وتيرة الاعرج

الوتيرة الثالثة والعشرون

وتيرة_ الاعرج
بقلم: حوراء السعيدي

حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

ردت ارجعها لمكانها للصندوق ولزم ايدي نضرات عيونه صارت تتنقل بين ايدي الي لازمه بيها القراصه وبين ملامح وجهي سحبها بهدوء من ايدي يباوعلها بغرابه ..

-ارسلان: شنو هاي

-غياهب: دولارات شتشوف يعني قراصه

- دمج خفيف الله يحفظج مرتي

مديت ايدي اشرتله بعيوني يرجعها الي بقى لازمها ويمسح باصبعه بهدوء عليها ..

- هسه متكليلي منين هاي

- من ولد

- ولد ؟

- يعني من شفته جان مو كلش جبير هسه اذا عايش اكيد كبر وصار رجال

- منو الولد هذه

- ما اعرفه

- چا شلون مبقيتها عندج

- احب احتفظ بالشغلات المُميزه

رفعها يأشر عليها ..

- تعتبريها شي مُميز

- اهوايه واتمنى ارجع التقي بنفس الشخص

- شو ماخذه راحتج بالحجي انتِ

- ارسلان عوفنه من المثاليات انه وانتَ كل واحد بينه حياته ومحد اله خص بحياة الثاني زواجنا اله اسبابه

- غياهب

- نعم

- انتَ تذكرين شكل هل الشخص

- لا مو كلش واكيد هسه تغيرت ملامحه لان الانسان كل مايتقدم بالعمر ملامحه تتغير

- سولفيلي قصتها صار عندي فضول

رفعت حاجبي ..

- ما يحتاج تعرف وخليك بفضولك بلكي تطك وتموت

- اويلي ياللسان البيكيسي

- الضعيف مايكدر عليك يحتاجلك انسان گلبه ميت يلا يكدر عليك ويتحملك

- گلبج ميت ؟

سحبت القراصه من ايده درت وجهي منطيته ظهري حطيتها بمكانها ..

- من زمان گلبي مات

- السبب

باوعت الايدي الي مغطيه الاثار الي بيها ابتسمت مهضومه مخذوله ..

- مرات اشياء تصيرلك تقتل كلشي بداخلك مثل ما انتَ انتقامك قتل كلشي بداخلك وخلق منك انسان عديم رحمه ومتاكدة بيوم من الايام انتَ ماجنت هيج

درت وجهي وهُوَ واكف ملامحه متغيرة نزلت عيوني على ايده قابض عليها بقوة بارزه دماراته ..