وتيرة الاعرج

تعالو ‼️

السلام عليكم شلونكم ان شاء لله بخير گلبي

نسولف شويه كـ حبايب بينه ..

حبيباتي الاشخاص الي يكتبون قصصهم ليش ؟ غير لازم اكو رسالة او رسائل بالقصة حبو يوصلوها للناس زين انا جاي اكتب واتعب بعيداً عن كلشي جاي امر بيه ..

ادخل للتعليقات اقرأ كلامكم رأيكم بافعال الابطال ابقى صافنه كلمة فلان بطل كلمة فلان بطله وع هذه النمط اكثر التعليقات يشبه كذا بطل او بطلة زين همه يقرون التعليقات يشوفون ارأكم بقصصهم ميفتهمون شي غير اسماء ابطال وبطلات وهلشي جداً زاعجبني بكل صراحة ياريت نقلل منه

عزيزاتي بناتنا الحلوات كلكم بنات عوائل زحمه نعلق بتعليق مسيئ الأخلاقها ولذاتها ولتربيتها ايضاً مابيها شي الانسان من يفكر بمنطق وواقع بعيداً عن الشغلات الموجودة بالافلام والمسلسلات انتقدو ابداً ماكو اعتراض لكن اكو شي اسمه انتقد باحترام بعيداً عن الكلمات السوقيه حشاكم حتى لو كان الشخص سيئ

احنا بشر وماكو بشر ما عنده اخطاء لكن اكو قسمين اكو من يوعى ع نفسه ويصحح اخطائه واكو من يكمل عليها ارسلان مو سايكو ولا من هل الشغلات الي ذكرتوها ارسلان انسان اتغلل داخله حقد وكراهية

بعضكم يكول غلط من دخل غياهب وانا وياكم بهل النقطة وضجت منه مثل ماضجتو منه انتم لان تصرفه جداً غلط لكن احنه خلونه نحجي بواقعنه وقيسوها ع انفسكم مستحيل شخص عنده ثأر ويفكر فلان اله علاقة وفلان ما اله علاقة وايضاً اهوايه يكلولي حوراء ليش ماخذ انتقامه بالقانون گلبي ياقانون القانون حتى لو قدمت شكوى راح. يكلك انطيني دليلك انُ سالم وعياش مجرمين

تكولون ( البعض ) غياهب زودتها ؟ ليش زودتها صح القصة خلتنه متناقضين بتفكيرنه ومشاعرنه لكن واجب نفكر بمنطق ايضاً الي كالو انعوف القصة اذا رجعت غياهب الارسلان جداً عادي حبيباتي مثل مادخلتو بالطيب اطلعو منها بالطيب والف سلامة

واخر نقطة الي معذبتني لا شالتني ولكم موعد التنزيل الف مره حاجيتلكم عنه بالقناة بالواتباد بارت كامل بالانستا ركزو شويه متخسرون شي بنات التنزيل كل يومين باليوم الثالث انزل بالليل زين ليش اطول انا اكلكم انا عندي سوفان الرقبه يعني ما اكدر استمر بالكتابة لازم اكتب واترك الجهاز اخذ ريست وارجع اكتب بنات القصة حقيقية ولازم احداثها تترتب وتربط غير عن السرد ولو انا عندي كم جفصه بالقصة بس عدلتهم ف ياريت تقرون الملاحظات الي انزلها

- القصة حقيقية وجميع قصصي بالقادم كذالك

- التنزيل بارت كامل شارحته الكم وهسه ذكرته ايضاً من خلال كلامي

- القصة ماعرف شوكت تنختم ولا اعرف كم بارت بس احاول بكل جُهدي اختمها بعطلة نصف السنة

الي جاي يتسرد ماضي وليس حاضر
اي حساب الابطالي ماكو ولا راح يكون وهذه النمط راح يكون بكل قصصي

واخذوها قاعدة من ما انزل بارت معناها عندي ظرف وتتلمسولي العذر

ياريت هل الاشياء الي كتبتها تركزون بقرائتها لان اهوايه تجيني اسئله عنها ..

دُمتم في حُفظ الله

قناة التلگرام harahir

حسابي الانستا hawraalsaidi