وتيرة الاعرج

الوتيرة الاخيرة

وتيرة_الاعرج
بقلم : حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .."🍂hawraalsaidi

-حنين: اهوايه فكرت قبل لا اخطي هل الخطوة الي من زمان افكر بيها خصوصاً كلام درغام وياي بكل مره عن الحجاب واللبس المستور ماجان لبسي مو مستور بس مايرهم للحجاب اذا البسه وفعلاً كدر يغيرني وتعبه مايضيع وياي واول خطوة جانت هيه تغير كل لبسي صار كله طويل ولا يبين حتى مفاتن جسمي

جنت مرتاحة وانه اسوي هل الشي والخطوة الاهم والاعمق جانت هيه الحجاب جان عندي خوف ما التزم بيه وما احترمه وماترهم هم البسه وشعري يطلع اما البسه فعلاً او ابقى مثل ما انه وغير كل هذه هو واجب وفرضه رب العالمين على كل مسلمة

من رجعنه من اهلي بالليل الحسن نايم اخذه ابوه حطه بمكانه وانه بدلت وسفطت ملابسنه تمددت بصف درغام الكاعد ما ادري شيكتب ويضحك مديت راسي اباوع ماخلاني اشوف رفع الجهاز ..

- هااا شعندددك

-درغام: جاي احجي ويا مجاهد بلائي

- اي خليني اشوف شتحجون

- مايصير شي خاص ابويه

- وشنو هل الشي خاص خاف نسوان

رفع حاجبه وكلب عيونه عليه ..

- شتدرين بيه

- ادري بالضباط يموتون على الثلاثينيات

- الله وايدج عندج وحدة ثلاثينيه

كرصته بزنده بكل قوتي وافرك بالكرصه ماحس غير اندفرت ووكعت من الجريه لزمت رجلي فاتحه عيوني وهَوُ لازم مكان الكرصه خازرني ..

-حنين: وكعتنييي اخخ رجليي

- شكووو تكرصينننن

- والله انه اعلمك دشوف شسوي هسه

كمت من مكاني اعرج برجلي رجعت للجرباية جريته من شعره لان من ينزل من الدوام فترة اجازته شعره يبقي قبل لا يلتحق يحلق سحلته وهَوُ لزم شعري هم صرخت ..

- اخخخ ولك شعرررييي

- عووفيي شعررييي

- مااا

- چا حتى انه ما اعوفه

- والله الم ملابسي واروح الاهليي

- وشتكولين الاهلج بله

- اكلهم يراسل بالنسوان ومايخليني اشوف وحجته مجاهد مكرود هل الولد كلشي مطيحي براسه

- على هذه جذبج ربج يحتار وين يخليج ويا ابو لهب لو ويا حرمله

- دعوووففف شعررررييي

- من تعوفيننن شعرريي اعوفنه

- اله اشكيك الابويه