمر هل الوضع دقائق ورفع راسه ينطي جوابه ..

- احبها

- كمل كلامك

- هذه الحجي راح يصير كدامها مو وراها

- اسمعك

- احبها من سنين ماضم عنك عمي بس وداعت امي الي ماعندي اعز منها ما يوم فكرت بيها تفكير موزين اخاف عليها اكثر من روحي جنت منتظرها تكمل دراستها وافتح الموضوع وياها غياهب تدري بكلشي وهيه الي جانت تصبر بيه بين ماتكمل وكملت وصارت وانفتح الموضوع بس بنتك ماعندها نفس المشاعر تجاهي وانه علاقتي بيها صداقه قبل لا تكون هل مشاعر موجودة والحظ ماوكف وياي ومامستعد اخرب علاقتي بيها علمود مشاعري الي من طرف واحد حنين حنيني وعزيزة گلبي واذا تشوف هل الشي غلط فـ تسمحلي اكلك انه ماسويت الغلط ولا العيب

صفنت بكلامه شكد كبر بعيني وانه اسمع جوابه الابويه بكل رزانه وثكل رغم مو شي سهل يحجي
هل الحجي بس هُوَ كمل بيه رد عليه ابويه ..

- كتلك واثق بيك ماتسوي الغلط والعيبه اعرفك
من الصغر

- ولا راح اسويهن اطمن

- بس حنين اجوها خطابة اليوم

لا هنا وجهه فحم من الغضب بس لازم نفسه ..