وتيرة الاعرج

الوتيرة السادسة والاربعون

وتيرة_ الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂 hawraalsaidi

-غرام: رجعنه من الخطوبة والكل فرحان خصوصاً الفرحه مزروعه بوجهه ويضحك بفرح بالطريق وبالي يم سوزان هيه كالت تجي اذا زوجها قبل بس ما اجت كلت نوصل للبيت واخابرها اشوفها

وصلنه للبيت دخلنه جوه ومليكة ماعافت عمر تبوس بيه فرحانه اله ..

-ارسلان: چا انسام ليش ما اجت هنا ويانه

-كُميل: رجلها خذاها يكول باجر عندهم طلعه

هز براسه جان عمر واكف راحله ارسلان وكف كباله وعمر مبتسم بوجهه بدون ما يحجي اتحاضنو ..

-ارسلان: اليوم ضميري ارتاح من جمعتك
ويا الانسانه الي رايدها وتحبها

-عمر: اخوي ماقصرت

رادت تروح عليهم ناز لزمتها مليكة منعتها ضلت تباوعلها متفاجئه بتصرفها وحتى انه وكُميل صرنه واحد يباوع بوجه الثاني من تصرف مليكة الى ان حجت هيه وملامحها كلها جديه ..

-مليكة: ارسلان وعمر تعالو كعدو جدامي

دار وجهه ارسلان عليها وعيونه صارت على ايدها لازمه بيها ناز كعدنه كلنه وابني بحضن ابوه خفت بگلبي شكو وليش هيج تصرفت .

-ارسلان: خير مليكة اكو مشكلة اهل البنيه يريدون شي ؟

- لا يمه انه عندي كلام وياك انتَ

- اتفضلي

- ماريدنك تضوج من حجاياتي عبن انه ماريد الغلط ولا ارضى عليه

- حشاج من الغلط

- من عافوكم اهلكم لليوم عيوني ماتغمض اذا واحد بيكم ينوجع اعزنكم مثل ما اعزن امكم الله يرحمها وانتَ يا ارسلان بعمري مافكرت انتَ ابن غير ناس

مجرد كالت هيج تغيرت ملامح ارسلان بلع ريك ساكت بس هز راسه بقبول ..

-مليكة: تعبت على اخوانك من صغرك اي والله يايمه محد غيرك تعب عليهم تنازلت عن كلشي علمودهم تشتغل وتدرس درت بالك عليهم خذيت مكان الام والاب وانتَ بعمر صغير

نزلت دموعها وهيه تحجي رجعت تكمل ..

- تعبتك الدنيا يايمه وضليت مقاوم لليوم أمنت انسام يم رجلها وهسه عمر وناز الي فنيت عمرك تتعب الها بس تريدها تتشافى مافكرت بروحك

مسح على وجهه ..

-ارسلان: مليكة هسه شنو مناسبة هذه الحجي

- ناز مايصير بعد تخليها تتقرب منك

كلنه ضلينه صافنين بكلامها خصوصاً ارسلان طول بصفنته وهَوُ يباوعلها ..

-ارسلان: لان مو اخوها من ام واب محرمه عليه هذه قصدج مو ؟